ဇန်န၀ါရီ ၃၊ ၂၀၁၅
M-Media
– အာဆင်နယ်အသင်းမှ ရာသီကုန်အငှားစာချုပ်ဖြင့် ကစားရန် လာရောက်သည့် ဂျာမနီတိုက်စစ်မှူး ပိုဒေါစကီးအား အင်တာမီလန် ပရိတ်သတ်များက သောင်းသောင်းဖျဖျ ကြိုဆိုခဲ့ကြသည်ဟု သိရသည်။
အာဆင်နယ်တွင် ပုံမှန်နေရာမရသည့် ပိုဒေါစကီးမှာ မန်စီနီ ပြန်လည်ကိုင်တွယ် နေသော အင်တာမီလန်အသင်းထံသို့ ပေါင် ၁.၅ သန်းတန်ဖိုးရှိမည့် အငှားစာချုပ် အတွက် ယမန်နေ့က မီလန်ရှိ လီနာတေး လေဆိပ်သို့ ရောက်ရှိလာခဲ့ခြင်း ဖြစ်သည်။
အင်တာမီလန်ပရိတ်သတ်များကမူ ပိုဒေါစကီးအား သောင်းသောင်းဖျဖျ ကြိုဆို ခဲ့ကြပြီး လက်မှတ်များထိုးခိုင်းခဲ့ကာ၊ ပိုဒေါစကီးနှင့် ဓာတ်ပုံများလည်း တွဲရိုက်ခဲ့ကြ သည်။ထို့ပြင် အီတလီရုပ်သံများကလည်း ပိုဒေါစကီးအား တွ့ဆုံမေးမြန်းခဲ့သည်။
`ကျွန်တော် ဒီကိုရောက်လာတာ ပျော်ပါတယ်။ စီးရီးအေကို ကျွန်တော်နားလည်ပြီး ပြိုင်ဆိုင်မှုပြင်းထန်တဲ့ ပြိုင်ပွဲတစ်ခုပါပဲ။ အင်တာမီလန်ကို ချန်ပီယံလိဂ် ၀င်ခွင့် ရအောင် ကျွန်တော် ကူညီချင်ပါတယ်။ ပရိတ်သတ်တွေအတွက် ပြောဖို့ရှိလား ဆိုရင်တော့ – ကျွန်တော်ပျော်ပါတယ်။ အင်တာနဲ့အတူ ကောင်းမွန်တဲ့ ရာသီဖြစ် မယ်လို့ မျှော်လင့်ပါတယ်´ ဟု ပိုဒေါစကီးက Sky Italia သို့ ပြောကြားခဲ့သည်။
ပိုဒေါစကီး၏ အာဆင်နယ်နှင့်စာချုပ်သက်တမ်းမှာ ယခုနှစ်ဘောလုံးရာသီကုန်လျှင် ပြည့်တော့မည်ဖြစ်ပြီး ၎င်းအနေဖြင့် အင်တာမီလန် အသင်းနှင့်သာ အမြဲတမ်း စာချုပ် ချုပ်ဆိုဖွယ်ရှိနေသည်။
အင်တာမီလန်အသင်းမှာ စီးရီးအေတွင် ရုန်းကန်နေရပြီး ယခုလက်ရှိတွင် အဆင့် ၁၁ တွင်ရှိနေကာ ပြီးခဲ့သည့် နိုဝင်ဘာလမှစ၍ တစ်ပွဲသာ အနိုင်ရရှိထားသည်။
Ref : dialymail