စက်တင်ဘာ ၁၈၊ ၂၀၁၅
M-Media
– ပြီးခဲ့သည့်နှစ်က တက္ကသိုလ်ကျောင်းသား ၄၃ ဦး ပျောက်ဆုံးမှုနှင့် ပတ်သက်၍ သံသယရှိသောကြောင့် မူယစ်ဂိုဏ်းကြီးတစ်ခုမှ အရေးပါသူတစ်ဦးကို ဖမ်းဆီးလိုက်ပြီဟု မက္ကဆီကိုအစိုးရ တာဝန်ရှိသူများက ပြောကြားလိုက်သည်။
အသက် ၃၆ နှစ်အရွယ် ဂီလ်ဒါဒို လိုပက်ဇ် အက်စ်တူဒီလို ဆိုသူဖြစ်ပြီး အမည်ပြောင် အီလ်ဂီလ်ဖြစ်ကာ တက်စ်ကိုမြို့တွင် ဖမ်းဆီးရမိခဲ့ခြင်းဖြစ်သည်ဟု အစိုးရရှေ့နေ မီဂွဲလ် အိန်ဂျဲလ် ဂိုဒီနက်ဇ် မူနော့ဇ်က ကြေညာချက်တွင် ပြောကြားခဲ့သည်။ မက္ကဆီကို အမျိုးသားလုံခြုံရေး ကော်မရှင်နာမင်းကြီး ရီနာတို ဆေးလ်ကလည်း နောက်ပိုင်းတွင် ထိုသတင်းကို အတည်ပြုခဲ့သည်။
လိုပက်ဇ်မှာ ဂွာရဲရိုးပြည်နယ် အီဂွါလာမြို့ ရှိ ကျောင်းသားများပျောက်ဆုံမှုတွင် အဓိက ကြိုးကိုင်သူဟု ယူဆထားပြီး မူးယစ်မှု၊ ဆက်ကြေးတောင်းမှုနှင့် ရာဇ၀တ်မှုများစွာ အတွက်လည်း သံသယရှိနေသူဖြစ်သည်။ ထိုကျောင်းသားများမှာ မူးယစ်မှောင်ကိုများ၏ လုပ်ရပ်များကို ရှုတ်ချသည့် ဆန္ဒပြမှုများ ပြုလုပ်ခဲ့ပြီးနောက် အမည်မသိသူများ၏ ဖမ်းဆီးခံခဲ့ရပြီး ပျောက်ဆုံးခဲ့သည်။
အစိုးရ၏ စုံစမ်းစစ်ဆေးမှုများအရ ထိုကျောင်းသားများကို ပြီးခဲ့သည့်နှစ် စက်တင်ဘာလတွင် အီဂွါလာ ရဲတပ်ဖွဲ့ဝင်များက ထိန်းသိမ်းခဲ့ပြီး နောက်ပိုင်းတွင် ပြည်နယ်ရှိ နာမည်ကြီး မူးယစ်ဂိုဏ်းဖြစ်သော Guerreros Unidos သို့ လွှဲပြောင်းပေးခဲ့သည်ဟု သိရသည်။
အာဏာပိုင်များကမူ အဆိုပါကျောင်းသားများမှာ အသတ်ခံခဲ့ရပြီး ကျူးလွန်သူများမှာ အမှိုက်ပုံတွင် အလောင်းများကို မီးရှို့ဖျောက်ဖျက်ခဲ့ကြသည်ဟု ပြောကြားခဲ့သည်။
Ref: Aljazeera