ဖေဖော်ဝါရီ ၁၈ ၊ ၂၀၁၄
ရေးသူ- အောင်တင်
အောက်က သက်နှင်း သုန္ဒရီရဲ့ ပို့စ်လေးကို ဖတ်ပါ။ အဲဒီပို့စ်ထဲက NLD ဆိုတဲ့ နေရာတိုင်းမှာ မွတ်စလင်ဆိုတာကို အစားထိုး ထည့်ကြည့်ပြီး ပြန်ဖတ်ပါ။ စဉ်းစားပါ။ လေးလေးနက်နက် စဉ်းစားကြပါ။
အရင်တုန်းက ကိုင်းဖျား ကိုင်းနားတွေကို တိုက်နေရာက အခုတော့ ဌာနချုပ်ကို အတိအလင်း အမြောက်နဲ့ ပစ်လာပြီလေ။ တစ်ကယ်တော့ မွတ်စလင်တွေ ရိုဟင်ဂျာတွေကို စပြီးတိုက်တာ NLD က ကြားဖြတ်ရွေးကောက်ပွဲမှာ အပြတ်အသတ်နိုင်ပြီးမှ ဖြစ်ခဲ့တာပါ။ မြန်မာ့နိုင်ငံရေး Time Line ကို သေသေချာချာ ပြန်ကြည့်ပါ။
ဒါကြောင့် အဲဒီကတည်းက ဖဆပလနှစ်ခြမ်းကွဲတော့ ဖဆပလပါတီကြီးရဲ့ ယန္ထရားကြီးတစ်ခုလုံး ဦးကျော်ငြိမ်း၊ ဦးဘဆွေလက်ထဲရောက်သွားပြီး လဇင်းကျွတ်ကျန်ခဲ့တဲ့ ဦးနုက ဘာသာရေးကို မဲပုံးထောင်ပြီး တည်မြဲ ဖဆပလကို အပြတ်အသတ် အလဲထိုးခဲ့တယ်ဆိုတဲ့ သမိုင်းကိုထောက်ပြီး ကျုပ်အတန်တန် သတိပေးခဲ့တယ်။
ပြည်ထောင်စုပြိုကွဲမှာ ကြောက်လို့ အာဏာသိမ်းတဲ့ စစ်တပ်က ကွန်မြူနစ်တွေ အန္တရယ်က ကာကွယ်ဖို့ ရှစ်လေးလုံးမှာ အာဏာသိမ်းပြန်တယ်။ အခု အမျိုး ဘာသာ သာသနာနဲ့ ဒီမိုတွေကို အပြတ်လှဲလိမ့်မယ်လို့ ကျုပ်ထောက်ပြခဲ့တယ်။ ဘာသာရေး လူမျိုးရေး အစွန်းရောက်တွေကို နုစဉ်ကတည်း ပြတ်ပြတ်သားသား ဆန့်ကျင်ဖို့ တိုက်တွန်းခဲ့တယ်။ ကျုပ်Facebook ရဲ့ Time Line ကို သေသေချာချာ ပြန်ရှာဖတ်နိုင်ပါတယ်။
ဦးတင်ဦးကို မနှစ်က ဇန္နဝါရီမှာ ကိုယ်တိုင်တွေ့ဆုံပြီး လူမျိုးရေး ဘာသာရေး အစွန်းရောက်မှုတွေမှာ ပါတီဝင်တွေ မပါဝင်ကြဖို့ ညွှန်ကြားချက်တစ်စောင် အမြန်ထုတ်ပေးပါရန် တင်ပြတောင်းဆိုခဲ့တယ်။ ဦးတင်ဦးက သဘောပေါက်တဲ့အတွက် အမှုဆောင်အဖွဲ့ကို တင်ပြပြီး လုပ်ဆောင်ပေးမယ်လို့ ကျုပ်ကို ပြောခဲ့တယ်။ ၉၆၉ နဲ့ KKK ဆိုတာတွေကို လူမှုရေးအဖွဲ့အစည်းတွေလို့ ထင်တဲ့ ဦးညာဏ်ဝင်းလို လူမျိုးတွေကြောင့် ဘာမှ ဖြစ်မလာပါဘူး။
ဒါနဲ့ဘဲ NLD နဲ့ ရှစ်လေးလုံးတွေရဲ့ အောက်ခြေတွေကလည်း လူမျိုးရေး ဘာသာရေး အစွန်းရောက်မှုတွေမှာ လွတ်လွတ်လပ်လပ်ကြီး ပါဝင်ဆင်နွှဲနေကြတော့တယ်။ NLD နဲ့ ရှစ်လေးလုံးတွေရဲ့ အေက်ခြေတွေကို အစွန်းရောက်တွေက လွှမ်းမိုးချုပ်ကိုင်ခွင့် ရလာတယ်။
NLD ရှစ်လေးလုံး အပါအဝင် ဒီမိုတွေအားလုံးကလည်း အမျှော်အမြင်နည်းပါးစွာ ကိုယ့်မထိသေးဘူးဆိုပြီး နိုင်ငံရေး အချောင်လမ်းလိုက် မသိချင်ယောင် ဆောင်နေခဲ့ကြတယ်။
အခုတော့ ဒီအန္တရာယ်က ထိမ်းမနိုင် သိမ်းမရအောင် မြွေဆိပ် ထိပ်တက်လာပြီလေ။ သံဃာကို အစဉ်အဆက် နှိပ်စက်ခဲ့တဲ့ စစ်အာဏာရှင်ကို ကယ်တင်ရှင်လို့ သီတဂူဆရာတော်ရဲ့ သြဝါဒခံယူတဲ့ မဘသအပါအဝင် သံဃာတွေက ထင်လာကြပြီ။
မြွေပွေးကို ငယ်သည်ဟု အလိမ်ပါယ်ပြနေခဲ့တော့ အခုမှ ကိုယ့်ထိ မချိဖြစ်ကြရပြီး အပ်နဲ့ထွင်းရမဲ့ အရေးဟာ ပေါက်ဆိန်နဲ့ ပေါက်ရမဲ့ကိန်း ဖြစ်နေပြီပေါ့။
သင်္ဘောပျက်ရင်လည်း ဆန်ဆေးတောင်းနဲ့ဖြစ်ဖြစ် ရသမျှကို ပြန်ဆယ်ရမှာဘဲ။ ထိုင်ငြီးနေလို့ ဘာမှ မဖြစ်လာဘူး။ အမှားမြင်ရင် အမှန်ပြင်ကြ။
Better Late than Nothing.
==============
NLD ကိုအပြစ်ပုံချနေရအောင် ဘုန်းကြီးတွေကို သတ်ခဲ့တာ NLD မဟုတ်ဘူး…ဘုန်းကြီးခေါင်းကို နံပါတ်တုတ်နဲ့ ခွပ်ခနဲ နေအောင်ရိုက်ပြီး သွေးအလိမ်းလိမ်း ထွက်အောင် လုပ်ခဲ့တာ NLD မဟုတ်ဘူး…ကျောင်းတိုက်ကနေ ဘုန်းကြီးတွေကို နှင်ထုတ်တာ NLD မဟုတ်ဘူး…တိုင်မှာ ကြိုးတုတ်ပြီး ရိုက်နှက် နှိပ်စက်တာ NLD မဟုတ်ဘူး…ဘုရားရုပ်ပွားတော်တွေနဲ့ ဆင်းတုတွေကို ဖျက်ဆီးပစ်တာ NLD မဟုတ်ဘူး…မီးလောင်ဗုံးနဲ့ ပစ်ပြီး ရုပ်ပျက်ဆင်းပျက် ဖြစ်အောင် လုပ်ခဲ့တာလည်း NLD မဟုတ်ဘူး…အဲ့တော့…ဘယ်သူပဲ ဖြစ်ဖြစ် NLD နဲ့ ဒီမိုအင်အားစုတွေကို အပြစ်ရှာကြံပြီး ရန်ညှိုးဖွဲ့နေမဲ့ အစား ဘုန်းကြီးတွေကို ကိုယ်ထိလက်ရောက် ကျူးလွန်စော်ကားသတ်ဖြတ်ခဲ့တဲ့ စစ်တပ်နဲ့ အစိုးရလူကြီးမင်းများကိုသာ နာကျည်းသင့်တယ်…တခါသေဖူး ပျဉ်ဖိုး နားမလည်ဘဲ ထပ်ခါထပ်ခါ သေချင်နေတာကိုက မိုက်တွင်းနက်တာ မရှိတော့ဘူးလို့ပဲ ပြောချင်ပါတယ်…သက်နှင်း သုန္ဒရီ
အောင်တင်
စာရေးသူ၏ FB စာမျက်နှာ https://www.facebook.com/aungtin.nld
စာရေးသူ၏ အမြင်နှင့် အာဘော်ဖြစ်ပါသည်။