သြဂုတ် ၂၂၊ ၂၀၁၅
M-Media
– မလေးရှားနိုင်ငံ ဂျိုဟိုဘာရူးပြည်နယ် သမန် ဆရီဘဟာဂီယာတွင် မွေးနေ့ပွဲကျင်းပစဉ် အရက်မူးပြီး ရန်ဖြစ်ရာမှ မြန်မာနိုင်ငံသား မွေးနေ့ရှင်မှာ ဓားထိုးခံရပြီး သေဆုံးသွားသည်ဟု သိရသည်။
ယနေ့နံနက်က ဖြစ်ပွားခဲ့ခြင်းဖြစ်ပြီး သေဆုံးသွားသူမှာ ၀င်းကိုဟု အမည်ရကာ ကားပစ္စည်းအရောင်းဆိုင်တွင် လုပ်လုပ်နေသူဖြစ်သည်။ ၎င်းအား ဆိုင်၏ မြေညီထပ်တွင် ၀ဲဘက်ရင်အုံ ဓားဒဏ်ရာဖြင့် သွေးအိုင်ထဲ၌ လဲနေသည်ကို ယနေ့မနက် ၂ နာရီခွဲခန့်က တွေ့ခဲ့ရခြင်းဖြစ်သည်။
ရဲတပ်ဖွဲ့မှာ စစ်ဆေးမှုများ ပြုလုပ်ရန်အတွက် အသက် ၂၀ ကျော်အရွယ် အမျိုးသား ၁၀ ဦးနှင့် အမျိုးသမီး ၂ ဦး စုစုပေါင်း မြန်မာနိုင်ငံသား ၁၂ ဦးကို ဖမ်းဆီးခဲ့ပြီး သွေးများပေကြံနေသော ဓားမြှောင်ကိုလည်း သိမ်းဆည်းရမိခဲ့သည်။
သေဆုံးသူမှာ စောစောပိုင်းတွင် ၎င်း၏လုပ်ဖော်ကိုင်ဖက်များ၊ တစ်နိုင်ငံတည်းသားများနှင့်အတူ ဆိုင်၏ မြေညီထပ်တွင် မွေးနေ့ပွဲကျင်းပခဲ့ပြီး အရက်မူးလာသည့်အခါ ၎င်းနှင့် မြန်မာနိုင်ငံသား လုပ်ဖော်ကိုင်ဖက်တစ်ဦးမှာ စကားများကြသည်ဟုဆိုသည်။
ထို့နောက် သူငယ်ချင်းများက ဖြန်ဖြေပေးခဲ့သော်လည်း မိနစ် ၃၀ ခန့် ကြာသည့်အခါတွင် အဆိုပါ လုပ်ဖော်ကိုင်ဖက်မှာ ဓားယူလာကာ ဒေါသဖြင့် ၀င်းကိုအား ထိုးသတ်ခဲ့ခြင်းဖြစ်သည်။ ၀င်းကိုကမူ ဓားထိုးခံရပြီးနောက် သွေးရူးသွေးတန်းဖြင့် ၎င်း၏ အခန်းသို့ ပြေးတက်သွားပြီး အောက်ထပ်သို့ ပြန်ဆင်းလာစဉ် လဲကျသေဆုံးခဲ့ခြင်း ဖြစ်သည်။
ဂျိုဟိုဘာရူတောင်ပိုင်းရဲတပ်ဖွဲ့ လက်ထောက်ကော်မရှင်နာမင်းကြီး ဆူလိုင်မန်ဆာလေကမူ ပတ်ဝန်းကျင်ရှိပြည်သူများက အကြောင်းကြားသောကြောင့် အခင်းဖြစ်ရာနေရာသို့ မိမိတို့က အလျင်အမြန် သွားရောက်ကြည့်ရှုခဲ့သည်ဟု ဆိုသည်။
“စုံစမ်းစစ်ဆေးဖို့အတွက် သံသယရှိသူ မြန်မာနိုင်ငံသား ၁၂ ယောက်ကို ရဲတပ်ဖွဲ့က ဖမ်းထားပါတယ်။ အဲဒီအထဲမှာ အမျိုးသမီးနှစ်ဦး ပါဝင်ပြီး သူတို့အားလုံးက အခင်းဖြစ်တဲ့အချိန်မှာ မူးနေကြပါတယ်။ ပြီးတော့ ၂၃ စင်တီမီတာရှိတဲ့ ဓား၊ အခြားပစ္စည်းတွေနဲ့အတူ အဲဒီဓားထိုးမှုမှာ ပါဝင်တဲ့ အဓိကသံသယရှိသူလို့ ယုံကြည်ရသူကိုလည်း ကျွန်တော်တို့ ဖမ်းထားပါတယ်” ဟု ဆာလေကဆိုပြီး ထိုအဖြစ်အပျက်မှာ အရက်သေစာမှဖြစ်လာသည့် ဒေါသကြောင့်ဖြစ်သည်ဟု ပြောကြားခဲ့သည်။
Ref: The Rakyatpost