ဖေဖော်ဝါရီ ၂၇၊ ၂၀၁၄
M-Media
- ထိုင်းနိုင်ငံ ဘန်ကောက်မြို့ဆင်ခြေဖုံးရှိ ဆောက်လုပ်ရေး လုပ်ငန်းခွင် တစ်ခုအတွင်း ယက်မတန်းကြီး တစ်ခုပြုတ်ကျခဲ့သောကြောင့် မြန်မာရွှေ့ပြောင်း အလုပ်သမ တစ်ဦး အပါအ၀င် အနည်းဆုံး လူ ၁၁ ဦးသေဆုံးခဲ့သည်ဟု သိရသည်။
ဘန်ကောက်မြို့ အရှေ့တောင်ပိုင်း Bangpli ခရိုင်ရှိ ဆေးရုံသစ် ဆောက်လုပ်ရေး လုပ်ငန်းခွင်တွင် အင်္ဂါနေ့က ဖြစ်ပွားခဲ့ခြင်းဖြစ်သည်။ လုပ်ငန်းခွင်ရှိ အလုပ်သမား ၂၇ ဦးမှာ နေ့လည်အားလပ်ချိန်အတွင်း အချို့မှာ ထမင်းစားနေကြပြီး၊ အချို့မှာ အနားယူနေကြစဉ် ကွန်ကရစ် ယက်မတန်းကြီး ကျိုးကြခဲ့ခြင်းဖြစ်သည်ဟု ထိုင်းရဲတပ်ဖွဲ့မှ ဒုဗိုလ်မှူးကြီး Somchai Piakhan က ပြောကြားခဲ့သည်။ အခင်းဖြစ်ပွားမှုအတွင်း တစ်ဒါဇင်ကျော်ခန့် ဒဏ်ရာရရှိခဲ့ပြီး ဆေးရုံသို့တင်ပို့ခဲ့ရကာ တစ်ဦးမှာ အပျက်အစီးများအကြား ပိတ်မိနေဆဲဟု ၎င်းက ထပ်လောင်းပြောကြားခဲ့သည်။
ကယ်ဆယ်ရေးအဖွဲ့မှာ သံချောင်းများ ကွန်ကရစ်တုံးများကို ဖယ်ရှား၍ အနံ့ခံခွေးများအသုံးပြုကာ ပိတ်မိနေသူအား ကယ်ဆယ်ခဲ့သည်ဟု သိရသည်။
ထိုင်းနိုင်ငံ၏ အကြီးဆုံးဆောက်လုပ်ရေး ကုမ္ပဏီ ITD မှ တည်ဆောက်သည့် အဆိုပါဆောက်လုပ်ရေး လုပ်ငန်းခွင်တွင် သေဆုံးသူများမှာ ထိုင်းနိုင်ငံသား ၄ ဦး ကမ္ဘောဒီးယားမှ ၅ ဦးနှင့်၊ အသက် ၂၉ နှစ်အရွယ် ကေခိုင်ဆိုသည့် မြန်မာရွှေ့ပြောင်း အလုပ်သမ တစ်ဦးတို့ဖြစ်ကြသည်ဟု အလုပ်သမားရေးရာ သံမှူး ကျော်ကျော်လွင်က ဆိုသည်။
ကွယ်လွန်သွားသူ၏ အမျိုးသားဖြစ်သူ သက်မောင်မောင်မှာလည်း အဆိုပါ လုပ်ငန်းခွင်တွင်ပင် အလုပ်လုပ်ကိုင်နေသူဖြစ်ပြီး ITD မှ ပေးအပ်သည့် နစ်နာကြေး ကန်ဒေါ်လာ ၃၀၀၀ ကို ရရှိမည်ဟု ကျော်ကျော်လွင်က ဆိုသည်။
သို့သော်လည်း သက်မောင်မောင်ကမူ အဆိုပါကုမ္ပဏီမှ နစ်နာကြေး၊ သဂြိုဟ်စားရိတ် စသည်တို့နှင့်ပတ်သက်၍ မည်သည်ကိုမျှ မကြားမိကြောင်း၊ ဇနီးသည်၏ ရုပ်အလောင်းမှာ ရဲစခန်းတွင်ဖြစ်ပြီး မြန်မာသံရုံးမှ အကူအညီအချို့ကို ရရှိကြောင်းပြောကြားခဲ့သည်။
“ရဲတွေက သူမ(ကွယ်လွန်သူ)မှာ အထောက်အထား မရှိဘူးလို့ ထင်ကြပြီး၊ ကျွန်တော်က အဲဒီအထောက်အထားတွေကိုပေးမှ သူတို့က အလောင်းပြန်ပေးမှာပါ။ သဂြိုဟ်စားရိတ် ကာမိဖို့အတွက် လခကြိုထုတ်ပေးဖို့ ကုမ္ပဏီကိုပြောထားပေမယ့် ကုမ္ပဏီက မထုတ်ပေးပါဘူး။ သူတို့ သဂြိုဟ်ပြီး ကျွန်တော့်ကို အရိုးပြာ ပြန်ပေးမယ်လို့ ထင်ပါတယ်” ဟု သက်မောင်မောင်က ဆိုသည်။
ဇနီးဖြစ်သူမှာ ပဲခူးတိုင်းမှဖြစ်ကြပြီး ဇနီးဖြစ်သူမှာ လွန်ခဲ့သည့် ၁ နှစ်ခန့်ကမှ ၎င်း၏နောက်သို့ လိုက်လာခဲ့ခြင်းဖြစ်ကာ၊ အလုပ်ဝင်သည်မှာ လေးလခန့်ပင် ရှိသေးကြောင်း၊ ထိုဆေးရုံသစ်ဆောက်လုပ်မှုတွင် လုပ်ကိုင်နေသည့် မြန်မာအလုပ်သမားများမှာ ၆၀၀ ခန့်ရှိသည့်ဟု ၎င်းက ထည့်သွင်းပြောကြားခဲ့သည်။
မြန်မာနိုင်ငံအတွင်း နှစ်ပေါင်းများစွာ ဖိနှိပ်ခံရခြင်းနှင့် ဆင်းရဲမွဲတေမှုတို့ကြောင့် ထိုင်းနိုင်ငံသို့ပြောင်းရွှေ့လာကြသည့် မြန်မာနိုင်ငံသားဦးရေမှာ ၂ သန်းခန့်ရှိပြီး၊ ဆောက်လုပ်ရေးလုပ်ငန်းခွင်များ၊ စားသောက်ဆိုင်များနှင့် စက်ရုံများတွင် လခအနည်းငယ်ဖြင့် လုပ်ကိုင်နေကြရသည်။
Ref: CNN And Irrawaddy
Photo-European Pressphoto Agency