ဘာသာတရားက စစ်ပွဲတွေကို တကယ်ပဲ ဖြစ်စေတာလား။

ဖေဖော်ဝါရီ ၆ ၊ ၂၀၁၅
M-Media

– ဘာသာတရားက စစ်ပွဲများ၏ အဓိက အကြောင်းအရင်းဖြစ်သည်ဟူသော စကားမှာ ဘာသာအယူဝါဒကို ယုံကြည် ကိုးကွယ်သော သူများအား ဘာသာမဲ့များက စောဒက အတက်ဆုံး စကားဖြစ်သည်။ ဘာသာတရား မရှိပါက ၉/၁၁ တိုက်ခိုက်မှု ဖြစ်လိမ့်မည် မဟုတ်၊ အစ္စရေး-ပါလက်စတိုင်း ပဋိပက္ခလည်း မရှိ၊ အိုင်ယာလန် မြောက်ပိုင်းတွင်လည်း ပြဿနာဖြစ်ကြမည် မဟုတ်၊ ကျမ်းစာအုပ်များတွင် ပါဝင်သော စကားလုံးများ အတွက် အငြင်းပွားမှုများ ရှိမည် မဟုတ် – ထိုအရာများထက် အစ္စလာမ့်မစ်နိုင်ငံတော် IS ဆိုသည်မှာလည်း ပေါ်လာမည် မဟုတ်ဟု အများစုက ပြောကြ၏။

ဗြိတိန်ရှိ လူသိ အများဆုံး ဘာသာမဲ့ ရစ်ချက် ဒေါ်ကင်ကမူ ဘာသာတရားမှာ အကြမ်းဖက်မှုနှင့် သမိုင်း တစ်လျှောက်ဖြစ်ပွားခဲ့သော စစ်ပွဲများ၏ အဓိက အကြောင်းအရင်း ဖြစ်သည်ဟု ပြစ်တင်ပြောဆိုခဲ့သည်။ ၂၀၁၃ ခုနှစ်က ထုတ်ဝေခဲ့သော သူ၏ ကိုယ်တိုင်ရေး အထုပ္ပတ္တိတွင် `ဘာသာတရားက အဓိကအမှတ်တံဆိပ်၊ အန္တရာယ် အကြီးဆုံး အရာတစ်ခု၊ ထိုအရာက `ငါတို့´နှင့် ဆန့်ကျင်သော`သူတို့´ ဆိုသည်ကို ဖော်ထုတ် သတ်မှတ်နိုင်သည့် အရာဟု ရေးသားဖော်ပြထား၏။

အကယ်၍ ဘာသာတရားအား တစ်နည်းနည်းဖြင့် အဆုံးသတ်ခဲ့လျှင် စစ်ပွဲများ နောက်ထပ် မပေါ်ပေါက်ရန် အခွင့်အလမ်း ပိုမိုများပြားသွားပြီဟု ဒေါ်ကင်က ဆိုပြန်သည်။

ထို့ပြင် အမုန်းတရားများ နည်းသွားမည်။ ဒေါ်ကင်၏ အဆိုရ ကမ္ဘာပေါ်ရှိ အမုန်းတရား များစွာမှာ ဂိုဏ်းဂဏဆိုင်ရာ အမုန်းတရားများ ဖြစ်သည်ဟူ၏။

`ဥပမာပြောရရင် မြောက်အိုင်ယာလန်၊ အိန္ဒိယနဲ့ ပါကစ္စတန်တို့ပေါ့ဗျာ´ ဟု belief.net ၀ဘ်ဆိုက်သို့ ၎င်းက ပြောကြားခဲ့လေသည်။

သို့သော်လည်း သဘောတရားရေးရာ လေ့လာမှုများရ ဘာသာတရားနှင့် စစ်ပွဲအကြား ချိတ်ဆက်မှုအတွက် စိန်ခေါ်မှုများ ရှိနေသည်။ နယူးယောက်နှင့် ဆစ်ဒနီ အခြေစိုက် စီးပွားရေးနှင့် ငြိမ်းချမ်းရေးအသင်းမှ ပြီးခဲ့သည့် အောက်တိုဘာလတွင် ပြုလုပ်ခဲ့သော သုတေသနတွင် ၂၀၁၃ ခုနှစ်အတွင်း ဖြစ်ပွားခဲ့သော စစ်ပွဲများအား ဆန်းစစ်လေ့လာခဲ့ပြီး ဘာသာတရားနှင့် ပဋိပက္ခများအကြား `ကျိုးကြောင်းဆက်စပ်နေသော အခြေခံ ဆက်နွယ်မှု´ မရှိဟု တွေ့ရှိခဲ့သည်။

အတိအကျဆိုရလျှင် သုတေသနပြုခဲ့သည့် လက်နက်ကိုင် ပဋိပက္ခ ၃၅ ခု၏ ၄၀ ရာခိုင်နှုန်း ဖြစ်သော ၁၄ ခုတွင် ဘာသာတရားဆိုင်ရာ အကြောင်းအရာများက လုံးဝပတ်သက်မှုမရှိ။ ၁၄ ရာခိုင်နှုန်းဖြစ်သော ပဋိပက္ခ ၅ ခုသာလျှင် ဘာသာရေးက အဓိက အကြောင်း အရင်း ဖြစ်နေသည် ဟု သုတေသနတွေ့ရှိချက် အစီရင်ခံစာတွင် ဖော်ပြထားသည်။ စစ်ပွဲများအားလုံးတွင် အကြောင်းအရင်း များစွာရှိပြီး ထိုအထဲမှအများစုမှာ အစိုးရအား ဆန့်ကျင်ခြင်း၊ သို့မဟုတ် စီးပွားရေး၊ အယူအဆဆိုင်ရာ၊ နိုင်ငံရေးနှင့် နိုင်ငံ၏ လူမှု စနစ်တို့ကြောင့် ဖြစ်ပွားခြင်းဖြစ်ပြီး လေ့လာခဲ့သည့် စစ်ပွဲများမှ ၃ ပုံ ၂ ပုံ၏ အဓိက အကြောင်းအရာများလည်း ဖြစ်နေသည်။

စစ်ပွဲနှင့်ပတ်သက်၍ ကျယ်ကျယ်ပြန့်ပြန့်လေ့လာပြီး ၂၀၀၈ ခုနှစ်က ထုတ်ဝေခဲ့သည် The Encyclopedia of Wars (စစ်ပွဲစွယ်စုံကျမ်း)တွင် လူ့သမိုင်း တစ်လျှောက် ဖြစ်ပွားခဲ့သော စစ်ပွဲ ၁၇၆၃ ခုကို မှတ်တမ်းတင်ထားပြီး ထိုအထဲမှ ၇ ရာခိုင်နှုန်းအောက် ၁၂၃ ခုသာလျှင် `ဘာသာရေး ပရောဂါ´ ပါသည်ဟု ဖော်ပြထားသည်။

ဘာသာအယူဝါဒကို လိုက်နာကျင့်ကြံမှုနှုန်း အနည်းဆုံးရှိသည့် မြောက်ကိုရီးယားနိုင်ငံမှာ ပြီးခဲ့သည့်နှစ် ကမ္ဘာပေါ်တွင် `ငြိမ်းချမ်းမှုအနည်းဆုံး´ ၁၀ နိုင်ငံတွင် ပါဝင်ခဲ့သည့် နိုင်ငံတစ်နိုင်ငံဖြစ်သည်

စီးပွားရေးနှင့် ငြိမ်းချမ်းရေးအသင်းမှ ထုတ်ပြန်သော အစီရင်ခံစာတွင် ဘာသာအယူဝါဒ နည်းသော နိုင်ငံများ၌လည်း ပိုမိုငြိမ်းချမ်းခြင်း မရှိဟု ဖော်ပြထားသည်။ နိုင်ငံတစ်နိုင်ငံရှိ ဘာသာမဲ့အချိုးက ငြိမ်းချမ်းရေး အဆင့်အတန်းနှင့်ပတ်သက်၍ လွှမ်းမိုး မရှိဟုလည်း ဆိုထားသည်။

ဘာသာမဲ့ဝါဒီ အများဆုံးရှိသည့် နိုင်ငံများ- အဓိကအားဖြင့် ရုရှားနှင့် ချက်ပြည်သူ့သမ္မတ နိုင်ငံတို့ကဲ့သို့ ကွန်မြူနစ် သို့မဟုတ် ကွန်မြူနစ်နိုင်ငံဟောင်းများမှာလည်း အငြိမ်းချမ်းဆုံးနိုင်ငံများ မဖြစ် ခဲ့သည်မှာ သေချာသည်။ ဘာသာအယူဝါဒကို လိုက်နာကျင့်ကြံမှုနှုန်း အနည်းဆုံးရှိသည့် မြောက်ကိုရီးယားနိုင်ငံမှာ ပြီးခဲ့သည့်နှစ် ကမ္ဘာပေါ်တွင် `ငြိမ်းချမ်းမှုအနည်းဆုံး´ ၁၀ နိုင်ငံတွင် ပါဝင်ခဲ့သည့် နိုင်ငံတစ်နိုင်ငံဖြစ်သည်ဟု အဆိုပါအစီရင်ခံစာက ဆိုလေသည်။

ဤသို့ဆိုလျှင် ပဋိပက္ခများ၌ ဘာသာတရားများက အဘယ့်ကြောင့် မျက်နှာစာကို ရောက်နေသနည်း?

လက်တွေ့အခြေအနေက ပိုမိုရှုပ်ထွေးနေသည့်အခါ လိုရင်းတိုရှင်း ဖော်ပြရန် စစ်ပွဲနှင့် ပတ်သက်သည့် ဘာသာရေးဆိုင်ရာ လက္ခဏာများကို မကြာခဏ အသုံးပြုကြသည်ဟု The Open တက္ကသိုလ်မှ ပရော်ဖက်ဆာ ဂျွန်ဝိုလ်ဖီက ဆိုသည်။

`၁၆ ရာစုနဲ့ ၁၇ ရာစုက (အနောက်ကမ္ဘာနှင့် ဥရောပ မြောက်ပိုင်း နိုင်ငံများတွင် ပရိုတက်စတင့် ပြုပြင်ပြောင်းလဲရေးပြီးနောက် ဖြစ် ပွားသော) `ဘာသာရေးစစ်ပွဲ´ လို့ ခေါ်တာမျိုးတွေကို ပြန်ကြည့်မယ်ဆိုရင် ဘာသာတရားဟာ အဓိကအကြောင်း အရင်းဖြစ်တယ်လို့ တွေ့ရမှာပါ။ ဒါပေမယ့် အတွင်းပိုင်းကို နှိုက်နှိုက်ချွတ်ချွတ် လေ့လာတဲ့အခါကြတော့ မင်းစိုးရာဇာတွေရဲ့ သြဇာလွှမ်းမိုးမှု၊ အာဏာနဲ့ စီးပွားရေးလို ကိစ္စရပ်တွေက စစ်ပွဲဖြစ်ပွားရတဲ့ အကြောင်းအရာတွေပါပဲ။ အဆိုးရွားဆုံး စစ်ပွဲတွေမှာ ဘာသာတရားဟာ ပါဝင်ပတ်သက်နေတယ်ဆိုတာကို ကျွန်တော် သဘောတူကောင်း တူမှာပါ။ ဒါပေမယ့် ဘာသာတရားက တာဝန်ရှိတယ်လို့ ပြောတာကတော့ လိုရာဆွဲပြောတာပါပဲ´ ဟု ဂျွန်ဝိုလ်ဖီက ပြောကြားခဲ့သည်။

သြစတေးလျရှိ မွတ်စလင် စာရေးဆရာမ တစ်ဦးဖြစ်သူ ရေချဲလ် ၀ုဒ်ကော့ကလည်း မကြာသေးမီက ဖြစ်ပွားခဲ့သော စစ်ပွဲများအတွင်း ဘာသာရေးဆိုင်ရာ ကွဲပြားခြင်းက ပိုမိုကျယ်လောင်လာသည်ဟု ပြောခဲ့သည်။

`ယနေ့ခေတ်မှာ ဘာသာတရားဟာ ပိုမိုထင်ပေါ်လာပါတယ်။ ဘာ့ကြောင့်လည်းဆိုတော့ ဂလိုဘယ်လိုက်ဇေးရှင်းက စိန်ခေါ်နေပြီး အားလုံးကို ပြောင်းလဲနေလို့ပါပဲ။ ဘာသာရေး သတ်မှတ်ချက်ဟာ ရှင်သန်နေတာသာမက အမျိုးသားရေးနဲ့ နိုင်ငံရေးမဟာမိတ်တွေ ခွာပြဲကြတဲ့အခါမှာလည်း ထင်ထင်ရှားရှားကို ပေါ်ထွက်လာပါတယ်။ ၁၉၉၀ ပြည့်နှစ်တွေက ယူဂိုစလားဗီးယားမှာ ဆာ့ဘ်တွေ၊ ခရိုအက်တွေနဲ့ ဘော့စနီးယားတွေ အော်သိုဒေ့ါစ်၊ ကက်သလစ်နဲ့ မွတ်စလင်ဆိုပြီး ကွဲပြဲသလိုပါပဲ´ ဟု သူမ၏ For God’s Sense စာအုပ်ထဲတွင် ရေးသားခဲ့သည်။

ထို့ပြင် ရုပ်သံများ၌ အလ္လာဟ်အရှင်မြတ်အား ခ၀ပ်ကိုးကွယ်နေပုံကိုပြ၍ တစ်ဖက်တွင် ကာဒ့်လူမျိုးများအား ဓာတ်ငွေ့လွှတ်၊ ဗုံးကြဲ သတ်ဖြတ်ခဲ့သည့် အီရတ်မှ အာဏာရှင် ဆက်ဒမ်ဟူစိန်ကိုလည်း ၀ုဒ်ကော့က ထောက်ပြခဲ့သည်။

`ကံမကောင်းစွာနဲ့ပဲ ဘာသာတရားဆိုတာ အကာကွယ် ပုံစံမျိုးဖြစ်နေပြီး အသုံးလည်းဝင်ပါတယ်။ ပြီးတော့ ဆိုးရွားတဲ့ နှလုံးသားအတွက် လှုံ့ဆော်မှု ကောင်းကောင်းကိုလည်း ပေးပါတယ်။ အဲဒီ ဘာသာတရားဟာ အာဏာကို ဆာလောင်နေတဲ့ သူတွေရဲ့ လက်ထဲမှာ သဒ္ဓါတရား၊ သီလ၊ သမာဓိနဲ့ ဆန့်ကျင်ပြီး သိသိသာသာကို ကွဲပြားခြားနားပါတယ်။ ပြောရရင်တော့ ဒါတွေက ဘာသာတရားဆိုတာထက် လူတွေရဲ့ စိတ်ပိုင်းဆိုင်ရာပါပဲ။ ဒါ့ကြောင့် လူသားတွေရဲ့ ပဋိပက္ခတွေထဲမှာ ဘာသာတရားတွေဟာ ကံမကောင်းစွာနဲ့ ပါဝင်နေရတာပါ´ ဟု လူသာများက ဘာသာတရားအား အသုံးချပုံကို သူမက ထည့်သွင်းရေးသားခဲ့သည်။

Troubles (မြောင်အိုင်ယာလန်၌ ကက်သလစ်နှင့် ပရိုတက်စတင့်တို့ဖြစ်ပွားသော) ပဋိပက္ခတွင် ဘာသာရေး ဆိုင်ရာ ဟောပြောချက်များကို နှစ်ဖက် စလုံးက မှီငြမ်းကြပြီး အထူးသဖြင့် ဒီမိုကရက်တစ်ပေါင်းစည်းရေး ပါတီမှ ခေါင်းဆောင်ဟောင်း အီယန် ပိုင်စလေဖြစ်သည်။ ၎င်းအား (ခရစ်တော်ဆန့်ကျင်ရေး) ပုပ်ရဟန်းမင်းကြီး ဟု ကျယ်ကျယ်ပြန့်ပြန့် သမုတ်ကြသည်။

သို့သော်လည်း The Open တက္ကသိုလ်မှ ၀ိုလ်ဖီကတော့ မြောက်အိုင်ယာလန် ပဋိပက္ခတွင် ဘာသာရေး အကြောင်းတရားများမှာ လိုအပ်သည်ထက် ပိုနေသည်ဟု ဆိုသည်။

`လူကြိုက်များတဲ့ ခေါင်းစဉ်ကတော့ အမျိုသားရေး ဒါမှမဟုတ် ပေါင်းစည်းရေးဆိုတာထက် ပရိုတက်စတင့်နဲ့ ကက်သလစ်တွေပါပဲ။ ဒါတွေက ပြဿနာကို ပိုမိုရှုပ်ထွေးစေပါတယ်။ ပြန်လည်ရင်ကြားစေ့ရေး စတာတွေနဲ့ပတ်သက်ပြီး ကန့်လန်ကာနောက်ကွယ်က ဖြစ်နေတဲ့ ကိစ္စတွေကတော့ သတင်းခေါင်းကြီုးပိုင်း သိပ်မရောက်ပါဘူး။ ပိုင်စလေဟာ ပရိုတက်စတင့်ဘက်မှာ သြဇာကြီးမားပြီး ထင်ရှားတဲ့ ပုဂ္ဂိုလ်တစ်ယောက်ပါ။ ဒါပေမယ့် ကျယ့်ပြန်လာတဲ့ စီမံကိန်းထဲမှာတော့ သူဟာ ကိုယ်စားပြုသူ တစ်ယောက် မဟုတ်တော့ပါဘူး´
ဟု ရေးသားခဲ့သည်။

အရှေ့ဘက်တွင် ဖြစ်ပွားသော စစ်ပွဲများကို ယဉ်ကျေးမှုကွဲပြားခြင်းကြောင့် ဘာသာရေးစစ်ဟု အနောက်နိုင်ငံများက အပြစ်တင်ကောင်း တင်နိုင်သည်။ ပညာရှင်အများပြားကတော့ `အယူဝါဒ´ ဆိုသောအရာ၏ အဓိပ္ပါယ်မှာ အရှေ့နှင့် အနောက်နှိုင်းယှဉ်လျှင် လုံးဝခြားနားသည်ဟု ဆိုသည်။

မကြာသေးမီက ထုတ်ဝေခဲ့သော Fields of Blood စာအုပ်တွင် ယခင် ကက်သလစ် သီလရှင်ဟောင်း ကာရန် အမ်းစထရောင်းက အနောက်တိုင်းမှသုံးသော `ဘာသာတရား´ ဟူသည့် စကားလုံးမှာ အနောက်တိုင်းနှင့် မတူသော ယဉ်ကျေးမှုများတွင် တိတိကျကျ ဘာသာပြန်၍ မရဟု ရေးသားခဲ့သည်။ အနောက်တိုင်းက အယူဝါဒဆိုသည်ကို တစ်ကိုယ်ရေ ကိစ္စဟု ရှုမြင်သော်လည်း အရှေ့တိုင်းတွင်တော့ လူသားသမိုင်း ကာလအများစုတွင် နိုင်ငံရေးနှင့် ခွဲခြားမရခဲ့။

လန်ဒန်အရှေ့ပိုင်းတက္ကသိုလ်မှ ပါမောက္ခ ပီတာ မိုရေးက ယခုကဲ့သို့ ရှင်းပြသည်။

`ဘာသာတရားကို ကမ္ဘာကြီးရဲ့ အခြားအစိတ်အပိုင်းတွေက ဘ၀တည်ဆောက်မှုလမ်းစဉ်လို့ ရှုမြင်ကြတယ်။ လောကီဝါဒီ အနောက်တိုင်းကတော့ ဘာသာတရားကို လူ့အဖွဲ့အစည်းကနေ ဘေးထုတ်ထားကြတယ်။ ကမ္ဘာ့ရဲ့ အခြားအစိတ်အပိုင်းက ပဋိပက္ခတွေကို ကြည့်မယ်ဆိုရင် ဘာသာတရားဟာ စစ်ပွဲနောက်က ပေါက်ကွဲအားလို့ ကျွန်တော်တို့ထင်မှာပါ။ တကယ်တော့ ဘာသာရေးနဲ့ဆိုင်တဲ့ အစိတ်အပိုင်းကို ခွဲထုတ်ဖို့လည်း မလွယ်ပါဘူး´

အမည်နာမတွင်ပင် `အစ္စလာမ်မစ်´ ဟု ပါဝင်ပြီး နောက်လိုက်များအား ဂျီဟတ်ဆင်နွှဲရန် လှုံ့ဆော်စည်းရုံးသည့် IS အဖွဲ့ပေါ် ထွက်လာပြီးနောက် ယခုနှစ်အတွင်း ဖြစ်ပွားသည့် ထင်ရှား စက်ဆုပ်ဖွယ်ကောင်းသည် ပဋိပက္ခ၌ ဘာသာတရား၏ လွှမ်းမိုးမှုကို တွက်ချက်ရန် ခက်ခဲနေသည်။

သို့သော်လည်း မိုရေးကမူ ထိုပြဿနာတွင်ပင် တကယ့်လက်တွေ့၌ ထင်သလိုမဟုတ်ဟု ရှင်းပြခဲ့သည်။

`IS ရဲ့ အလိုရမ္မက်ကြီးက ဘာသာတရားလောက်ကို ရှိတဲ့ နိုင်ငံရေး အဆောက်အအုံ အင်ပါယာ ခလီဖာစနစ် ပြန်လည် ထူထောင်ဖို့ပါ။ သူရဲ့ အမည်မှာ `အစ္စလာမ့်မစ်´ လို့ သုံးတာက စိတ်ကို ဆွပေးတဲ့ အသုံးအနှုန်းဖြစ်ပြီး ကမ္ဘာ့အာဏာကို မွတ်စလင်တွေ ချုပ်ကိုင်ထားစဉ်က အချိန်တွေကို ပြန်လည် အမှတ်ရစေအောင်လို့ပါ။ ဒါပေမယ့် ခလီဖာပုံစံမျိုး အုပ်စိုးခဲ့တဲ့အော်တိုမန်တို့လို မင်းဆက်တွေဟာ နိုင်ငံရေးနဲ့ တစ်ခါတစ်ရံ အမျိုးသားရေးနွယ်တဲ့ အထင်ရှားဆုံး အုပ်ချုပ်မှုစနစ်တွေ ဖြစ်ပါတယ်´ ဟု မိုရေးက ဆိုသည်။

ရည်မှန်းချက်ပန်းတိုင်များ အကောင်အထည်ဖော်ရာတွင် အထောက်အပံ့ဖြစ်စေရန် ဘာသာစကားဖြင့် ဆော်သြစည်းရုံးခြင်းနှင့် ဘာသာရေး တံဆိပ်ကပ်ခြင်းတို့က IS အတွက် အကျိုးရှိသော နည်းလမ်းဖြစ်သည်ဟု ၎င်းက ထောက်ပြခဲ့သည်။

`အထူးသဖြင့် ၉/၁၁ ပြီးတဲ့နောက်ပိုင်းမှာ အနောက်နိုင်ငံတွေက တစ်ပုံစံတည်းဖြစ်နေတဲ့ မွတ်စလင်တွေနဲ့ မတူတဲ့ လောကီ ၀ါဒီတွေ၊ ခေတ်မီ သူတွေဆိုပြီး သူတို့ကိုယ်သူတို့ သတ်မှတ်ကြပါတယ်။ IS ကလည်း ယဉ်ကျေးမှု ပွတ်တိုက်မိခြင်းလို့ပြောတဲ့ သူတို့ဇာတ်လမ်းကို အထောက်အပံ့ဖြစ်စေဖို့ အဲဒီပုံစံအတိုင်း လိုက်ပြီးလုပ်ပါတယ်´

ဒါဆို အကြမ်းဖက်မှုကို ဘာသာတရားက မီးထိုးပေးနိုင်တယ်ဆိုတာနဲ့ ပတ်သက်ပြီး ဘာရှိလဲ?

အခြားအယူအဆများနှင့် နှိုင်းယှဉ်ကြည့်သည့်အခါ သဘောထားကွဲစေသည်ဟု Warwick တက္ကသိုလ်မှ ပါမောက္ခ တွမ်ဆိုရီလ်က ပြောကြားခဲ့သည်။

`ဘာသာတရားနဲ့အတူ ရှေးရိုးစွဲဝါဒက ဘာလဲဆိုတဲ့ အယူအဆတစ်ခုဟာ အမြဲတမ်းရှိရပါတယ်။ တစ်ချို့ကိစ္စတွေ ရှေးရိုးစွဲဝါဒကို ချိုးဖောက်တဲ့အခါ လူတွေက အရမ်းဒေါသထွက်ကြပါတယ်။ ရှေးရိုးစွဲဝါဒ ပြင်းထန်လေ လူတွေကို သွေးခွဲရတာ ပိုလွယ်လေပါပဲ။ ဥပမာအားဖြင့် အင်္ဂလန်အသင်းတော်နဲ့ ဆက်နွယ်တဲ့ ပဋိပက္ခအနည်းငယ်ရှိခဲ့တယ်။ ဘာ့ကြောင့်လည်းဆိုတော့ သိပ်မကြာခင် ကဖြစ်လာပြီး မရေရာတဲ့ ရှေးရိုးစွဲဝါဒ အမြင် ပိုရှိတာကြောင့်ပါပဲ´ ဟု ၎င်းက ရှင်းပြသည်။

ထို့ပြင် အခြေခံဝါဒီများ၏ အမြင်များမှာ လူများက သေဆုံးရန်အတွက် ပြင်ဆင်ကြသည်ဟူသော အချက်ဖြစ်သည့် အတွက် ရှေးရိုးစွဲသဘော တရားများကို လိုက်နာရန် ဆော်သြသည့် အခြေခံဝါဒက အကြမ်းဖက်မှုဆီသို့ လွယ်ကူစွာပင် ဦးတည်သွားစေနိုင်သည်ဟု ၎င်းက ဆိုလေသည်။

သို့ရာတွင် ငြိမ်းချမ်းရေးအား ထိန်းသိမ်းခြင်း၌ ဘာသာတရား၏ အပြုဆောင်သည့် အခန်းကဏ္ဍမှာ မီဒီယာများတွင် ပါဝင်သည်များကို လစ်လျူရှုခြင်းဖြစ်သည်ဟု စီးပွားရေးနှင့် ငြိမ်းချမ်းရေးအသင်းက ဆိုသည်။ ဘာသာရေးအဖွဲ့ သို့မဟုတ် အားကစားအဖွဲ့ကဲ့သို့ လူမှုအဖွဲ့အစည်းတစ်ခုတွင် ပါဝင်ခြင်းက နိုင်ငံတစ်ခုအတွင်းရှိ နိုင်ငံသားများအကြား ဆက်နွယ်မှုနှင့် အနည်းငယ်မြင့်မားသော ငြိမ်းချမ်းရေးအဆင့်နှင့်အတူ ဆက်ဆံရေးကိုလည်း ခိုင်မာစေသည်ဟု တွေ့ရှိခဲ့သည်။ အမှန်တကယ်တော့ ငြိမ်းချမ်းရေးအတွက် ထင်ရှားသည့် အသိပညာပေးသူအချို့မှာ မာတင်လူသာကင်း ဂျေအာရ်၊ မဟတ္တမဂန္ဒီ၊ ဘုန်းတော်ကြီး ဒက်စမွန်တူးတူးတို့ကဲ့သို့ ဘာသာရေးကို နက်ရှိုင်းစွာ ယုံကြည်ကြသူများ ဖြစ်ကြသည်။

`ဘာသာရေး ပုဂ္ဂိုလ်တွေက ငြိမ်းချမ်ရေး တည်ဆောက်မှုနဲ့ပတ်သက်ပြီး ကြိုးစားဆောင်ရွက်နေတဲ့ ဥပမာတွေကို ကြည့်ဖို့လိုပါတယ်။ ဒင်္ဂါပြားတစ်ခုရဲ့ အခြားတစ်ဖက်က ဒါမျိုးအကြောင်းအရာတွေကို ရံဖန်ရံခါမှသာ ဖော်ပြကြတယ်လို့ ကျွန်တော်ထင်ပါတယ်´ ဟု Open တက္ကသိုလ်မှ ပါမောက္ခ ဂျွန် ၀ိုလ်ဖီက ဖွင့်ဟခဲ့သည်။

ပြီးခဲ့သည့် နှစ် ၁၀၀ အတွင်း ဖြစ်ပွားခဲ့သည့် အကြီးမားဆုံး ပဋိပက္ခများ၊ ပထမကမ္ဘာစစ်၊ ဒုတိယကမ္ဘာစစ်၊ စစ်အေးတိုက်ပွဲ၊ ဗီယက်နမ်စစ်ပွဲများကိုကြည့်ပါက ဘာသာတရား မဟုတ်သည့် လှုံ့ဆော်မှုများမှာ ဘာသာတရားများ နည်းတူ ထိခိုက် ပျက်ဆီးစေသည် ကို မြင်ရသည်။ ထို့ပြင် ဘာသာမဲ့ စစ်သွေးကြွများမှာ ဘာသာတရားကဲ့သို့ အဖြေများပေးရမည်လား ဟူသော မေးခွန်းများ လည်း ပေါ်ထွက်လာခဲ့လေသည်။

ရေချယ်ဝုဒ်ကော့က သူမ၏ စာအုပ်တွင် ယခုကဲ့သို့ ထောက်ပြခဲ့သည်။

`ဘာသာရေးအယူအဆကသာ ပြဿနာတွေကို ဖြစ်စေတာ မဟုတ်ပါဘူး။ အစိုးရက အားပေးတဲ့ ဘုရားမဲ့ဝါဒဟာ စတာလင်၊ တီးတိုး၊ မော်စီတုံးနဲ့ ပိုပေါ့တို့လို ရက်စက်ကြမ်းကြုတ်တဲ့ ၂၀ ရာစု အာဏာရှင်တွေကို ပုံဖော်ပေးခဲ့ပြီး ရလဒ် အနေနဲ့ကတော့ လူသန်းပေါင်း များစွာ ထိခိုက်ခံစား အသတ်ခံခဲ့ရတာပါပဲ။ ဘာသာတရားကို ရှင်းလင်းဖို့ ရည်ရွယ်တဲ့ ဆိုဗီယက်ပြည်ထောင်စုက ဘုရားမဲ့ဝါဒီတွေရဲ့ သုတ်သင်ခြင်းကို ရုရှားက ခရစ်ယာန်ထောင်ပေါင်းများစွာက ခံခဲ့ရပါတယ်´

ကွန်မြူနစ်ဝါဒမှာ ဘုးရားမဲ့ဝါဒီ အဖြစ် ဖော်ညွှန်းသကဲ့သို့ နာဇီ ၀ါဒကိုလည်း အများစုက ထိုကဲ့သို့ပင် ရှုမြင်ကြလေသည်။ သို့သော်လည်း သြစတေးလျမှ လူမှုရေးရာ ဟောပြောတင်ပြသူ ဂျိမ်းကာရိုကမူ ဘုရားမဲ့ ၀ါဒတစ်ခုတည်းက လူများသတ်ရန် လှုံ့ဆော်ပေးသည့် လုံလောက်သော အကြောင်းအရင်းမဟုတ်ဟု ဆိုသည်။

`ဘုရားမဲ့ဝါဒီတွေဟာ အခြားသူတွေထက် ပိုပြီးဆိုးဝါးနိုင်တာမျိုး ဒါမှမဟုတ် လျော့ပြီး ဆိုးဝါးနိုင်တာမျိုး မဟုတ်ပါဘူး။ ဒါပေမယ့် လူသတ်မှု၊ အထူးသဖြင့် အစုလိုက် အပြုံလိုက် သတ်မှုနဲ့ စစ်ပွဲတွေဟာ သူတို့အဖွဲ့ရဲ့ အပြစ်တစ်ခုဖြစ်တယ်လို့ ထင်ပုံရပါတယ်။ အခြား တစ်ဖက်က ပြောရရင် လူတွေဟာ ယေဘုယျအားဖြင့်တော့ အမည်တစ်ခုခုနဲ့ တိုက်ခိုက်ဖို့၊ သတ်ဖြတ်ဖို့ ပြင်ဆ ဆင်ကြပါတယ်။ ဘုရားရဲ့အမည်နဲ့ဖြစ်နိုင်တယ်။ နာဇီဝါဒလိုမျိုး ဒါမှမဟုတ် ကွန်မြူနစ်ဝါဒလိုမျိုး နိုင်ငံရေး ဒဿနကြောင့်လည်း ဖြစ်နိုင်ပါတယ်။ တိုက်ခိုက်မှုအများစုဟာ မျိုးချစ်ဝါဒ၊ နိုင်ငံအတွက်၊ လူမျိုးစု ဒါမှမဟုတ် မျိုးနွယ် အတွက်ကြောင့် ဖြစ်ပါတယ်။ အချို့ စိတ်ပိုင်းဆိုင်ရာ ရောဂါကြောင့် သတ်ဖြတ်ကြတယ်။ ဒါပေမယ့် အခုအချိန်အထိတော့ ဘုရားမဲ့ဝါဒ အတွက်ဆိုတဲ့ ခေါင်းစဉ်နဲ့ သတ်ကြဖြတ်ကြတာမျိုး မရှိပါဘူး´

`ဒါ့ကြောင့် ဘာသာတရား တစ်ခုတည်းက ပဋိပက္ခတွေဖြစ်စေတယ်ဆိုတာ သဘော မတူဘူးလို့ပြောရင် အစုလိုက်အပြုံလိုက် သတ်ဖြတ်မှုတွေနဲ့ စစ်ပွဲဟာ တစ်ကိုယ်ရေ ဒဿန၊  အယူအဆထက်ပိုတဲ့ နာမည်တွေ အတွက်ကြောင့် ဖြစ်နေရတယ်လို့ ကျွန်တော် စောဒက တက်ရပါလိမ့်မယ်။ ဘုရားသခင်ပေါ်မှာ ယုံကြည်မှု မရှိဘူးဆိုတဲ့ ဘုရားမဲ့ဝါဒဟာ လူသတ်မှုကို ဖြစ်စေဖို့ လုံလောက်တဲ့ လှုံ့ဆော်မှုမျိုး ရှိတယ်ဆိုတာ သက်သေမပြနိုင်သေးပါဘူး။ အခုအချိန်အထိ ဘယ်သူမှ လူများတဲ့နေရာသွား၊ `ဘယ်ဘုရားမှ မမြင့်မြတ်ဘူးဟေ့´ လို့အော်ပြီး ဖောက်ခွဲတာ မရှိသေးပါဘူး´ ဟု ကာရိုးက ၎င်း၏အမြင်ကို ပြောကြားခဲ့လေသည်။

နောက်ကွယ်တွင် ဘာသာတရားမရှိသည့် လှုပ်ရှားမှုများက ဘာသာရေးစစ်ပွဲကဲ့သို့ ရှုပ်ထွေးသော ကိစ္စအတော်များများကို လျော့ကျစေ၏။ လန်ဒန်အရှေ့ပိုင်း တက္ကသိုလ်မှ မိုရေးက

`သူတို့ကိုယ်သူတို့ ဘုရားမဲ့ဝါဒီတွေလို့ခေါ်တဲ့ လှုပ်ရှားမှုနဲ့အတူ လွှမ်းမိုး ချယ်လှယ်သူက ဘယ်နေရာမှာပဲ အဲဒီလှုပ်ရှားမှုကိုလုပ်လုပ် များသောအားဖြင့် စီးပွားရေးပြဿနာ   မညီမျှမှုတွေနဲ့ ပတ်သက်တဲ့ မေးစရာတွေ ပါဝင်တဲ့ နိုင်ငံရေးပြဿနာကို ဖြေရှင်းကြတာမျိုးသာဖြစ်ပါတယ်´ ဟု ပြောခဲ့သည်။

ဘုရားမဲ့ဝါဒီနိုင်ငံ အဖြစ် ခေါ်ဆိုတာမျိုးအထိ ဘုရားမဲ့ဝါဒက တစ်နေ့နေ့မှာ စစ်တပ်ကို လှုံ့ဆော်ပေးနိုင်သလား?

Warwick တက္ကသိုလ်က ဆိုရီးလ်ကတော့ ထိုကဲ့သို့ဖြစ်ပွားရန် အလားအလာမရှိဟုဆိုသည်။

`ဘုရားမဲ့ဝါဒဟာ ဘုရားတရားကို ဆန့်ကျင်တာကလွဲလို့ အယူဝါဒတစ်ခုလို စုစုစည်စည်းမရှိပါဘူး။ ဘာသာရေး ယုံကြည်မှုကို နှိုင်းယှဉ်နိုင် တဲ့ ကွဲပြားတဲ့ ယုံကြည်ချက်တွေဆိုတာထက် ဆင်ခြင်တုံတရားရဲ့ အချို့သော ဥပဒေသကို အခိုင်အမာ တင်ပြ ပြောဆိုတာလောက်ပဲ ရှိပါတယ်။ သူတို့ ဘယ်လို စုစည်းနိုင်လဲဆိုတာနဲ့ ပတ်သက်ပြီး သဘောမတူကြတဲ့ ဘုရားမဲ့ဝါဒီတွေ အများကြီးရှိပါတယ်။ စိတ်ကူးယဉ်ဆန်ဆန် ပြောရမယ်ဆိုရင်တော့ ဘာသာရေးကိုနွယ်တဲ့ အာဏာရှင်တွေ အာဏာရလာမယ် ဆိုရင်တော့ ဘုရားမဲ့ဝါဒကို ရှေ့တန်းတင်တဲ့ စစ်တပ်တစ်ခု အကောင်အထည်ပေါ်လာနိုင်ပါတယ်။ ဒါပေမယ့် စဉ်စားလို့ရတဲ့ ယူကေရဲ့ အနာဂတ်တစ်လျှောက်မှာတော့ ဒါမျိုးဖြစ်မှာ မဟုတ်ပါဘူး´ ဟု ၎င်းက မှတ်ချက်ပေးခဲ့သည်။

အဆုံးသတ်ရလျှင် စစ်ပွဲများမှာ လူသားများကဲ့သို့ပင် ရှုပ်ထွေးနက်နဲ၏။ ဘာသာရေး၊ နိုင်ငံရေးနှင့် စီးပွားရေး အကြောင်းတရား များမှာ ရောယှက်၍နေပြီး ၎င်းတို့ အခြေ တည်ထားသော ရှုပ်ထွေးမှုတွင် မူတည်နေသည်။ ဘာသာတရားက စစ်ပွဲ အနည်းငယ်ကို ဖြစ်စေသည်မှာတော့ သေချာ၏။ သို့တရာတွင် ၀ုဒ်ကော့က ဤသို့ဆိုသည်။

`လူသားတွေက စိန်ပွင့်တွေအတွက်၊ မြေယာအတွက်၊ မူးယစ်ဆေးအတွက်၊ ဘောလုံးပွဲအတွက် စတာတွေနဲ့ပတ်သက်ပြီးတော့လည်း တိုက်ခိုက်နေကြတာပါပဲ´

The Huffington Post ပိုစ်တွေ ဖော်ပြခဲ့သည့်  ဆောင်းပါးရှင်  Louise Ridley ၏  “Does Religion Really Cause War – And Do Atheists Have Something To Answer For?” ဆောင်းပါးကို  မိုးဝေ(M-Media) မှ ဆီလျော်အောင် ပြန်ဆိုသည်။