ဒီဇင်ဘာ ၃၁၊ ၂၀၁၄
M-Media
– IS တပ်ဖွဲ့များက လပေါင်းများစွာ သိမ်းပိုက်ထားသည့် ဘဂ္ဂဒတ်မြို့ပြင် ကီလိုမီတာ ၉၀ အကွာတွင်ရှိသော ဒူလူအီယာမြို့အား အီရတ်စစ်တပ်မှ ပြန်လည်သိမ်းယူနိုင်ခဲ့သည်ဟု သိရသည်။
`စစ်တပ်၊ ရဲ၊ ပြည်သူ့စစ်တွေနဲ့ လူမျိုးစုတပ်တွေ စုပေါင်းထားတဲ့အဖွဲ့က ဒူလူအီယာမြို့ကို ဒီနေ့မှာ ထိန်းချုပ်နိုင်ခဲ့ပါပြီ´ ဟု အီရတ်စစ်တပ်မှ ဗိုလ်ချုပ်ကြီး တစ်ဦးက ယမန်နေ့တွင် AFP သတင်းဌာနသို့ ပြောကြားခဲ့သည်။
ထို့မြို့အား ရရှိရန်အတွက် ပြီးခဲ့သည့် ၂ ရက်မှစတင်၍ ထိုးစစ်ဆင်ခဲ့ခြင်းဖြစ်ပြီး၊ ထို့နောက် စစ်သုံးယာဉ် အစီး ၅၀ ပါဝင်သည့် အီရတ်စစ်တပ်မှာ IS အဖွဲ့၏ တိုက်ခိုက်မှုကို တွန်းလှန်နေရသည့် တောင်ဘက် ဂျူဘာရ်ဧရိယာရှိ မဟာမိတ်တပ်များနှင့် ချိတ်ဆက်ရန်အတွက် ဆက်လက် ချီတက်နေသည်။
အဆိုပါ ဒူလူအီယာမြို့မှာ နိုင်ငံအရှေ့ပိုင်းနှင့် မြောက်ပိုင်းရှိ ပြည်နယ်နှစ်ခုကို ဆက်ထားသော လမ်းကြောင်း၌ တည်ရှိသည့် မဟာဗျူဟာအရ အချက်အခြာ ကြသည့် မြို့တစ်ခုလည်းဖြစ်သည်။
အီရတ်စစ်တပ်မှ သိမ်းယူပြီးနောက်ပိုင်း မြို့ခံပြည်သူများက သေနတ်များလေထဲသို့ ပစ်ဖောက်ခြင်း၊ ဟွန်းများ တီးခြင်းတို့ကို ပြုလုပ် ကာ အောင်ပွဲခံခဲ့ကြသည်။
အီရတ်နိုင်ငံတွင် IS ကို တွန်းလှန်နေမှုမှာ အရှိန်ရလာပြီး ပြီးခဲ့သည့် ရက်ပိုင်းအတွင်းကလည်း အီရတ်ရှိကာ့ဒ်တပ်ဖွဲ့များက ဆင်ဂျာဒေသ တွင် ပိတ်မိနေသည့် ယာဇီဒီလူမျိုးများကို ကယ်တင်နိုင်ခဲ့ကာ IS တပ်များ ထိန်းချုပ် ထားသည့် မြို့ရွာတော်တော်များများ ကိုလည်း ပြန်လည်သိမ်းပိုက်နိုင်ခဲ့သည်။
Source : Agencies