သြဂုတ် ၁၃၊ ၂၀၁၅
M-Media
– မေ၀ယ်သာနှင့် ထိုးသတ်ရန် ဖြစ်မလာခဲ့ပြီးနောက် ဗြိတိန်လက်ဝှေ့ကျော် အမီးရ်ခန်းမှာ ဖိလစ်ပိုင်လက်ဝှေ့ကျော် ပက်ကွီအိုအား ထိုးသတ်ရန် ကမ်းလှမ်းခဲ့သည်ဟု သိရသည်။
ပက်ကွီအို၏ ပွဲစီစဉ်သူ ဘော့ဘ် အေရမ်မှာ အမီးရ်ခန်း၏အဖွဲ့နှင့် ယခုသီတင်းပတ်တွင် ဆွေးနွေးသွားမည်ဖြစ်ပြီး သဘောတူညီခဲ့ပါက လာမည့်နှစ်အတွင်း အရှေ့အလယ်ပိုင်း၌ ထိုးသတ်ရန် ဖြစ်လာမည်ဟု အေရမ်က ဆိုသည်။
“ဒီကောင်လေး အမီးရ်ခန်းဟာ မန်နီပက်ကွီအိုနဲ့ပတ်သက်ပြီး တော်တော်လေး အသံကျယ်နေပါတယ်။ ခန်းနဲ့ ပက်ကွီအို ထိုးသတ်ဖို့ ကျွန်တော် စီစဉ်နိုင်ပါလိမ့်မယ်။ အမီးရ်ခန်းက မေ၀ယ်သာနဲ့ထိုးသတ်ဖို့ တောင်းဆိုခဲ့ပါတယ်။ အခုတော့ သူဟာ ပွဲကြီးတစ်ပွဲကို ထိုးသတ်ရတော့မှာပါ။ ဒါကိုစီစဉ်ဖို့ ကျွန်တော့်အတွက် မခက်ပါဘူး။ အလျင်စလို စီစဉ်မှာလည်း မဟုတ်ပါဘူး။ မန်နီကလည်း ဒီနှစ်အတွင်းမှာ ထိုးသတ်မှာ မဟုတ်ပါဘူး” ဟု အေရမ်က ပြောကြားခဲ့သည်။
ပက်ကွီအိုမှာ မေ၀ယ်သာနှင့် မေလက ထိုးသတ်ခဲ့သည့်ပွဲတွင် ပုခုံး၌ ဒဏ်ရာရရှိခဲ့ပြီး အေရမ်ကမူ အဆိုပါ ဒဏ်ရာမှာ ပြန်လည်ကောင်းမွန်လာပြီဖြစ်ပြီး ၂၀၁၆ ခုနှစ်တွင် ကြိုးဝိုင်းထဲသို့ဝင်ရန် အဆင်သင့်ဖြစ်မည်ဟု ထပ်လောင်းပြောကြားခဲ့သည်။
ထို့ပြင် ခန်းနှင့်တွေ့ဆုံရန် ရှောင်ရှားခဲ့သည့် မေ၀ယ်သာကို အေရမ်က ဝေဖန်ခဲ့ပြီး ပက်ကွီအိုနှင် ခန်းတို့၏ ပွဲမှာမူ ဖြစ်လာမည်ဟုဆိုသည်။ ခန်းကလည်း ထိုပွဲကို မျှော်လင့်နေသည်။
“ဒီပွဲဖြစ်လာနိုင်တယ်လို့ ကျွန်တော်ထင်ပါတယ်။ တကယ်လို့ ကျွန်တော်တို့နှစ်ယောက်လုံးရဲ့ ငွေရေးကြေးရေးအတွက် အဓိပ္ပါယ်ရှိမယ်ဆိုရင် ဒီပွဲဟာ လုံးဝ ဖြစ်လာမှာပါ။ ဒီပွဲထိုးရင်လည်း ကျွန်တော်တို့ နှစ်ယောက်စလုံးအတွက် အဓိပ္ပါယ်ရှိမှာပါ” ဟု ခန်းက ပြောကြားခဲ့သည်။
Ref: Dailymail