ဧပြီ ၂၇၊ ၂၀၁၄
M-Media
လမင်း
ရန်ကုန်။ ။ မီဒီယာ အသီးသီးပေါ်မှ ငြိမ်းချမ်းရေးကို ပျက်ပြားစေနိုင်သော ရေးသား တင်ဆက်မှုများကို စောင့်ကြည့်လေ့လာသည့် လုပ်ငန်းစဉ် တစ်ခုကို PEN MYANMAR အဖွဲ့ကပြုလုပ် သွားမည်ဖြစ်ပြီး ရရှိလာသော အချက်အလက်များကို အစီရင်ခံစာ တစ်စောင် ထုတ်ပြန်သွားမည်ဖြစ်ကြောင်း Home Media ရုံးခန်းတွင်ပြုလုပ်သော သတင်းစာရှင်းလင်းပွဲတွင် ပြောကြားခဲ့သည်။
ပြည်တွင်းစစ်ဖြစ်ရစေသည့် အားပေးရေးသား တင်ဆက်မှုများ၊ အိမ်တွင်းအကြမ်းဖက်မှုများကဲ့သို့ ရုပ်ပိုင်းဆိုင်ရာ အကြမ်းဖက်မှုများ၊ စီးပွားရေးဆိုင်ရာ စနစ်များအရ ကျူးလွန်သော အကြမ်းဖက်မှုများ၊ ရှိရင်းစွဲ ယဉ်ကျေးမှုက ခွင့်ပြုထားသော အကြမ်းဖက်မှု အားပေးသည့် ရေးသား တင်ဆက်မှုများကို တွေ့ရှိပါက ရေးသားပေးပို့နိုင်ကြောင်း သိရသည်။
“အခုကအချို့မီဒီယာတွေမှာ အမုန်းတရားဖြစ်စေမယ့် စကားတွေကို ရေးသားနေတာမျိုးတွေ ရှိလာပါတယ်။ ရုပ်ရှင်တွေ၊ ဗီဒီယိုတွေ၊ သီချင်းတွေက အစပေါ့နော် အဲလိုတွေမှာရေးဆက် တင်ပြထားတာတွေကိုလည်းပြောဆိုနိုင်ပါတယ်။ အဓိကကတော့ငြိမ်းချမ်းရေးကို ဦးတည်ပြီး ဒီပွဲလေးကိုလုပ်ဖြစ်ခဲ့တာပါ” ဟု PEN MYANMAR အဖွဲ့ဝင် စာရေးဆရာမ မသီတာ(စမ်းချောင်း)ကပြောခဲ့သည်။
အမုန်းတရားများကိုဖြစ်ပေါ်စေနိုင်သော ဗီဒီယို၊ သီချင်း၊ ပရင့်မီဒီယာ၊ အွန်လိုင်း မီဒီယာများပေါ်တွင် တွေ့ရှိပါက PEN MYANMAR မှဖြန့်ဝေထားသော ပုံစံများတွင် ဖြည့်စွက်ကာ PEN MYANMAR CENTER သို့ရေးသားပေးပို့နိုင်ကြောင်း သိရသည်။ ပုံစံဖြည့်စွက်ရန် အခက်အခဲရှိပါက PEN MYANMAR CENTER ရုံးဖုန်း ၀၉-၄၂၁၁၆၉၄၆၁ သို့ဆက်သွယ်အကြောင်းကြားနိုင်သည်။
ရရှိလာသောအချကိအလက်များကိုစုစည်းပြီး အစီရင်ခံစာတစ်စောင်ကို မြန်မာ၊ အင်္ဂလိပ်ဘာသာများနှင့် ပြည်တွင်းပြည်ပသို့ ထုတ်ဝေသွားမည်ဖြစ်ကြောင်း သိရသည်။
Pen Myanmar ၏ တရားဝင် FB စာမျက်နှာ -https://www.facebook.com/penmyanmar
Pen Myanmar သို့ ဆက်သွယ်နိုင်သော အီးမေးလ်- penmyanmarcenter@gmail.com