ဇွန် ၈ ၊၂၀၁၃
M-Media

ကယ်လီဖိုးနီးယားပြည်နယ် စန်တာမော်နီကာ (Santa Monica) မြို့၌ သေနတ်သမားသည် လူ ငါးယောက်အား ပစ်သတ်ခဲ့ပြီးနောက်တွင် ဒေသကောလိပ် စာကြည့်တိုက် စောင့်ကြပ်သူ ရဲတပ်သား၏ ပစ်ခတ်မှုဖြင့် သေဆုံးသွားခဲ့ကြောင်း ရဲချုပ် ဂျက်ကလင်း စီးဘရွခ် (Jacqueline Seabrooks) ကပြောဆိုသည်။

ဓါတ်ပုံ-ရိုက်တာ

အနည်းဆုံး လူငါးဦးအား သေစေခဲ့သော အကြမ်းဖက်မှုတွင် ပတ်သက်နေသည့် ကျူးလွန်သူနောက်တစ်ဦးအား ဖမ်းဆီး ထိန်းသိမ်းထားကြောင်း သိရသည်။

စီးဘရွခ်၏ ပြောပြချက်အရ အကြမ်းဖက်မှုနှင့်ဆက်နွယ်နေသော နောက်ထပ်လူတစ်ဦးအား သံသယရှိသူအဖြစ် ထိန်းသိမ်းထားသည်။ ၄င်းအဖြစ်အပျက်ဖြစ်ပေါ်စဉ်တွင် အမေရိကန် သမ္မတ ဘာရက်ခ် အိုဘားမား (Barack Obama) သည် ၄င်းနှင့်ကီလိုမီတာ အနည်းငယ် ကွာဝေးသောနေရာမှ နိုင်ငံရေးဆိုင်ရာ ရန်ပုံငွေပွဲတစ်ခုကို တက်ရောက်နေခဲ့သည်။

၎င်းအနီးနားရှိ အိမ်တစ်လုံးတွင်လည်း မီးလောင်ကျွမ်းမှုဖြစ်ခဲ့ပြီး၊ လူ ၂ ဦး၏အလောင်းကိုလည်း တွေ့ခဲ့ရသည်ဟု အာဏာပိုင်များကဆိုသည်။ သို့သော်လည်း ပစ်ခတ်မှုနှင့် အိမ်မီးလောင်ကျွမ်းမှုသည် ဆက်စပ်ခြင်းရှိမရှိကိုမူ သဲကွဲစွာမဖော်ထုတ်နိုင်သေးကြောင်း ရဲများထံမှ သိရသည်။

ကနဦးပိုင်းတွင် သေနတ်တစ်လက်အပါအ၀င် လက်နက်အမျိုးမျိုးကိုင်ဆောင်ထားသော လူတစ်ဦးမှ လော့စ်အိန်ဂျလိစ် အနောက်ကပ်လျက် ကောလိပ်ကျောင်း ပရ၀ုဏ်အနီးရှိ နေရာနှစ်ခု၌ ဖြတ်သန်းသွားလာနေသည့် ကားများ နှင့် ဘတ်စ်ကားတစ်စင်းကို ပစ်ခတ်နေခဲ့သည့်သတင်းအား ရရှိခဲ့ကြောင်း ကယ်လီဖိုးနီးယား အဝေးပြေးလမ်းမ ရဲပတ္တရောင်အဖွဲ့၏ ပြောရေးဆိုခွင့်ရှိသူမှ Reuters သတင်းဌာနသို့ပြောကြားခဲ့သည်။

စာကြည့်တိုက်အတွင်းတွင်ရှိနေသော ကျောင်းသားများက ထိတ်လန့်စရာ ဖြစ်ပျက်ပုံကို ပြန်လည်ပြောပြခဲ့ကြသည်။ သေနတ်သံများထွက်ပေါ်လာချိန်တွင် ကျောင်းသားများသည် ကမန်းကတန်းပြေးလွှားခဲ့ကြပြီး အကာကွယ်ယူခဲ့ကြသည်။
စာကြည့်တိုက်ထဲ၌ရှိနေသော အသက် ၁၉ နှစ်အရွယ် စိုင်းရပ်စ် ဂျဘာရီ(Cyrus Jabari) အမည်ရှိကျောင်းသားက – သူသည် ပြတင်းပေါက်မှတစ်ဆင့် အမည်းရောင်ဝတ်စုံဝတ်ဆင်၍ Buzz ပုံစံ ဆံပင်ပုံရှိသော ယောက်ျားတစ်ယောက်သည် တိုက်ခိုက်ရန် ရိုင်ဖယ်သေနတ်ကိုကိုင်ဆောင်လာသည်ကို မြင်ခဲ့ရကြောင်း၊ “ကျွန်တော် နဲ့ သူ့ကြားမှာ မှန်တံခါးတစ်ခုသာခြားနေတယ်” ဟု ရိုက်တာသတင်းဌာနအား ပြောပြသည်။

ပစ်ခတ်မှုနှင့် ကီလိုမီတာတစ်ဝက်နီးပါးမျှသာကွာဝေးသော အိမ်တစ်လုံးသည် မီးလောင်ကျွမ်းခဲ့ပြီး၊ တာဝန်ရှိသူများက ၄င်း၌ သေဆုံးသူ အလောင်း ၂ လောင်း တွေ့ရှိခဲ့သည် ဟုဆိုသည်။ သို့သော်လည်း ကျောင်းတွင်းဝင်ရောက်ပစ်ခတ်မှု နှင့် မီးလောင်ကျွမ်းမှုသည် ယင်းသူသေများနှင့်ပတ်သက်မှုရှိမရှိဟူသည်ကို မဖော်ထုတ်နိုင်သေးကြောင်း သိရသည်။

မီးသတ်ဌာနမှ တာဝန်ရှိသူတစ်ယောက်၏ ပြောပြချက်အရ မိန်းမတစ်ယောက်အား မီးလောင်သောအိမ်အပြင်ဘက်ရှိ ကားပေါ်တွင် သေနတ်ဒဏ်ရာဖြင့်တွေ့ခဲ့ရသည် မီးသတ်ဌာနအရာရှိတစ်ဦးက ပြောကြောင်း ပြည်တွင်းသတင်းဌာန KNBC မှ ဖော်ပြခဲ့သည်။

ပစ်ခတ်နေစဉ်တွင် မိမိ၏ကားရှိဒိုင်ခွက်ဘောင်ကို အကာအကွယ်ယူနေခဲ့သော မျက်မြင်သက်သေတစ်ဦးက “လူသတ်သမားဟာ ကားထဲမှာ တစ်ယောက်ထဲရှိနေခဲ့ပုံဘဲ။ အဲ့ဒီနောက် ကားထဲက ခုန်ထွက်လာတယ်။ လက်ထဲမှာလဲ အမည်းရောင်သေနတ်ကြီးတစ်လက် ကိုင်ထားတယ်။ ပြီးတော့ ဘယ်ဖက်ကနေ ညာဖက်ကို သေနတ်နဲ့ အဆက်မပြတ် ၁၀ ခေါက်လောက် လှည့်ပတ်ပစ်ခတ်ခဲ့တယ်” ဟု ပြောပြသည်။

အိုဘားမားသည် စန်တာမော်နီကာရှိ News Corp ဥက္ကဌဟောင်း ပီတာ ချာနင်း (Perter Chernin) ၏ နေအိမ်တွင် ပြုလုပ်သော ရန်ပုံငွေပွဲသို့တက်ရောက်နေပြီး သူ့စကားအဆုံးသတ်သည့်မရှေးမနှောင်းမှာပင် ပစ်ခတ်မှုဖြစ်ပွားခဲ့သည်။ အိုဘားမားမှ ယင်းဖြစ်ရပ်နှင့်ပတ်သက်ပြီး မည်သည်ကိုမျှ ဖော်ပြပြောဆိုခြင်း မပြုခဲ့။

ဝါရှင်တန်မှ လျှို့ဝှက်စုံစမ်းရေးအဖွဲ့အစည်းမှ ပြောခွင့်ရှိသူတစ်ယောက်က “ ဒီအဖြစ်ပျက်ဟာ အိုဘားမားရဲ့ တက်ရောက်မှုနဲ့ ပတ်သက်ခြင်း မရှိဘူးဆိုတာကို ကျွန်တော်တို့ သိရှိပါတယ်။ ဒေသခံရဲများက ဒီအမှုကို ဆက်လက် ကိုင်တွယ်ပါလိမ့်မယ် ” ဟုပြောကြားခဲ့သည်။

Ref: Aljazeera

ဇွန်  ၈၊၂၀၁၃
M-Media
ရေးသူ-သော်ဇင်

ကျွန်မတို့နိုင်ငံမှာ အထက်ပိုင်းလူတွေကစလို့ အောက်ပိုင်းလူတွေအထိအောင် “Xenophobia” ဖြစ်နေကြပါတယ်။ “Xenophobia” ဆိုတာ “Racism” တမျိုးပါပဲ။ (တနည်း Islamophobia အဖြစ် အသွင်ကူးပြောင်းလာနေတာကိုလည်း တွေ့နေရပါတယ်။) ဆိုကြပါစို့ပေါ့လေ။ ဆိုကြပါစို့ဆိုတာမှာပဲ ရပ်ထားပါရစေ။

ပြောချင်တာက “Phobia” ဆိုတဲ့ စကားလုံးပါ။ ဒါပေမယ့် လက်ရှိဖြစ်ပျက်နေတာကို ပျိုးပြီးပြောရတာကတော့ “Phobia” ဆိုတာ အခြေအမြစ်မရှိတဲ့ စွဲလမ်းကြောက်ရွံ့ခြင်းမျိုး ဖြစ်နေပေမယ့် တကယ်တမ်းအခြေအမြစ်တွယ်နေတတ်တာကြောင့် ဖယ်ရှားကုသဖို့ အင်မတန်ခက်တဲ့ရောဂါတမျိုးဆိုတာကို သိစေချင်တာပါ။

“phobia” ဆိုတာ ဂရိစကားလုံး “Phobos” ကနေ ဆင်းသက်လာတယ်လို့ ဆိုပါတယ်။ အခြေအနေတစ်ခုခုကို ဒါမှမဟုတ် အရာဝတ္ထုတစ်ခုခုကို (အရာဝတ္ထုလို့ဆိုရာမှာ သက်ရှိသက်မဲ့၊ ဒြပ်ရှိဒြပ်မဲ့၊ စိတ္တဇ နာမ်တွေရော ပါတာပေါ့။) ကြောက်ရွံ့နေရာက ဖြစ်ပေါ်လာတဲ့ ရောဂါလက္ခဏာအမျိုးအစားဖြစ်လို့ တစ်ခုခုကို ကြောက်ရွံ့စိုးရိမ်ခြင်းလို့ ပြောနိုင်ပါတယ်။

“Phobia” ဆိုတာ လူတစ်ယောက်မှာ တကယ့်ကို စွဲမြဲနေတဲ့၊ အခြေအမြစ်မရှိတဲ့ ကြောက်ရွံ့မှုတွေကနေ ဖြစ်ပေါ်လာတတ်တဲ့ စိုးရိမ်ကြောင့်ကြမှုပါပဲ။ American the National Institute of Mental Health (NIMH) ရဲ့ အဆိုအရ အမေရိကန် လူမျိုးတွေဟာ 5.1 % ကနေ 21.5 % အတွင်း အမျိုးမျိုးသော “Phobia” တွေကို ခံစားနေရပါတယ်။

ဒါပေမယ့် အချို့သောလူတွေရဲ့ “Phobia” တွေဟာ သူတို့ကိုယ်တိုင် ရှောင်ရှားကုသရလွယ်တဲ့ အခြေအနေမျိုးမှာ ရှိပါတယ်။ ဥပမာ ပျံသန်းခြင်းကို စိုးရိမ်ကြောက်ရွံ့တတ်တဲ့ “Aviophobia” ရောဂါရှင်တွေကတော့ လေယာဉ်စီးခြင်းကို ရှောင်ရှားခြင်းအားဖြင့် စိတ်သက်သာရာရစေတာမျိုးပေါ့။ လေယာဉ်ခရီးကို မသွားတာဟာ သူ့အတွက်ရော၊ သူ့ပတ်ဝန်းကျင်အတွက်ရောပါ ထိခိုက်စေနိုင်တာမျိုး မရှိဘူးလေ။

“Phobia” ဆိုတာ အသက်အရွယ်မရွေး၊ လိင်မရွေးဘဲ ရေမြေပထ၀ီအနေအထားအရရော၊ ကိုယ့်ရဲ့ လူမှုပတ်ဝန်းကျင် အရရောပါ ဖြစ်တတ်တဲ့ စိုးရိမ်ကြောက်ရွံ့မှုလို့ ဆိုထားတာကိုး။

ကုသရခက်တဲ့ “Phobia” တွေလည်း ရှိနေပါသေးတယ်။ ဥပမာပြောရရင် သေခြင်းတရားကို ကြောက်ရွံ့နေတတ်တဲ့ “Necrophobia”  ဝေဒနာရှင်တွေအတွက်ကတော့ ကိုယ့်အိမ်မှာ ကိုယ်ထိုင်နေရင်းလည်း အကျဉ်းကျနေတာနဲ့ မခြားဖြစ်စေပါတယ်။ သက်ရှိသတ္တ၀ါတိုင်း တနေ့ သေဘေးကြုံမှာကို သိနေရဲ့သားနဲ့ စိုးရိမ်ကြောက်ရွံ့မှုဖြစ်နေတာယာ သဘာဝမကျတဲ့၊ အခြေအမြစ်မရှိတဲ့ အတွေးအခေါ်ဖြစ်နေတယ်လေ။ အဲ့ဒီတော့ သူ့မှာ တစ်ကြိမ်မက နေ့စဉ်နေ့တိုင်းသေနေရတာနဲ့ မခြားဖြစ်နေရပါတယ်။ အီးပါမှာကို ကြောက်လို့ အိမ်သာရှေ့မှာ တနေကုန်အောင် ထိုင်နေရတဲ့သူနဲ့ တူတယ်လို့လည်း ကျွန်မ ထင်ပါတယ်။

နောက်ထပ် အခြေအမြစ်မရှိတဲ့ “Phobia” တမျိုးကတော့ “Xenophobia” လို့ခေါ်တဲ့ လူစိမ်းကြောက်ရောဂါ (တနည်း) လူမျိုးခြားကြောက်ရောဂါပါပဲ။ အခြေအမြစ်ရှိရှိ အလေးအနက်တွေးခေါ်မိရာကနေ သွေးနားထင်ဆောင့်ပြီး အခြေအမြစ်မရှိစွာနဲ့ အမြစ်တွယ်ကပ်လာတဲ့ရောဂါပိုင်ရှင်တွေလို့လည်း ပြောနိုင်ပါတယ်။

ကမ္ဘာ့သမိုင်းမှာ ထင်ရှားကျော်ကြားတဲ့ “Xenophobia” ဝေဒနာရှင်ကတော့ အားလုံးသိတဲ့ ဟစ်တလာပါပဲ။ သူဟာ “Judeophobia” လို့ ခေါ်တဲ့ ဂျူးမုန်းတဲ့ရောဂါဖြစ်လာရင်းက တကယ့် holocaust ကြီးတွေလုပ်ပြီး “Genocide Policy” တွေကို သုံးပြီး သောင်းကျန်းခဲ့တဲ့ အာဏာရှင်ကြီးပါ။ အမျိုးသားရေးချစ်စိတ်ဆိုတာကို အခြေအမြစ်ရှိရှိတွေးခေါ်စေပြီး အမျိုးမတူသူတွေကို နှိပ်ကွပ် သတ်ဖြတ်ပစ်ရမယ်လို့ ယုံကြည်စေပါတယ်။ ဒီလို မနှိပ်ကွပ်ခဲ့ရင် အခြေအနေကောင်း၊ အခွင့်အလမ်းကောင်းတွေကို သူတို့ နေရာဝင်ယူသွားနိုင်လို့ ငါတို့ပျက်စီးရမယ်လို့ အစွန်းရောက်တွေးခေါ်ရာကနေ ရလာတဲ့ ရောဂါမျိုးလို့လည်း ပြောနိုင်ပါတယ်။

ဒီလို “Phobia” မျိုးဟာ အရလွယ်ပေမယ့် ကုသဖို့ရာမှာ အလွန်ခက်ခဲပါတယ်။”Xenophobai” ဆိုတာဟာ “Racism” ပဲလို့ ကမ္ဘာကထောက်ပြလာတဲ့အခါ အဲ့လို “Xenophobia” ရှိနေတဲ့ အာဏာရှင်တွေဟာ အမျက်ချောင်းချောင်းထွက်ပြီး ရောဂါလက္ခဏာတွေမြင့်လာတာနဲ့အမျှ Genocide ပွဲကြီးတွေကလည်း အရှိန်အဟုန်မြင့်တက်လာပါတယ်။

“Everyone is a foreigner somewhere” ရယ်လို့ ကမ္ဘာက ကြွေးကြော်လိုက်တဲ့အချိန်မှာ သူတို့ရဲ့ “Phobia” တွေဟာ တမဟုတ်ချင်းမြင့်တက်လာတာနဲ့အမျှ “Zeusophobia” လို့ခေါ်တဲ့ ဘုရားကြောက်ရောဂါအဖြစ် ပြောင်းသွားပြီး အထက်ကပြောခဲ့တဲ့ “Necrophobia” လို့ခေါ်တဲ့ သေမှာကြောက်တဲ့ရောဂါပါ အလိုအလျောက်ရသွားပါတယ်။ တပြိုင်နက်တည်းမှာပဲ “Stygiophobia” လို့ခေါ်တဲ့ ငရဲကြောက်ရောဂါဖြစ်နေပြီး မလိုအပ်ပဲ ဘုရားတရားကြည်ညိုခြင်းတွေကို အာပတ်ဖြေတဲ့ သဘောမျိုးနဲ့ စွန့်စားလုပ်ဆောင်ပြရင်း တကိုယ်ရည် စိတ်ထွက်ပေါက်ရှာရာကနေ ကြောက်ရွံ့ခြင်းကို ကြောက်ရွံ့နေခြင်း ဆိုတဲ့ ကြောက်ရွံ့မှုနှစ်ထပ်ကွမ်းရောဂါ “Pantophobia” ကို ခံစားရလေ့ရှိပါတယ်။

ဘာလို့လည်းဆိုတော့ သူတို့တွေဟာ မိုးကြိုးပစ်ခံရမှာကိုလည်း ကြောက်ရွံ့တတ်ကြတဲ့ “Keraunophobia” ဆိုတဲ့ မိုးခြိမ်းသံကြောက်ရောဂါကိုပါ ခံစားနေရလို့ပါပဲ။ သူတို့ရှေ့က မိုက်ဇာတ်သိမ်းခဲ့ကြတဲ့ အာဏာရှင်တွေရဲ့ အဖြစ်သနစ်တွေကိုလည်း ကြောက်ရွံ့နေတတ်ကြတဲ့ “Patroiophobia” လို့ခေါ်တဲ့ မျိုးရိုးလိုက်ခြင်းကို ကြောက်ရွံ့တဲ့ရောဂါလည်း ရှိနေတတ်ကြပါတယ်။

အဆုံးမှာတော့ ကျွန်မတို့မြန်မာနိုင်ငံသား အပြစ်မဲ့ပြည်သူတွေကြား ရေပန်းအစားဆုံးကတော့ “Peladophobia” လို့ ခေါ်တဲ့ ထိပ်ပြောင်ကြောက်ရောဂါ ခံစားနေရခြင်းသာ အဖတ်တင်ပါတော့တယ်။

စာရေးသူ ကျွန်မရဲ့ “Phobia” ကတော့ “Monkophobia” ပါ။ အခြေအမြစ်မရှိဘူးလို့ ပြောလို့ရပေမယ့် ကျွန်မရဲ့စိတ်ထဲ နှုတ်မရတဲ့ မြားတစ်စင်းလိုပါပဲ။ ဥပမာတွေက တွေ့နေရတာကိုး။ ဒါပေမယ့် ဒါက ကုသဖို့လွယ်တဲ့ “Phobia” ပါ။ ဖြေရှင်းနည်းကတော့ သူတို့ ညာဘက်လမ်းကလာရင် ကျွန်မ ဘယ်ဘက်လမ်းကို ပြောင်းလျှောက်တာပါပဲ။ ဒါတရားတယ်လို့ ကျွန်မ ထင်ပါတယ်။ ဘယ်သူ့ကိုမှ မထိခိုက်စေဘူးလေ။
စာဖတ်သူတွေရဲ့ “Phobia” တွေကရော…………?????????????။

သော်ဇင်

ဇွန်- ၈။၂၀၁၃
M-Media

ဂျူးနှင့်မွတ်စလင်လက်တွဲကာ အထင်အမြင် လွဲမှားမှုများအား ဆန့်ကျင်အောင်မြင်နိုင်
ဂျူးမုန်းတီးရေးဝါဒနဲ့ အစ္စလာမ်ဆန့်ကျင်ရေး လှုပ်ရှားမှုတွေဟာ ကမ္ဘာတစ်ဝှမ်းမှာ ပျံ့နှံ့နေတယ်လို့ အမေရိကန်နိုင်ငံခြားရေး ဝန်ကြီး ဂျွန်ကယ်ရီ (John Kerry)က အမေရိကန်နိုင်ငံက ထုတ်ပြန်တဲ့ ၂၀၁၂ ခုနှစ် အတွက် ဘာသာရေးလွတ်လပ်ခွင့် ကြေငြာစာတမ်းကို ထုတ်ပြန်ကြေငြာပြီး ပြောဆိုခဲ့ပါတယ်။ ဒီကိစ္စရပ်တွေဟာ အသစ်အဆန်း မဟုတ်ပေမဲ့ ဒါမျိုးတွေ ကြုံတွေ့ရတိုင်း ဂျူးတွေနဲ့ မွတ်စလင်တွေဟာ အမြဲတမ်းလက်တွဲပြီး အပြန်အလှန်ကူညီ ဖြေရှင်းကြတဲ့ အလေ့အထတွေ ရှိခဲ့တယ်လို့လည်း ဂျွန်ကယ်ရီ (John Kerry)က ဆိုပါတယ်။
Read More

တရုတ်နိုင်ငံတွင် ဘတ်(စ်)ကားမီးလောင်မှုကြောင့် လူ ၄၇ ယောက်သေဆုံး
တရုတ်နိုင်ငံ (Xiamen) ဆိပ်ကမ်းမြို့၏ အရှေ့တောင်ဘက်တွင်ဖြစ်ပေါ်ခဲ့သော ဘတ်(စ်)ကားမီးလောင်ကျွမ်းမှုကြောင့် လူ ၄၇ ယောက်သေဆုံးပြီး လူအများအပြား ဒဏ်ရာရရှိခဲ့သည်။

ကယ်လီဖိုးနီးယား၌ ပစ်ခတ်မှုကြောင့် လူ ၅ ဦးသေဆုံး ၊ လုံခြုံရေးရဲ ပစ်ခတ်မှုကြောင့် သေနတ်သမား သေဆုံး
ကယ်လီဖိုးနီးယားပြည်နယ် စန်တာမော်နီကာ (Santa Monica) မြို့၌ သေနတ်သမားသည် လူ ငါးယောက်အား ပစ်သတ်ခဲ့ပြီးနောက်တွင် ဒေသကောလိပ် စာကြည့်တိုက် စောင့်ကြပ်သူ ရဲတပ်သား၏ ပစ်ခတ်မှုဖြင့် သေဆုံးသွားခဲ့ကြောင်း ရဲချုပ် ဂျက်ကလင်း စီးဘရွခ် (Jacqueline Seabrooks) ကပြောဆိုသည်။
Read More

ဒေါင်းရောဂါစု ကို ကြိုတင်စမ်းသပ်စစ်ဆေးနိုင်ရန် နည်းသစ် ထွက်ပေါ်
အင်္ဂလန်နိုင်ငံ သုတေသနများမှ ကိုယ်ဝန် သုံးလတွင်ခန္ဓာကိုယ် ပြင်ပမှစမ်းသပ်နိုင်သည့် နည်းသစ်ကို ထုတ်ခေါ်နိုင်ခဲ့သည်။
Read More

Galaxy S4 နှင့် ဈေးနှုန်းတူ Galaxy S4 Active (ရေစိုခံ) ဖုန်းကို ထုတ်မည်ဟု Samsung ကြေညာ
Samsung company က Galaxy S4 Active (ရေစိုခံ) ထုတ်မည် ဆိုကြောင်း လွန်ခဲ့သော နှစ်ရက်က ကြေညာခဲ့ပါသည်။  ၄င်း ရေစိုခံ S4 သည် နွေရာသီ၌ US နှင့် Sweden တို့တွင် ရေပန်းစားမည်ဟုလည်းခန့်မှန်းရပါသည်။
Read More

အင်္ဂါဂြိုဟ် တွင် တချိန်က ရေရှိခဲ့သည်မှာ သေချာ
နာဆာ၏ Rover Opportunity က ကျောက်သားများကို စစ်ဆေးတွေ့ရှိမှုအရ အင်္ဂါဂြိုဟ် တွင် တချိန်က ရေရှိခဲ့သည်မှာ သေချာစေခဲ့သည်။
Read More

ကိုရီးယား နှစ်နိုင်ငံ ပြန်လည် ဆွေးနွေးမည်
တောင်နဲ့ မြောက် ကိုရီးယား ၂ နိုင်ငံအကြား ပူးတွဲစီးပွားရေးစီမံကိန်း ကိစ္စနဲ့ပတ်သက်ပြီး ဘယ်အချိန် ဘယ်နေရာမှာ တွေ့ဆုံ ဆွေးနွေးကြမယ်ဆိုတဲ့ အရေးနဲ့ပတ်သက်လို့ သဘောတူညီမှု ရခဲ့ကြပြီဖြစ်ပါတယ်။ တနင်္ဂနွေနေ့တွင် တောင်နှင့် မြောက်ကိုးရီးယား အရာရှိများနှင့်  Panmunjom ကျေးရွာတွင် ဆွေးနွေးမည်ဖြစ်သည်။
Read More

အမေရိကန်နှင့် အင်္ဂလန်နိုင်ငံ အင်တာနက်နှင့် တယ်လီဖုန်း ဆက်သွယ်မှုများကို ကြားဖြတ်ဖမ်းယူစစ်ဆေး
အမေရိကန် ၏ နာမည်ကြီး ဆက်သွယ်ရေးကုမ္မဏီ ကိုးခုမှ ဆက်သွယ်မှုများကို ဖမ်းယူ စစ်ဆေးခဲ့သည်ဟုဆိုသည်။
Read More

ကုလသမဂ္ဂက ဂိုလန်တပ်သားများအတွက် ရုရှား၏ ကမ်းလှမ်းမှုကို လက်မခံနိုင်ကြောင်းဆို
ကုလသမဂ္ဂ(ယူအန်)က အစ္စရေးနှင့် ဆီးရီးယားကြားသဘောတူညီချက်တစ်ခုကို ကုလသမဂ္ဂစူးစမ်းရေးမစ်ရှင်မှ လုံခြုံရေးကောင်စီ အမြဲတမ်း အဖွဲ့ဝင်နိုင်ငံများက တားမြစ်သောကြောင့် ဂိုလန်ကုန်းမြင့်ရှိ သြစတြေးလျမှ ငြိမ်းချမ်းရေးတပ်သားများကို အစားထိုးပေးမည်ဟူသော ကမ်း လှမ်းမှုကို လက်မခံနိုင်ကြောင်း သောကြာနေ့က ပြောကြားလိုက်သည်။
Read More

ဇူလိုင်-၂၃၊ ၂၀၁၃
M-Media
ဂျူလိုင်ရဲရင့် စုစည်းတင်ဆက်သည်။

အင်ဒိုနီးရှားနိုင်ငံ၏ အဓိကသာသနာမှာ အစ္စလာမ် ဖြစ်ပြီး၊ ကမ္ဘာ့နိုင်ငံများအနက် မွတ်စ်လင်မ်လူဦးရေ အများပြားဆုံး နိုင်ငံတစ်ခုဖြစ်သည်။ ၂၀၀၉ ခုနှစ် မှတ်တမ်းအရ နိုင်ငံ၏ စုစုပေါင်း လူဦးရေ ပမာဏ ၂၀၂.၉ သန်း၌ မွတ်စ်လင်မ်တို့သည် ၈၈.၂ % ရှိသည်။

အများစုမှာ  ရှာဖိအီ မည်သောလမ်းကြောင်းလိုက်နာသူ စွန္နီမွတ်စ်လင်မ်များ ဖြစ်ကြသည်။ မွတ်စ်လင်မ်အသိုက်အ၀န်းအတွင်း အကြမ်းအားဖြင့် အုပ်စုနှစ်မျိုး ခွဲခြားတွေ့ ရှိနိုင်သည်။ ရှေးရိုး အယူအဆကို လက်ကိုင်ပြုလျက် ခေတ်ပညာကိုလည်း လက်ခံကြသူ “ ခေတ်သစ်ဝါဒီ ” များ (နှင့်) ဒေသခံ ဘာသာရေးခေါင်းဆောင်တို့၏ ဖွင့်ဆိုချက်နောက်ကိုသာ လိုက်နာလိုသော ” မိရိုးဖလာဝါဒီ ” များ ဖြစ်၏။ ဒုတိယအမျုိုးအစားကို ဂျာဗား၌ အများဆုံး တွေ့ရသည်။

သမိုင်းကြောင်း ( ၁၂၀၀ မှ ၁၆၀၀ ခုနှစ် )

  အင်ဒိုနီးရှားသို့ အာရေဗျမှ မွတ်စ်လင်မ်ကုန်သည်များသည် ၈ ရာစု၏အလျင်ကတည်းက ရောက်ခဲ့သည့် အထောက်အထားရှိနေသည်။ အင်ဒိုနီးရှား၏ မူလဘူတနေထိုင်သူတို့သည် သက်မဲ့/သဘာဝကိုးကွယ်မှုဝါဒ၊ ဟိန္ဒူ နှင့် ဗုဒ္ဓဘာသာဝင်များ ဖြစ်သည်။ ၁၃ ရာစုအကုန်တွင်မူ အစ္စလာမ်သာသနာ ပြန့်ပွားလာခဲ့သည်။

ကနဦးပိုင်း၌ အာရဗ်မွတ်စ်လင်မ်ကုန်သည်တို့မှတဆင့် အစ္စလာမ်ကို သိရှိခဲ့သည်။ နောက်ပိုင်းတွင် ဒေသခံအုပ်ချုပ်သူများ၊ ဘုရင်များမှ အစ္စလာမ် သာသနာကို ကူးပြောင်း လက်ခံလိုက်သော အခါ အင်ဒိုနီးရှားလူထုများစွာလည်း မွတ်စ်လင်မ်ဖြစ်လာခဲ့ကြသည်။ မွတ်စ်လင်မ်ကုန်သည်များနှင့် ဒေသခံတို့၏အိမ်ထောင်ထူမှုအားဖြင့်လည်းကောင်း၊ ကြွယ်ဝချမ်းသာသော ကုန်သည်အချို့သည် မင်းမျိုးမင်းနွယ် မိသားစုဝင်ဖြစ်သွားခြင်းဖြင့် လည်းကောင်း အစ္စလာမ် ပြန့်ပွားမှု မပြတ်ဖြစ်လာခဲ့သည်။

အစ္စလာမ်သာသနာ ပြန့်ပွားပုံ

အင်ဒိုနီးရှားကျွန်းစုပြင်ပနှင့်ကုန်သွယ်ကူးသန်းမှု တိုးတက်လာသည်နှင့်အမျှ ကုန်သည်များနှင့် နယ်မြေခံမင်းစိုးရာဇာများမှတဆင့် အစ္စလာမ်သာသနာ အခြေတည်ပြန့်ပွား ခဲ့သည်ဟု ယေဘူယျအားဖြင့် ဆိုနိုင်ပေသည်။ ထိုစဉ်က အင်ဒိုနီးရှားပိုင်နက်သည် ဂျာဗားအလယ်ပိုင်းရှိ Mataram ၊  Maluku ကျွန်းစုများရှိ Ternate နှင့် Tidore စော်ဘွား နယ်များမှသည် အရှေ့ဖျား အထိ ကျယ်ပြန့်သည်။ ၁၃ ရာစုအကုန်တွင် အစ္စလာမ်သည် ဆုမတြားမြောက်ပိုင်း၌လည်းကောင်း၊ ၁၄ ရာစုတွင် Malaya အနောက်မြောက်ပိုင်းနှင့် ဘရူနိုင်း၌ လည်းကောင်း၊  ၄င်းပြင် ဖိလစ်ပိုင် အနောက်တောင်ဖက်နှင့် အရှေ့ဂျာဗားတစ်ခွင်၌ လည်းကောင်း၊ ၁၅ ရာစုတွင် Malacca နှင့် မလေး ကျွန်းဆွယ်ဒေသများ၌လည်းကောင်း အခြေခိုင်ခဲ့ပြီးဖြစ်သည်။

အစ္စလာမ်သာသနာအား နှစ်သက်လက်ခံသူများပြားလာသည်၌ ၁၆ ရာစုအကုန်တွင် ဂျာဗားနှင့်ဆုမတြားပေါ် လွှမ်းမိုးလျက်ရှိသော ဟိန္ဒူနှင့်ဗုဒ္ဓ၀ါဒများ နေရာဖယ်ပေးလိုက်ရသည်။ ၁၇ ရာစု နှင့် ၁၈ ရာစုနှစ်များအတွင်း အစ္စလာမ် နှင့် ခရစ်ယာန်သာသနာ ပြန့်ပွားမှုအရှိန်အဟုန် အားကောင်းလာသည့်တိုင် ဟိန္ဒူအများစုမှာ ဘာလီ၌ လည်းကောင်း၊ သဘာဝ/သက်မဲ့ကိုးကွယ်မှုမှာ အရှေ့ဖျားကျွန်းစုများ၌လည်းကောင်း စွဲမြဲကျန်ရစ်နေသေး၏။ ဤကာလတစ်လျှောက် ဟိန္ဒူ-ဗုဒ္ဓအယူအဆကြီး စိုးနေသော ယဉ်ကျေးမှုမှာ အစ္စလာမ့် ယဉ်ကျေးမှုအောက်၌ မှေးမှိန်သွားခဲ့သည်။

အင်ဒိုနီးရှားသို့ အစ္စလာမ်ရောက်ရှိခြင်းသည် ဒေသတွင်း အလွန်ထင်ရှားသောတိုးတက်မှုဖြစ်လာကြောင်း သမိုင်းများက ဆိုသည်။ အင်ဒိုနီးရှား လူမျိုးတို့ အစုလိုက်အပြုံလိုက် အစ္စလာမ် လက်ခံရသည့် အကြောင်းရင်းကောက်ချက်မှာကား ပညာရှင်တို့၏အမြင်များ ကွဲပြားလျက် ရှိနေသည်။ ဤပြောင်းလဲမှုဖြစ်စဉ် အစောပိုင်းကာလသမိုင်းကို မူလရင်းမြစ် အထောက်အထားများဖြစ်သည့် ကျောက်စာများ၊ ကုန်သည်အချို့၏ မှတ်တမ်းများတွင် တွေ့ရသော်လည်း အချို့သော အချိန်ကာလ နှင့် နေရာဒေသရှိ ဒေသခံ မွတ်စ်လင်မ်များ အကြောင်းကိုသာ ဖော်ပြထားသည်။

ဤသာသနာသည် လူနေမှုပုံဟန်များ နှင့် လူ့အဖွဲ့အစည်းများအတွင်း မည်သို့မည်ပုံ နက်ရှိုင်းစွာစိမ့်ဝင်သွားကြောင်းကိုမူ ယင်းအထောက်အထားတို့က ရှင်းလင်းအောင် မဖော်ပြနိုင်ကြချေ။ ဥပမာ – အုပ်ချုပ်သူတစ်ဦးသည် မွတ်စ်လင်မ်ဖြစ်ယုံမျှနှင့် အင်ဒိုနီးရှားတို့ အားလုံး မွတ်စ်လင်မ်ဖြစ်သွားရခြင်းဟု ယူဆ၍ မရပါ။ ထိုအချက်က ယနေ့တိုင်အောင် ပဟေဠိသဖွယ် ဖြစ်နေ ရသည်။ ကျွန်းဆွယ်၏အနောက်ပိုင်း တွင် အစ္စလာမ် စတင်ပျံ့နှံ့သည်ဟု ထင်ရှားသော်ငြား ၊   ၄င်းနှင့် ကပ်လျက်ရှိသောဒေသများ၌ ကူးပြောင်းသက်ဝင်လာမှုမှာ ဒီရေလှိုင်းလုံးသဖွယ် မဟုတ်ခဲ့ဘဲ ဖြေးဖြေးချင်းသာ ဖြစ်လာခဲ့ကြောင်း ကောက်သင်းကောက် အထောက်အထားများက ဖော်ပြနေသည်။

၁၅ ရာစုနှောင်းပိုင်းတွင် ဂျာဗားမှ သြဇာကြီးလှသည့် Majapahit အင်ပါယာ ပြိုလဲသွားသည်။ ဂျာဗားရှိ ဟိန္ဒူတို့၏နောက်ဆုံးပိုင်နက်သည် အကြိမ်ကြိမ် စစ်ရှုံးပြီးသည့်နောက် ဒိန်းမတ်လက်အောက်ခံ ဖြစ်သွားခဲ့သည်။ ထို့နောက်မှာမှ အစ္စလာမ်စော်ဘွားတို့၏ သြဇာကြီးမားလာကြသည်။ ဂျာဗား၌  Wali Songo ဟုခေါ်ဆိုကြသော သူတော်စင်ကြီးကိုးပါး၏ အရှိန်အ၀ါကြောင့် အစ္စလာမ်သာသနာ စတင်ပြန့်ပွားခဲ့ခြင်း ဖြစ်သည်။

ဥရောပသားတို့၏ကိုလိုနီနယ် ဖြစ်ခဲ့မှု

ဒတ်ခ်ျ တို့သည် ဒေသတွင်းကုန်သွယ်ရေးနှင့်သယံဇာတအားလက်ဝါးကြီးအုပ်ရန် ၄င်းတို့၏ စီးပွားအကျိုးအရ ကျူးကျော်နယ်ချဲ့ခဲ့ကြသည်။ အင်ဒိုနီးရှားကျွန်းဆွယ်မှ Maluku ကျွန်းများမှာ ဟင်းခတ် အမွှေးအကြိုင်၏ ကျွန်းများအဖြစ် ကျော်ကြားခဲ့သည်။ ၄င်းဒေသထွက် ဇာဒိပ္ဖိုလ်သီး၊ ငရုတ်ကောင်း၊ လေးညှင်းပွင့် အပါအ၀င် ဟင်းခတ်အမွှေးအကြိုင်တို့မှာ အလွန်ဈေးကောင်းကြသည်။ အခြား ရေပန်းစားသည့် ကုန်စည်များမှာ စန္ဒကူးနံ့သာပင်၊ ရာဘာ နှင့် ကျွန်းသစ်များ ဖြစ်သည်။

အင်ဒိုနီးရှားအားကျူးကျော် ၀င်ရောက်မှုက ဒေသတွင်းရှိ ဗဟိုကုန်သွယ်ရေးဆိပ်ကမ်းများကို လက်ဝါးကြီး အုပ်နိုင်ခဲ့သော်လည်း၊ ဒေသခံ မွတ်စ်လင်မ် ကုန်သည်တို့သည် အခြားကုန်သွယ် ဆိပ်ကမ်းငယ်များ ဖန်တီးလိုက်ကြရာမှ ယင်းဒေသ တစ်ခွင် အစ္စလာမ်ပြန့်ပွားမှု ပိုပြီး အားကောင်းသွားလေသည်။

၂၀ ရာစုအ၀င်သို့ရောက်သော် အစ္စလာမ်သည် ကိုလိုနီဝါဒဆန့်ကျင်တိုက်ထုတ်သော တံခွန်တိုင်ကြီး ဖြစ်လာခဲ့သည်။ အစ္စလာမ့်ပညာရှင် မုဟမ္မဒ် အဗ်ဒူးဟ်မှ သာသနာ၏မူလကျမ်းဂန်ဖက်သို့ ပြန်လှည့်ရန် လှုပ်ရှားမှုတစ်ရပ် စတင်ခဲ့သည်။ ယင်းလှုပ်ရှားမှုမှာ သာသနာ့ပညာနှင့်ခေတ်ပညာရေး ပေါင်းစပ်ကျောင်းများထူထောင်ဖြင်းဖြစ်ပြီး၊ အမျိုးသမီးများအတွက် အမျိုးသမီးပညာရှင်တို့ကို မွေးထုတ်ပေးခဲ့သည်။ ပြုပြင်ပြောင်းလဲရေးသမား တို့၏ လှုပ်ရှားဆောင်ရွက်ချက်များ နှင့် အတိုက်အခံတို့၏တုန့်ပြန်မှုများကြောင့် အင်ဒိုနီးရှားပြည်သူတို့သည် သီးခြားစီ ဖြစ်နေရာမှ စုစည်းကျစ်လစ်မှု ရရှိလာကြသည်။

အစောပိုင်းကာလလှုပ်ရှားမှုတွင် Minangkabau ပညာရှင်တို့သည် အဓိကအခန်းကဏ္ဍ၌ ပါဝင်ခဲ့ကြသည်။ ၁၉၀၆ ခုနှစ်တွင် စင်္ကာပူ၌ သွာဟိရ် ဗင်န် ဂျလာလုဒ္ဒီးန်မှ အလ် အီမာန် အမည်ရှိ မလေးသတင်းစာ ထုတ်ဝေသည်။ ငါးနှစ်ကြာပြီးသော် Padang ၌ အလ်မုနီးရ် သတင်းစာ ထွက်ရှိလာပြန်သည်။ ၂၀ ရာစုအစပိုင်းတွင် ခေတ်သစ်ဝါဒီမွတ်စ်လင်မ်ကျောင်းများမှာ အနောက်ဆုမတြား၌ အဒါဗီယဟ် (၁၉၀၉ ခုနှစ်)၊ ဒီနီယဟ် ပူထရီ (၁၉၁၁ ခုနှစ်) အစရှိသဖြင့် အလျှိုလျှို ပေါ်ပေါက်လာကြသည်။ နောင်သော် NU  နှင့် Muhammadiyah တို့ ထွက်ရှိလာခြင်းနှင့်အတူ အစ္စလာမ့်လှုပ်ရှားမှုမှာ ပိုပြီး အရှိန်အဟုန် မြင့်တက်သွားခဲ့သည်။

လွတ်လပ်ရေးရပြီးခေတ်

အရှေ့ဂျာဗားမှ ဗလီတလုံး

၁၉၄၅ ခုနှစ် အင်ဒိုနီးရှားမှ လွတ်လပ်ရေးကြေငြာသောအခါတွင်  အင်ဒိုနီးရှားသည် ကမ္ဘာ့ဒုတိယမြောက် မွတ်စ်လင်မ်အများစုရှိသည့် နိုင်ငံ ဖြစ်လာသည်။ ၁၉၇၁ ခုနှစ် ပါကစ္စတန်မှ ဘင်္ဂလားဒေ့ရ်ှခွဲထွက်လိုက်သည့်အခါတွင် ကမ္ဘာ့မွတ်စ်လင်မ်လူဦးရေအများဆုံးနိုင်ငံ အဖြစ် ထင်ရှားသွားသည်။ ယနေ့သော် အင်ဒိုနီးရှား၏ လူဦးရေ ၂၃၅ သန်းအနက် ၈၈ % မှာ မွတ်စ်လင်မ်များ ဖြစ်ကြသည်။ လက်ရှိကာလတွင် ရှေးရိုးအစ္စလာမ့်လမ်းကြောင်းတစ်ရပ်ဖက် ပြန်ယိမ်းလာသည်။

လွတ်လပ်ရေးရပြီးသောအခါ အစ္စလာမ့်အခန်းကဏ္ဍသည် နိုင်ငံရေးလောကအတွင်း အငြင်းပွားဖွယ်ပြဿနာများရှိလာကြသည်။ သို့ဖြင့် အစ္စလာမ့်ဥပဒေ အစား နိုင်ငံရေးမူဝါဒ ဥပဒေကို ကျင့်သုံးလိုက်ကြသည်။

သမ္မတ ဆူဟာတို လက်ထက်နှစ်များ၌ မွတ်စ်လင်မ်တို့အကြား ယုံကြည်ချက်ပြင်းထန်မှု ရှိခဲ့သည်။ ဆူဟာတို၏စီစဉ်မှုဖြင့် အစ္စလာမ်ပါတီအားလုံးကို စုစည်း၍ အစိုးရမှကွပ်ကဲသည့် တစ်ခုတည်းသော ပါတီ (Party for Unity and Development or PPP) အဖြစ်သို့ပြောင်းလဲစေလိုက်သည်။ ၁၉၉၈ ခုနှစ်တွင် ဆူဟာတို နှုတ်ထွက်လိုက်ရခြင်းနှင့်အတူ သာသနာရေးနှင့်လူထုရေးရာ အကျင့်ပျက်ခြစားမှုများကို နှိမ်နှင်းခဲ့ကြသည်။

လက်ရှိအခြေအနေတွင် မွတ်စ်လင်မ်တို့သည် ဒီမိုကရေစီနည်းကျ ရွေးကောက်ခံလွှတ်တော်အမတ်များ ဖြစ်နိုင်ကြလေပြီ။ သို့ရာတွင် ဆူဟာတိုလက်ထက် အင်ဒိုနီးရှားမှ နယ်နှယ်ခံရပြီး တစ်ကျော့ပြန်ဝင်ခြေကုပ်ယူခဲ့သည့် အစွန်းရောက်ခေါင်းဆောင် Abu Bakar Bashir ကို ဥပမာပေးလျက် – ယင်းသို့ အနေအထားက Laskar Jihad နှင့် Jemaah Islamiyah ကဲ့သို့သော အစွန်းရောက်အုပ်စုများ ထွက်ပေါ်လာစေခဲ့သည်ဟု ဝေဖန်သူအချို့က ဆိုကြသည်။

လူဦးရေကဏ္ဍ
————-

ဂျာဗား၊ ဆုမတြား၊ Nusa Tenggara အနောက်ပိုင်း၊ Sulawesi၊ Kalimantan ၏ကမ်းရိုးတန်း၊ Maluku မြောက်ပိုင်းမှ ဒေသတို့တွင် မွတ်စ်လင်မ် အများစု နေထိုင်ကြသည်။ ပါပူးဝါး၊ ဘာလီ၊  Nusa Tenggara အရှေ့ပိုင်း၊ ဆုမတြားမြောက်ဖျား၊  Kalimantan ၏ကုန်းတွင်းပိုင်း နှင့် Sulawesi မြောက်ဖက်တွင်မူ မွတ်စ်လင်မ်ဦးရေ နည်းပါးသည်။ မွတ်စ်လင်မ်အများစုမဟုတ်သည့် ဤဒေသများသည် ဆူဟာတိုအစိုးရမှ ကမကထပြုသော တစ်အုံတစ်ကျင်းပြောင်းရွှေ့မှုမတိုင်မီကပင် အင်ဒိုနီးရှားလူဦးရေ သုံးပုံနှစ်ပုံမက ရှိနေခဲ့သည်။ လက်ရှိအချိန်တွင်လည်း မိမိသဘောဖြင့် ရွှေ့ပြောင်းအခြေချလာသူများ ရှိဆဲပင်။

နိုင်ငံတွင်းရွှေ့ပြောင်းအခြေချမှုက နိုင်ငံ့လူဦးရေကို လွန်ခဲ့သည့်နှစ်သုံးဆယ်ကထက် အပြောင်းအလဲဖြစ်သွားစေသည်။ နိုင်ငံအရှေ့ပိုင်းမှာ ကနဦးပိုင်း၌ ခရစ်ယာန်များ လွှမ်းမိုးခဲ့သော်လည်း ထိုအချက်ကြောင့် မွတ်စ်လင်မ်လူဦးရေ ရာခိုင်နှုန်း တိုးပွားလာခဲ့သည်။ ၁၉၉၀ ခုနှစ်အစောပိုင်းကာလများမှစ၍ Maluku ကျွန်းများတွင် ခရစ်ယာန်တို့မှာ လူနည်းစု စာရင်းဝင်သွားရသည်။  Java နှင့် Madura ဒေသများတွင် လူဦးရေအဆမတန်ကြီးထွားလာမှုကိုလျှော့ချရေးအတွက် အစိုးရမှ နိုင်ငံတွင်းရွှေ့ပြောင်းအခြေချနိုင်အောင် စီစဉ်ဆောင်ရွက်ပေးခဲ့ခြင်းဖြစ်သည်။ ခရစ်ယာန်ဒေသများအတွင်း မွတ်စ်လင်မ်အများစုဖြစ်လာစေရန် ရည်ရွယ်ထားခြင်း မရှိခဲ့ချေ။ မွတ်စ်လင်မ်တို့မှ မိမိသဘောဆန္ဒအလျောက် ပြောင်းရွှေ့လာကြခြင်း ဖြစ်သည်။ ယင်းမူဝါဒ၏အကျိုးဆက်က Maluku ၊  Sulawesi အလယ်ပိုင်းနှင့် ပါပူးဝါး တို့၌ စီးပွားရေးနှင့်နိုင်ငံရေး တွင် ဂယက်ရိုက်ခတ်သွားစေခဲ့သည်။

အသင်းအပင်းအဖွဲ့အစည်းများ

ခေတ်မီဝါဒီများကို ဦးဆောင်သည့် အမျိုးသားအဖွဲ့မှာ Muhammadiyah ဖြစ်သည်။ နိုင်ငံအ၀ှန်း ဌာနခွဲများ ဖွင့်လှစ်ထားပြီး နောက်လိုက် သန်း ၃၀ ခန့်ရှိသည်။ ၁၉၁၂ ခုနှစ်မှ စတင်တည်ထောင်သော Muhammadiyah သည် ဗလီဝတ်ကျောင်းများ၊ ဆေးခန်းများ၊ မိဘမဲ့ကလေးများဂေဟာ၊ သူဆင်းရဲစောင့်ရှောက်ရေး ဌာန၊ ကျောင်းများ၊ လူထုစာကြည့်တိုက်များ၊ တက္ကသိုလ်များကို တည်ထောင်ပြုလုပ်ခဲ့ကြသည်။ နောင်တွင် Muhammadiyah ၏ ဗဟိုဦးစီးအဖွဲ့နှင့် ဌာနေခေါင်းဆောင်များက Muhammadiyah ၏ ဥက္ကဌသည် သမ္မတရွေးကောက်ပွဲ ၀င်ရောက် ယှဉ်ပြိုင်နိုင်ကြောင်း သဘောတူထောက်ခံရာမှ အဖွဲ့အစည်းအတွင်း နိုင်ငံအား သန်သူတို့ ဖောက်ထွင်း ၀င်ရောက်လာပြီး အဖွဲ့ဝင်များအကြား ကွဲလွဲမှုများ စတင်ဖြစ်ပေါ်ခဲ့သည်။ ၄င်းတို့၏ ဌာနချုပ်မှာ ဂျကာတာ၌ တည်ရှိပြီး နိုင်ငံ၏ ဒုတိယမြောက် အင်အားအကြီးဆုံးအဖွဲ့အစည်းဖြစ်သည်။

ရှေးရိုးစွဲဝါဒီလူမှုအဖွဲ့အစည်းများအနက် အကြီးမားဆုံးဖြစ်သည့် Nahdlatul Ulama (NU) သည်လည်း ဖော်ပြပါအဖွဲ့အစည်း၏ဆောင်ရွက်မှုများစွာကို ဦးတည်ဆောင်ရွက်ခဲ့ပြီး ၊ သာသနာ့နှစ်ရှည် စာသင်ကျောင်း အများစုကို နောက်ကွယ်မှ ကြိုးကိုင်ခဲ့သည်။ နောက်လိုက်မှာ ခန့်မှန်းခြေ သန်း ၄၀ ခန့်ရှိ၍ နိုင်ငံ၏ အင်အားအကြီးဆုံး အဖွဲ့အစည်း ဖြစ်သည့်အပြင် ကမ္ဘာ့အကြီးဆုံးအစ္စလာမ့်အုပ်စုဟုပင် ဆိုနိုင်ဖွယ် ဖြစ်သည်။ NU သည်လည်း နိုင်ငံအတွင်း ကျယ်ပြန့်စွာရှိသော်လည်း ဂျာဗား၌ အဓိကခြေကုပ်ယူထားသည်။ NU နောက်လိုက်သားတို့ထံ ဂျာဗားဒေသခံယဉ်ကျေးမှု အမြောက်အများ စိမ့်ဝင်လာရာ အစ္စလာမ့်ပြဌာန်းမှုလမ်းကြောင်းမှ သွေဖည်လုနီးနီး အခြေအနေရောက်ခဲ့သည်။ NU နောက်လိုက်များစွာတို့သည် NU ၏ ကနဦး ၀ါရင့် သာသနာ့ခေါင်းဆောင်များ – Kyais သို့မဟုတ်  Ulama (အုလမာ) တို့၏ အမြင်၊ လမ်းညွှန်မှု နှင့် ဖွင့်ဆိုချက်များနှင့် ဆန့်ကျင်ဖက်ဖြစ်လာကြပြီး သာသနာရေးရာမြှင့်တင်ပြောင်းလဲမှုများ၊ သမမျှတစွာ အတူယှဉ်တွဲနေထိုင်မှုများဖက်သို့ တွန်းအားပေးလျက် ရှိကြသည်။

အစ္စလာမ့်ရေးရာအတွေးအခေါ်လမ်းကြောင်း မတူညီကြသော အဖွဲ့အစည်းငယ်များလည်း ရှိနေကြသည်။ ၄င်းတို့အနက် Islam Liberal Network (JIL) အဖွဲ့သည် အစ္စလာမ့်ဒဿနအား အမြင်ကျယ်စွာဖွင့်ဆိုရေးနှင့်အသုံးချနိုင်ရေးဖက်သို့ဦးတည်သည်။ ဤအဖွဲ့အစည်းနှင့် ဆန့်ကျင်ဖက်မှာ Hizbut Tahrir Indonesia (HTI) ဖြစ်သည်။ ၄င်းက The Indonesian Mujahedeen Council (MMI) ဖွဲ့၍ နိုင်ငံဥပဒေအား ရှရီအဟ်တရားတော်နှင့်အစားထိုးရန်၊ အစ္စလာမ်နိုင်ငံအား ခလီဖဟ်စံနစ်ဖြင့်အုပ်ချုပ်ရန် တိုက်တွန်းသည်။ ယင်းကိစ္စနှင့်စပ်လျဉ်း၍ အခြား အဖွဲ့အစည်းငယ်အများအပြားလည်း ဖြစ်ပေါ်လာသည်။ အခြားတစ်ဖက်တွင် The Indonesian Islamic Propagation Institute (LDII) ဟူသော အဖွဲ့ငယ်သည်လည်း တဖြည်းဖြည်း ကြီးထွားလျက်ရှိသည်။

စွန္နီမွတ်စ်လင်မ်အတွေးခေါ်လမ်းကြောင်းမှ သီးသန့်ခွဲထွက်လာသော အဟ်မဒီယာ တို့မှာ လူနည်းစုလေးသာဖြစ်သော်လည်း နိုင်ငံအတွင်း ဌာနခွဲပေါင်း ၂၄၂ ခုထိ ရှိသည်။ ၁၉၈၀ ခုနှစ်တွင် အင်ဒိုနီးရှားသာသနာ့ပညာရှင်များကောင်စီ – The Indonesian Council of Ulamas (MUI) မှ ဤအုပ်စုဝင် အဟ်မဒီများသည် အစ္စလာမ်၏တရားဝင်သဏ္ဍာန် မဆောင်ကြောင်း ဓမ္မသတ်ထုတ်ပြန် ကြေငြာခဲ့သည်။

လူ့အဖွဲ့အစည်းပုံဟန်

ဒတ်ခ်ျတို့ လက်အောက်ကျရောက်စဉ် ခေတ်က အင်ဒိုနီးရှားကလေးငယ်များ ကုရ်အာန်ကျမ်းစာ သင်ကြားနေစဉ်

အင်ဒိုနီးရှားနိုင်ငံ၏ ရှုပ်ထွေးသော သမိုင်းကြောင်းရိုက်ခတ်မှုက နိုင်ငံအနှံ့အပြားတွင် တွေ့ရသည့် အစ္စလာမ့် အနက်သဘောနှင့်ကျင့်သုံးပုံများမှာ အရှေ့အလယ်ပိုင်း ကျင့်သုံးပုံများလောက် တင်းကြပ်မှု မရှိဘဲ သိသိသာသာခြားနားမှု ရှိနေစေသည်။ ကုန်သည် အသီးသီးတို့၏ တဖြည်းဖြည်း မိတ်ဆက်ပေးမှုကြောင့်လည်းကောင်း၊ အိန္ဒိယမှ တရားအားထုတ်သူအာဂန္တုများကြောင့်လည်းကောင်း ဆုမတြား၏ ကမ်းရိုးတန်းဒေသများ၊ ဂျာဗားမြောက်ပိုင်း နှင့် ကလီမန်တန်တို့တွင် ၁၂ ရာစုနှင့် ၁၅ ရာစုအကြား အစ္စလာမ် စတင်အခြေခိုင်ခဲ့သည်။ ထိုဒေသများသို့ အစ္စလာမ်ဝင်ရောက်သည့် အစစ်အမှန်ပုံဟန်မှာ အဇ္ဈတ္တသန့်စင်ရေးတရားကျင့်ကြံသူ (ဆွူဖီ)များ၏ လမ်းစဉ်ဖြစ်သည်။

ယင်းဆွူဖီဝါဒကို ဒေသခံများက လွယ်ကူစွာလက်ခံခဲ့ပြီးနောက် ဒေသထုံးတမ်းနှင့် ပေါင်းစပ်သွားခဲ့သည်။   ကျွန်းစုဒေသများထံ အစ္စလာမ်ချဉ်းနင်းဝင်ရောက်မှုမှာ တစ်ပုံစံတည်းတော့ မဟုတ်ပေ။ ၁၆ ရာစုတွင် ဟိန္ဒူ-ဗုဒ္ဓဘာသာဝင်များရှိရာ အရှေ့ဂျာဗားသို့ အစ္စလာမ့်သြဇာလွှမ်းမိုးလာသောအခါ ဂျာဗားမှ မြို့မျက်နှာဖုံးတို့သည် ၄င်းတို့၏ မူလဘူတ ဟိန္ဒူဝါဒ ရှင်သန်ဆဲဖြစ်သည့် ဘာလီသို့ ထွက်သွားခဲ့ကြသည်။ ၄င်း၌ ဟိန္ဒူဘာသာဝင် ၂.၅ သန်းရှိခဲ့သည်။ ဆုမတြားကမ်းရိုးတန်းဒေသများနှင့်မတူ  တမူထူးခြားစွာဖြင့် ဂျာဗားအတွင်းပိုင်းရှိ ဟိန္ဒူ-ဗုဒ္ဓဘာသာဝင် မင်းမျုိုးမင်းနွယ်တို့သည် စီးပွားရေးနှင့်နိုင်ငံရေးအင်အားထိပ်တိုက်တိုးကြရာမှ အစ္စလာမ်ကို တဖြည်းဖြည်းချင်း လက်ခံလာကြပြီးနောက် မိမိတို့၏ တရားဝင်ဘာသာတရားနှင့်နာမ်ပိုင်းဆိုင်ရာယဉ်ကျေးမှုအဖြစ် ပုံဖော်ခဲ့ကြပေသည်။

ဘူကစ်တင်ဂီရှိ ရိုးရာ ဗိသုကာ ဒီဇိုင်းဖြင့် ဆောက်လုပ်ထားသော ဗလီဝတ်ကျောင်းတော်

ဤသမိုင်းဖြစ်စဉ်များအားဖြင့် မိရိုးဖလာမွတ်စ်လင်မ်များ နှင့် လမ်းကြောင်းမမှန်သည့်မွတ်စ်လင်မ်များအကြား တင်းမာမှုကို ၁၉၉၀ နှစ်များအစောပိုင်းကာလအထိ တွေ့ကြရသည်။ အချို့မွတ်စလင်မ်အုပ်စုများ၌ ဟိန္ဒူ-ဗုဒ္ဓ နှင့် ရိုးရာကိုးကွယ်မှုအယူများ ရောထွေးပါဝင်နေခြင်းများ ရှိနေခဲ့ကြသည်။ ၁၉၇၃ ခုနှစ် သမ္မတဆူဟာတိုလက်ထက်တွင် မွတ်စ်လင်မ်တို့အဖို့ တစ်ဆူရှင်ဝါဒကိုသာ လက်ခံရန်ပြဌာန်းခဲ့ပြီး သူကိုယ်တိုင်လည်း တစ်ဆူရှင်ကိုးကွယ်မှုဝါဒီအဖြစ် ခံယူခဲ့သည်။ ထိုအခါ တစ်ဆူရှင်ဝါဒမှ သိသိသာသာကွဲထွက်နေသော kebatinan အုပ်စုသည် မိမိတို့၏ သီးသန့်ဘာသာတရားတစ်ခုအဖြစ်သတ်မှတ်၍ နိုင်ငံတော်အသိအမှတ်ပြု ဘာသာတရား ( ၆ ခုအနက် ) တစ်ခုအပါအ၀င် ထည့်သွင်းရန် တောင်းဆိုခဲ့သည်။ ၄င်း The Kebatinan သို့မဟုတ် Kepercayaan အယူ၌ တမန်တော်၊ ကျမ်းဂန်၊ သာသနာ့ကျင့်ဝတ်နှင့်ပွဲတော်များ ဟူ၍ မရှိ၊ မိမိတို့တစ်ဦးချင်းစီက ဖန်ဆင်းရှင်နှင့် အတွင်းပိုင်းဆက်သွယ်မှုရှိနေသည် ( ထို့ကြောင့် ထိုအရာများမလို ) ဟု ခံယူကြသည်။ ရံဖန်ရံခါ ၀ိညာဉ်များ၊ နတ်ဘုရားများပူဇော်ပွဲကိုလည်း ကျင်းပလေ့ရှိကြသည်။

ရှေးရိုးစွဲမွတ်စ်လင်မ် နှင့် ခေတ်သစ်မွတ်စ်လင်မ်တို့အကြားတွင်လည်း ကွဲလွဲသည့်အမြင် ရှိနေပြန်၏။ ယင်းအမြင်နှစ်ရပ်အားပြိုင်မှုကို ၁၉၉၀ နှစ်များအစောပိုင်း၌ တရားဝင် ယှဉ်ပြိုင်ဆွေးနွေးကြသော်လည်း ၊ ရှေးရိုးစွဲမွတ်စ်လင်မ်တို့ဖက်မှ ခေတ်သစ်မွတ်စ်လင်မ်တို့အား အနောက်တိုင်း၏ ပညာရေးနှင့် အဖွဲ့အစည်းဆိုင်ရာ အမွေခံများဟု ဆို၍သာ ငြင်းဆိုလျက် ရှိခဲ့သည်။ ခေတ်ကဏ္ဍရေးရာများကိုပါ ထည့်သွင်း သင်ကြားသည့် တိုးမြှင့်မွမ်းမံရေး စာသင်ကျောင်းများဖြစ်အောင် ခေတ်သစ် မွတ်စ်လင်မ်တို့၏ အားပေးမှုအပေါ် ရှေးရိုးစွဲ ၀ါဒီများက သံသယရှိနေသည်။ ၄င်းတို့က မွတ်စ်လင်မ်မှန်သမျှ ၄င်းတို့ဖွင့်ဆိုသော ရှရီအဟ်ဥပဒေနောက်သို့သာလိုက်ရန် အရေးဆိုလျက်ရှိသည်။

ယင်းသို့ကွဲပြားမှုရှိနေလင့်ကစား ယင်းရှေးရိုးစွဲအုလမာ (NU)၊ The progressive Consultative Council of Indonesian Muslims (Masyumi) နှင့် အခြားပါတီနှစ်ခုကို တစ်ခုတည်းသောအစ္စလာမ့်နိုင်ငံရေးပါတီအဖြစ် ၁၉၇၃ ခုနှစ်၌ ဖွဲ့စည်းစေခဲ့ရာ PPP ပါတီ ပေါ်ပေါက်လာခြင်း ဖြစ်သည်။ သို့ဖြင့် ယင်းအက်ကြောင်းများ လျော့ပါးသွားကာ စုစည်းညီညွှတ်သည့် နိုင်ငံ့အင်အားစုအဖြစ်သို့ ကူးပြောင်းမှု စတင်သည်။
အင်ဒိုနီးရှားနှင့် အရှေ့အလယ်ပိုင်းယဉ်ကျေးမှုအကြား အမျိုးသမီး ၀န်ထမ်းခန့်အပ်ခြင်း ကိစ္စမှာလည်း မတူကွဲပြားမှု ရှိနေသည်။

ဘာသာရေးလွတ်လပ်ခွင့်

အင်ဒိုနီးရှား၏ ဖွဲ့စည်းပုံအခြေခံဥပဒေသ၌  “ လူတိုင်းသည် မိမိယုံကြည်ရာ ကိုးကွယ်နိုင်သည့်အခွင့်အရေး ရှိသည် ” ဟုလည်းကောင်း၊ “ နိုင်ငံတော်သည် တစ်ဆူရှင်အယူဝါဒအပေါ် အခြေခံသည် ” ဟုလည်းကောင်း ဖော်ပြသည်။ အစိုးရများသည် ဤအချက်တို့ကို ယေဘူယျအားဖြင့် လေးစားတန်ဖိုးထားကြသည်။ သို့ရာတွင် အချို့သော (ထိခိုက်နစ်နာဖွယ်ရှိသည့်) ဘာသာရေးလှုပ်ရှားမှု အချို့ နှင့် အသိအမှတ် မပြုထားသည့် ဘာသာရေးကိစ္စများကိုမူ ကန့်သတ်ချက် ရှိသည်။

အင်ဒို အမျိုးသမီးငယ်လေးများ ဗလီဝတ်ကျောင်းတော် တခုအတွင်း တွေ့ရစဉ်

သာသနာ့ရေးရာဝန်ကြီးဌာနမှ အယူဝါဒ ၆ မျိုးကို  တရားဝင်ခွင့်ပြုထား၏။ အစ္စလာမ်၊ ကက်သလစ်၊ ပရိုတက်စတင့်၊ ဗုဒ္ဓ၊ ဟိန္ဒူ နှင့် ကွန်ဖြူးရှပ် တို့ဖြစ်သည်။ ဤအသိအမှတ်ပြုဘာသာတရား ၆ ရပ် အပြင် အခြားအယူဝါဒဆိုင်ရာ အဖွဲ့အစည်းများသည်လည်း အစိုးရထံ မှတ်ပုံတင်ခွင့်ရှိသည်။ သို့သော် သာသနာရေးရာဝန်ကြီးဌာနတွင် မဟုတ်ဘဲ လူမှုအဖွဲ့အစည်းအဖြစ် ယဉ်ကျေးမှုနှင့်ခရီးသွားလာရေး လုပ်ငန်းဝန်ကြီးဌာနတွင် မှတ်ပုံတင်စေသည်။ ယင်းအမျိုးအစားရှိ အချို့သော ဘာသာရေးဆောင်ရွက်ချက်များကို ကန့်သတ်ထားသည်။ တရားဝင် မှတ်ပုံမတင်ထားသော ဘာသာရေးအုပ်စုများမှာ နေရာငှားရမ်းပြီး အကောင်အထည်ဖော် ခွင့်မရှိ၊ မိမိတို့အယူဝါဒအား အခြားနည်းလမ်းများဖြင့် ကျင့်သုံးရသည်။

မွတ်စ်လင်မ်အများစုဖြင့် ပြည့်နှက်နေသော်လည်း အင်ဒိုနီးရှားသည် အစ္စလာမ်နိုင်ငံ မဟုတ်။ လွန်ခဲ့သည့် နှစ်ပေါင်း ၅၀ ကျော်တွင် အစ္စလာမ့်အုပ်စုအများအပြားမှ အစ္စလာမ်နိုင်ငံအဖြစ်ထူထောင်ရန် ရံဖန်ရံခါ ကြိုးပမ်းတတ်ကြ၏။ သို့သော် Muhammadiyah နှင့် NU ကဲ့သို့ သြဇာကြီးလူမှုအဖွဲ့အစည်းများ အပါအ၀င် နိုင်ငံ၏အဓိက အင်အားစုဖြစ်ကြသည့် မွတ်စ်လင်မ်အသိုက်အမြုံကြီးမှ ယင်း အကြံအစည်ကို လက်မခံကြချေ။ အစ္စလာမ်နိုင်ငံပြုရေးအဆိုတင်သွင်းချက်ကို ၁၉၄၅ ခုနှစ်တွင် ပြုလုပ်သော်လည်း မအောင်မြင်ခဲ့။ အလားတူစွာ ၁၉၅၀ ခုနှစ်များတစ်လျှောက် ဒီမိုကရေစီ ပါလီမန်တွင်လည်း နိုင်ငံတော် ဖွဲ့စည်းပုံ အခြေခံ စည်းမျဉ်း၌ မွတ်စ်လင်မ်များအတွက် ရှရီအဟ်ဥပဒေကိုသာ လိုက်နာစေရေးထည့်သွင်းရန် ကြိုးပမ်းခဲ့ကြသေးသည်။ ဆူဟာတိုလက်ထက်တွင် အစ္စလာမ်နိုင်ငံထူထောင်ရေး တွန်းအားပေးမှုအားလုံးကို အစိုးရမှ တားမြစ်လိုက်သည်။

၁၉၉၈ ခုနှစ် ဆူဟာတို ပြုတ်ကျပြီးနောက် ဘာသာရေးလွတ်လပ်ခွင့်နှင့်လွတ်လပ်စွာပြောဆိုခွင့်အား ပိတ်ပင်ထားမှု လျော့ရဲသွားသည်နှင့်အမျှ တွန်းအားပေးမှု ပြန်လည်ခေါင်းထောင် လာခဲ့သည်။ သို့သော် အာဏာရပါတီများမှ ခွင့်မပြုခဲ့။ ၂၀၀၃ ခုနှစ်တွင် ပညာရေးဖွံ့ဖြိုးမှုအတွက်တော့ ဥပဒေပြုအားပေးခဲ့သဖြင့် အစ္စလာမ်ပါတီများ ကျေနပ်သွားခဲ့သည်။ ၂၀၀၄ ခုနှစ်အတွင်း ယင်းပြဿနာဆိုင်ရာအငြင်းပွားမှုများစွာ ဖြစ်ပေါ်လာပြန်သည်။ တစ်နိုင်ငံလုံးတွင် Aceh ဒေသတစ်ခုတည်းသာ ရှရီအဟ်ဥပဒေဖြင့် ဒေသဆိုင်ရာအာဏာပိုင်များကို အုပ်ချုပ်ခွင့်ပေးခဲ့သည်။ သို့သော် ၄င်းမှာ မွတ်စ်လင်မ်များအတွက်သာဖြစ်၍ အရေးယူမှုများသည် နိုင်ငံတော်ဥပဒေနှင့် ဆီလျော်မှသာ စီရင်ခွင့်ပေးခဲ့သည်။ ထိုဒေသရှိ ရှရီအဟ်ဥပဒေသည် ဖိကဟ် (ဓမ္မသတ်အယူအဆ)များအပေါ်တင်းကြပ်မှု မပြု၊ နယ်သူနယ်သားတို့၏ စည်းကမ်း၊ ရိုးသားဖြောင့်မတ်မှု နှင့် အကျင့်အမူကောင်းများကိုသာ အစ္စလာမ့်စည်းမျဉ်းနှင့်အညီ ဖြစ်စေသည်ဟု ၄င်းတို့မှ ဆိုကြသည်။ ယင်းဒေသခံအများစုက ထိုပုံဟန်ကို နှစ်သက်လက်ခံကြခြင်းကလည်း အကြောင်းတစ်ရပ် ဖြစ်သည်။  လူ့အခွင့်အရေးနှင့်အမျိုးသမီးအခွင့်အရေး လှုပ်ရှားသူအချို့က လူမှုရေးပြဿနာများ၊ စာရိတ္တခြစားမှုများကို လျစ်လျူရှုပြီး၊ ၀တ်စားဆင်ယင်မှုကဲ့သို့သော အပေါ်ယံကိစ္စများ၌သာ ရှရီအဟ်ဥပဒေ ဟူ၍ အသုံးပြုသွတ်သွင်းနေခြင်းသည် အယူသည်းမှုသာဖြစ်သည်ဟု ဝေဖန်ကြ၏။

အင်ဒိုနီးရှားတွင် အဓမ္မဘာသာပြောင်းစေခြင်းကိစ္စကို မှတ်တမ်းများ၌ အလျဉ်း မတွေ့ရချေ။ ၄င်းမှာ Maluku ၏အရှေ့ပိုင်းနှင့်မြောက်ပိုင်းဒေသများ၊  Sulawesi အလယ်ပိုင်း၌ ဖြစ်ပွားခဲ့သော ဘာသာရေးပဋိပက္ခတို့မှ ထွက်ပေါ်လာသည့် ကောလဟလ သာဖြစ်၏။

မွတ်စ်လင်မ်၊ ခရစ်ယာန်၊ ဟိန္ဒူ နှင့် ဗုဒ္ဓဘာသာဝင်တို့၏ အခါကြီးရက်ကြီးအချို့ကို နိုင်ငံတော်၏အားလပ်ရက်များအဖြစ် သတ်မှတ်ပေးထားသည်။ မွတ်စ်လင်မ်များအတွက် မိအ်ရာ့ဂ်ျ၊ အီဒုလ် ဖိသ်ွရ်နှင့်အီဒုလ်အဿွ်ဟာ ( အီးဒ်နေ့မြတ် နှစ်ရက် )၊ အစ္စလာမ့်နှစ်သစ်ကူး နှင့် တမန်တော်နေ့များ ဖြစ်ကြသည်။ ခရစ်ယာန်များအတွက် ခရစ္စမတ်၊ Pentecost ၊ အီစတာ နှင့် ခရစ်တော်တက်မြန်းသည့်နေ့များ ဖြစ်ကြသည်။ ဟိန္ဒူတို့အတွက် Nyepi ၊ ဗုဒ္ဓဘာသာဝင်များအတွက် Waisak ၊ ကွန်ဖြူးရှပ်ဝါဒီနှင့်အခြားတရုတ်လူမျိုးများအတွက် တရုတ်နှစ်သစ်ကူးနေ့ စသည်ဖြင့် ဖြစ်သည်။ ဟိန္ဒူဘာသာဝင်အများစုရှိကြသည့် ဘာလီတွင်မူ ဟိန္ဒူတို့၏အခါကြီးရက်ကြီးမှန်သမျှ ရုံးပိတ်ရက်၊ အားလပ်ရက်များ ဖြစ်ကြသည်။

မက္ကဟ်မြို့သို့သွားရောက်ရသည့် ဟဂ်ျကိစ္စကို အစိုးရမှ ထိန်းချုပ်ကိုင်တွယ်သည်။ ထိုကဏ္ဍတွင်လည်း ဘုရားဖူးခရီးသွားများထံကောက်ယူသည့် ကုန်ကျစားရိတ်များနှင့်ပတ်သက်၍ ၊ ပို့ဆောင်ရေးကိစ္စနှင့်ပတ်သက်၍ သာသနာရေးရာဝန်ကြီးဌာနအား ဝေဖန်ချက်များ ရှိနေပါသည်။

Ref: http://en.wikipedia.org/wiki/Islam_in_Indonesia

ဇူလိုင်-၂၃ ၊ ၂၀၁၃
M-Media

ဗုဒ္ဓဂါယာ ဗုံးပေါက်ကွဲမှု သံသယရှိသူမှာ CCTV မှတ်တမ်းများအရ အာသံပြည်နယ်မှ ဖြစ်

ဇူလိုင်လ ၇ ရက်နေ့တွင်ဖြစ်ပွားခဲ့သည့် အဆိုပါ ဗုံးပေါက်ကွဲမှုကို စုံစမ်းစစ်ဆေးနေသည့် အမျိုးသား စုံစမ်း စစ်ဆေးရေး အေဂျင်စီ(NIA) က ၎င်းတို့ ရရှိထားသည့် သဲလွန်စများမှာ အိန္ဒိယအရှေ့မြောက်ဘက် ပိုင်းရှိ ပြည်နယ် တစ်ခုကို ဖော်ပြနေသည်ဟု ဆိုသည်။
http://www.m-mediagroup.com/news/16369
——————————————–
တော်ဝင် မိသားစု၏ ကလေးငယ် ဖွားမြင်

ဗြိတိန်နိုင်ငံ အိမ်ရှေ့မင်းသား ဝီလျံနှင့် ကတ်သရင်းတို့၏ သားယောင်္ကျားလေးကို ယနေ့ ဖွားမြင်သည်။
——————————————–
နယူးယောက်လေဆိပ် လေယဉ် ချွတ်ယွင်းမှု

ယနေ့မနက်က Southwest လေကြောင်းလိုင်းမှ Boeing 737 လေယာဉ်သည် နယူးယောက်မြို့ LaGuardia လေဆိပ်သို့ ဆင်းသက်စဉ် ဦးပိုင်း ဘီး ကျိုးသွားသောကြောင့် အဆင်းတွင် ဦးပိုင်းနှင့် မြေပြင်ပွတ်တိုက် ဆင်းခဲ့သော်လည်း ထိခိုက်ပွန်းပဲ့သူ အနည်းငယ်သာရှိခဲ့သည်။
——————————————–
ယခုနှစ် ဝင်ငွေအများဆုံး အဆိုတော်

အသက်သုံးဆယ်အောက် အဆိုတော်များအနက် လေဒီဂါဂါမှာ ယခုနှစ်အတွင်း ဒေါ်လာ သန်း၈၀ ဝင်ငွေ ရရှိသူအဖြစ် စံချိန်တင်ထားသည်ဟု Forbes မဂ္ဂဇင်း၏ စာရင်းများအရ သတ်မှတ်လိုက်သည်။
——————————————–
ထိပ်တန်း အလှူဒါနရှင်များ စာရင်း၌ ဗြိတိန် မွတ်စ်လင်မ်များပါဝင်

ဗြိတိန်မှ အလှူဒါနဆိုင်ရာ နာမည်ကျော် ၀က်ဘ်ဆိုဒ်တစ်ခုတွင် တင်ထားသည့် မှတ်တမ်းကောက်ချက်တစ်ရပ်၌အခြားသောဘာသာဝင်နှင့် နှိုင်းယှဉ်သော် ဗြိတိန်ရှိ မွတ်စ်လင်မ်များသည် ထိပ်တန်းအလှူဒါနရှင်များဖြစ်ကြောင်း တွေ့ရှိရသည် ဟုဆိုသည်။
http://www.m-mediagroup.com/news/16360
——————————————–
တရုတ်နိုင်ငံ ငလျင်သတင်း

တနင်္လာနေ့မနက်က Gansu ဒေသကြီးတွင်လှုတ်ခတ်ခဲ့သော ပြင်းအား ၆.၆ ရှိသော ငလျင်ကြောင့် ၈၉ ဦး သေဆုံးခဲရသည်။
——————————————–
နော်ဝေ၌ ခရစ်ယာန်အစွန်းရောက် Anders Breivik ၏ လူ (၇၇) ဦး အကြမ်းဖက်သတ်ဖြတ်မှု (၂) နှစ်ပြည့် အောင့်မေ့ဖွယ် ကျင်းပ

ဝန်ကြီးချုပ်က “ဥရောပတိုက်၌ လက်ရာစွန်းရောက် ပါတီများပေါ်ပေါက်ကြီးထွားလာမှုကို ရင်ဆိုင်ဆန့်ကျင်ရမည်”ဖြစ်ကြောင်း ပြောကြားပြီး “အစွန်းရောက်မှု မှန်သမျှကို တွန်းလှန်ရမည်”ဟုလည်း ပြောဆိုလိုက်သည်။
http://myanmarmuslimsvoice.com/archives/8212
——————————————–
မွတ်စလင်များ Facebook တွင် အစ္စလာမ်ပြက္ခဒိန် Hijri ကို ထည့်သွင်းသုံးစွဲနိုင်တော့မည်

လက်ရှိ အများသုံး အနောက်တိုင်း စံပြက္ခဒိန် Gregorian နဲ့ အတူတွဲ အသုံးပြုနိုင်မှာဖြစ်ပြီး ဆော်ဒီအာရေဗျနိုင်ငံ (Saudi Arabia) မှာ စတင်အသုံးပြုနိုင်အောင် ထုတ်လွှင့်မှာပါ။ မွတ်စလဖနိုင်ငံများ၊ မွတ်စလင်လူထု ရှိရာနိုင်ငံများ၊ အရပ်ဒေသများသို့ တဖြည်းဖြည်းခြင်း ဖြန့်ကျက်ပေးသွားမှာ ဖြစ်ပါတယ်။
http://myanmarmuslimsvoice.com/archives/8203

ဇူလိုင်- ၁၀ ၊ ၂၀၁၃
M-Media
ဘာသာပြန် – Zin Zin

ရိုဟင်ဂျာ ပြဿနာနှင့် ဆက်နွယ်နေသည့် နိုင်ငံခြား ရင်းနှီးမြှပ်နှံမှုနှင့် ပြည်တွင်း စီးပွားရေး (သုံးသပ်ချက်- ဘာသာပြန်)

စစ်တွေမြို့ ဒုက္ခသည် စခန်းတခုမှ ရိုဟင်ဂျာ မိသားစု တစု ၂၀၁၂ ခုနှစ် နိုဝင်ဘာလအတွင်း ရိုက်ကူးခဲ့သည့် ဓါတ်ပုံဖြစ်ပါသည်။ (Paula Bronstein/Getty Images)

ဇွန်လ (၂၇) ရက်နေ့ တွင် မြန်မာနိုင်ငံအစိုးရသည် ကာတာနိုင်ငံအခြေစိုက် အော်ရီဒိုး ဆက်သွယ်ရေးကုမ္ပဏီနှင့် စာချုပ်ချုပ်ဆိုမည် ဖြစ်ကြောင်း ကြေငြာခဲ့သည်။ အဆိုပါသတင်းသည် မြန်မာနိုင်ငံတွင်း မီဒီယာများ အကြား သတင်းဆိုး တစ်ခုအနေဖြင့် ပျံ့နှံ့သွားခဲ့ရာ ပြည်သူများက ထိုဆက်သွယ်ရေးကုမ္ပဏီ၏၀န်ဆောင်မှုများကို သပိတ်မှောက်မည်ဟု သတင်းများ ထွက်ပေါ်လာခဲ့သည်။ (၂၀၁၂) ခုနှစ်၌ မြန်မာနိုင်ငံအတွင်း အိုအိုင်စီ(Organization of Islamic countries) ၏ရုံးခွဲ လာရောက်ဖွင့်လှစ်မည့် ကိစ္စရပ်အပေါ် ဗုဒ္ဓဘာသာဝင်များက တားဆီးသပိတ်မှောက်မှုများဖြင့် အစိုးရအပေါ်ဖိအားပေးနိုင်ခဲ့ပြီးနောက် ၊ ယခုကဲ့သို့ အစ္စလာမ်မစ်နိုင်ငံတစ်ခုဖြစ်သည့် ကာတာနိုင်ငံပိုင် အော်ရီဒိုး ဆက်သွယ်ရေးကုမ္ပဏီ နှင့် မြန်မာအစိုးရတို့၏ သဘောတူညီချက် စာချုပ်ချုပ်ဆိုနိုင်ခြင်းသည် ဗုဒ္ဓဘာသာဝင်လူ့အဖွဲ့အစည်းများကို အံ့သြသွားစေခဲ့သည် ။ ဤဖြစ်ရပ်များက အိုအိုင်စီအား ဆန့်ကျင်လိုသည့် လူမှုရေးဆိုင်ရာ အစွဲများရှိနေသေးကြောင်း ထင်ဟပ်လျက်ရှိသည်။ အစ္စလာမ့် အယူဝါဒအား အဆိုးမြင်ဝါဒဖြန့်ရေး အခိုင်အမာ ဗျူဟာကြီး တစ်ရပ်ရှိနေသည်။ ပြည်တွင်းရှိ မွတ်စ်လင်မ်များ၏ စီးပွားရေးသည်လည်း ပိတ်ဆို့ခြင်း ခံနေရသည်။ သို့သော် ယခုကဲ့သို့ စီးပွားရေးအရ လုံးဝ မ၀င်ဆန့်စေရန် ခွဲခြားဆက်ဆံမှုသည် ရိုဟင်ဂျာ လူမျိုးတို့အပေါ်ထားရှိသော အမြင်ဖြင့် မီးမွှေးထားခြင်းဖြစ်သည်။

ပြည်ပရင်းနှီးမြှုပ်နှံမှု၊ အထောက်အပံ့များ၊ ရိုဟင်ဂျာပဋိပက္ခတို့၏ ဆက်နွှယ်မှုကဏ္ဍ

ပြုပြင်ပြောင်းလဲရေးများကို ဖော်ဆောင်ရန်ကြိုးပမ်းနေသည့် မြန်မာနိုင်ငံသည် အမြတ်အစွန်းရနိုင်သော ဖက်စပ်လုပ်ငန်းများဖြင့် ပန်းတိုင်သစ်ဆီ ဦးတည်လျက်ရှိသည်။  ကိန်းဂဏန်းဆိုင်ရာ အထောက်အထားများ အရ(၂၀၁၀) ခုနှစ်အတွင်း မြန်မာ့စီးပွားရေးသည် အမေရိကန်ဒေါ်လာ (၄၅) ကုဋေ မှ (၂၀၃၀) ခုနှစ်တွင် အမေရိကန်ဒေါ်လာ ကုဋေပေါင်း (၂၀၀) အထိ ရောက်နိုင်ဖွယ်ရာရှိသည်။ အမေရိကန်ဒေါ်လာကုဋေပေါင်း (၁၇၀) ခန့် သည် ငွေပင်ငွေရင်းအနေဖြင့် ရပ်တည်မည်ဖြစ်ပြီး၊ လိုအပ်သော မြေယာ၊ အဆောက်အဦးနှင့် စက်ပစ္စည်းများ ၀ယ်ယူရန် ပြည်ပ အသုံးစရိတ်များမှ သုံးစွဲမည်ဖြစ်၏။ ဒေါ်လာပေါင်း ကုဋေချီသည့် ရင်းနှီးမြှုပ်နှံမှုများသည် မြန်မာနိုင်ငံသစ်၏ အခြေခံလိုအပ်ချက်များ၊ စွမ်းအင်၊ လျှပ်စစ်ပစ္စည်း ၊ အဖျော်ယမကာ နှင့် စားသောက်ကုန်ဆိုင်ရာကဏ္ဍ တို့တွင် အထောက်အကူရရှိသွားစေပါမည်။

ပြည်ပမှဝင်ရောက်ရင်းနှီးမြှုပ်နှံမှု (FDI- Foreign Direct Investment) အများအပြားက လူမျိုးရေးဆိုင်ရာ တင်းမာမှုများကို တိုးပွာလာစေသည်။ မားသားလဲန်း ၊ ဖားသားလဲန်း ၊ နိုင်ဂရုပ် (သို့မဟုတ်) ၀င်း စသော မြန်မာမွတ်စ်လင်မ်ပိုင် ဆောက်လုပ်ရေးကုမ္ပဏီများသည် ပြည်ပရင်းနှီးမြှုပ်နှံမှုများနှင့်အဆင်ပြေအစေးကပ်သောအခါ၌ ဗုဒ္ဓဘာသာအစွန်းရောက် အဖွဲ့အစည်းဖြစ်သော(၉၆၉) က သပိတ်မှောက်လာကြသည်။ ယင်းသူတို့သည် မြန်မာမွတ်စ်လင်မ်တို့၏ စီးပွားရေးအနေအထားများမှာ အငယ်စားနှင့်အလတ်စားအဆင့်မှ ဗုဒ္ဓဘာသာဝင်ပိုင် စီးပွားရေး လုပ်ငန်းများနှင့် ပခုံးချင်းယှဉ်သည့်အဆင့်သို့ ရောက်လာမည်ကို စိုးရိမ်လျက်ရှိကြသည်။ ထို့ကြောင့် စီးပွားရေးအရဆက်ဆံသူများသည် မွတ်စ်လင်မ်အဆောက်အဦး လုပ်ငန်းရှင်များနှင့် လုပ်ငန်းစာချုပ်များကို ဖျက်သိမ်းကြသည် (သို့မဟုတ်ပါက) အဆောက်အဦးများကို တည်ဆောက်ပြီးစီးသည့် အဆင့်သို့မရောက်အောင် ဒုက္ခပေးနေကြပေသည်။ နိုင်ငံတော်အစိုးရအနေဖြင့် မွတ်စ်လင်မ်တို့၏စီးပွားရေးအား  ဗုဒ္ဓဘာသာဝင်များ၏ သပိတ်မှောက်မှုအပေါ် နှုတ်ဆိတ်လျက် မိမိတို့နှင့်မဆိုင်သကဲ့သို့ရပ်တည်နေကြသည်။ ” ပြည်သူများ၏သဘောထား” နှင့် “ဈေးကွက်စီးပွားရေး” စသဖြင့် ဆင်ခြေပေးလျက်ရှိရာ ပြည်တွင်း ကူးသန်းရောင်းဝယ်မှုနှင့် စီးပွားရေးသည် ယိမ်းယိုင်လျက်ရှိသည်။

သို့သော်ငြားလည်း နိုင်ငံတကာမျက်နှာစာ၌မူ တမူထူးလျက် အားကောင်းနေသည်။ နိုင်ငံခြားအထောက်အပံ့များသည် ဆက်လက်စီးဝင်နေကြသည်။ မြန်မာနိုင်ငံအား ကူညီထောက်ပံ့သောနိုင်ငံများသည် ဤပဋိပက္ခများအပေါ်တွင် နှုတ်ဆိတ်နေမည်လော (သို့မဟုတ်) ပွင့်လင်းစွာ ထုတ်ဖော်ပြောကြားမည်လော ဟူသည် မသိနိုင်သေး။ ၄င်းတို့အဖို့မှာကား ရင်းနှီးမြှုပ်နှံမှု လမ်းကြောင်းချောမွေ့ရန် အတွက် ထောက်ပံ့ရေးအစီအစဉ်က အလွန်လိုအပ်၏။ ဥပမာဆိုရသော် မြန်မာနိုင်ငံမှပေးရန် ရှိနေသော ကြွေးမြီများ အားလုံးကို  (၂၀၁၃) ခုနှစ်တွင် နော်ဝေနိုင်ငံမှ ရာနှုန်းပြည့် ကင်းလွတ်ခွင့် ပေးလိုက်၏။  ယင်းသို့ဗျူဟာမြောက် လမ်းခင်းလိုက်သောကြောင့်  နော်ဝေ အခြေစိုက် တယ်လီနော် ဆက်သွယ်ရေးကုမ္ပဏီက အခြားဆက်သွယ်ရေး ကုမ္ပဏီများအပေါ် အသာစီးရကာ စာချုပ်ချုပ်နိုင်ရန် လမ်းပွင့်သွားစေသည်။ မြန်မာနိုင်ငံအစိုးရအနေဖြင့် ဆက်တိုက်ဖြစ်ပွားလျက် ရှိသော ပြဿနာများကိုလည်း ဥပက္ခာပြုထားဆဲဖြစ်၏။ အခြေအနေမှန်ကိုလျစ်လျူရှု၍ တောင်ကိုးရီးယား၊ ဂျပန်၊ အိန္ဒိယ နှင့် အနောက်နိုင်ငံများက အထောက်အပံ့ နှင့် ကုန်သွယ်မှုများဖြင့် ဆက်ဆံရေးကို ထိန်းသိမ်းထားဆဲပင်။ ပြုပြင်ပြောင်းလဲရေးလုပ်ငန်းစဉ်အား  မြန်မာပြည်တွင်း၌ တရုတ်နိုင်ငံ၏ခြယ်လှယ်ချုပ်ကိုင်ထားမှုကို တန်ပြန်မည့်  ပြူတင်းတံခါး တစ်ချပ်အဖြစ် ၄င်းတို့မှ ရှုမြင်ထားသောကြောင့် ဖြစ်သည်။ သို့ဖြစ်ရာ ရိုဟင်ဂျာပြဿနာပေါ်မူတည်ပြီး မြန်မာနိုင်ငံအပေါ် မည်သည့် ပိတ်ဆို့အရေးယူခြင်း မပြုကြပါလေ။ အိုအိုင်စီသည် ရိုဟင်ဂျာလူမျိုးတို့၏ အရေးကိစ္စအပေါ် အလေးအနက်ထား ပြောဆိုခြင်း ၊ အကူအညီအထောက်အပံ့များပေးအပ်ရန် လမ်းဖော်ခြင်းတို့ ရှိနေသည့်တိုင် ၄င်းတို့သည်လည်း စီးပွားရေးဆိုင်ရာဝေစု တစ်ရပ်အား မျှော်လင့်နေလျက်ရှိသည်။

ကျွမ်းကျင်လုပ်သားမရှိခြင်းနှင့် အလုပ်အကိုင်အခွင့်အလမ်းနည်းပါးခြင်း

ရိုဟင်ဂျာလူမျိုးတို့ကို စီးပွားရေးအရ မ၀င်ဆန့်သူများအဖြစ် စာရင်းသွင်းထားကြပေသည်။ အဓိကအကြောင်းရင်းမှာ စာမတတ်မြောက်မှုကြောင့်ပင်ဖြစ်သည်။ (၂၀၀၅) ခုနှစ် (SOAS) သုတေသနစစ်တမ်းအရ ၄င်းတို့သည် ပညာရေးတွင် စိတ်ဝင်စားမှု နည်းပါးခဲ့ကြောင်း တွေ့ရှိရသည်။ ယနေ့တွင်မူ ရိုဟင်ဂျာလူမျိုး (၈၀) ရာခိုင်နှုန်းသည် စာမတတ်မြောက်သူများ ဖြစ်ကြပြီး ၊ အသက် (၅)နှစ်မှ (၁၇) နှစ်ကြား ကလေးငယ်များ၏  (၆၀) ရာခိုင်နှုန်းသည် ကျောင်းမနေဖူးကြချေ။ အမျိုးသမီးများအကြား စာမတတ်မြောက်သူ ဦးရေသည် ရာခိုင်နှုန်းအားဖြင့် အမြင့်မားဆုံးဖြစ်နေ၏။ အကြောင်းရင်းမှာ မိသားစုတစ်ခုတွင် ကလေးဆယ်ယောက်နှင့် အထက် ရှိနေခြင်း နှင့် အစာရေစာ လောက်ငဖူလုံမှုအတွက် ရုန်းကန် လှုပ်ရှားရခြင်းကြောင့်ဖြစ်သည်။ ထို့ကြောင့် ရိုဟင်ဂျာလူမျိုး အများစုသည် သာမန်လက်လုပ် လက်စားဘ၀မှအပ ကျွမ်းကျင်လုပ်သား (သို့မဟုတ်) ဥာဏလုပ်သား အဖြစ်သို့ မရောက်ရှိနိုင်ကြပေ။ ဤသို့အားဖြင့်  ၄င်းတို့၏ လူမှု အဆင့်အတန်းသည်လည်း နိမ့်ကျသွားရ၏။ ဤအချက်က လူနည်းစု ရိုဟင်ဂျာလူမျိုးတို့အား နိုင်ငံသားဖြစ်ခွင့်နှင့် အခြား အခွင့်အရေးများ မရရှိခြင်းဟူသော သံသရာဆိုးထဲတွင် ကျရောက်သွားစေခဲ့သည်။

လူမှုဘ၀ဖွံ့ဖြိုးတိုးတက်မြင့်မားမှုအား ပိတ်ဆို့ထားသော အခြား အကြောင်းရင်းများစွာက ၄င်းတို့၏အခြေအနေကို ဆိုးရွားသထက်ဆိုးရွားသွားစေပါသည်။ ပထမဦးဆုံးအချက်အနေဖြင့် (၂၀၀၉ ခုနှစ် လူ့အခွင့်အရေးစောင့်ကြည့်မှု အဖွဲ့၏ အဆိုအရ)  အစိုးရသည် အလုပ်သမားတို့၏ အခွင့်အလမ်းကို ကန့်သတ်ထိန်းချုပ်ထားသည်။ ၄င်းပြင် ရခိုင်ပြည်နယ်ရှိ ရိုဟင်ဂျာလူမျိုးများသည် ခရီးသွားလာရာတွင် လည်းကောင်း၊ စီးပွားရေးနှင့် ကုန်သွယ်မှုအတွက်လည်းကောင်း စစ်တပ်၏ခွင့်ပြုချက် ရယူကြရသည်။ အဆိုပါ HRW၏မှတ်တမ်းများ၌ လက်တစ်ဆုပ်စာမျှသော ပညာတတ် အမျိုးသမီးများမှာလည်း စာသင်ကြားပေးခြင်း၊ သူနာပြု နှင့် ရုံးလုပ်ငန်းများတွင် အလုပ်လုပ်ကိုင်ခွင့်ကို ငြင်းပယ်ခံကြရကြောင်း တွေ့ရှိရသည် ။ နောက်ဆုံး အချက်အနေဖြင့် ပြောင်းရွှေ့နေထိုင်ခွင့်ကိုပင် ပြင်းထန်စွာ ကန့်သတ်ချုပ်ခြယ်ခံကြရသည်။ ထို့ကြောင့် အကယ်၍သာ ရိုဟင်ဂျာလူမျိုးတို့အား အခြားနိုင်ငံသားများ နည်းတူ အလုပ်လုပ်ကိုင်ခွင့် ၊ ပညာသင်ကြား ခွင့်ပေးမည် ဆိုလျှင်ပင် ၄င်းတို့မှာ မြန်မာနိုင်ငံ၏ စီးပွားရေးပြုပြင်ပြောင်းလဲမှုတွင် အရေးပါသော အခန်းကဏ္ဍမှ ပါဝင်နိုင်ခြင်း မရှိသည်သာမက နိုင်ငံခြားရင်းနှီးမြှုပ်နှံမှုဆိုင်ရာ အလုပ်အကိုင် အခွင့်အလမ်းများတွင်လည်း ၄င်းတို့အနေဖြင့် မည်သည့်အကျိုးကျေးဇူး ခံစားနိုင်တော့မည် မဟုတ်ချေ။

ဖိနှိပ်ပုံသွင်းခံရခြင်း (သို့မဟုတ်) ခွဲခြားခံရခြင်းကြောင့် အိုးအိမ်မဲ့သူများဖြစ်ရခြင်းလော

ဌာနီမဲ့ ၊ အိုးအိမ်မဲ့၊ အလုပ်အကိုင်မဲ့နေသော ရိုဟင်ဂျာလူမျိုးများစွာတို့သည် လမ်းကြောင်းသစ်များကို ကြိုးပမ်းရှာဖွေကြသော်လည်း ဒုက္ခသည်အဖြစ်ခံယူရုံမှတစ်ပါး အခြားမျှော်လင့်ချက် မရှိလေပြီ။ ယင်းဒုက္ခသားကောင် အချို့ကိုဘင်္ဂလားဒေ့ရ်ှနိုင်ငံမှ ဒုက္ခသည်အဖြစ်လက်ခံထားရာ ၊ ဒုက္ခသည်စခန်းများတွင်လည်း UNHRC အနေဖြင့် မူလတန်းပညာရေးကိုသာလျှင် ထောက်ပံ့ကူညီ သင်ကြားပေးနိုင်ကြသည်။ ဤမျှလောက်သော အကူအညီလေးက ၄င်းတို့၏ဘ၀ မြင့်မားလာစေရန် အထောက်အကူ မပြုပေ။

ယခုကဲ့သို့ ဒုက္ခသည် ဘ၀ရောက်ရှိနေပြီး လုပ်ငန်းကျွမ်းကျင်မှု အားနည်းနေသည့် ရိုဟင်ဂျာလူမျိုးတို့၏ အခန်းကဏ္ဍသည် အခြားနိုင်ငံများအတွက် အရေးပါမည်လောဆိုသည်မှာ စဉ်းစားဖွယ်ရာပင်ဖြစ်သည်။ ထိုင်းနိုင်ငံတွင် မဲခေါင်ဒေသမှ  တရားမ၀င် လာရောက်အလုပ်လုပ်ကိုင်သော ကျွမ်းကျင်မှုမဲ့အခြေချသူ များစွာရှိနေပါသည်။  တဆက်တည်း၌ပင် ထိုင်းနိုင်ငံအနေဖြင့် လူကုန်ကူးခံသော ကချင်အမျိုးသမီးများအား အမိနိုင်ငံသို့ပြန်ပို့ပေးရန် ထိထိရောက်ရောက် ဆောင်ရွက်ခြင်း မရှိပေ။ ဘင်္ဂလားဒေ့ရ်ှနိုင်ငံကလည်း ရိုဟင်ဂျာလူမျိုးတို့အား ဒုက္ခသည် အဖြစ်နှင့်ပင် ဆက်လက်ထိန်းသိမ်းထားပေးရန် (သို့တည်းမဟုတ်) ဘင်္ဂလားဒေ့ရ်ှနိုင်ငံသားအဖြစ် လက်ခံပေးရန် မစွမ်းသာအောင် ဆင်းရဲတွင်းနက်နေသည်။ အစ္စလာမစ်နိုင်ငံများကသာလျှင် ရိုဟင်ဂျာတို့အား ဒုက္ခသည်အဖြစ်လက်ခံနိုင်မည်။ ထို့နောက်တွင်မူ ၄င်းနိုင်ငံများအနေဖြင့် အောက်ဈေး လုပ်သားများအဖြစ် ခေါ်ယူထားနိုင်ဖွယ်ရှိ၏။ ယင်းသို့ဆိုလျှင် ရိုဟင်ဂျာလူမျိုးတို့အတွက် ပညာရေးနှင့်တိုးတက်မှု အခွင့်အရေးများ ရနိုင်ကောင်း၏ဟု ထင်စရာရှိနေပါသည်။ သို့သော် အာရပ်နိုင်ငံများအနေဖြင့် ရွှေ့ပြောင်းလုပ်သားဒုက္ခသည်တို့အပေါ် ခွဲခြားဆက်ဆံမည်ဆိုပါက ရိုဟင်ဂျာတို့အတွက် အထက်ပါအခွင့်အရေးများသည်လည်း မသေချာတော့ပေ။

နိဂုံး

ဘ၀ရှင်သန်မှုအတွက် မရေရာသောအလားအလာများက ၄င်းတို့ ကလေးငယ်များ၏ ပညာရေးလမ်းကြောင်းကိုတော့ အနိမ့်ဆုံးအားဖြင့် ရနိုင်ကောင်းပေသည်။ လက်ရှိ အခြေအနေတွင်လည်း မျိုးဆက်သစ်များမှာ အတားအဆီးပေါင်းများစွာ ရင်ဆိုင်နေရသည် မဟုတ်ပေလော။ UNHCR ၏မှတ်တမ်းများအရ နေထိုင်စရာမဲ့နေသော ဤကလေးငယ်တို့အား မြှင့်တင်ပေးရန် အခက်အခဲ ရှိနေကြောင်း ဖော်ပြထားသည်။ ကလေးငယ်များသည် အစွန်းရောက်မှုဖက် လှည့်ပြောင်းသွားမည်ကို ၄င်းတို့မှ စိုးရိမ်နေကြသည်။ အကယ်၍ ယင်းသို့ဖြစ်ခဲ့ပါက အကျိုးဆက် ရလဒ်နှစ်ခု ထွက်ပေါ်လာရန် ရှိနေသည်။ ပထမတစ်ချက်မှာ ပဋိပက္ခများ ပိုမိုဆိုးရွားသွားမည်။ ဒုတိယအချက်မှာ နိုင်ငံခြားရင်းနှီးမြှုပ်နှံမှုအား တားဆီးပိတ်ဆို့မှု ဖြစ်သွားစေပေမည်။ ယခုထက်တိုင် လူ့အခွင့်အရေးချိုးဖောက်မှုများ ကျယ်ကျယ်ပြန့်ပြန့်ရှိနေလင့်ကစား နိုင်ငံခြားရင်းနှီးမြှုပ်နှံမှုများက အပြောင်းအလဲမရှိသေး။ ရင်းနှီးမြှုပ်နှံသူများအဖို့ ကမ္ဘာ့စီးပွားရေးဆုတ်ကပ်ရောက်ချိန်၌ အခွင့်အလမ်းများ ကြွယ်ဝခြင်းကြောင့် ဖြေသာမှုရှိပါသော်လည်း ရိုဟင်ဂျာများအဖို့မူ မည်သည့်ကူညီကယ်ဆယ်မှုမျှ မရှိသေးသည်ကို မြင်နေရဆဲပါတကား။

Asma Masood
Research Intern, SEARP, IPCS
Email:asma.masood11@gmail.com

Eurasiareview  တွင် ဖော်ပြခဲ့သော ဆောင်းပါးရှင် Asma Masood ၏  “Myanmar: FDI, Local Economy And The Rohingya Conflict” သုံးသပ်ချက် ဆောင်းပါးကို “Zin Zin ” မှ မြန်မာလို ဆီလျော်အောင် ပြန်ဆိုပါသည်။

ဇူလိုင်-၂၄၊ ၂၀၁၃
ရေးသူ- ရောဘတ်အယ်လ်ဟို့စ်

ဓါတ်ပုံအညွှန်း- ၂၀၁၃ မတ်လ ၂၀ ရက်နေ့က မိထ္ထိလာမြို့ရှိ မွတ်စလင်မ်များပိုင် ဆိုင်နှင့် အိမ်များ ဖျက်ဆီးနေသည့် မြင်ကွင်း

တောင်ကြီး ထင်ရှုးမြိုင် ကျောင်းတိုက် က အရှင်က၀ိစာရ ကို ကျောင်းလု မှုနဲ့ မနှစ်က တရားစွဲထားတာ မနေ့ကတော့ သာသနာတော် ညှိုးနွမ်းစေမှု နဲ့ ဆိုပြီး အလုပ်ကြမ်း နဲ့ ထောင်ဒဏ် တစ်နှစ်ခွဲ ပြစ်ဒဏ် ကို တောင်ကြီး တရားရုံးက ချမှတ်လိုက်တယ်တဲ့။

ဒီမှာ စဉ်းစားစရာ ရှိတာက ဘုန်းကြီးတစ်ပါး ဟာ သူ ၁၀ နှစ်ကျော် ကျောင်းထိုင်လာခဲ့တဲ့ ကျောင်းကို ဆေး တက္ကသိုလ် ဆောက်ရန် ဆိုပြီး အစိုးရ သိမ်းထားတဲ့ မြေ ပေါ်မှာ မဖယ်ရှားရရေး ကြိုးပမ်း တာဟာ သာသနာတော် ညှိုးနွမ်းစေမှု မြောက်သလား ဆိုတာပါ။

ကဲထားပါတော့ … ဒါက ဗုဒ္ဓသာသနာတော် ကို ညှိုးနွမ်း စေတယ် ဆိုရင် ဒီ့ထက် အပုံကြီး ပိုပြီး သာသနာတော် ကို ညှိုးနွမ်းစေတဲ့ ဘုန်းကြီး တွေများကျတော့ ရောဗျာ။

တစ်ချိူ့ဘုန်းကြီးတွေရဲ့ ဗုဒ္ဓသာသနာ နဲ့ မပတ်သက်တဲ့ အလဇ္ဇီတရား တွေ ဟောကြားမှုကြောင့် လူပေါင်း သိန်းကျော် အိုးအိမ်တွေ မီးရှို့ခံရ၊ ဥကွဲသိုက်ပျက်တွေ ဖြစ်ရ၊ အသက်ပေါင်းများစွာတွေ ဗုဒ္ဒသာသနာအကြမ်းဖက်မှု ဆိုတဲ့ တံဆိပ်ကပ်ခံရမှု တွေ နောက်မှာ ပိုးစိုးပက်စက် စတေးခံခဲ့ရ။

တစ်ချိူ့ ဗီဒီယို အထောက်အထားတွေ မှာဆို သင်္ကန်းပတ် ထားတဲ့ ဘုန်းတော်ကြီးတွေ ကိုယ်တိုင် ကို ဓါးတွေ၊ တုတ်တွေ ကိုင်ဆောင်ပြီး ကာယကံမြောက် ခုတ်ထစ်သတ်ဖြတ်ကြ၊ လူစင်စစ် တွေကို အရှင်လတ်လတ် မီးရှို့ သတ်ဖြတ်ကြနဲ့ လူကြားလို့လည်း မကောင်းဘူး၊ လူမြင်လို့လည်း မကောင်းဘူး။

လူမမယ် ကလေးငယ်လေး တွေကိုတောင် စာနာညှာတာ ရကောင်းမှန်းမသိ၊ အဘိဇ္ဇာမောဟ စီးပြီး ရက်ရက်စက်စက် သတ်ဖြတ်တော်မူကြတဲ့ ဘုန်းကြီးတွေ၊ ဒါတွေအားလုံး က ၀ှက်ထားလို့လည်း ရတာမဟုတ်ဘူး။ ကမ္ဘာကသိကြပြီ။ ဟိုးလေးတကြော် ကို မြန်မာဗုဒ္ဓဘာသာ ဘုန်းကြီးယုတ်တွေရဲ့ အကြောင်းကို ခါးစောင်းတင် ဖော်ပြနေလိုက်ကြတာမှ လိုက်ဖတ်လို့မနိုင်။

ဒီကြားထဲ ကိုယ်တိုင် ကာယကံမြောက် မသတ်ဖြစ်ဘူး ဆိုရင်တောင် ၀ဇီကံမြောက် တရားဟောပြီး၊ ဗီစီဒီ တွေ စာအုပ်ကြီးငယ် တွေဖြန့်ပြီး ဒါမျိူးဖြစ်အောင် ၊ ဒါမျိူးသတ်ဖြတ်အောင် ဇောင်းပေး လှုံ့ဆော်ပေးနေတာတွေ မမြင်ချင့် အဆုံး။

ဟိုတလောက ဆိုရင် ဘုန်းကြီးဆိုတဲ့ ပလ္လင်ပေါ် က လုပ်ပိုင်ခွင့်ကို အလွဲသုံးစား ပြုပြီး တခြားဘာသာဝင် တွေ အလေးအမြတ် ထားတဲ့ ကိစ္စတွေကို ယုတ်ယုတ်ရိုင်းရိုင်း၊ ရင့်ရင့်သီးသီး ပျက်လုံးထုတ်တဲ့ ၊ သီလ၊သမာဓိ၊ ပညာ၊ စာဂ ဘာမှမရှိတဲ့၊ ရုပ်ရည်တွေ ကြည့်လိုက်ပြန်ရင်လည်း ကြက်သရေမဲ့လှတဲ့ ဘုန်းကြီးတွေ ဆိုလည်း မတွေ့ချင် အဆုံး။

သူတို့ သူတို့ တွေရဲ့ ကာယကံ၊ ၀ဇီကံ၊ မနောကံ လုပ်ရပ်မှားတွေ ကြောင့် မြန်မာဗုဒ္ဓဘာသာလည်း ကမ္ဘာ့ အလယ် မှာ အဖတ်ဆည် မရအောင် နာမည်ပျက်ရ၊ နောက်ဆုံး အတုံ့အလှည့်အဖြစ် ဘယ်တုန်းကမှ ဘာယင်ကောင်မှ တောင် မ၀ဲ ခဲ့ဘူးတဲ့ ဗုဒ္ဓဂယာ က ဗုဒ္ဓသမိုင်းဝင် အဆောက်အအုံ တွေလည်း ဥပါဒ်ပြုခံရ။

အကြောင်းကြောင့် အကျိူးဖြစ်ရတာတဲ့၊ ဒါက ဗုဒ္ဓအဘိဓမ္မာလေ နော်။ ကဲ ..ဒီလိုဒီပုံအကျိူးတွေ ဖြစ်လာရတာ ဒီဘုန်းကြီးတွေရဲ့ အကြောင်းပြုမှုကြောင့်ပဲ မဟုတ်ပေဘူးလား။ ဒါဆို ဘာလဲ ဒီဘုန်းကြီးတွေ က ဗုဒ္ဓသာသနာတော် ကို ညှိုးနွမ်းစေ သူတွေ မဟုတ်ဘူးလား။ ဒါမှ မဟုတ် ဗုဒ္ဓသာသနာတော် ကို ဂုဏ်ရောင် ပြောင်အောင် သိဒ္ဓိတင်ပေးနေကြသူတွေ လား။

ကဲဘယ်ဘုန်းကြီးတွေကို ပြောနေတာလဲ မေးစရာတော့ မလိုပါဘူးနော်။ သူတို့ဟာ ဗုဒ္ဓသာသနာ ကို ညှိုးနွမ်းစေ သူတွေ မဟုတ်ကြဘူးလား။ သူတို့ကိုကျ ဘာ့ကြောင့် လူဝတ်လဲ ပြီး အလုပ်ကြမ်းနဲ့ ထောင်ဒဏ်တွေ မချ နိုင်တာလဲ။ ဒီလိုမှ မဟုတ်ရင် ဒီဘုန်းကြီးတွေကပဲ ဗုဒ္ဓသာသနာ ကို ဖျက်ဆီးမယ့် သူတွေပဲ ဆိုတာ ပြောပါရစေ။

(ရောဘတ်အယ်လ်ဟို့စ်)

ဇူလိုင်-၂၄၊ ၂၀၁၃
M-Media

ရီရဲလ်၌ပင် ကစားသမားဘ၀ကို ရော်နယ်ဒို အဆုံးသတ်မည်ဟု အသင်းဥက္ကဌ ပီရက်ဇ် ဆို

ရီးရဲလ်မက်ဒရစ် အသင်းဥက္ကဌ ဖလိုရန်တီနိုပီရက်ဇ်က မန်ချက်စတာယူနိုက်တက်အသင်းနှင့် ပီအက်စ်ဂျီအသင်းတို့က ခေါ်ယူရန် စိတ်ဝင်စားနေသည့် အသင်း၏နာမည်ကျော်ကစားသမား ရော်နယ်ဒိုသည် ၎င်း၏ကစားသမားဘ၀အား ရီးရဲလ်မက်ဒရစ်အသင်း၌ပင် အဆုံးသတ်လိမ့်မည်ဟု ပြောဆိုလိုက်သည်။
……………………………………………………….
တကျော့ပြန်မော်ရင်ဟို လက်ထက်တွင် အကောင်းဆုံး ခြေစွမ်းပြသမည်ဟု အက်ရ်ှလေကိုးလ်ဆို

ချယ်ဆီးအသင်းအား မော်ရင်ဟို ယခင်ကိုင်တွယ်ခဲ့စဉ်က ၎င်း၏အကောင်းဆုံးပုံစံကို ပြသနိုင်ခဲ့ခြင်းမရှိဟု ဘယ်နောက်ခံကစားသမား အက်ရ်ှလေကိုးလ်ကပြောဆိုလိုက်ပြီး ယခု မော်ရင်ဟိုပြန်လည် ရောက်ရှိလာချိန်တွင် အကောင်းခြေစွမ်းကို ပြသရန် ဆုံးဖြတ်ထားသည်ဟု သူက ဆိုသည်။
……………………………………………………….
ကိုလာရောဗ့်အတွက် မန်စီးတီး ယူရို ၇-သန်း တောင်းဆို

ခံစစ်မှူး အလက်ဇန်းဒါ ကိုလာရောဗ့်အတွက် မန်ချက်စတာစီးတီးအသင်းက ပြောင်းရွှေ့ကြေး ယူရို ၇-သန်း သတ်မှတ်လိုက်ပြီး ၎င်းအားခေါ်ယူရန် တူရကီထိပ်သီးကလပ် ဂါလာတာစာရေးအသင်းက စိတ်ဝင်စားနေသည်။
……………………………………………………….
ဆွာရက်ဇ်အား စုစုပေါင်း ယူရို ၄၉ သန်းဖြင့် ခေါ်ယူရန် အာဆင်နယ်ကမ်းလှမ်းမှုကို လီဗာပူးလ် ထပ်မံပယ်ချ

အာဆင်နယ်အသင်းသည် လီဗာပူးလ်အသင်း၏ ဥရုဂွေးတိုက်စစ်မှူး ဆွာရက်ဇ်အား ပြောင်းရွှေ့ကြေး စုစုပေါင်း ယူရို၄၉ သန်းဖြင့်ခေါ်ယူရန် ကမ်းလှမ်းမှုကို လီဗာပူလ်းအသင်းမှ ထပ်မံပယ်ချခဲ့သည်။ လွန်ခဲ့သည့် သီတင်း ၃ ပတ်အရင်က ယူရို ၄၁သန်းဖြင့် ခေါ်ယူရန်ကမ်းလှမ်းမှုကိုလည်း လီဗာပူလ်းအသင်းမှ အလားတူ ပယ်ချခဲ့သည်။ (BBC)
……………………………………………………….
ဂါရက်ဘေးလ် တော့တင်ဟမ်တွင်သာဆက်လက်ရှိနေမည်ဟု အသင်းနည်းပြဆိုနေပြန်

တိုက်စစ်မှူး ဂါရက်ဘေးလ်အားခေါ်ယူရန် ရီးရဲလ်မက်ဒရစ်အသင်းနှင့် တော့တင်ဟမ်အသင်းတို့ သဘောတူညီမှူရရှိခဲ့ပြီဟု စပိန်သတင်းစာတစ်စောင်ဖြစ်သည့် မာကာ မှ ထုတ်ဖော်ခဲ့သော်လည်း တော့တင်ဟမ် နည်းပြ အန်ဒရီ ဗီလာစ် ဘိုအာစ်က ၎င်းသတင်းမှာ မဟုတ်မှန်ကြောင်းငြင်းဆိုခဲ့သည်။ ဘေးလ်မှာ တော့တင်ဟမ်အသင်းတွင်သာ ဆက်လက်ရှိနေမည်ဖြစ်ကြောင်း၊ ၎င်း၏ရပ်တည်ချက်မှာ ပြောင်းလဲလိမ့်မည်မဟုတ်ကြောင်း ပြောဆိုခဲ့သည်။
……………………………………………………….
တိုက်စစ်မှူးမာတာ ၂၀၁၈ အထိ ဆက်ရှိမည်

ချယ်ဆီးအသင်း၏ တိုက်စစ်မှူးမာတာမှာ အသင်းနှင့် သက်တမ်းတိုးစာချုပ်ချုပ်ဆိုလိုက်ပြီး စာချုပ်အရ တစ်ပါတ်လုပ်ခ ပေါင် ၁ သိန်းအထိ ရရှိမည်ဖြစ်ကာ ချယ်ဆီးအသင်းတွင် ၂၀၁၈ ခုနှစ်အထိ ဆက်လက်ရှိနေမည်ဖြစ်သည်။ (Metro)
……………………………………………………….
မန်ယူတောင်ပံကစားသမား နာနီ မိုနာကိုနှင့်ဆွေးနွေး

မန်ယူအသင်း၏ ပေါ်တူဂီကစားသမားနာနီသည် ၎င်း၏ အပြောင်းအရွှေ့ကိစ္စအတွက် ပြင်သစ်ကလပ် မိုနာကိုအသင်း၏ တာဝန်ရှိသူများနှင့် ဆွေးနွေးနေသည်ဟုသိရသည်။ မန်ယူအသင်းမှ ၎င်းတို့ ကစားသမားအတွက်
ပြောင်းရွှေ့ကြေး ၁၀ သန်းအထက် အလို ရှိနေပြီး အင်တာမီလန်အသင်းကလည်း ခေါ်ယူရန် စိတ်ဝင်စားနေသည်။ (L’Equipe)
……………………………………………………….
တိုက်စစ်မှူး ဆိုလ်ဒါဒို အသင်းမှ ထွက်ခွာနိုင်

ဗလင်စီယာအသင်းသည် ၎င်းတို့၏ တိုက်စစ်မှူး ဆိုလ်ဒါဒိုမှာ အသင်းမှထွက်ခွာနိုင်သည်ဟု ပြောကြားလိုက်ပြီး တော့တင်ဟမ် အသင်းကလည်း ဆိုလ်ဒါဒိုအား ခေါ်ယူရန် စိတ်ဝင်စားလျက်ရှိနေသည်။
……………………………………………………….
ဘာကာကစားသမား ဖာဘရီဂတ်စ် ၎င်း၏ အနာဂတ်အရေး စဉ်းစားနေ

မန်ချက်စတာယူနိုက်တက်အသင်းမှ ဒုတိယအကြိမ်ကမ်းလှမ်းမှုပြုလုပ်ပြီးနောက် ဖာဘရီဂတ်စ်အနေဖြင့် ဘာစီလိုနာအသင်းရှိ ၎င်း၏အနာဂတ်ကို စဉ်းစားနေပြီဖြစ်ကြောင်း ၎င်းနှင့် နီးစပ်သူများက skysports သို့ ပြောကြားခဲ့သည်။
……………………………………………………….
ချန်ပီယံလိဂ် ၀င်ငွေအများဆုံးစာရင်းတွင် ဂျူဗင်တပ်အသင်းထိပ်ဆုံး၌ ရပ်တည်

အီတလီ စီးရီးအေကလပ်အသင်းဖြစ်သည့် ဂျူဗင်တပ်အသင်းမှာ ယမန်နှစ် ဥရောပချန်ပီယံလိဂ်ပြိုင်ပွဲ ၀င်ငွေအများဆုံးအဖြစ်ရပ်တည်နေသည်။ ဂျူဗင်တပ်အသင်းသည် ချန်ပီယံလိဂ်ပြိုင်ပွဲမှ ၀င်ငွေ ယူရို ၆၅ သန်းရရှိခဲ့ပြီး ချန်ပီယံလိဂ်ဖလားကို ဆွတ်ခူးရရှိခဲ့သည့် ဂျာမန်ကလပ် ဘိုင်ယန်မြူးနစ်အသင်းထက် ၁၀သန်းကျော်အသာဖြင့် ၀င်ငွေစာရင်း ထိပ်ဆုံးတွင် ရပ်တည်နေခြင်းဖြစ်သည်။
……………………………………………………….
ချန်ပီယံဘွဲ့ကာကွယ်ပွဲကို လာမည့်ဆောင်းရာသီတွင် ဂျော့ဂ်ျ ဂရုဗ်ဇ်နှင့် ထိုးသတ်မည်

IBF နှင့် WBA မစ်ဒယ်ဝိတ်တန်း ချန်ပီယံ အင်္ဂလိပ်လက်ဝှေ့သမား ကားဖရော့ခ်ျသည် ၎င်း၏ ချန်ပီယံဘွဲ့ ကာကွယ်ပွဲအဖြစ် စိန်ခေါ်သူ ဂျော့ဂ်ျ ဂရုဗ်ဇ်နှင့် လာမည့် နိုဝင်ဘာလ နှောင်းပိုင်း သို့မဟုတ် ဒီဇင်ဘာလအစောပိုင်းတွင် ထိုးသတ်ရန် စီစဉ်နေသည်။ ထိုပွဲမှာ ၎င်း၏ ပထမဦးဆုံးချန်ပီယံဘွဲ့ကာကွယ်ပွဲဖြစ်သည့်အတွက် စိတ်လှုပ်ရှားမိကြောင်း၊ တစ်နိုင်ငံတည်းသား စိန်ခေါ်သူ ဂျော့ဂ်ျအား အကောင်းဆုံးပုံစံဖြင့် ယှဉ်ပြိုင်ထိုးသတ်သွားမည်ဖြစ်ကြောင်း ဖရော့ခ်ျက ပြောဆိုသည်။
……………………………………………………….
ဆွဇ်လန်အိုပင်း လက်ရှိချန်ပီယံအား ဒလ်ဘိုနစ်အနိုင်ယူ

ယခုလက်ရှိကျင်းပနေသည့် ဆွဇ်လန်အိုပင်း တင်းနစ်ပြိုင်ပွဲတွင် အာဂျင်တီးနား တင်းနစ်သမား ဖက်ဒရီကို ဒလ်ဘိုနစ်သည် လက်ရှိချန်ပီယံ ဘရာဇီးလ် တင်းနစ်အကျော်အမော် သောမဇ် ဘယ်လူချီအား ၇-၅၊ ၇-၆ ဖြင့်အနိုင်ရရှိခဲ့သည်။ ဒလ်ဘိုနစ်သည် ပြီးခဲ့သည့် သီတင်းပတ်က ဂျာမနီအိုပင်း တန်းနစ်ပြိုင်ပွဲ ဆီမီးဖိုင်နယ်ပွဲစဉ်တွင် စပိန်တင်းနစ်အကျော်အမော် ရော်ဂျာ ဖက်ဒါရား အနိုင်ရရှိခဲ့ဖူးသည်။

ဇူလိုင်-၂၄၊ ၂၀၁၃
ရေးသူ- ဇော်မင်းထွေး

၁. ယမ်းငွေ့ ဝေေ၀ ၊ မနောမြေ.. ဒုက္ခသည် စခန်း စိတ်ပင်ပန်း စရာ နှလုံးကွဲအက် အလည်အပတ် ခရီးစဉ်

၂. သူသေ ကိုယ်သေ သတ်လို့မ၀၊ ရခိုင်ပြည်ရဲ့ သွေးမြေကျ အမုန်းပွါးဒေသသို့ ၀မ်းနည်းပက်လက် အထူးခရီးစဉ်

၃. အလောင်းပြန့်ကျဲ မီးရှို့ပွဲ၊ ခြိမ့်ခြိမ့် သဲသဲ အပြတ်ကျင်းပရာ မိထ္ထီလာ မြေသို့ ရင်ကျိုးဖွယ် တစ်ပတ်ခရီးစဉ်

၎. အမြောက်သံ၊ ဗုန်းဆံ ပေါများလျှံရာ ကရင်ဒေသမှာ အသက်ဖက်ထုပ် တကုပ်ကုပ်ပြေးနိုင်သော သောကပွေခရီးစဉ်

၅. မွဲပြာ ထိပ်ရောက်၊ ဥစ္စာနထ္တိ၊ စားစရာမရှိအောင် ခေတ် အဆက်ဆက် လုပ်ထားရက်တဲ့ ချင်းပြည်ရဲ့ ဒုက္ခတောအား လေ့လာရေး

၆. လက်ပန်းတောင်းတောင် မီးဗုန်းပစ်ပွဲနှင့်၊ လူဖမ်းပွဲအား ရင်မောဖွယ် ကြည့်ရှုလေ့လာခြင်း ခရီးစဉ်

၇. အဓိကရုဏ်းဖန်တီး၊ ရှုမငြီးစရာ၊ မီးလောင်တိုက်သွင်း လားရှိုးမြင်ကွင်းအား မျက်ရည်စက်လက် ရှုစားခြင်း ခရီးစဉ်

၈. သည်းထိတ်ရင်ဖိုစရာ အသက်လုထွက်ပြေး ဥက္ကံမြို့လေးက လူအမဲလိုက်ပွဲ ပါဝင်ဆင်နွှဲစရာ အမောစို့ဖွယ် စွန့်စားမှု ခရီးစဉ်

၉. မရဏလမ်း၊ မြန်းကြွ စရာ၊ နေပြည်တော် အဝေးပြေး အ၀ီစိရောက် အမြန်လမ်းတလျှောက် ကားဖြင့် ရင် တထိတ်ထိတ် လည်ပတ်ခြင်း ခရီးစဉ်

၁၀. မီးရှို့ခံ၊ ဖျက်စီးခံ၊ ဗုန်းကြဲခံ၊ ဗလီ အများအပြား၊ Charch တစ်ချို့နှင့်၊ ဘုန်းတော်ကြီးကျောင်း အနည်းငယ် အား လည်ပတ်ကြည့်ရှု နိုင်သည့် စုတ်တသတ်သတ် ခရီးစဉ်

စသည့်..စသည့် ခရီးစဉ်များကို စိန်စိန်နှင့် ရောင်းရင်းများ ခရီးသွား အေဂျင်စီ မှ စီစဉ်မှုဖြင့် အသက်ရှုရပ်လောက်ဖွယ် အထူးအစီအစဉ်များ (ဥပမာ.. ဒီမိုကရေစီ မျက်လှည့်ပွဲ၊ အကြမ်းဖက် တရားပွဲ၊ အိပ်ချင်စဖွယ် လွတ်တော်ဝယ် လေ့လာရေး..) ပါဝင်သည့်.. Tour Packages များအား အသက်နှင့် အလဲအထပ်ပြု၍ လက်မှတ်များ ရောင်းချပေးနေပါသည်။

ဇူလိုင်-၂၄၊ ၂၀၁၃
M-Media

စနိုးဒန်း လေဆိပ်ထဲမှ ထွက်ခွာမည်

မော်စကိုလေဆိပ်ထဲတွင် ဇွန်လ ၂၃ရက်ကတည်းက နေထိုင်နေခဲ့ရသော Edward Snowden သည် ရုရှနိုင်ငံတွင် အနည်းဆုံး သုံးလ ယာယီ ခိုလှုံခွင် တောင်းခံထားရာ ၎င်း၏ ရှေ့နေ Anatoly Kucheren က လိုအပ်သည့် ပြည်ဝင်ခွင့် စာရွက်စာတမ်းများ ရယူခဲ့နိုင်ပြီ ဖြစ်သောကြောင့် ယနေ့ မော်စကို မြို့ထဲသို့ ဝင်ရောက်မည်ဖြစ်သည်။
————————————-
အိန္ဒိယနိုင်ငံ မူလတန်းကျောင်းအုပ်ကို ဖမ်းဆီး

ကျောင်းနေ့လည်စာတွင် ပိုးသတ်ဆေးများ ပါဝင်နေသောကြောင့် ယခုလ ၁၇ရက်က ကလေး ၂၃ သုံးဦး သေဆုံးခဲ့ရမှုတွင် တာဝန်ရှိသူ ဖြစ်သောကြောင့် ကျောင်းအုပ်ဆရာကြီး ကို ဖမ်းဆီးလိုက်သည်။
————————————-
ဘူလ်ဂေးရီးရား ဆန္ဒပြမှုများ ပြင်းထန်

အကျင့်ပျက် ခြစားမှုများအတွက် ဝန်ကြီးချုပ် နုတ်ထွက်ပေးရန် ဆန္ဒပြမှုများ ပြင်းထန်လာပြီး အကြမ်းဖက်မှုများ ပါဝင်လာနေကြောင်း သိရသည်။
————————————–
Pussy Riot ၏ အယူခံ ပယ်ချခံရ

ရုရှ ဂီတအဖွဲ့ Pussy Riot အဖွဲဝင် လူ့အခွင့်အရေး တက်ကြွလှုပ်ရှားသူ အား စောလျင်စွာ ပြန်လွှတ်ပေးရင် အယူခံကို တရားရုံးမှ ပယ်ချလိုက်သည်။
———————————
(၂၀၁၇) ခုနှစ် ဖီဖာ နှစ်ပတ်လည် အစည်းအဝေး ပါလစ္စတိုင်း အိမ်ရှင်ကျင်းပခွင့်ရရေး လျှောက်မည်

ဖီဖာ (FIFA) ဥက္ကဌ ဆပ်ဘလတ္တာ (Sepp Blatter) ရဲ့ ဇူလိုင်လဆန်းပိုင်း ပါလစ္စတိုင်းနဲ့ အစ္စရေးနိုင်ငံ ခရီးစဉ်အတွင်း ပါလစ္စတိုင်းအနေနဲ့ (၂၀၁၇) ခုနှစ်အတွက် ဖီဖာ ကွန်ဂရက် အစည်းအဝေးပွဲကို အိမ်ရှင်အဖြစ် ကျင်းပနိုင်ရေး အဆိုတင်သွင်းဖို့ အကြံပြုခဲ့တာ ဖြစ်ပါတယ်။

http://myanmarmuslimsvoice.com/archives/8228

—————————
လူထုစုဝေးပွဲ ကျင်းပဖို့ အီဂျစ်စစ်အကြီးအကဲ နှိုးဆော်

အီဂျစ်နိုင်ငံမှာ ရုန်းရင်းဆန်ခတ် ဖြစ်တာတွေနဲ့ အကြမ်းဖက်ဝါဒကို ထိပ်တိုက် ရင်ဆိုင်ဖို့အတွက် စစ်တပ်ကို လုပ်ပိုင်ခွင့်ပေးရေး လာမယ့် သောကြာနေ့မှာ လူထုက အကြီးအကျယ် တောင်းဆို ဆန္ဒပြကြဖို့ အီဂျစ်စစ်တပ် အကြီးအကဲ အက်ဒဲလ် ဖာတာ အယ်လ် စီစီ (Abdel Fattah el-Sissi)  ဒီကနေ့ ရုပ်မြင်သံကြားကနေ ဆော်သြလိုက်ပါတယ်။

ဇူလိုင်-၂၄၊ ၂၀၁၃
M-Media
အိမေ

ရန်ကုန် ။ ။ ရှစ်လေးလုံး ဒီမိုကရေစီ အရေးတော်ပုံကြီး “ငွေရတုအထိမ်းအမှတ်” ပန်းချီ၊ ဓါတ်ပုံ၊ ကာတွန်း၊ ကဗျာပြပွဲ ရံပုံငွေပွဲတော်ကို ၂၂.၇.၂၀၁၃ မှ ၂၄.၇.၂၀၁၃ အထိ “ယုဒဿန်ရိပ်သာ” အမှတ် ၆၀၊ ပြည်လမ်း၊ ကမာရွတ်မြို့နယ်တွင် နံနက် ၉-နာရီ မှ ညနေ ၅-နာရီ အထိကျင်းပခဲ့ကြောင်း သတင်းရရှိသည်။

“၈-လပိုင်းမှာ ကျင်းပမယ့် ရှစ်လေးလုံးဒီမိုကရေစီ အထိမ်းအမှတ်ပွဲတော်အတွက် အကြိုတွန်းအားပေးတဲ့အနေနဲ့ ရံပုံငွေရှာတဲ့သဘောပါ။ ရှစ်လေးလုံးက ပြည်သူလူထုတစ်ရပ်လုံး ပါဝင်တဲ့ပွဲ၊ နေ့ထူးနေ့မြတ်ပါ။ ဒါကိုသေးသိမ်အောင် လုပ်တဲ့အတွက် ပေါ်လွင်အောင်ပြန် လုပ်နေကြတာပါ။ ပန်းချီ၊ ဓါတ်ပုံ၊ ကာတွန်း၊ ကဗျာ ပြပွဲတွေက အတူတွဲပြတာ မရှိပါဘူး။ ဒါပထမဆုံးအကြိမ်အဖြစ် အားလုံးပေါင်းပြီး လုပ်တာပါ။

ဒီပွဲက တရားဝင်လုပ်တဲ့ပွဲပါ။

၈လပိုင်းမှာကျင်းပမဲ့ပွဲကလည်းတရားဝင်ကျင်းပမှာပါ။”ဟု ပွဲစီစဉ်သူ ကိုဘိုဘိုထွန်းကပြောကြားသည်။

ယင်းပြပွဲသို့ ၂၄.၇.၂၀၁၃ရက်တွင် ကိုမင်းကိုနိုင်၊ ကိုဂျင်မီ၊ ကဗျာဆရာများ နိုင်ငံရေးနယ်ပယ်မှ ပုဂ္ဂိုလ်များ တက်ရောက်ခဲ့ကြောင်း၊ အဆိုပါပြပွဲတွင် ပန်းချီဆရာ ၇၃-ဦးက ပန်းချီကား ၈၃-ကားကိုလည်းကောင်း၊ ကာတွန်းဆရာ ၁၆-ဦးက ကာတွန်း ၂၅-ချပ်ကိုလည်းကောင်း၊ ဓါတ်ပုံဆရာ ၁၀-ဦးက ဓါတ်ပုံ ၆၃-ပုံကို လည်းကောင်း၊ ကဗျာဆရာ ၃၀-ဦးက ကဗျာ ၃၀-ပုဒ်ကို လည်းကောင်း ခင်းကျင်းပြသရောင်းချခဲ့ကြောင်း၊ ကျင်းပသည့် သုံးရက်စလုံးတွင် ပန်းချီကား ၇ ချပ်၊ ဓါတ်ပုံ ၈ပုံနှင့် ကဗျာများကို အများဆုံးရောင်းရကြောင်း၊ ယင်းပွဲသို့ လာရောက်သူ နေ့စဉ် ၃၀၀-ဦးခန့် ရှိကြောင်း၊ ၂၄.၇.၂၀၁၃ ရက် ပွဲနောက်ဆုံးရက်တွင် ကိုဂျင်မီက ကိုဖုန်းမော်အတွက် အမှတ်တရရေးစပ်ထားသော သီချင်းကို ကိုယ်တိုင် တီးခတ် သီဆိုဖျော်ဖြေ တင်ဆက်ခဲ့ကြောင်းသတင်းသိရသည်။

ဓါတ်ပုံများ ကြည့်ရန်။ Click Here

ဇူလိုင်-၂၄၊၂၀၁၃

M-Media

via Pensri Pro

အစ္စလာမ်များ ၀တ်ပြုရန်ဖိတ်ခေါ်သည့် ဝတ်ပြုရန် နှိုးဆော်သံ(ဝါ) အာဇာန် (Azan) Myanmar Sub-title

(Myanmar Sub-title) New York မြို့  ခရစ်ယာန်ဘုရားရှိခိုးကျောင်း Interfaith Dialogue တွင် ဆိုပြခဲ့သော အစ္စလာမ်များ၏ ဗလီဝတ်ကျောင်းတော်များတွင် ၀တ်ပြုရန်ဖိတ်ခေါ်သည့် ဝတ်ပြုနှိုးဆော်သံ (သို့) အာဇာန် (Athan) ဖြစ်သည်။

ဗဟုသုတအဖြစ် မျှဝေပေးလိုက်ပါသည်။

(Translated into Myanmar language and sub-titled by Pensri Pro Creative Common. Any error is Pensri Pro CC’s responsibility).

ဇူလိုင်-၂၄၊၂၀၁၃
ရေးသားသူ-Mohammed Naeem

မလေးရှား အစိုးရကျောင်း တစ်ကျောင်းတွင်  ဥပုသ်လအတွင်း မွတ်စလင်မ် မဟုတ်သော ကလေးများအားToilets တွင် ထမင်းစားခိုင်းသည့် သတင်း ဖြစ်ရပ်အမှန်

မလေးရှားနိုင်ငံ ဆလန်းငေါပြည်နယ် ဆွန်ငိုင်းဘူးလိုဟ် မြို့နယ်မှာရှိတဲ့ အစိုးရကျောင်းတစ်ကျောင်းမှာ ဘာသာခြား ကလေးတွေကို မွတ်စ်လင်မ်တွေရဲ့ ဥပုသ်လမှာ Toilets တွေရှိတဲ့အနားမှာ အတင်းအဓမ္မ ထမင်းစားခိုင်းတယ်ဆိုပြီး ဘာသာခြားကလေးတစ်ဦးရဲ့ မိခင်ဖြစ်သူ Guneswari Kelly က သူမရဲ့ facebook မှာ ဓာတ်ပုံနှင့်တကွ တင်ခဲ့ပါတယ်။

မလေးရှားနိုင်ငံရဲ့ ဒုတိယ ဝန်ကြီးချုပ် နှင့် ပညာရေးဝန်ကြီးဖြစ်သူ Muhyiddin Yassin က ချက်ချင်း စုံစမ်းစစ်ဆေးရေးရန် ဝန်ကြီးဋ္ဌာနကို အမိန့်ပေးခဲ့ပြီး အဝတ်လဲခန်းဖြစ်စေ၊ Toilets ဖြစ်စေ မသင့်လျော်တဲ့နေရာတွေသာ ဖြစ်တဲ့အတွက် ကလေးငယ်များ အစားအသောက်စားသုံးရန် မသင့်တဲ့နေရာတွေသာဖြစ်တယ်လို့ ကနဦး ပြောကြားခဲ့ပါတယ်။

ဒုတိယ ပညာရေး ဝန်ကြီး P. Kamalanathan ကလည်း အဲဒီကျောင်းမှာ အဝတ်လဲခန်းကို အစားအသောက်စားသုံးရာ နေရာအဖြင့် ဆက်လက် အသုံးမပြုရန် တားမြစ်ခဲ့ပါတယ်။

Facebook ပေါ်မှာ ရေးသားခဲ့တဲ့ Guneswari Kelly ကတော့ ကျောင်းက ဝန်ထမ်းတွေဟာ ကလေးတွေကို Canteen မှာ မစားရဘူးလို့ တားမြစ်ခဲ့သလို ရေချိုးခန်း နှင့် အိမ်သာ ရှိတဲ့ အဝတ်လဲခန်းမှာ ယာယီ Canteen လုပ်ပေးထားတဲ့အတွက် အဲဒီမှာသာ သွားရောက်စားသုံးခိုင်းထားပါတယ်။

သူမက ဆက်လက်ပြီးတော့ အဲဒီနေရာဟာ ဘက်တီးရီးယားတွေများပြီး အိမ်သာ အနံ့လည်း နံနေတဲ့အတွက် ကျွန်မအနေနဲ့ တိုင်ကြားတာဖြစ်တယ်လို့ မီဒီယာတွေကိုပြောပါတယ်။

အစိုးရကျောင်းတစ်ကျောင်းဖြစ်တဲ့ Seri Pristana မှာ မွတ်စ်လင်မ်မဟုတ်သူ ကျောင်းသား၊ ကျောင်းသူတွေကို မွတ်စ်လင်မ်တွေရဲ့ ဥပုသ်လမှာ အခုလို ခွဲခြားဆက်ဆံတာ တရားမျှတပါရဲ့လားလို့လည်း သူမက မေးခွန်းထုတ်ခဲ့ပါတယ်။

———————————-
ဖြစ်ရပ်မှန် (မလေးရှား TV3 ည 8:00 သတင်း)

ဟိန္ဒူဘာသာဝင် ပညာရေး ဝန်ကြီးဋ္ဌာန ဒုတိယ ဝန်ကြီးက အထက်ပါ ကျောင်း Canteen ကိစ္စရှင်းလင်းပြောကြားရာမှာ

ကျောင်း Canteen မှာ ၂၀၁၃ ခု မတ်လမှ စတင်ပြီး အသေးစား ပြင်ဆင်မှုတွေ လုပ်ဆောင်ခဲ့ပါတယ်။

ကျောင်း Canteen ပြင်ဆင်နေစဉ်မှာ ကလေးငယ်များ Canteen အဖြင့် ယာယီအသုံးပြုရန် Canteen နှင့် ကပ်လျှက်ရှိတဲ့ အသုံးမပြုဘဲထားရှိတဲ့ (အိမ်သာမပါဘဲ ရေချိုးခန်း ၃ ခန်းသာပါဝင်တဲ့) အဝတ်လဲခန်းကို သတ်မှတ်ပေးခဲ့ပါတယ်။

ကျောင်းအုပ်ချုပ်ရေးပိုင်းက ရည်ရွယ်ချက်က ကျောင်းသားတွေကို အဆင်ပြေအောင် စီစဉ်ပေးတာမှန်ပေမဲ့ ရွေးချယ်တဲ့နေရာဟာ အားနည်းချက်တွေရှိခဲ့ပါတယ်။

ဘာသာခြားကလေးတွေကိုသာ ယာယီ Canteen မှာ မွတ်စ်လင်မ်တွေ ဥပုဒ်လဖြစ်လို့ ရွှေ့ပြောင်းစားသောက်ခိုင်းတာ မဟုတ်ဘဲ ဘာသာစုံမှ ကျောင်းသား၊ ကျောင်းသူ ၁၃၀၀ဦးဟာ အဆိုပါ ယာယီ Canteen မှာ ၂၀၁၃ခုနှစ် မတ်လမှ စတင်ပြီး မွတ်စ်လင်မ်တို့ရဲ့ ဥပုဒ်လစတင်သည့်တိုင်အောင် အတူတကွ စားသောက်နေခဲ့ကြတာ ဖြစ်ပါတယ်။

ဒုဝန်ကြီးက အခုလို ကလေးတွေ အခက်အခဲကြုံကြရတဲ့အတွက် မိဘများကို နောင်ဒါမျိုး မဖြစ်စေရဘူးလို့ ကတိပေး တောင်းပန်ပါကြောင်း ပြောကြားခဲ့ပါတယ်။

ဟူလူ ဆလန်းငေါ ပြည်နယ် ဝန်ကြီးကလည်း ဒီကျောင်းရဲ့ Canteen က ကလေး ၅၀၀ မှ ၆၀၀ဦး အတွင်းသာ ဝင်ဆံ့ပါတယ်။ Canteen ပြင်ဆင်မှု မပြုခင်ကလည်း ကလေးတွေကို အခုလို ယာယီ Canteen အဖြင့် နေရာချပေးရပါတယ်။

အခုလို Canteen ပြင်ဆင်နေတဲ့အချိန်မှာ ကလေးတွေ ထိခိုက်ဒဏ်ရာမရစေရန် ခေတ္တ ပိတ်ထားခြင်းသာဖြစ်ပြီး အခု ပြင်နေတာ ပြီးစီးသလောက်ရှိနေပြီး မှန်တံခါးအချို့တပ်ဆင်ရန်သာ ကျန်ရှိတော့ပါတယ်။

ဒုဝန်ကြီးက ကျောင်းအုပ်ချုပ်ရေးကော်မတီအနေနဲ့ ပညာရေးဝန်ကြီးဋ္ဌာနကို Canteen တိုးချဲ့ရန် အတွက် အသုံးစားရိတ် လျှောက်ထားရန် ညွှန်ကြားခဲ့ပြီး ၎င်းကိုယ်တိုင်က မလေးရှားရင်းဂစ် 10000 ကို ပေးအပ် လှူတန်းခဲ့ပါတယ်။ မိမိအနေနဲ့ ပြောလိုတာက ဒီကျောင်းရဲ့ လက်ရှိ Canteen အနေအထားဟာ ကျောင်းတွေကို ညွှန်ကြားထားတဲ့ စည်းမျဉ်းစည်းကမ်းတွေနဲ့ ကိုက်ညီမှု မရှိသေးတာပါပဲ။

အဆိုပါကျောင်းမှာ ပညာသင်ကြားနေတဲ့ မွတ်စ်လင်မ် ကျောင်းသား ၁၅နှစ်အရွယ် တစ်ဦး နှင့် ကျောင်းသူ ၁၀နှစ်အရွယ် တစ်ဦးရဲ့ မိခင် ရှေ့နေတစ်ဦး ဖြစ်သူ Jehan Bakar က ကျွန်မအနေနဲ့ အခုလို မွတ်စ်လင်မ်တွေရဲ့ မွန်မြတ်တဲ့ ဥပုသ်လမှာ ဒီလိုမျိုးဘာသာခြားကလေးတွေ အပေါ် ခွဲခြားဆက်ဆံတယ်ဆိုတဲ့ စွပ်စွဲချက်အတွက် အကြောင်းအရင်းမှန်ကို သိချင်မိတယ်။ ကျွန်မတို့ အစ္စလာမ်ဘာသာမှာ ဒီလိုလူမဆန်တဲ့ အလုပ်မျိုးတွေ ခွင့်မပြုထားသလို ခိုင်းလဲမထားပါဘူး။ ကျွန်မကလေး နှစ်ယောက်စလုံး အသက် ၆နှစ်အရွယ်ကစလို့ ရမဿွာန်လမြတ်ရဲ့ ဥပုသ်စောင့်ထိန်းကြပါတယ်။ သူတို့မှာ မွတ်စ်လင်မ် မဟုတ်တဲ့ ဘာသာခြား ဆွေမျိုးသားချင်းတွေ ရှိကြပါတယ်။ ဒါပေမဲ့ ကလေးနှစ်ယောက်စလုံးဟာ အစ္စလာမ်ဘာသာရဲ့ အဆုံးအမတွေကို နားလည်သဘောပေါက်ကြပါတယ်။ သူတို့ဟာ သူတို့လက်ခံထားတဲ့ အစ္စလာမ်ဘာသာအတိုင်း ကိုယ်တိုင်ကျင့်သုံးကြရမယ်ဆိုတာသိကြသလို အခြားသူများကို ကိုယ်ကျင့်သုံးတာတွေနဲ့ နှိုင်းယှဉ်စရာမလိုဘူးဆိုတာ သိကြပါတယ်။

နိဂုံးချုပ်ပြောချင်တာက ကိုယ်တွေနေထိုင်တဲ့နေရာမှာ အသက်တွေပေးခဲ့ရတဲ့ ကလေးငယ်တွေအတွက် လက်ပိုက်ရပ်ကြည့်နေတဲ့ လုံခြုံရေးဝန်ထမ်းတွေ၊ တိုင်းပြည်က အကြီးအကဲဆိုသူတွေနဲ့ အရင်ဦးဆုံး ယှဉ်ကြည့်ပါ။

သူများနိုင်ငံတွေမှာ လူမျိုးရေး၊ ဘာသာရေးဘက်ကို ဆွဲသွားပြီး ဖွချင်တဲ့ Case တစ်ခုကို နာရီပိုင်းအတွင်း လက်တွေ့ကျကျ သတင်းမှန်တွေထုတ်ပြီး ထိရောက်စွာ ကိုင်တွယ်ဖြေရှင်းပေးခဲ့ပါတယ်။

Link =>https://www.facebook.com/mohammed.naeem.12/posts/10200294075176047

ဇူလိုင်-၂၇-၂၀၁၃
M-Media

အီဂျစ် ပဋိပက္ခ၊ အီဂျစ်ဆန္ဒပြမှုများတွင် ပစ်ခတ်မှုများကြောင့်သေဆုံးမှုများရှိလာ

ရာထူးက ဖယ်ရှားခံရတဲ့ အီဂျစ်သမ္မတ မိုဟာမဒ် မော်စီကို ထောက်ခံတဲ့ အီဂျစ်က ဆန္ဒပြမှုတွေမှာ ဒါဇင်နဲ့ချီတဲ့လူတွေအသတ်ခံရတယ်လို့ဆိုပါတယ်။ ရဗ်ဗာ အယ်လ်အဒါဝီရာ ဗလီအနီးမှာ ပဋိပက္ခတွေဆက်လက်ဖြစ်ပွားနေပြီး လမ်းပေါ်မှာ သွေးတွေရှိနေတုန်းပဲလို့ အီဂျစ်မှာ သတင်းယူနေတဲ့ Quentin Sommerville ကပြောပါတယ်။ ဆန္ဒပြတဲ့အနီးအနားက ဆေးရုံကဆရာဝန်တစ်ဦးကတော့ သေဆုံးမှုတွေအပြင် လူတစ်ထောင်ကျော် ဒဏ်ရာရရှိတယ်လို့ဆိုပါတယ်။
_________________________________
ရမဿွာန် ၀ါဖြေပွဲအား အိုဘာမားမှ ဦးစီးကျင်းပပြီး အမေရိကန် မွတ်စ်လင်မ်များကို အလေးပြု

အမေရိကန်နိုင်ငံတည်ထောင်ရာ၌ စွန့်ဦးလုပ်ငန်းရှင်များ၊ နည်းပညာ ဆန်းသစ်သူများ၊ ဆေးပညာရပ်ဆိုင်ရာ ဦးဆောင်တီထွင်သူများအဖြစ် ပါဝင်ပေးဆပ်ခဲ့ကြသည့် အမေရိကန်မွတ်စ်လင်မ် လူ့အဖွဲ့အစည်းအား သမ္မတဘားရက်ခ်အိုဘားမား (Barack Obama) သည် ကြာသာပတေးနေ့က ကျေးဇူးတင်စွာ အလေးပြုခဲ့ပါသည်။ အိမ်ဖြူတော်တွင် ပြုလုပ်ခဲ့သော အစ္စလာမ့်ဥပုသ်လ ရမဿွာန်အား ဂုဏ်ပြုသည့်ညစာစားပွဲ၌ အိုဘားမားက ၄င်းကဲ့သို့ပြောကြားခဲ့ခြင်းဖြစ်သည်။ နေ၀င်ချိန်အပြီးတွင် မွတ်စ်လင်မ် အသိုင်းအ၀ိုင်းများ နှင့် မိသားစုဝင်များသည် စားသောက်ပွဲ(သို့) ၀ါဖြေပွဲကို အတူတကွ စားသောက်ပါဝင်ခဲ့ကြသည်။

http://www.m-mediagroup.com/news/16535

_________________________________
မြောက်ကိုရီးယားမြို့တော် ပြုံယမ်းတွင် အကြိမ် (၆ဝ) မြောက် တောင်-မြောက် ကိုရီးယား စစ်ပွဲ ပြေငြိမ်းရေး နှစ်ပတ်လည်နေ့ စစ်ရေးပြအခမ်းအနားပြုလုပ်

ကျကျနနချီတက်လာတဲ့စစ်သားတွေ၊ တန်းစီနေတဲ့တင့်ကားတွေ၊ ရွှေ့ပြောင်းနိုင်တဲ့ ဒုံးလက်နက်တွေဝန်းရံထားပြီး မြို့တော်ပြုံယမ်းရဲ့ အချက်အချာကျတဲ့ ရင်ပြင်မှာ ကိုရီးယားစစ်ပွဲ ရပ်စဲတဲ့ အကြိမ် (၆ဝ) မြောက်နှစ်ပတ်လည်နေ့အဖြစ် စစ်ရေးပြအခမ်းအနားကျင်းပခဲ့တာပါ။ မြောက်ကိုရီးခေါင်းဆောင် ကင်ဂျုံအန် က စင်မြင့်ကနေတပ်ဖွဲ့ကိုအလေးပြုခဲ့ပါတယ်။ ဒီအခမ်းအနားမျိုးတွေဟာ ကမ္ဘာက မြောက်ကိုရီးယားရဲ့ စစ်လက်နက်အခြေအနေကို တွေ့မြင်ရတဲ့ ရှားပါးထူးခြားတဲ့ အခမ်းအနားမျိုးတွေဖြစ်ပေမယ့် ခုတစ်ခေါက်မှာတော့ တစ်စုံတစ်ရာ လက်နက်အသစ်တွေကို မတွေ့ရဘူးလို့ သိရပါတယ်။
_________________________________
ရှရှားမှာနေခွင့်ရတာ ပိုကောင်းတယ်ဟု စနိုးဒန်းဖခင်ပြောကြား

အမေရိကန်အမျိုးသား လုံခြုံရေးအေဂျင်စီရဲ့ သတင်းအချက်အလက်တွေကို ဖွင့်ချခဲ့တဲ့ အက်ဒ်ဝဒ် စနိုးဒန်း ရဲ့ ဖခင်ဖြစ်သူ လန် စနိုးဒန်းက အိုဘားမား အစိုးရနဲ့ ကွန်ဂရက်မန်ဘာတွေက မကောင်းပြောနေပေမယ့် သူ့သားက ရှရှားမှာ နေရတာပိုကောင်းနေပြီဖြစ်ကြောင်းပြောဆိုပါတယ်။ ဖခင် စနိုဒန်းဟာ အမေရိကန် တရားရုံးမှာ တရားမျှတဲ့ စီရင်ချက်ရဖို့ နောက်ကွယ်ကနေ ရှေ့နေတွေနဲ့ ဆောင်ရွက်နေတယ်လို့သိရပါတယ်။
_________________________________
စပိန်ရထားလမ်း ချော်မှု အရှိန်ထိန်းမောင်းနှင့်သူ၏ ပေါ့လျော့မှုဖြစ်နိုင်ဟုဆို

စပိန်တရားရေးဝန်ကြီး ဖြစ်သူ ဂျော့ဂ်ျ ဖာနန်ဒက်ဇ် က လူ (၈ဝ) ခန့်သေဆုံးခဲ့ရသည့် ရထားလမ်းချော်ရခြင်းအကြောင်းအရင်းမှာ ရထားအရှိန်ထိန်းမောင်းနှင်သူ၏ ပေါ့ဆမှုကြောင့်ဖြစ်နိုင်ကြောင်းဆိုသည်။ ယခုအခါ အသက် ၅၂ အရွယ်ရှိတဲ့ ရထားမောင်းနှင်သူ ဂါဇွန်ကို ဆေးရုံမှဆင်းပြီး ရဲဌာနသို့ ခေါ်ဆောင်သွားပြီးဖြစ်ကြောင်းသိရသည်။
_________________________________
မွတ်စ်လင်မ် အမျိုးသမီးများ ဦးခေါင်းခြုံထည်ဆိုင်ရာ ညွှန်ကြားချက်မှာ မေတ္တာ ရပ်ခံချက်သာဖြစ်ကြောင်း ဖိလစ်ပိုင် အစိုးရပြော

မွတ်စ်လင်မ်ဆရာမများသည် စာသင်ခန်း၌ ဦးခေါင်းခြုံထည်မှ မျက်နှာကို ဖွင့်လှစ်ထားရန် ဖိလစ်ပိုင်အစိုးရ၏ ညွှန်ကြားချက်သည် မလုပ်မနေရအမိန့်တစ်ရပ် မဟုတ်ကြောင်း၊ သာသနာ၏အခွင့်ကို အလျှော့အတင်းပြုခြင်းလည်း မဟုတ်ကြောင်း ပညာရေးဝန်ကြီးမှ ကြာသပတေးနေ့တွင် ပြောကြားလိုက်သည်။

http://www.m-mediagroup.com/news/16540

ဇူလိုင် ၂၇၊ ၂၀၁၃
M-Media
အမ်တူးအေ

ရန်ကုန် ။ ။ သစ္စာကွန်ရက် လူမှုအကျိုးပြုလုပ်ငန်း၏ ဒုတိယအကြိမ် စုပေါင်းဝါဖြေပွဲနှင့် မိတ်ဆုံအခမ်းအနားကို မြောက်ဥက္ကလာပမြို့နယ်၊ ရွှေအိမ်တော်ခန်းမ၌ ယနေ့ ညနေ ၅-နာရီမှ ၇း၁၅-နာရီထိ ကျင်းပပြုလုပ်ခဲ့သည်။

သစ္စာကွန်ရက် စုပေါင်းဝါဖြေပွဲသို့ ဘာသာပေါင်းစုံမှ လူမှုရေးအဖွဲ့များ၊ NLD အဖွဲ့ဝင်များ၊ လူမှုကွန်ရက် များမှ ညီနောင်များ စုစုပေါင်း ၁၅၀-ခန့် တက်ရောက်ခဲ့ကြသည်။

အဆိုပါ အခမ်းအနားတွင် သစ္စာကွန်ရက်၏ တာဝန်ခံတစ်ဦးဖြစ်သူ ကိုမင်းသူမှ သစ္စာကွန်ရက်၏ လုပ်ငန်းစဉ်များကို မိတ်ဆက်ရှင်းလင်းပြောပြခဲ့သည်။ ယင်းနောက် အစ္စလာမ်သာသနာဝင်တို့၏ ၀ါတွင်းကာလနှင့် ဥပုသ်သီလအကြောင်းကို ဒေါက်တာသန်းမင်းထိုက်(မြန်မာစာ)မှ ရှင်းလင်းတင်ပြခဲ့ပြီး မြောက်ဥက္ကာပမြို့နယ် တို့အမွေ ပရဟိတအဖွဲ့မှကျေးဇူးတင်စကားပြောကြားခဲ့သည်။ ထို့နောက် အခမ်းအနားသို့ တက်ရောက်လာသူများမှ သစ္စာကွန်ရက်၏ လုပ်ငန်းစဉ်များ၊ အစ္စလာမ်သာသနာနှင့်ပတ်သက်သည့် အကြောင်းအရာများထဲမှ သိလိုသည်များကို မေးမြန်းကြရာ ဆရာအုမရ်မြင့်နိုင်(ယင်းတော်)မှ ဖြေကြားပေးခဲ့ပြီး ညနေ ၆း၄၅-နာရီတွင် တက်ရောက်လာသူအားလုံး အတူတကွ မိတ်ဆုံစားရင်း ၇း၁၅-နာရီတွင် အခမ်းအနားကို အောင်မြင်စွာ ရုပ်သိမ်းလိုက်ကြောင်းသိရသည်။

သစ္စာကွန်ရက်သည် လူမျိုးဘာသာမခွဲခြား လူမှုအကျိုးပြုလုပ်ငန်းများ ဆောင်ရွက်နေကြောင်းလည်းသိရသည်။

ဓါတ်ပုံများ ဆက်လက်ကြည့်ရှုလိုလျှင် Click Here

ဇူလိုင်-၂၆၊၂၀၁၃

M-Media

ဂျော်ဒန်ရှိ ဆီးရီးယားဒုက္ခသည်များအား အကူအညီပေးရေးဆိုင်ရာ ဆော်ဒီအဖွဲ့မှ ဒုတိယအကြိမ်မြောက် ရမဿွာန် ကူညီလှုပ်ရှားမှုအဖြစ် ရမ်ဆာ နှင့် မဒါဗာ ရှိ ဆီးရီးယားမိသားစု ၄၅၀၀ ထံသို့ ရမဿွာန်ရိက္ခာခြင်းများ ပေးပို့ခဲ့သည်။

ဤကူညီထောက်ပံ့ဖြန့်ဝေရေးမှာ မြင့်မြတ်ကျောင်းတော်နှစ်ခုအားထိန်းသိမ်းစောင့်ရှောက်နေသူ ဆော်ဒီဘုရင် အဗ်ဒုလ္လာဟ်၏ ညွှန်ကြားချက်အရ ဆောင်ရွက်ခြင်းဖြစ်ပြီး၊ ပြည်တွင်းရေး ၀န်ကြီး နှင့် ဆော်ဒီကူညီကယ်ဆယ်ရေးလှုပ်ရှားမှု အထွေထွေကြီးကြပ်ရေးမှူး မင်းသား မုဟမ္မဒ် ဗင်န် နာအိဖ်မှ တိုက်ရိုက်ကြီးကြပ် စီမံသည်။

ဂျော်ဒန်ရှိ စီမံရေးရုံး ဒါရိုက်တာ စအဒ် အလ် ဆိုဝိုင်းဒ် က ဇာတာရီစခန်းပြင်ပရှိ မိသားစုပေါင်း တစ်သိန်းခွဲထံသို့ လာမည့်ရက်သတ္တပတ်အကုန်တွင် တတိယအကြိမ်မြောက် ရမဿွာန် ရိက္ခာခြင်းများ ပို့ဆောင်ဖြန့်ဝေမှု စတင်မည်ဖြစ်ကြောင်း ဆိုသည်။

ဇူလိုင်-၂၇-၂၀၁၃

M-Media

အနောက်ဘက်ကမ်းမြှောင်ဒေသ ရှိ အစ္စရေးတို့၏ ဂျူးအခြေစိုက် အိမ်ယာ စီမံကိန်းများ
Photo Credit: Reuters/Baz Ratner

အနောက်ဖက် ကမ်းမြှောင်ဒေသရှိ ထောင်နှင့်ချီသော ပါလက်စတိုင်းတို့အပေါ် အကူအညီပေးမည့် ဥရောပသမဂ္ဂ၏စီမံကိန်းများကို အစ္စရေးမှ ပိတ်ဆို့ဟန့်တားထားသည်။ သိမ်းပိုက်ခံနယ်နမိတ်အတွင်းရှိ အစ္စရေးအဖွဲ့အစည်းများအား ငွေကြေးထောက်ပံ့ခြင်းကို ဥရောပသမဂ္ဂမှ ပိတ်ပင်ခဲ့မှုအတွက် လက်စားချေခြင်းတစ်ရပ် ဟု ဆိုသည်။

၁၉၆၇ ခုနှစ်၊ အရှေ့အလယ်ပိုင်းစစ်ပွဲမှ အစ္စရေးတပ်ဖွဲ့များ သိမ်းပိုက်ခဲ့သည့်နယ်နမိတ်အတွင်း ဂျူးလူမျိုးတို့၏ အခြေချမှု ဆက်လက်တိုးပွားကျယ်ပြန့်နေခြင်း အပေါ် နှစ်မြို့လက်ခံဖွယ်ရာ မရှိနိုင်တော့သဖြင့် ဥရောပသမဂ္ဂမှ လွန်ခဲ့သော ရက်သတ္တပတ်တွင် ယင်းသို့ ကန့်သတ်ချက်များပြုလိုက်ခြင်းဖြစ်သည်။ အစ္စရေးတို့၏ ချဲ့ထွင်မှု ရှေ့ဆက်နေပါက လာမည့်နှစ်မှစတင်ပြီး ဥရောပသမဂ္ဂ၏ ထောက်ခံပံ့ပိုးမှု၊ ဆုချီးမြှင့်မှု သို့မဟုတ် ချေးငွေများမှာ ထည့်သွင်းစဉ်းစားပေးဖွယ် မရှိတော့ကြောင်း ညွှန်ကြားမှု အသစ်၌ ပါဝင်နေသည်။

ဝန်ကြီးချုပ် ဘင်ဂျမင် နက်တန်ယာဟု၏ လီကွတ်ပါတီမှ အမာခံအဖွဲ့ဝင် နှင့် စစ်ဦးစီးချုပ်ဟောင်းဖြစ်သူ ယာလွန်က အစ္စရေးတို့မှ အပြည့်အ၀ထိန်းချုပ်ထားသည့် အနောက်ဖက်ကမ်းမြှောင်ဒေသ ဧရိယာအမှတ် C  အတွင်း ပါလက်စတိုင်းများအတွက် စီမံကိန်းများကို ရပ်တန့်လိုက်ပြီ၊ တွေ့ဆုံဆွေးနွေးမှုများကို ဖျက်သိမ်းပြီ၊ ပူးပေါင်းဆောင်ရွက်မှုများကို လျှော့ချလိုက်ပြီဟု ပြောကြားခဲ့သည်။

အစ္စရေးကာကွယ်ရေးဝန်ကြီးက စည်းကမ်းချက်များစွာ ထုတ်ပြန်လိုက်ရာ ပါလက်စတိုင်းလူထုအားကူညီနေသော ဥရောပသမဂ္ဂ၏ဆောင်ရွက်ချက်များကို ထိခိုက်နစ်နာသွားကြောင်း အစ္စရေးမီဒီယာသတင်းများနှင့်ပတ်သက်ပြီး ဥရောပ သမဂ္ဂမှ စိုးရိမ်မကင်းဖြစ်နေသည်ဟု ဥရောပသမဂ္ဂနိုင်ငံခြားရေးမူဝါဒအကြီးအမှူး ကက်သရင်း အက်ရ်ှတန်၏ ပြောခွင့်ရ ပုဂ္ဂိုလ် မာဂျာ ကိုစီဂျန်စစ် မှ ဘရပ်ဆဲလ်၌ ပြောကြားသည်။

“ အစ္စရေးအာဏာပိုင်တွေဆီက တရားဝင်ဆက်သွယ်ချက် တစ်စုံတစ်ရာကိုမျှ ကျွန်တော်တို့ မရရှိသေးပါဘူး။ ကျွန်တော်တို့ရဲ့ အရေးပေါ်ကိုယ်စားလှယ်တွေအနေနဲ့ အသေးစိတ်အစီရင်ခံနိုင်ဖို့ ကြိုးစားနေကြပါတယ် ” ဟုလည်း ၄င်းမှ ထည့်သွင်းပြောဆိုခဲ့သည်။

ဇူလိုင် ၂၇၊ ၂၀၁၃
M-Media
သတင်း – ဆူးထက်

L’oreal ၏ Revitalift Laser နှင့် Lucent Magique ပစ္စည်းသစ် မိတ်ဆက်ပွဲ အခမ်းအနားကို ရန်ကုန်မြို့၊ ပြည်လမ်းမပေါ်ရှိ Tawin Centre ဒုတိယထပ် ၌ ဇူလိုင်လ ၂၇ရက်နေ့ နေ့လည် ၃နာရီမှ ၅နာရီထိ ကျင်းပပြုလုပ်ခဲ့ကြောင်း သတင်းရရှိသည်။

ထိုအခမ်းအနားတွင်  Revitalift Laser မှာ IPL/ Laser ထက်ပိုမို သာလွန်သော Anti- aging Skin Care ဖြစ်ပြီး Lucent Magique မှာ Light Infusion Technology ဖြင့် ထုတ်လုပ်ထားသော လင်းလက်လှပ စေသော Make-Up ဖြစ်ကြောင်း Loreal Paris Brand Manager Dr. ဆုနွယ်ဇော်မှ ရှင်းလင်းပြောကြားပေးခဲ့သည်။

အဆိုပါ ပစ္စည်းသစ် မိတ်ဆက်ပွဲတွင်  Revitalift Laser ကိုကိုယ်တိုင်သုံးစွဲသူ ရုပ်ရှင်သရုပ်ဆောင် အကယ်ဒမီ ချစ်စနိုးဦး မှလည်း အတွေ့အကြုံများ မျှဝေပေးခဲ့ပြီး  Lucent Magique Make-Up ဖြင့် နိုင်ငံကျော် မိတ်ကပ်ပညာရှင် လင်းလင်း ( Make-Up Artust) မှ စင်မြင့်ထက်တွင် လိမ်းခြယ်ပြသပေးခဲ့သည်။

အထူးအစီအစဉ် အနေနဲ ၎င်းအခမ်းအနားသို့  ပထမဆုံး ကြွရောက်လာသော L’oreal ချစ်ပရိသတ် (၃၀)ဦးအား Specian Promotion ဖြင့် မည်သည့် Anti – Aging Skin Care (Moisturizer , Essence , Eye ) ဘူးခွံ ယူလာသူမဆို L’oreal Paris ရဲ့ပစ္စည်းသစ် Revitalift Laser ကို 50%  Discount ဖြင့် ၀ယ်ယူခွင့်၊ မည်သည့် Liquid Foundation , Two Cake ဘူးခွံ ယူလာသူမဆို  L’oreal Paris ရဲ့ ပစ္စည်းသစ် Lucent Magique ကို 50%  Discount ဖြင့် ၀ယ်ယူခွင့်ရရှိကြောင်း သတင်းရရှိသည်။

L’oreal Paris က ၂၀၁၃ခုနှစ်ရဲ့ ထူးခြားတဲ့ နည်းပညာ အသစ်နဲ့ ထုတ်လုပ်ထားတဲ့ ပစ္စည်းသစ်နှစ်မျိုး ( Revitalift Laser နှင့် Lucent Magique Make-Up) မိတ်ဆက်ပွဲကို ကျင်းပခဲ့ရာ ရုပ်ရှင်မင်းသမီး ချစ်စနိုးဦး၊ စိုးနန္ဒာကျော်၊ မြတ်နိုးခင် အပါအ၀င် အနုပညာရှင်များ၊ စာနယ်ဇင်း ဧည့်ပရိတ်သတ်များ၊ Customer များတက်ရောက်ခဲ့သည်။ အဆိုပါ ပစ္စည်းများကို Lasource TradingLtd မှ တရားဝင် ဖြန့်ဖြူးရောင်းချ လျှက်ရှိကြောင်း သိရသည်။

ဓါတ်ပုံများထပ်မံ ကြည့်ရှုလိုလျှင် Click Here

ဇူလိုင်-၂၈-၂၀၁၃
M-Media

ကုလအတွင်းရေးမှူး ဒက်ဟမ်းမားရှိုး၊ မြန်မာသမ္မတ ဒေါက်တာ ဘဦး ၊စီးပွားရေးနှင့် ကူးသန်းရောင်းဝယ်ရေးဝန်ကြီး ဦးရာရှစ်၊ ၁၉၆၀ ခုနှစ်တွင် ရန်ကုန်မြို့ရှိ အစိုးရ အိမ်တော်၌ တွေ့ဆုံခဲ့စဉ်က

This is a photograph of Dag Hammarskjold enjoying evening cocktails with President Dr Ba U and Commerce and Industry Minister U Raschid at Government House in Rangoon in February 1960.

Photo via Thant Myint-U