သြဂုတ် ၁၄၊ ၂၀၁၅
M-Media
– IS အဖွဲ့ကို ချေမှုန်းရန်အတွက် အမေရိကန်မှာ အီရတ်သို့ စစ်သားများစေလွှတ်ရန် စဉ်စားနေပြီး အချိန်ကျသည့်အခါ ထိုကိစ္စအား သမ္မတ ဘာရက်အိုဘားမားထံသို့ တင်သွင်းသွားမည်ဟု အငြိမ်းစား အမေရိကန် ကြည်းတပ် စစ်ဦးစီးအရာရှိချုပ် ဗိုလ်ချုပ်ကြီး ရေး အိုဒီယာနိုက ပြောကြားလိုက်သည်။
“(အီရတ်စစ်တပ်နဲ့) စစ်သားအချို့ကို ပေါင်းပေးဖို့ ကျွန်တော်တို့ အသေအချာကို စဉ်းစားကောင်းစဉ်းစားမှာပါ။ ပြီးတော့ ထူးခြားမှုရှိလားဆိုတာကို ကြည့်ရမှာပေါ့” ဟု ဗိုလ်ချုပ် ရေး အိုဒီယာနိုက ဗုဒ္ဓဟူးနေ့တွင် ပြုလုပ်ခဲ့သည့် ၎င်း၏ နောက်ဆုံး သတင်းစာရှင်းလင်းပွဲတွင် ပြောကြားခဲ့သည်။ ၎င်းမှာ အမေရိကန်စစ်တပ်တွင် နှစ်ပေါင်း ၄၀ နီးပါး တာဝန်ထမ်းဆောင်ခဲ့ပြီး ယနေ့တွင် အနားယူသွားခဲ့သည်။
အီရတ်စစ်ပွဲတစ်လျှောက်လုံးနီးပါးတွင် အိုဒီယာနိုမှာ အမေရိကန်တပ်ဖွဲ့များအား ညွှန်ကြားခဲ့သူဖြစ်ပြီး ၂၀၀၈ ခုနှစ်မှ ၂၀၁၀ ခုနှစ်အတွင်း အီရတ်တွင် ထိပ်တန်းတပ်မှူးအဖြစ် တာဝန်ထမ်းဆောင်ခဲ့သူဖြစ်သည်။ အမေရိကန်တပ်ဖွဲ့များ အီရတ်သို့ ထပ်မံသွားရောက်ရန်မှာ တိုက်ခိုက်ရေးအတွက် ရည်ရွယ်ခြင်းမဟုတ်ဘဲ အီရတ်စစ်တပ်များအား အားပေးကူညီရန်နှင့် ၎င်းတို့နှင့်အတူ ရွေ့လျားရန်ဖြစ်သည်ဟု အိုဒီယာနိုက ထည့်သွင်းပြောကြားခဲ့သည်။
“(အမေရိကန်စစ်သားတွေ အီရတ်ကိုလွှတ်တာဟာ) ရွေးချယ်မှုတစ်ခုလို့ ကျွန်တော်ထင်ပါတယ်။ အချိန်ကျရင် (သမ္မတအိုဘားမားဆီကို) ကျွန်တော်တို့ တင်သွင်းသွားမှာပါ”
အမေရိကန်မှာ ဆက်ဒမ်ဟူစိန်အစိုးရတွင် ဖျက်အားပြင်းလက်နက်များရှိသည်ဟု အကြောင်းပြကာ အီရတ်နိုင်ငံသို့ ကျူးကျော်သိမ်းပိုက်ခဲ့ပြီး၊ မည်သည့်ဖျက်အားပြင်းလက်နက်မှလည်း တွေ့ရှိခဲ့ခြင်း မရှိချေ။ ထို့နောက်ပိုင်းတွင် အီရတ်နိုင်ငံမှာ တည်ငြိမ်မှုပျက်ပြားခဲ့ပြီး အကြမ်းဖက် IS အဖွဲ့လည်း ပေါ်ပေါက်လာခဲ့သည်။ လက်ရှိတွင် IS အဖွဲ့မှာ နိုင်ငံ၏ ၃ ပုံ ၁ ပုံကို သိမ်းပိုက်ထားသည်။
Ref: RT