တိုင်းပြည်ခေါင်းဆောင်များ ငါးပါးသီလ လုံခြုံမှ စစ်မှန်တဲ့ ငြိမ်းချမ်းရေး ရမယ်လို့ သခင်ကိုယ်တော်မှိုင်း မွေးနေ့မှာ မဂ္ဂင် ဆရာတော်မိန့်ကြား

မတ် ၂၃၊ ၂၀၁၄
M-Media
လမင်း

ရန်ကုန်။        ။ မြန်မာနိုင်ငံကြီး အမှန်တကယ်ငြိမ်းချမ်းပြီး ဖွံ့ဖြိုးတိုးတက်ချင်ရင်တော့ တိုင်းပြည်ကိုဦးဆောင်ပြီး ခေါင်းဆောင်လုပ်နေတဲ့လူတွေ ငါးပါးသီလကို လုံခြုံနိုင်မှသာ စစ်မှန်တဲ့ငြိမ်းချမ်းရေးတစ်ခုကို ရရှိနိုင်မှာဖြစ်တယ်လို့ မဂ္ဂင်ဆရာတော်ကမိန့်ကြားခဲ့သည်။

ဆရာတော်သည် မတ်လ ၂၃ ရက်နေ့ တော်ဝင်နှင်းဆီ စားသောက်ဆိုင်၌ ပြုလုပ်သော ဆရာတော်ကြီး သခင်ကိုယ်တော်မှိုင်း (၁၃၈)နှစ်မြောက် မွေးနေ့ အခမ်းအနားတွင် အဆိုပါ စကားကို မိန့်ကြားတော်မှုခဲ့သည်။

“ဒီကနေ့ ဦးသိန်းစိန်အစိုးရကလည်း အမျိုး ဘာသာသာသနာ စောင့်ရှောက်ရေး ဥပဒေကိုရဖို့ကို ဘယ်နှစ်လအတွင်း အပြီး တင်သွင်းဖို့ပြောမဲ့ အစား ဒေသအတော်အများမှာ ဘာသာရေး အဆောက်အအုံတွေ ဖျက်ဆီး၊ ဟို့ရွေ့ဒီရွေ့တွေ လုပ်ခိုင်း၊ မြေတွေယာတွေကို တောင်သူ လယ်သမားတွေဆီက သိမ်းနေတာတွေ လုပ်နေတာကို ဖြစ်ပေါ် မလာအောင် အမြန်ဆုံး ရပ်ဆိုင်းပေးပါလို့ ကြေညာလိုက်ရင် ပြည်သူတွေက ၀မ်းပမ်းတသာကြိုဆိုကြမှာဖြစ်ပါတယ်။ အပစ်အခတ် ရပ်စဲရေးလုပ်နေတာတွေကိုလည်း ဆုတောင်းနေရုံနဲ့ မပြီးပါဘူး ၀ိုင်းဝန်း လုပ်ဆောင်သွားမှရမှာပါ။ ဆရာကြီး သခင်ကိုယ်တော်မှိုင်း မျှော်မှန်းထားတဲ့ စစ်မှန်တဲ့ ငြိမ်းချမ်းရေးက မြန်မာနိုင်ငံမှာ မရသေးပါဘူး။ တိုင်းပြည်ကလူတွေအားလုံး စည်းလုံးညီညွတ်စွာမှသာ စစ်မှန်တဲ့ငြိမ်းချမ်းရေးကိုဖော်ဆောင်နိုင်မှာပါ” ဟုဆရာတော်မှထပ်လောင်း မိန့်ကြားခဲ့သည်။

ဆရာကြီးသခင် ကိုယ်တော်မှိုင်းသည်လည်း နယ်ချဲ့စနစ် ဖိနှိပ်မှု လက်အောက်တွင် နေထိုင်ခဲ့ရသူ တစ်ဦးဖြစ်ပြီး ၎င်းတို့လက်အောက်မှ လွတ်မြောက်အောင်ဆောင်ရွက်ခဲ့သူ တစ်ဦးလည်းဖြစ်သည်။ လူသားတို့ အပေါ်ကြီးမားသော မေတ္တာ၊ ဂရုဏာဖြင့် ကမ္ဘာငြိမ်းချမ်းရေး ၊ပြည်တွင်း ငြိမ်းချမ်းရေး ထိန်းသိမ်း ကာကွယ်နိုင်ရန် အတွက် စစ်မက်လိုလားသူတို့၏ ပဋိပက္ခ ဖန်တီး လုပ်ကြံမှုများကို ဖော်ထုတ်ရှုတ်ချ ဆန့်ကျင်ကာ ငြိမ်းချမ်းရေး လှုပ်ရှားမှုကြီးကို ဦးဆောင်ခဲ့သူတစ်ဦးလည်းဖြစ်သည်။

၈၈ မျိုးဆက်ကျောင်းသားခေါင်းဆောင် ကိုမင်းကိုနိုင်ကလည်း “ကျွန်တော်တို့ငြိမ်းချမ်းရေး ဖခင်ကြီးရဲ့ ရုပ်ထုကိုမြန်မာပြည်က ဘယ်မြို့မှာမှ မတွေ့ရဘူး၊ သေတဲ့လူက ဂုဏ်ပြုခြင်း မခံရဘူး။ ငြိမ်းချမ်းရေးတွေကို ဖော်ဆောင်ရာနေရာမှာလည်း ရွေးကောက်ပွဲအတွက် မဲဆွယ်တဲ့ငြိမ်းချမ်းရေးမျိုး မဖြစ်စေချင်ပါဘူး။ ငြိမ်းချမ်းရေးကို တကယ် လိုလားရင်တော့ အမှန်တကယ်ကြိုးစားသင့်ပါတယ်။ ဆရာကြီးမျှော်မှန်းထားတဲ့ ငြိမ်းချမ်းရေးကို လုပ်ဆောင်ဖို့ကျွန်တော်တို့ကြိုးစားသင့်ပါတယ်” ဟုပြောခဲ့သည်။

ဆရာကြီး၏ ၁၃၈ နှစ်မြောက်အခမ်းအနားတွင် ဆရာကြီးကိုဂုဏ်ပြုသော တေးကဗျာများ၊ သ၀ဏ်လွှာများ၊ ဂုဏ်ပြုစကားများ ကို အဖွဲ့အစည်းအသီးသီး ရွတ်ဖတ်ခဲ့ပြီး ဆရာကြီးမွေးနေ့အား ဂုဏ်ပြုခဲ့ကြသည်။

ဆရာကြီးသခင်ကိုယ်တော်မှိုင်းသည် ၁၃၀၀ ပြည့်အရေးတော်ပုံကြီးကိုဦးဆောင်သည့် တို့ဗမာအစည်းအရုံးကြီး၏ နာယက အဖြစ်လည်းကောင်း၊ ဗမာနိုင်ငံလုံးဆိုင်ရာ ကျောင်းသားသမဂ္ဂအဖွဲ့ချုပ်ကြီး၏ နာယကအဖြစ်လည်းကောင်း တာဝန်ယူဆောင်ရွက်ခဲ့သူဖြစ်သည်။