ဇူလိုင် ၁၃ ၊ ၂၀၁၄
M-Media
- ၂၀၁၄ ဘရာဇီးလ် ကမ္ဘာ့ဖလားပြိုင်ပွဲရဲ့ တတိယနေရာလုပွဲကို ဒီနေ့မနက်မှာကစားခဲ့ပြီး ပြိုင်ပွဲမစခင်က ဗိုလ်စွဲဖို့ရေပန်းစားနေတဲ့ အိမ်ရှင်တို့ ဟော်လန်ကို ဂိုးပြတ်ရှုံးပြီး စတုတ္ထနေရာနဲ့သာ ကျေနပ်ခဲ့ရပါတယ်။
ဆီးမီးဖိုင်နယ်မှာ ဂျာမနီကို ၇ ဂိုး ၁ ဂိုးနဲ့ အရှက်တကွဲရှုံးနိမ့်ခဲ့ရတဲ့ဘရာဇီးတို့ ဒီပွဲမှာ ဘောလုံးပိုင်ဆိုင်မှု အနည်းငယ်အသာရခဲ့တာကလွဲကို အိမ်ရှင်ဆိုတဲ့ သိက္ခာကို မထိန်းနိုင်ခဲ့ပါဘူး။
ပြိုင်ပွဲအပြီးမှာ မန်ယူအသင်းကို ကိုင်တွယ်ရမယ့် ဟော်လန်နည်းပြ ဗန်ဂါးလ်အတွက်ကတော့ ဒီနိုင်ပွဲဟာ သူရဲ့နည်းပြ ပုံရိပ်ကို မြင့်တက်စေခဲ့ပါတယ်။ ၃-၅-၂ ကစားကွက်နဲ့ ပွဲထွက်လာတဲ့ ဟော်လန်တို့ ၃ မိနစ်မှာပဲ အဖွင့်ဂိုးရခဲ့ပြီး ရော်ဘင်ကြောင့်ရတဲ့ပင်နယ်တီကို ဗန်ပါစီက သူရဲ့ကမ္ဘာ့ဖလား လေးဂိုးမြောက်အဖြစ် သွင်းယူပေးခဲ့တာပါ။
ဦးဆောင်ဂိုးပေးလိုက်ရပေမယ့် အိမ်ရှင်တို့ ဟော်လန်ဘက်ကို ထိထိရောက်မခြိမ်းခြောက်နိုင်ခဲ့ဘဲ ၁၆ မိနစ်မှာ ဘလင်းရဲ့ဂိုးနဲ့ ပွဲပြီးကာနီး နာကျင်အချိန်ပိုမှာ ၀ဂ်ျနာလ်ဒမ်ရဲ့ ဂိုးတွေကို ထပ်မံခွင့်ပြုခဲ့ရတာကြောင့် ပွဲအပြီးမှာ ၃ ဂိုးပြတ်နဲ့ အရေးနိမ့်ခဲ့ရပါတယ်။ ဒေါ်လာဘီလီယံနဲ့ချီ အကုန်ကျခံ ကျင်းပခဲ့ပြီး အိမ်ရှင်ဆိုတဲ့ အားသာချက်နဲ့ ပြိုင်ပွဲဝင်ခဲ့တဲ့ ဘရာဇီးတို့ကတော့ နေးမာကို လက်လွှတ်ခဲ့ရတာနဲ့အတူ ဒီပြိုင်ပွဲ ကွင်းအတွင်း၊ ကွင်းအပြင်မှာပါ အမြတ်မထွက်ခဲ့ဘဲ အရှုံးတွေနဲ့သာ ပြိုင်ပွဲကို နှုတ်ဆက်ခဲ့ရပါတယ်။
