စက်တင်ဘာ ၂၃၊ ၂၀၁၅
M-Media
– ပါလက်စတိုင်းပိုင် အနောက်ဘက်ကမ်းတွင် အစ္စရေးစစ်သားအား ဓားဖြင့်ထိုးရန် ကြိုးစားသည်ဟုဆိုကာ အစ္စရေးစစ်တပ်က သေနတ်ဖြင့် ပစ်သဖြင့် ဒဏ်ရာရရှိခဲ့သည့် ပါလက်စတိုင်း အမျိုးသမီးငယ်တစ်ဦးမှာ သေဆုံးသွားခဲ့သည်ဟု သိရသည်။
အဆိုပါအမျိုးသမီးမှာ အသက် ၁၉ နှစ်အရွယ် တက္ကသိုလ်ကျောင်းသူတစ်ဦးဖြစ်ပြီး ဟီဘရွန်အလယ်ပိုင်းရှိ စစ်ဆေရေးဂိတ်တွင် ယမန်နေ့ ဒေသစံတော်ချိန် နံနက် ၈ နာရီခွဲက ပစ်ခတ်ခံခဲ့ရခြင်း ဖြစ်သည်။
“တိုက်ခိုက်သူဟာ စစ်သားတစ်ယောက်ကို ဓားနဲ့ထိုးဖို့ ကြိုးစားခဲ့ပါတယ်” ဟု အစ္စရေး စစ်တပ်မှ ပြောရေးဆိုခွင့်ရှိသူတစ်ဦးက ပြောကြားခဲ့ပြီး၊ ထို့နောက် စစ်သားများမှာ ကျည်အစစ်များဖြင့် အောက်ပိုင်း ခြေချောင်းများကို ပစ်ခတ်ခဲ့သည်ဟု ဆိုသည်။
သို့သော်လည်း ထိုအမျိုးသမီးငယ်မှာ ရင်ဘတ်အပါအ၀င် သေနတ်ဖြင့် အချက်ပေါင်းများစွာ ပစ်ခတ်ခံခဲ့ရကြောင်း သတင်းများ ထွက်ပေါ်လာခဲ့သည်။ ထိုအဖြစ်အပျက်တွင် မည်သည့်အစ္စရေးစစ်သားမှ ဒဏ်ရာရရှိခဲ့ခြင်း မရှိချေ။
ထိုအဖြစ်အပျက် ဖြစ်ပွားပြီးနောက် အမျိုးသမီးငယ်ကို အစ္စရေးရှိ ဆေးရုံသို့ ပို့ဆောင်ပေးခဲ့သည်ဟု အစ္စရေး စစ်တပ်က ပြောကြားခဲ့သော်လည်း PalMedia သတင်းဌာမှ ရရှိသော ဗီဒီယိုမှတ်တမ်းအရ ထိုအမျိုးသမီးမှာ သေနတ်ဖြင့် ပစ်ခတ်ခံရပြီးနောက်ပိုင်း သွေးအိုင်ထဲ၌ လဲနေခဲ့ပြီး၊ ထို့နောက် ကြမ်းကြမ်းတမ်းတမ်း တရွတ်တိုက် ဆွဲသွားခြင်း ခံခဲ့ရသည်ကို တွေ့ရှိခဲ့ရသည်။
ဟီဘရွန်တွင် နေထိုင်သူ အီဆာ အမ်ရိုကမူ အဆိုပါ အမျိုးသမီးငယ်မှာ အသက် ၁၉ နှစ်အရွယ် ဟာဒီးလ် ဆာလာ အလ်-ဟက်ရ်ှလာမွန်ဆိုသူဖြစ်သည်ဟု ဆိုသည်။
“အခုအချိန်မှာတော့ မြို့ထဲမှာ အစ္စရေးစစ်သားအရေအတွက်ဟာ တိုးလာပါတယ်” ဟု အစ္စရေး၏ တရားမ၀င် အခြေချအိမ်ရာ ဆန့်ကျင်ရေး ဟီဘရွန်အခြေစိုက် လူငယ်အဖွဲ့၏ စီမံခန့်ခွဲသူ အမ်ရိုက ပြောကြားခဲ့သည်။
အလ်-ဟက်ရ်ှလာမွန် သေနတ်ဖြင့် အပစ်ခံရပြီးနောက် ပါလက်စတိုင်းလူငယ်များနှင့် အစ္စရေးစစ်သားများအကြား ရုန်းရင်းဆန်ခတ်မှုများ ဖြစ်ပွားခဲ့ပြီး မြို့တစ်ဝှမ်းတွင်လည်း ယခုအချိန်အထိ ဆက်လက်ဖြစ်ပွားနေသည်ဟု ၎င်းက ဆိုသည်။
အင်္ဂါနေ့မနက်ပိုင်းကလည်း ထိုမြို့အတွင်း အစ္စရေးစစ်တပ်က ပြုလုပ်သော စစ်ဆင်ရေးတွင် ပါလက်စတိုင်းအမျိုးသားတစ်ဦး သေဆုံးခဲ့သည်။ အစ္စရေးဘက်ကမူ ထိုအမျိုးသားမှာ လက်လုပ်ဗုံးတစ်ခုကို စစ်ဘက်ယာဉ်ပေါ်သို့ ပစ်တင်ရန် ရည်ရွယ်ခဲ့သောကြောင့် ပစ်ခဲ့ခြင်းဟု ဆိုသည်။
သို့သော်လည်း ပါလက်စတိုင်း လုံခြုံရေး တာဝန်ရှိသူများကမူ သေဆုံးသွားသူမှာ အသက် ၂၁ နှစ်အရွယ်ရှိ ဒီယာ အလ်-တာလာမဟ်ဆိုသူဖြစ်ပြီး ဟီဘရွန်မြို့အနီး ခါရ်ဆာရွာတွင် ပစ်သတ်ခံရခြင်းဖြစ်သည်ဟု ပြောကြားခဲ့သည်။
၂၀၁၅ ခုနှစ်အတွင်း အစ္စရေးစစ်တပ်မှ သတ်ဖြတ်ခဲ့သော ပါလက်စတိုင်းအရေအတွက်မှာ အနည်းဆုံး ၂၅ ဦးရှိသည်ဟု ကုလ၏ မှတ်တမ်းများအရ သိရသည်။
Ref: Aljazeera