စက်တင်ဘာ ၁၄၊ ၂၀၁၅
M-Media
– ကမ္ဘာ့အဆင့် ၁ တင်းနစ်သမား နိုဗက် ဂျိုကိုဗစ်မှာ ကမ္ဘာ့အဆင့် ၂ ရော်ဂျာဖက်ဒါရာကို အနိုင်ယူကာ ယူအက်စ်အိုးပင်း တင်းနစ်ပြိုင်ပွဲတွင် ဗိုလ်စွဲနိုင်ခဲ့သည်။
ယနေ့နံနက်က ကစားခဲ့သည့် ၎င်းတို့နှစ်ဦး၏ ဗိုလ်လုပွဲမှာ အကြိတ်အနယ်ရှိခဲ့ပြီး ဂျိုကိုဗစ်က ၆-၄၊ ၅-၇၊ ၆-၄၊ ၆-၄ ဖြင့် အနိုင်ရရှိခဲ့ခြင်း ဖြစ်သည်။ ၃ နာရီ မိနစ် ၂၀ ခန့် ကြာမြင့်ခဲ့သည့် အဆိုပါပွဲကို မိုးရွာသွန်းမှုကြောင့် ၃ နာရီခန့် နောက်ဆုတ်ခဲ့ရသည်။
ထိုပွဲကို အင်္ဂလန်ဘောလုံးသမားဟောင်း ဒေးဗစ်ဘက်ခမ်း၊ မင်းသား လီယိုနာဒို ဒီကာပရီယိုတို့ အပါအ၀င် ကမ္ဘာကျော်များ လာရောက်ကြည့်ရှုခဲ့သည်။
ဂျိုကိုဗစ်မှာ ၂၀၁၁ ခုနှစ်က ယူအက်စ်အိုးပင်းတွင် ဗိုလ်စွဲနိုင်ခဲ့ပြီး ယခုအကြိမ်မှာ ဒုတိယအကြိမ်ဖြစ်သည်။ ထို့ပြင် ထိုဆုဖလားက ၎င်း၏ ၁၀ ခုမြောက် ဂရန်းစလမ် ဖလားလည်းဖြစ်သည်။ ယခုနှစ်အတွင်း ဂျိုကိုဗစ်မှာ သြစတေးလျအိုးပင်း၊ ၀င်ဘယ်လ်ဒန်နှင့် ယူအက်စ်အိုးပင်း ဆုဖလားများကို ရယူနိုင်ခဲ့သည်။
“ဒီပွဲက သိပ်ခက်တဲ့ပွဲပါ။ ကျွန်တော် ရော်ဂျာကို တော်တော်လေး လေးစားပြီး သမိုင်းက အကောင်းဆုံးကစားသမားနဲ့ ကစားရတာက ကျွန်တော့်ကို ဖိအားတွေ ဖြစ်စေခဲ့ပါတယ်” ဟု ဂျိုကိုဗစ်က ပွဲအပြီးတွင် ပြောကြားခဲ့သည်။
ဖက်ဒါရာမှာ ၂၀၁၂ ခုနှစ်နောက်ပိုင်း ဂရန်းစလမ်ပွဲများတွင် ဗိုလ်စွဲနိုင်ခဲ့ခြင်း မရှိတော့ချေ။
“ပြီးခဲ့နှစ်ပတ်မှာ ကျွန်တော်ဟာ အံ့သြစရာကောင်းလောက်အောင် ကောင်းခဲ့ပါတယ်။ ကျွန်တော့်ရဲ့ဒီပွဲအတွက် ကျေနပ်ပါတယ်။ နှစ်လည်းနှစ်သက်မိပြီး ပွဲကောင်းတစ်ပွဲ ဖြစ်တယ်လို့လည်း ကျွန်တော်ထင်ပါတယ်” ဟု ဖက်ဒါရာက ပြောကြားခဲ့သည်။
Ref: Dailymail