စက်တင်ဘာ ၁၂၊ ၂၀၁၅
M-Media
– သွေးတိုးသည်ဟု သတ်မှတ်ထားသည့် အမှတ်အောက်တွင်သာ သွေးဖိအားရှိအောင် ဂရုတစ်စိုက် ဆောင်ရွက်ခြင်းက အသက် ၅၀ နှင့်အထက် လူကြီးများတွင် သေဆုံးမှုအန္တရာယ်နှင့် ဆိုးရွားသည့် နှလုံးရောဂါ ဖြစ်ပွားမှု အန္တရာယ်များကို လျော့ကျစေသည်ဟု အမေရိကန်ရှိ လေ့လာမှုများအရ သိရသည်။
သွေးတိုးရောဂါရှိသည့် လူနာပေါင်း ၉၃၀၀ ကျော်ကို လေ့လာမှုအတွင်း ထိုကဲ့သို့ တွေ့ရှိရခြင်းဖြစ်ပြီး သွေးတိုးသည်ဟု ယူဆသည့် သွေးဖိအား ၁၂၀-၁၄၀ အောက်တွင် ရှိစေရန် ဆေးဝါး ပေါင်းစပ်အသုံးပြုမှုမှာ ရုတ်တရက် နှလုံးဖောက်ခြင်း၊ လေဖြတ်ခြင်းနှင့် နှလုံးမူမမှန်မှုတို့ကို ၃ ပုံ တစ်ပုံခန့် လျော့ကျပြီး သေဆုံးမှုအန္တရာယ်မှာ ၄ ပုံ ၁ ပုံခန့် လျော့ကျစေသည်ဟု ဆိုသည်။
“ဒီလေ့လာမှုက ကျန်းမာရေးစောင့်ရှောက်မှုပေးတဲ့သူတွေ အသုံးဝင်မယ့် အသက်ကယ်တင်ရေး သတင်းအချက်အလက်ကို ရရှိခဲ့ပါတယ်။ ပြီးတော့ သူတို့တွေဟာ အချို့လူနာတွေ၊ အထူးသဖြင့် အသက် ၅၀ ကျော်သူတွေအတွက် အကောင်းဆုံး ရွေးချယ်ကုသမှုကို စဉ်စားနိုင်မှာပါ” ဟု လေ့လာမှုကို ထောက်ပံ့ပေးခဲ့သည့် အမေရိကန် အမျိုးသား နှလုံး၊ အဆုတ်နှင့် သွေးအသင်း NHLBI မှ ဒါရိုက်တာ ဒေါက်တာ ဂယ်ရီ ဂစ်ဘွန်စ်က ပြောကြားခဲ့သည်။
သုတေသနပညာရှင်များကမူ အဆိုပါရလဒ်အတွက် ပြည့်ဝသည့် ဆန်းစစ်မှုများ မပြုလုပ်ရသေးဟု သတိပေးခဲ့ပြီး၊ တကယ့်လက်တွေ့တွင် ပြောင်းလဲမှုရှိမလားဆိုသည်ကို ဆုံးဖြတ်ရန် အချက်အလက်အလက်များကို ဆေးဘက်ဆိုင်ရာ အကြံပေးအဖွဲ့များက လေ့လာရအုံးမည်ဟု ပြောကြားခဲ့သည်။
သွေးတိုးမှုမှာ နှလုံးရောဂါ၊ ကျောက်ကပ်ပျက်ဆီးမှုနှင့် အခြားသော ကျန်းမာရေး ပြဿနာများကို ဖြစ်ပွားစေနိုင်သည်။ အဆိုပါ တွေ့ရှိချက်ကို ဆွေးနွေးမှုများပြုလုပ်ရန် ဆရာဝန်များက တိုက်တွန်းမှု ရှိခဲ့ပြီး ၎င်းတို့က သွေးဖိအား ၁၂၀-၈၀ မှာ နှစ်လိုဖွယ်ရာဖြစ်သော်လည်း ၁၄၀-၉၀ က သွေးတိုးသည်ဟု ယူဆသည့် သွေးဖိအားဖြစ်သည်ဟု ဆိုသည်။
Ref: Channelnewsasia