စက်တင်ဘာ ၁၄၊ ၂၀၁၅
M-Media
– ဒီတစ်ပတ်မှာကစားခဲ့တဲ့ ပရီးမီးယားလိဂ် ပွဲစဉ် ၅ မှာ မန်စီးတီးက ရာနှုန်းပြည့် နိုင်ပွဲရခဲ့ပြီး လက်စတာကလည်း ရှုံးပွဲမရှိစံချိန်ကို ဆက်ထိန်းထားနိုင်ခဲ့ပါတယ်။ မန်ယူက အိမ်ကွင်းမှာ လီဗာပူးလ်ကို အနိုင်ကစားနိုင်ခဲ့ပြီး ချယ်ဆီးကတော့ ရာသီအစ အဆိုးဝါးဆုံး အခြေအနေကို ကြုံတွေ့နေရပါတယ်။
ပွဲစဉ် ၄ မှာ ခရစ္စတယ်ပဲလေ့စ်ကို အိမ်ကွင်းမှာ ရှုံးနိမ့်ခဲ့တဲ့ ချယ်ဆီး၊ ဒီတစ်ပတ် အဝေးကွင်းမှာလည်း အဲဗာတန်ကို ၃ ဂိုး ၁ ဂိုနဲ့ ရှုံးနိမ့်ခဲ့ပါတယ်။ အဲဗာတန်မှာ စတီဗင် နိုင်စမစ်က ခြေစွမ်းပြပြီး ဟက်ထရစ်သွင်းယူပေးခဲ့တာပါ။ ပြီးခဲ့တဲ့တစ်နှစ်လုံးမှာ ၃ ပွဲသာ ရှုံးနိမ့်ခဲ့တဲ့ ချယ်ဆီးအသင်းဟာ ဒီနှစ်မှာတော့ ၅ ပွဲကစားပြီးတဲ့အချိန်မှာ ၃ ပွဲအထိ ရှုံးနိမ့်ထားပြီး အဆင့် ၁၇ ကို ရောက်ရှိနေပါတယ်။ မော်ရင်ဟိုက
ရလဒ်ဟာ မှားယွင်းနေပြီး ကစားသမားတွေ ကြိုးစားမှုနဲ့ မထိုက်တန်ဘူးလို့ ပွဲအပြီးမှာ ပြောခဲ့ပါတယ်။
ခါးသီးတဲ့ပြိုက်ဘက်တွေဖြစ်တဲ့ မန်ယူနဲ့ လီဗာပူးလ်တို့ရဲ့ အိုးထရက်ဖို့ဒ်က ပွဲမှာတော့ ဗန်ဂါးလ်ရဲ့ မန်ယူက အကောင်းဆုံး ဂိုးတွေနဲ့အတူ အနိုင်ယူနိုင်ခဲ့ပါတယ်။ အသင်းနဲ့ စာချုပ်သစ်ချုပ်ဆိုလိုက်တဲ့ ဂိုးသမား ဒီဂီယာ ဒီပွဲမှာ ပြန်လည်ပါဝင်လာပါတယ်။ ပထမပိုင်းမှာ ထိထိရောက်ရောက် ထိုးဖောက်နိုင်ခြင်း မရှိတဲ့ မန်ယူတို့ ၄၉ မိနစ်မှာ အဖွင့်ဂိုးရခဲ့ပြီး ဖရီးကစ်ကနေတစ်ဆင့် မာတာရဲ့ ချပေးမှုကို ဘလင်းက ဧရိယာထိပ်ကနေ လှလှပပ မနားတမ်း ကန်သွင်းသွားတာ ဖြစ်ပါတယ်။ မိနစ် ၇၀ မှာ ဟာရဲရားရဲ့ ပင်နယ်တီနဲ့ ဒုတိယဂိုးရခဲ့ပါတယ်။ ၈၄ မိနစ်မှာတော့ လီဗာပူးလ်တိုက်စစ်မှူး ဘန်တီကီက အားပါတဲ့ ဘိုင်စကယ်ကစ်နဲ့ ချေပဂိုး သွင်းပေးခဲ့ပေမယ့်
လူစားဝင်လာတဲ့ လူငယ်ကစားသမားသစ် အန်သိုနီ မာရှယ်က ၂ မိနစ်အကြာမှာ တစ်ကိုယ်တော်အစွမ်းနဲ့ ပွဲသိမ်းဂိုးကို သွင်းယူပေးခဲ့ပါတယ်။
တိုက်စစ်အားနည်းမှုကြောင့် ဝေဖန်ခံနေရတဲ့ အာဆင်နယ်ဟာ အိမ်ကွင်းမှာ မာကျောတဲ့ စတုတ်ကို ဝေါလ်ကော့၊ ဂျရူးတို့ရဲ့ ဂိုးတွေနဲ့ အနိုင်ရခဲ့ပါတယ်။ ကစားပုံကောင်းတဲ့အာဆင်နယ် ဂိုးသွင်းခွင့် တော်တော်များများ ရခဲ့ပြီး ပထမပိုင်းအစမှာ ဆန်းချက်ဇ်ရဲ့ ခေါင်းတိုက်ဂိုးနဲ့ အပိုင်ကန်သွင်းချက်တွေသာ တိုင်ထိမထွက်ခဲ့ရင် ဒီထက်ပိုပြီး ဂိုးပြတ်မှာဖြစ်ပါတယ်။ ၀င်းဂါးကလည်း အသင်းက ဂိုးပိုရသင့်တယ်လို့
ပွဲအပြီးမှာ ပြောခဲ့ပါတယ်။
မန်စီးတီး
က ကစားရခက်တဲ့ ခရစ္စတယ်ပဲလေ့စ်ကို အဝေးကွင်းမှာ နောက်ဆုံးမိနစ်ဂိုးနဲ့ အနိုင်ရခဲ့ပြီး ရာနှုန်းပြည့် နိုင်ပွဲစံချိန်ကိုဆက်ထိန်းကာ ဇယားကို ဦးဆောင်နေပါတယ်။ ရှုံးပွဲမရှိသေးတဲ့ လက်စတာကလည်း အက်စတွန်ဗီလာကို အိမ်ကွင်းမှာ ၂ ဂိုးပြတ်ရှုံးနိမ့်နေရာကနေ နောက်ဆုံး မိနစ် ၂၀ အတွင်းမှာ ၃ ဂိုးပြန်သွင်းပြီး သူတို့ရဲ့ ပုံစံကောင်းကို ဆက်ထိန်းထားနိုင်ခဲ့ပါတယ်။
အခုတစ်ပတ် ပရီးမီးယားလိဂ် ရလဒ်များကတော့ အောက်ပါအတိုင်းဖြစ်ပါတယ်။
အဲဗာတန် ၃-၁ ချယ်ဆီး
အာဆင်နယ် ၂-၀ စတုတ်
ခရစ္စတယ်ပဲလေ့စ် ၀-၁ မန်စီးတီး
နော်ဝစ်ခ်ျ ၃-၁ ဘုန်းမောက်
ဝက်ဖို့ဒ် ၁-၀ ဆွမ်ဆီး
ဝက်စ်ဘရွန်း ၀-၀ ဆောက်သက်တမ်
မန်ယူ ၃-၁ လီဗာပူးလ်
ဆန်းဒါးလန်း ၀-၁ စပါး
လက်စတာ ၃-၂ အက်စတွန်ဗီလာ