သြဂုတ် ၅၊ ၂၀၁၅
M-Media
ဥရောပတွင် ဒုံးကာကွယ်ရေးစနစ်ချရေးအတွက် အိုဘားမား လိမ်ခဲ့သည်ဟု ရုရှားပြော
…………………………………
အီရန်နျူအရေး ဖြေရှင်းပြီးသွားပါက ဥရောပတွင် ဒုံးကျည်ကာကွယ်ရေးအစီအစဉ်ကို ဆောင်ရွက်တော့မည်မဟုတ်ဟု အမေရိကန်သမ္မတ အိုဘားမား၏ ပြောစကားမှာ လိမ်ညာမှုတစ်ခုသာဖြစ်သည်ဟု ရုရှားနိုင်ငံခြားရေးဝန်ကြီး ဆာဂျီလာဗရော့ က CNA သတင်းဌာနနှင့်
အင်တာဗျူးတွင် ပြောကြားလိုက်သည်။ အိုဘားမားမှာ ထိုစကားကို ၂၀၀၉ ခုနှစ်က ပြောကြားခဲ့ခြင်းဖြစ်ပြီး လက်ရှိအချိန်တွင် အီရန်နျူအရေး ဆွေးနွေးပြီးသော်လည်း ယူကရိန်းမတည်မငြိမ်ဖြစ်မှုနှင့် ပတ်သက်၍ ဥရောပတွင် ဒုံးကျည်ကာကွယ်ရေးစနစ်များ ချထားရန် အမေရိကန်က ဆောင်ရွက်နေသည်။
တောင်တရုတ်ပင်လယ်အတွင်း ဆောက်လုပ်ရေးလုပ်ငန်းများကို တရုတ်ရပ်တန့်
…………………………..
ပိုင်နက်အငြင်းပွားမှုများ ရှိနေသည့် တောင်တရုတ်ပင်လယ်တွင် ဆောက်လုပ်ရေးလုပ်ငန်းများကို ရပ်တန့်လိုက်ပြီဟု တရုတ်နိုင်ငံခြားရေးဝန်ကြီ ၀မ်ယီက ယနေ့တွင်ပြုလုပ်ခဲ့သော အရှေ့တောင်အာရှ နိုင်ငံခြားရေးဝန်ကြီးများအစည်းအဝေးတွင် ပြောကြားခဲ့သည်။ ထိုအစည်းအဝေးတွင် တရုတ်နိုင်နှင့် အရှေ့တောင်အာရှနိုင်ငံများမှာ တောင်တရုတ်ပင်လယ် ကျင့်ဝတ်စည်းကမ်းများအတွက် အကြံအဥာဏ်ပေးမှုများ တိုးမြှင့်ဆောင်ရွက်ရန်လည်း သဘောတူညီခဲ့သည်။
ဂျူးအစွန်းရောက်တစ်ဦးကို အစ္စရေးထောင်ချ
……………………………..
ပါလက်စတိုင်းပိုင် အနောက်ဘက်ကမ်းခြေတွင် အစ္စရေးက ဆောက်လုပ်ထားသော တရားမ၀င်အိမ်ယာတွင် နေထိုင်သည့် ဂျူးအစွန်းရောက် မာလာဟ် အဒူမင်ကို အစ္စရေးက ထောင်ဒဏ် ၆ လ ချမှတ်ခဲ့သည်။ ယမန်နေ့ညပိုင်းက ချမှတ်ခဲ့ခြင်းဖြစ်ပြီး ၎င်းမှာ ခရစ်ယာန်ဘုရားကျောင်းနှစ်ခု၊ ပါလက်စတိုင်းတို့၏ နေအိမ်များကို တိုက်ခိုက်မှုများနှင့် ဆက်နွယ်နေသူဖြစ်သည်ဟု အစ္စရေး မီဒီယာများက ဖော်ပြခဲ့ကြသည်။ ပြီးခဲ့သည့် သီတင်းပတ်က ပါလက်စတိုင်းများ၏ နေအိမ်နှင့် အစ္စရေးရှိ လိင်တူချစ်သူများ ချီတက်ပွဲကို
ဂျူးအစွန်းရောက်များက တိုက်ခိုက်ခဲ့ပြီးနောက် အစ္စရေးက ပြုလုပ်ခဲ့သည့် ဂျူးအစွန်းရောက် နှိမ်နှင်းရေးတွင် ပထမဆုံး အရေးယူခဲ့ခြင်းလည်းဖြစ်သည်။
Ref: News Agencies