ဇွန် ၂၁၊ ၂၀၁၅
M-Media
– တောင်ကယ်ရိုလိုင်းနားရှိ လူမည်းဘုရားကျောင်း ပစ်ခတ်မှုပြီးနောက် ထိခိုက်ခံစားခဲ့ရသူများ၏ နာကျင်မှုများ အဆုံးသတ်ရေးနှင့် ငြိမ်းချမ်းရေးတို့အတွက် အမေရိကန်တစ်ဝှမ်းရှိ မွတ်စလင်များအနေဖြင့် “ဆုတောင်းဖွယ်နေ့” ပြုလုပ်ရန် ဘာလ်တီမိုးရ်မွတ်စလင်လူ့အဖွဲ့အစည်း ခေါင်းဆောင်များက တိုက်တွန်းလိုက်သည်။
“အမေရိကန်တစ်ဝှမ်းက မွတ်စလင်တွေ ရမ်ဇာန်ဥပုလ်လကို တွေ့ကြုံနေရတဲ့အချိန်မှာ အမုန်းတရားကို ခန္တီသည်းခံခြင်းနဲ့ တွန်းလှန်ဖို့ဆိုတဲ့ လိုအပ်ချက်နဲ့ပတ်သက်ပြီး ပုံဖော်ဖို့၊ အဲဒီအသတ်ခံရသူတွေအတွက် တရားမျှတမှုကို ရှာဖွေပေးဖို့၊ ကြေကွဲဆို့နင့်နေကြတဲ့ မိသားစုတွေ၊ လူ့အဖွဲ့အစည်းတွေ ငြိမ်းချမ်းမှုရဖို့၊ သူတို့ရဲ့ ပရိဒေ၀မီးတွေ ချုပ်ငြိမ်းစေဖို့အတွက် ဆုမွန်ကောင်းတောင်းပေးဖို့ လူ့အဖွဲ့အစည်းတွေကို တိုက်တွန်းပါတယ်” အမေရိကန်-အစ္စလာမ် ဆက်ဆံရေးကောင်စီ CAIR ၏ မေရီလန်းအဖွဲ့ခွဲမှ ထုတ်ပြန်သော ကြေညာချက်တွင် မန်နေဂျာ ဇိုင်နဘ် ချောင်ဒရီက ပြောကြားခဲ့သည်။
ချာလ်စတန်မြို့ရှိ အဆိုပါ Emanuel African Methodist Episcopal ဘုရားကျောင်းအတွင်း တိုက်ခိုက်ခံရမှုမှာ ပြီးခဲ့သည့်ဗုဒ္ဓဟူးနေ့က ဖြစ်ပွားခဲ့ခြင်းဖြစ်ပြီး သံသရှိသူ သေနတ်သမား ဒိုင်လန်ရုဖ်မှာ အမျိုးသမီ ၆ ဦးနှင့် အမျိုးသား ၃ ဦးကို သေနတ်ဖြင့် ပစ်သတ်ခဲ့သည်။
“လူမျိုးရေးခွဲခြားမှု အဆုံးသတ်သွားဖို့အတွက် ကျွန်တော်တို့ဟာ အတူတကွပေါင်းစည်းပြီး ဆုတောင်းမှုအကြီးကြီးလုပ်ဖို့ လိုပါတယ်။ ဘုရားသခင်ထံမှာ အသနားခံဖို့ အကောင်းဆုံးအချိန်ကတော့ ဥပုသ်သီလဆောက်တည်တဲ့အချိန်နဲ့ ဆုဂျူဒ်းပြုလုပ်တဲ့အချိန် (၀တ်ပြုဦးချချိန်) ပဲ ဖြစ်ပါတယ်။ အမေရိကန်တစ်ဝှမ်းလုံးမှာရှိတဲ့ မွတ်စလင်တွေအနေနဲ့ ကျွန်တော်တို့ တိုင်းပြည်ကြီး ခံစားနေရတာတွေ နိဂုံးချုပ်စေရေး ဆုတောင်းဖို့၊ လူမျိုးရေးခွဲခြားတဲ့ လုပ်ရပ်တွေ ရပ်တန့်ပျောက်ကွယ်သွားရေး စုပေါင်းဒိုအာပြုကြဖို့ ကျွန်တော် တောင်းဆိုပါတယ်” ဟု ဂျွန်ဟော့ကင်း ဆေးရုံနှင့် ဘာလ်တီမိုး ရဲဌာနတို့မှ ရှေ့ဆောင်အီမာမ်ဖြစ်သူ အီမာမ် ဟာဆန် အေမင်ကပြောကြားခဲ့သည်။
ထိုကဲ့သို့ လူမည်းဘုရားကျောင်းအား တိုက်ခိုက်မှုကို CAIR နှင့် မြောက်အမေရိက အစ္စလာမ့်အ၀န်းအ၀ိုင်းအဖွဲ့ ICNA တို့အပါအ၀င် အမေရိကန်ရှိ ထင်ရှားသည့် မွတ်စလင်အဖွဲ့အစည်းများက ရှုတ်ချခဲ့ကြသည်။
“လူမျိုးရေး ရန်လိုမှုကြောင့် လူမည်းခရစ်ယာန်တွေက လူဖြူတွေရဲ့ လွှမ်းမိုးမှုကနေ ခွဲထွက်သွားတဲ့အချိန် ၁၈၀၀ ပြည့်နှစ်လောက်စလို့ အာဖရိကန်-အမေရိကန်တွေရဲ့ ဘာသာရေးသမိုင်းမှာ မြင့်မြတ်ရာနေရာ အထူးသဖြင့် ဘုရားကျောင်းတွေကို လူမျိုးရေးဇောင်းပေးတဲ့ အကြမ်းဖက်တိုက်ခိုက်မှုတွေဟာ ကံမကောင်းအကြောင်းမလှစွာနဲ့ပဲ ဆက်တိုက်ရှိလာခဲ့ပါတယ်” ဟု ICNA က ၎င်းတို့၏၀ဘ်ဆိုက်တွင် လွှင့်တင်ထားသော ကြေညာချက်၌ ဖော်ပြခဲ့သည်။
ဗုဒ္ဓဟူးနေ့က အဆိုပါတိုက်ခိုက်မှုမှာ ၁၉၉၁ ခုနှစ်နောက်ပိုင်း အမေရိကန်ရှိ ၀တ်ပြုရာနေရာတစ်ခုကို အဆိုးဝါးဆုံး တိုက်ခိုက်မှုဖြစ်သည်။
“အယူဝါဒပေါင်းစုံက လူ့အဖွဲ့အစည်းတွေအနေနဲ့ အမုန်းတရားပါတဲ့ အကြမ်းဖက်တိုက်ခိုက်မှုကို ပြတ်ပြတ်သားသားရှုတ်ချဖို့ ကျွန်တော်တို့ တိုက်တွန်းပါတယ်။ သူတို့ရဲ့ လူမျိုး၊ လူမျိုးစု၊ ဒါမှမဟုတ် မွေးဖွားရာဇာတိတွေကို ခွဲခြားမှုမရှိဘဲ အမေရိကန်က ကျွန်တ်ာတို့ရဲ့ ၀တ်ပြုရာအဆောက်အအုံတွေဟာ ငြိမ်းချမ်းပြီး လုံခြုံတဲ့နေရာတွေ ဖြစ်သင့်ပါတယ်” ဟု ICNA ဥက္ကဌ
နအီမ်ဘာအစ်ဂ်က ပြောကြားခဲ့သည်။
CAIR နှင့် ဘာလ်တီမိုးရ် မွတ်စလင်ခေါင်းဆောင်များမှာ တိုက်ခိုက်မှုကြောင့် ကွယ်လွန်သွားသူများ၏ မိသားစုများထံသို့ ၀မ်းနည်းကြောင်း ပြောကြားခဲ့သည်။
“ကုရ်အာန်ကျမ်းတော်မြတ်ရဲ့ ကဏ္ဍ ၅၊ ပါဒတော် ၃၂ မှာ ‘အကြင်မည်သူမဆို လူတစ်ဦးအား သတ်ဖြတ်ပါက လူသားအားလုံးကို သတ်ဖြတ်သကဲ့သို့ဖြစ်ပြီး၊ အကြင်မည်သူမဆို လူသားတစ်ဦး၏ အသက်အား ကယ်တင်ခဲ့ပါက လူသားအားလုံးကို ကယ်တင်ဘိသကဲ့သို့ဖြစ်၏’ ဆိုပြီး သွန်သင် ဆုံးမထားပါတယ်။ ကျွန်တော်တို့အနေနဲ့ အမုန်းအင်အားနဲ့ အကွဲအပြဲတွေ ငြိမ်းချမ်းရေးအင်အားနဲ့ ခန္တီတရားတွေထက် ပိုပြီးကြီးလာတာကို ခွင့်ပြုလို့ မရတော့ပါဘူး။ ဒီနေ့ဒီအချိန်
အမေရိကန်နိုင်ငံတစ်ဝှမ်းမှာ နာကျင်ခံစားနေရတဲ့ လူ့အဖွဲ့အစည်းတွေ အားလုံးအတွက် နာကျင်မှုတွေ အဆုံးသတ်ဖို့ ကျွန်တော်တို့ရဲ့ ဆုတောင်းမှုမှာ ပါဝင်လှည့်ပါ” ဟု ဘာလ်တီမိုးရ်မွတ်စလင်ခေါင်းဆောင်များနှင့် CAIR တို့မှ ပူးတွဲထုတ်ပြန်သော ကြေညာချက်တွင် ရေးသားဖော်ပြထားသည်။
ဘုရားကျောင်းအတွင်းသို့ ၀င်ရောက်ပစ်ခတ်ခဲ့သူ ဒိုလန်ရုဖ်ကမူ ၎င်းအနေဖြင့် အမေရိကန်တွင် လူမျိုးရေးစစ်ပွဲ ဖြစ်စေချင်သောကြောင့် ထိုကဲ့သို့ ကျူးလွန်ခဲ့ခြင်းဖြစ်သည်ဟု ပြောကြားခဲ့သည်။
Ref: Onislam