ဇူလိုင် ၈၊ ၂၀၁၅
M-Media
– နိုင်ငံအတွင်းရှိ အာဖရိကန်-အမေရိကန်များနှင့် တစ်သားတည်းရှိမှုကို သြခြင်းအဖြစ် ချာလ်စတန် တိုက်ခိုက်မှုနောက်ပိုင်း လူဖြူလူမျိုးကြီးဝါဒီများ၏ မီးရှို့ဖျက်ဆီးမှုကို ခံခဲ့ရသည့် လူမည်းဘုရားကျောင်းများ ပြုပြင်ရန်အတွက် အမေရိကန်မွတ်စလင် ပရဟိတအဖွဲ့များနှင့် တက်ကြွလှုပ်ရှားသူများက ရန်ပုံငွေရှာဖွေရေး လှုပ်ရှားမှုများကို ပြုလုပ်နေကြသည်ဟု သိရသည်။
“ဒီလို မှောင်မိုက်တဲ့ အချိန်တွေအတွင်းမှာ သူတို့နဲ့အတူ တစ်သားတည်းရှိနေတယ်ဆိုတာကို ကျွန်တော်တို့ရဲ့ အာဖရိကန် ညီအစ်ကိုမောင်နှမတွေကို သိစေချင်ပါတယ်။ ဒီတစ်သားတည်းရှိမှုရဲ့ သင်္ကေတအဖြစ် တောင်ကယ်ရိုလိုင်နားပြည်နယ် ချာလ်စတန်က လူမျိုးရေးခွဲခြားတဲ့ လူသတ်မှု ဖြစ်ပြီးကတည်း မီးရှို့ဖျက်ဆီးခံခဲ့ရတဲ့ ခရစ်ယာန်ဘုရားကျောင်း ၇ ကျောင်း ပြန်လည်တည်ဆောက်ရေး အကူအညီပေးဖို့ ကောင်းချီးမင်္ဂလာတွေနဲ့ ပြည့်စုံတဲ့ ဒီ ရမ်ဇာန်လမြတ်မှာ ကျွန်တော်တို့ဟာ အလှူငွေတွေ စုဆောင်းနေပါတယ်” ဟု အဆိုပါလှုပ်ရှားမှုတွင် ပါဝင်ဆောင်ရွက်နေသူ အီမာမ် ရှာကီရ်က ပြောကြားခဲ့သည်။
အီမာမ်ရှာကီရ်မှာ အဖျက်အဆီးခံ ဘုရားကျောင်းများ တည်ဆောက်ရေး အမေရိကန်မွတ်စလင်များက အွန်လိုင်းမှတစ်ဆင့် ပြုလုပ်နေသော အလှူငွေကောက်ခံရေး လှုပ်ရှားမှုကို ရည်ညွှန်းပြောဆိုခဲ့ခြင်း ဖြစ်သည်။
ဇူလိုင်လ ၂ ရက်နေ့က စတင်ခဲ့သည့် အဆိုပါ အွန်လိုင်းလှုပ်ရှားမှုမှ ရန်ပုံငွေ ၂၂၈၀၀ ရရှိခဲ့ပြီး လူပေါင်း ၄၀၀ ကျော်က လှူဒါန်းခဲ့ခြင်းဖြစ်သည်။ ထိုပမာဏမှာ လှုပ်ရှားမှုစတင်ခဲ့သည့်အချိန်တွင် ထားရှိခဲ့သည့် ကန်ဒေါ်လ ၂ သောင်း ရရှိရေး ရည်ရွယ်ချက်ကို ကျော်လွန်ခဲ့ခြင်းလည်း ဖြစ်သည်။
“၀တ်ပြုရာနေရာအားလုံးဟာ အထွဋ်အမြတ်ထားရာ နေရာတွေပါ။ လုံခြုံတယ်လို့ ခံစားရသင့်တဲ့ နေရာတွေဖြစ်ပြီး ကမ္ဘာကြီးက တာဝန်ယူဖို့ မတတ်နိုင်တော့တဲ့အခါ ကျွန်တော်တို့ ခိုလှုံနိုင်တဲ့ နေရာလည်း ဖြစ်ပါတယ်။ ဒီဘုရားကျောင်းတွေ ပြန်လည်တည်ဆောက်ဖို့ ရင်းမြစ်တွေ စုပေါင်းပါဝင်ရင်းနဲ့ နိုင်ငံတစ်ဝှမ်းက ဘာသာရေးလူ့အဖွဲ့အစည်းတွေအတွက် ကျွန်တော်တို့ရဲ့ ကူညီဖေးမမှုမှာ ထည့်ဝင်ကူညီကြဖို့ ကျွန်တော်တို့ တိုက်တွန်းနေတာပါ။ မွတ်စလင်တွေအဖြစ် ကျွန်တော်တို့ဟာ ဘုရားသခင်ကို အမျိုးမျိုးသော ဘာသာစကားနဲ့ ခေါ်ဝေါ်ကြတဲ့ ချို့တဲ့သူတွေ၊ လေးစားရမယ့်သူတွေကို ကာကွယ်ဖို့ အရေးကြီးမှုကိုလည်း သိကြပါတယ်။ မွတ်စလင်လူ့အဖွဲ့အစည်းနဲ့ လူမည်းလူ့အဖွဲ့အစည်းဟာ ခြားနားတဲ့ လူ့အဖွဲ့အစည်းတွေ မဟုတ်ဘူးဆိုတာ ကျွန်တော်တို့ စိတ်ထဲမှာ အမြဲတမ်း စွဲမှတ်ထားပါတယ်” ဟု ရန်ပုံငွေစုဆောင်းရေး လှုပ်ရှားမှု အွန်လိုင်းစာမျက်နှာတွင် ဖော်ပြထားသော ကြေညာချက်၌ ရေးသားထားသည်။
ထို့ပြင် ကြီးကျယ်ထူးဆန်းသည့် ဤနိုင်ငံတွင် တူညီသော အမှတ်သညာများနှင့် ဆက်ဆံရေးတို့ဖြင့် မိမိတို့လူ့အဖွဲ့အစည်းမှာ ထူးထူးခြားခြား ပေါင်းစည်းထားကြသည်ဟုလည်း ဖော်ပြခဲ့သည်။
အဆိုပါ လှုပ်ရှားမှုကို Muslim ARC၊ နယူးယောက် အာရပ်အမေရိကန်အသင်းနှင့် Ummah Wide စသည့် မွတ်စလင်အဖွဲ့များက ပူးပေါင်းကာ ဆောင်ရွက်ခြင်းဖြစ်သည်။
ပြီးခဲ့သည့်ဇွန်လက တောင်ကယ်ရိုလိုင်းနားပြည်နယ် ချာလ်စတန်မြို့ရှိ လူမည်း ခရစ်ယာန်ဘုရားကျောင်းတစ်ခုတွင် လူဖြူလူမျိုးကြီးဝါဒီတစ်ဦး၏ ၀င်ရောက်ပစ်ခတ်မှုကြောင့် လူ ၉ ဦး သေဆုံးခဲ့ရသည်။
ထိုအဖြစ်အပျက်ဖြစ်ပွားပြီးနောက်ပိုင်း တောင်ပိုင်းပြည်နယ်များရှိ ထင်ရှားသည့် လူမည်း ခရစ်ယာန်ဘုရားကျောင်းများမှာ ဆက်တိုက်ဆိုသလို မီးရှို့ဖျက်ဆီးခြင်း ခံခဲ့ရသည်။
Ref: Onislam, i100