သြဂုတ် ၂၃၊ ၂၀၁၅
M-Media
– အီရန်နိုင်ငံ မြို့တော်တီဟီရန်ရှိ ယူကေသံရုံးကို သြဂုတ်လ ၂၃ ရက် (ယနေ့တွင်) ပြန်လည်ဖွင့်လှစ်တော့မည်ဟု ယူကေနိုင်ငံခြားရေးဝန်ကြီး ဖိလစ်ပ် ဟမ်မွန်က ပြောကြားလိုက်သည်။
လန်ဒန်မြို့ရှိ အီရန်သံရုံးကိုလည်း ယနေ့တွင်ပင် ဖွင့်လှစ်မည်ဖြစ်ကာ ကနဦးပိုင်းတွင် ကိုယ်စားလှယ်အဆင့် ဆက်ဆံရေးမျိုး ထားရှိမည်ဖြစ်ပြီး လာမည့်လများတွင် နှစ်နိုင်ငံ သက်ဆိုင်ရာသံအမတ်များကို ခန့်ထားရန် ဆောင်ရွက်သွားမည်ဟု ဟမ်မွန်က ဆိုသည်။
အင်အားကြီးနိုင်ငံ ၆ နိုင်ငံနှင့် နျူအရေးသဘောတူညီချက် ရရှိခဲ့သည့် ဇူလိုင် ၁၄ ရက်နေ့နောက်ပိုင်းတွင် ဥရောပတာဝန်ရှိသူများမှာ အီရန်သို့ အလျင်အမြန်ပင် သွားရောက်ခဲ့သည်။ သဘောတူညီချက်အရ အီရန်နိုင်ငံပေါ် ပြုလုပ်ထားသည့် စီးပွားရေးပိတ်ဆို့မှုများကို ဖယ်ရှားပေးရမည့် အစီအစဉ်လည်း ပါဝင်သောကြောင့် ဥရောပနိုင်ငံများအနေဖြင့် ရေနံကြွယ်ဝသော အီရန်နှင့် ပြန်လန်ဆက်သွယ်ရန်
စိတ်ဝင်စားလာခြင်းဖြစ်သည်။
ယူကေသံရုံးမှာ လွန်ခဲ့သည့် ၄ နှစ်ခန့်က လူအုပ်ကြီး၏ တိုက်ခိုက်မှုကို ခံခဲ့ရပြီး ယနေ့တွင်ပြုလုပ်မည့် သံရုံးဖွင့်ပွဲတွင် နိုင်ငံခြားရေးဝန်ကြီး ဟမ်မွန်ကိုယ်တိုင် တက်ရောက်မည်ဖြစ်ကာ ၂၀၀၃ ခုနှစ်နောက်ပိုင်း အီရန်သို့ရောက်ရှိသည့် ပထမဆုံး ဗြိတိန်နိုင်ငံခြားရေးဝန်ကြီးလည်း ဖြစ်လာမည်ဖြစ်သည်။
“ဗြိတိန်သံရုံး တိုက်ခိုက်ခံရပြီးတဲ့ လေးနှစ်အကြာ ဒီနေ့တော့ ကျွန်တော်ဟာ ပြန်ဖွင့်တော့မှာပါ။ အီရန်တွေလည်း အလားတူပဲ လန်ဒန်က သူတို့သံရုံးကို ပြန်ဖွင့်ပါလိ့မ်မယ်။ ကျွန်တော်တို့ရဲ့ ဆက်ဆံရေးဟာ ၂၀၁၁ ခုနှစ်ကလည်း တိုးတက်လာခဲ့ပါတယ်” ဟု ဗြိတိန်နိုင်ငံခြားရေးဝန်ကြီးဌာနမှ ထုတ်ပြန်သော ကြေညာချက်တွက် ဟမ်မွန်က ပြောကြားခဲ့သည်။
ထို့ပြင် ၂၀၁၃ ခုနှစ်က သမ္မတရူဟာနီ ရွေးကောက်ခံရခြင်းနှင့် ပြီးခဲ့သည့်လက နျူအရေး သဘောတူညီချက်တို့မှာ အရေးပါသည့် သမိုင်းမှတ်တိုင်များဖြစ်ပြီး ရှေ့ဆက်သွားရန် အလားအလာများရှိမည်ဟု ယုံကြည်ကြောင်း ၎င်းက ထည့်သွင်းပြောကြားခဲ့သည်။
၂၀၁၁ ခုနှစ်က ဗြိတိန်သံရုံး တိုက်ခိုက်မှုဖြစ်ပွားခဲ့ပြီးနောက် ဗြိတိန်ကလည်း အီရန် သံအမတ်များကို နှင်ထုတ်ခဲ့ကာ နှစ်နိုင်ငံသံတမန်ဆက်ဆံရေးမှာ အနိမ့်ဆုံးအဆင့်အထိ ရောက်ရှိသွားခဲ့သည်။
Ref: Channelnewsasia