စက်တင်ဘာ ၂၃၊ ၂၀၁၅
M-Media
– မြန်မာနိုင်ငံ မြို့တော်ရန်ကုန် တောင်ဘက်တွင် ဖော်ဆောင်နေသော သီလ၀ါ အထူးစီးပွားရေးဇုန်၏ ပထမအဆင့်ဖြစ်သည့် ကန်ဒေါ်လာ ၁.၅ ဘီလီယံ တန်ဖိုးရှိသော စက်မှုဇုန်ကို ယနေ့တွင် ဖွင့်လှစ်ခဲ့သည်ဟု သိရသည်။
မြေဧက ၂၄၀၀၀ ဟက်တာ အကျယ်ရှိသည့် အဆိုပါ အထူးစီးပွားရေးဇုန်မှ စက်မှုဇုန် ဖွင့်ပွဲအခမ်းအနားကို ဒုတိယသမ္မတ ဦးဥာဏ်ထွန်းကိုယ်တိုင် တက်ရောက်ခဲ့သည်။ သီလ၀ါ အထူးစီးပွားရေးဇုန်ကို စက်ရုံပေါင်း ၁၀၀ ခန့်ဖွင့်လှစ်နိုင်ရန်နှင့် လူပေါင်း ၄၀၀၀၀ ကျော်ကို အလုပ်အကိုင်ပေးနိုင်ရန် ရည်ရွယ်ဆောင်ရွက်ခြင်း ဖြစ်သည်။
အဆိုပါ အထူးစီးပွားရေးဇုန် စီမံကိန်းအတွက် ဂျပန်အစိုးရနှင့် ဂျပန်ကုမ္ပဏီများ ကျောထောက်နောက်ခံ ပြုပေးထားခြင်းဖြစ်ပြီး ဦးဥာဏ်ထွန်းကမူ ထိုစီးပွားရေးဇုန်မှာ မြန်မာနှင့် ဂျပန်နိုင်ငံတို့၏ ဆက်သွယ်မှုကို မြှင့်တင်ပေးလိမ့်မည်ဟု ပြောကြားခဲ့သည်။
ယခုဖွင့်လှစ်လိုက်သည့် စက်မှူဇုန် အကျယ်အ၀န်းမှာ ၄၀၀ ဟက်တာရှိပြီး ထိုမြေနေရာ၏ ၇၀ ရာခိုင်နှုန်းကျော်တွင် နိုင်ငံ ၁၃ နိုင်ငံမှ ကုမ္ပဏီ ၄၈ ခုက လုပ်ငန်းများကို ဆောင်ရွက်နေကြသည်။
လူဦးရေ သန်း ၅၀ ကျော်ရှိသော မြန်မာနိုင်ငံတွင် နိုင်ငံခြား ရင်းနှီးမြှုပ်နှံမှုမှာ ၂၀၀၉-၂၀၁၀ ခုနှစ်က ကန်ဒေါ်လာ ၃၂၉.၅ သန်းရှိရာမှ ပြီးခဲ့သည့် ဘဏ္ဍာရေးနှစ်အတွင်း ၈.၁ ဘီလီယံအထိ ခုန်တက်လာခဲ့သည်။
နိုင်ငံတကာ ငွေကြေးရန်ပုံငွေအဖွဲ့ IMF ကမူ မြန်မာနိုင်ငံ၏ စီးပွားရေးမှာ ယခုနှစ်တွင် ၈.၅ ရာခိုင်နှုန်း တိုးတက်လာလိမ့်မည်ဟု ခန့်မှန်းထားသည်။
မြန်မာနိုင်ငံတောင်ပိုင်း ထားဝယ်မြို့နှင့် ရခိုင်ပြည်နယ် ကျောက်ဖြူမြို့များတွင်လည်း အထူးစီးပွားရေး ဇုန်များကို ဖော်ဆောင်ရန် အစိုးရက စီစဉ်ထားပြီး၊ သီလ၀ါကိုမူ ဦးစားပေး သတ်မှတ်ထားသည်။
Ref: Reuters