နိုဝင်ဘာ ၂ ၊ ၂၀၁၄
M-Media
– ၁၉၆၇ ခု အာရပ်-အစ္စရေး ၆ ရက် စစ်ပွဲ အရှိန်မြင့်နေတဲ့ကာလမှာ မြေထဲပင်လယ်က အမေရိကန် စပိုင် သင်္ဘော USS Liberty ကို အစ္စရေးက ရုတ်တရက် သွားရောက်တိုက်ခိုက်ခဲ့ပါတယ်။
ပထမအကျော့မှာ အစ္စရေးစစ်တပ်က တိုက်လေယာဉ်ကနေ ဒုံးကျည်နဲ့ပစ်တာ၊ အမြှောက်နဲ့ပစ်တာ၊ မီးလောင်ဗုံးနဲ့ ထုတာ စသဖြင့် ပြင်းပြင်းထန်ထန် တိုက်ခိုက်ခဲ့ပြီး ဒုတိယအကျော့မှာ ဒီသင်္ဘော နစ်မြုပ်သွားဖို့ အတွက် တော်ပီဒိုနဲ့ ထုခဲ့ပါတယ်။ သင်္ဘောဟာ နစ်မြုပ်ခြင်း မရှိခဲ့ပေမယ့် ဒီပြင်းထန်တဲ့ တိုက်ခိုက်မှုကြောင့် USS Liberty က စစ်သားနဲ့ အရပ်သားလေ့လာဆန်းစစ်သူ ၃၄ ယောက် သေဆုံးခဲ့ပြီး ၁၇၁ ဦး ဒဏ်ရာရခဲ့ပါတယ်။
နောက်ပိုင်းမှာ အစ္စရေးဟာ အီဂျစ်စပိုင် သင်္ဘောထင်လို့ မှားယွင်းတိုက်ခိုက်တာပါ ဆိုပြီး တောင်းပန်ခဲ့ပါတယ်။ ကိုယ့်နိုင်ငံသားတွေ ထိရင် ဆတ်ဆတ်ထိမခံတဲ့ အမေရိကန်ကတော့ ဒီအရေးမှာ နှုတ်ဆိတ်နေခဲ့ပြီး သတိပေးတာမျိုးတောင် မလုပ်ခဲ့ပါဘူး။ အဲဒီတုန်းက အမေရိကန် သမ္မတ ဂျွန်ဆင်ကတော့ ဒီကိစ္စဟာ မှားယွင်း တိုက်ခိုက်မိတာလို့ပဲ လက်ခံခဲ့ပါတယ်။
နောက်ပိုင်းမှာ ဒီကိစ္စကို ဘယ်သူမှ သိပ်မပြောကြတော့ပါဘူး။ USS Liberty ပေါ်က တိုက်ခိုက်ခံရတဲ့ အမေရိကန် စစ်သားတွေတောင်မှ အဲဒီနေ့မှာ ဘာတွေဖြစ်ခဲ့သလဲဆိုတာကို ပြောဖို့ ရှောင်ရှားတတ်ကြပါတယ်။
ဒါပေမယ့် အလ်ဂျာဇီးရား သတင်းဌာနက ဒီကိစ္စနဲ့ ပတ်သက်ပြီး နှစ်ပေါင်းများစွာ လေ့လာမှုတွေပြုလုပ်ခဲ့ကာ Documentary တစ်ခုကို ရိုက်ကူးခဲ့ပါတယ်။
တိုက်ခိုက်မှုအတွင်း အစ္စရေးတိုက် လေယာဉ်မှူးတွေနဲ့ သူတို့ကို တိုက်ရိုက် ကွပ်ကဲနေတဲ့ ဗိုလ်ချုပ်တွေရဲ့ ပြောစကား အသံတိပ်ခွေ၊ တိုက်ခိုက်မှုမှာ ပါဝင်ခဲ့တဲ့ အစ္စရေးဗိုလ်ချုပ်၊ အသက်ရှင် ကျန်ရစ်ခဲ့တဲ့ အမေရိကန် စစ်သားတွေ၊ အရာရှိတွေ၊ ၀ါရှန်တန်က ထိပ်တန်း စစ်အရာရှိဟောင်းတွေ စသဖြင့် အသေးစိတ်မေးမြန်းကာ ရိုက်ကူးထားတာပါ။
အစ္စရေးဟာ ဘာရည်ရွယ်ချက်နဲ့ USS Liberty ကို တိုက်ခိုက်ခဲ့တာလဲ? ဆိုတာကိုတော့ အောက်ပါလင့်မှာ ကြည့်ရှုခံစားနိုင်ပါတယ်။
Source: Al Jazeera