နိုဝင်ဘာ ၁၉ ၊ ၂၀၁၄
M-Media
– ၁၉၆၇ ခုနှစ် စစ်ပွဲအပြီး နိုင်ငံတစ်ခုတည်ထောင်ရန် ကုလသမဂ္ဂနှင့် နိုင်ငံတကာအသိုင်းအ၀ိုင်းမှ နယ်နမိတ်သတ်မှတ်ပေးခဲ့သော်လည်း အစ္စရေးက ပိတ်ဆို့ကျူးကျော်ထားသည့် ပါလက်စတိုင်းအား လွတ်လပ်သောနိုင်ငံအဖြစ် အသိအမှတ်ပြုရန် စပိန်အစိုးရကို တိုက်တွန်းသည့် အဆိုပြုချက်တစ်ခုအား စပိန်လွှတ်တော်အမတ်များက သဘောတူညီခဲ့သည်ဟု သိရသည်။
ထိုအဆိုပြုချက်နှင့် ပတ်သက်၍ ယမန်နေ့က မဲခွဲဆုံးဖြတ်ခဲ့ရာ ထောက်ခံမဲ ၃၁၉ မဲ ကန့်ကွက်မဲ ၂ မဲ၊ ကြားနေ ၁ မဲဖြင့် အတည်ပြုခဲ့ခြင်းဖြစ်သည်။ အတိုက်အခံ ဆိုရှယ်လစ်များကပါ ထောက်ခံသော ထိုအဆိုပြုချက်တွင် ပါလက်စတိုင်းအား အချုပ်အခြာအာဏာပိုင်နိုင်ငံအဖြစ် အသိအမှတ်ပြုရန် စပိန်အစိုးရကို တိုက်တွန်းထားသည်။
ထိုအဆိုပြုချက် ဆွေးနွေးပွဲတွင် စပိန် နိုင်ငံခြားရေးဝန်ကြီး ဂျိုဆေး မန်နျူယဲလ် ဂါစီယာ-မာဂဲလို တက်ရောက်ခဲ့ပြီး အာဏာရပါတီနှင့် အတိုက်အခံတို့၏ ဆွေးနွေးသဘောတူညီချက်အား အစိုးရက အလေးပေးသွားမည်ဟု ကတိပြုခဲ့ကာ ထိုအဆိုပြုချက်မှာ နှစ်ကာလကြာရှည်စွာ ထိခိုက်ခံစားနေရသည့် ပါလက်စတိုင်းဒေသအတွင်း တည်ငြိမ်မှု၊ ငြိမ်းချမ်းမှုနှင့် တိုးတက်မှုတို့ကို ဆောင်ကျဉ်းပေးနိုင်မည်ဟု ဂါစီယာက ထည့်သွင်းပြောကြားခဲ့သည်။
ပြီးခဲ့သည့်လက ဗြိတိန်နှင့် အိုင်ယာလန်တို့မှ လွှတ်တော်အမတ်များကလည်း ထိုကဲ့သို့ ဆုံးဖြတ်မှုများကို ပြုလုပ်ခဲ့ပြီး နိုင်ငံရေးအသင်းအဖွဲ့များအားလုံးက ထောက်ခံခဲ့ကြသည်။
ဆွီဒင်နိုင်ငံကမူ ပါလက်စတိုင်းအား အချုပ်အခြာအာဏာပိုင်နိုင်ငံအဖြစ် အကြွင်းမဲ့ အသိအမှတ်ပြုခဲ့ပြီး ဥရောပနိုင်ငံများတွင် ပါလက်စတိုင်းအား ပထမဆုံး အသိအမှတ်ပြုသည့် နိုင်ငံလည်းဖြစ်သည်။