ဇူလိုင် ၂၁၊ ၂၀၁၅
M-Media
– လာမည့်နှစ် စီးရီးအေချန်ပီယံဘွဲ့အတွက် မိမိတို့အသင်းသာ ရေပန်းစားနေသည်ဟု ဂျူဗင်တပ်စ်နည်းပြ မက်ဆီမီလီယာနို အယ်လီဂရီက ပြောကြားခဲ့ပြီး ပိုမို၍ ခက်ခဲမည်ဟု ၀န်ခံခဲ့သည်။
ဂျူဗင်တပ်စ်အသင်းမှာ ပြီးခဲ့သည့်ရာသီတွင် ဒုတိယနေရာမှ ရိုးမားအသင်းကို ၁၇ မှတ်ဖြတ်ကာ စီးရီးအေချန်ပီယံဘွဲ့ကို ၄ နှစ်ဆက်တိုက် ဆွတ်ခူးနိုင်ခဲ့သည်။
အယ်လီဂရီကမူ ယခုနှစ်တွင် စိန်ခေါ်မှုများ ပိုမိုပြင်းထန်လာမည်ဟု မျှော်လင့်နေပြီး အထူးသဖြင့် အေစီမီလန်နှင့် အင်တာမီလန်အသင်းတို့၏ ငွေကြေးသုံးစွဲ ပြင်ဆင်မှုများကြောင့် ဖြစ်သည်။
ဂျူဗင်တပ်စ်မှ အားထားရသည့် ကွင်းလယ်လူ အန်ဒရီယာ ပီယာလိုနှင့် တိုက်စစ်မှူး ကားလို့စ်တီဗက်ဇ်တို့မှာ ယခုနှစ်နွေရာသီတွင် ထွက်ခွာသွားသော်လည်း အယ်လီဂရီကမူ မိမိတို့အသင်းမှာ စီးရီးအေတွင် ထိပ်တန်းအသင်းဖြစ် ဆက်ရှိနေဦးမည်ဟု ယုံကြည်နေသည်။
“ဂျူဗီက ဗိုလ်စွဲဖို့ ဆက်လက် ရေပန်းစားနေတုန်းပါပဲ။ ဒါပေမယ့် ဒီနှစ်မှာ မီလန်နှစ်သင်းကို သတိထားရပါမယ်။ သူတို့ဟာ အမြဲတမ်း အန္တရာယ်ရှိတဲ့ အသင်းတွေပါပဲ။ အင်တာနဲ့ မီလန်တို့ နှစ်သင်းစလုံးဟာ တောင့်တင်းကြပြီး ဖလားအတွက် စိန်ခေါ်နိုင်စွမ်းရှိပါတယ်။ ရိုးမားနဲ့ နာပိုလီတို့လည်း ဒီအတိုင်းပါပဲ။ လာမယ့်နှစ် စီးရီးအေ ဖလားပြေးလမ်းဟာ ပိုပြီး အကြိတ်အနယ် ရှိလာပါလိမ့်မယ်” ဟု အယ်လီဂရီက ယမန်နေ့တွင် သတင်းထောက်များအား ပြောကြားခဲ့သည်။
လက်ရှိအချိန်တွင် ဂျူဗီမှာ ဆာမိ ခီဒီရာ၊ စီမွန်နီ ဇာဇာ၊ ပေါ်လို ဒိုင်ဘာလာနှင့် မာရီယို မန်ဇူကစ်တို့ကို ခေါ်ယူထားနိုင်သည်။ အယ်လီဂရီကမူ ကစားသမားအသစ်များ၏ စွမ်းဆောင်ရည်အတွက် ကျေနပ်နေပြီး အသင်းမှာ ပြည်တွင်းလွှမ်းမိုးမှုကို ဆက်လက်ထိန်းသိမ်းနိုင်သော လူစာရင်းကို တိုးမြှင့်နိုင်ခဲ့သည်ဟု ယုံကြည်နေသည်။
“အခုအချိန်အထိ ကျွန်တော်တို့ ရရှိခဲ့တဲ့ အရာတိုင်းဟာ သမိုင်းစာမျက်နှာမှာ ရောက်သွားပါပြီ။ ကျွန်တော်တို့ အခု အစက ပြန်စရမှာပါ။ အပြောင်းအရွှေ့ဈေးကွက် ပိတ်တဲ့အချိန်မှာ ၁၉၉၁ ခုနှစ်ကနေ ၁၉၉၆ ခုနှစ်အကြားမှာ မွေးဖွားတဲ့ ကစားသမား ၁၀ ယောက်လောက် ရှိမှာပါ။ ဒါဟာ အနာဂတ်အတွက် ပညာသားပါတဲ့ ဆောင်ရွက်ချက်ပါပဲ”
Ref: Goal