စက်တင်ဘာ ၆၊ ၂၀၁၅
M-Media
– ဆီးရီးယားတွင် ရုရှားက စစ်ဘက်ဆိုင်ရာ ပြင်ဆင်မှုများ တိုးမြှင့်နေသည်ဟူသော သတင်းများအတွက် မိမိတို့က စိုးရိမ်မိသည်ဟု အမေရိကန် နိုင်ငံခြားရေးဝန်ကြီးက ရုရှားနိုင်ငံခြားရေးဝန်ကြီးနှင့် ဖုန်းပြောဆိုမှုတွင် ပြောကြားခဲ့သည်ဟု အမေရိကန် အစိုးရက ပြောကြားလိုက်သည်။
“အဲဒီလိုသတင်းတွေသာ မှန်ကန်မယ်ဆိုရင် ဒါမျိုးလုပ်ရပ်တွေက ပဋိပက္ခကို ပိုမိုမြင့်တက်လာနိုင်ပြီး အပြစ်မဲ့အသက်တွေ ကြီးကြီးမားမားဆုံးရှုံးတာတွေ၊ ဒုက္ခသည်တိုးလာတာတွေ၊ ဆီးရီးယားမှာ IS တိုက်ဖျက်ရေးလုပ်နေတဲ့ မဟာမိတ်တွေနဲ့ ထိပ်တိုက်တိုးမယ့် အန္တရာယ်တွေဆီ ဦးတည်သွားမယ်လို့ ၀န်ကြီးက ပြောခဲ့ပါတယ်” ဟု အမေရိကန် အစိုးရက ယမန်နေ့တွင် ပြောကြားခဲ့သည်။
အမေရိကန်နိုင်ငံခြားရေးဝန်ကြီး ဂျွန်ကယ်ရီကမူ ရုရှားနိုင်ငံခြားရေးဝန်ကြီး လာဗရော့ဗ်မှာ ဆီးရီးယား၌ ရုရှား၏ စစ်ရေးအရ ၀င်ရောက်စွက်ဖက်မှုကို မြှင့်တင်ရန် သတင်းများအကြောင်းကို မိမိနှင့် ဆွေးနွေးခဲ့သည်ဟု ပြောကြားခဲ့သည်။
ရုရှားမှာ ဆီးရီးယားသို့ အဆင့်မြင့် စစ်ဘက်အဖွဲ့တစ်ဖွဲ့ကို စေလွှတ်ခဲ့ပြီး၊ အခြားသော ဆောင်ရွက်မှုများကိုလည်း ပြုလုပ်နေသည်ဟု နယူးယောက်တိုင်းမ်သတင်းစာက သောကြာနေ့တွင် ဖော်ပြခဲ့သည်။
အဆိုပါ ဆောင်ရွက်မှုများတွင် ရာနှင့်ချီသော ပြည်သူများအတွက် ယာယီအိမ်များ၊ အလွယ်တစ်ကူ အသုံးပြုနိုင်သော လေကြောင်း ထိန်းသိမ်းရေး စခန်းတစ်ခုတို့ ပါဝင်သည်ဟု သတင်းစာက ဆိုသည်။
ရုရှားအနေဖြင့် အီရတ်နှင့် ဆီးရီးယားရှိ IS အဖွဲ့ပေါ် ပြုလုပ်သည့် စစ်ဆင်ရေးများတွင် ပါဝင်မည်လားဟု မေးမြန်ခဲ့ရာ ပူတင်က မိမိတို့မှာ ရွေးချယ်မှုများစွာကို စဉ်းစားနေသော်လည်း စစ်ရေးအရ ပါဝင်မည်မဟုတ်ဟု ဖြေကြားခဲ့သည်။
ဆီးရီးယားတွင် ရုရှား၏ စစ်ဘက်ဆိုင်ရာ ပြင်ဆင်မှုသတင်းအတွက် အမေရိကန်၏ စိုးရိမ်ကြောင်း ပြောကြားမှုနှင့်ပတ်သက်၍ ပူတင်က မည်သည့်မှတ်ချက်မှ မပေးခဲ့ဘဲ နိုင်ငံခြားရေးဝန်ကြီးနှစ်ဦးမှာ ဆီးရီးယားအခြေအနေနှင့် IS အပါအ၀င် အခြားသော အကြမ်းဖက်အုပ်စုများအား တွန်းလှန်ရေး ရည်ရွယ်ချက်တို့အကြောင်း ဆွေးနွေးခဲ့ကြသည်ဟု ပြောကြားခဲ့သည်။
ရုရှားက ဆီးရီးယားတွင် စစ်ရေးအရ ပြင်ဆင်မှုများ ပြုလုပ်နေခြင်းမှာ IS နှင့် ဆီးရီးယားအစိုးရတပ်များကို တိုက်ခိုက်နေသော အုပ်စုများအား တန်ပြန်ထိုးနှက်မှုများ ဖြစ်လာမည်ကို အမေရိကန်က စိုးရိမ်နေသည်။
Ref: Aljazeera