MRTV4 ရဲ့ Let’s Talk အစီအစဉ်မှ ကောက်နှုတ်ဖော်ပြပါသည်။

ဇင်အောင် – နောက်တစ်ခုထပ်ပြီး မေးချင်တာက ဒီရုပ်ရှင်ဇာတ်ကားနဲ့ ပတ်သက်ပြီးတော့ အမရဲ့သရုပ်ဆောင်မှု အပေါ် ပရိသတ်တော်တော် များများက အရမ်းကို နှစ်ခြိုက်အားပေးကြတယ်ခင်ဗျ ဒါကတော့ ခြွင်းချက် မရှိပေါ့နော်။ ဒါနဲ့ပတ်သက်ပြီး အကယ်ဒမီနဲ့ပတ်သက်ပြီးတော့ အမရဲ့ရင်ခုန်သံလည်း ကြားချင်ပါတယ်။ များသောအားဖြင့် ကျွန်တော်တို့ဒီမှာ တော်တော်များက အကယ်ဒမီနဲ့ပတ်သက်ပြီးတော့ အရမ်း sensitive ဖြစ်ကြပါတယ်ခင်ဗျ။ အမနဲ့ပတ်သက်ပြီးတော့ အကယ်ဒမီရင်ခုန်သံတွေ အရမ်းကြားနေရပါတယ်။ အဲ့ဒီအပေါ်မှာ ဒါပေမယ့်လည်း တစ်ဖက်မှာ ရင်ခုန်စိတ်လှုပ်ရှားဖွယ်ရာ အငြင်းပွားဖွယ်ရာ အများများကြီးလည်း ဖြစ်နေပါတယ်ခင်ဗျ။ ကျွန်တော်ဆိုလိုချင်တဲ့ အဓိပ္ပာယ်ကို အမသဘောပေါက်လားတော့မသိဘူးခင်ဗျ။
.
လိုက်လာခန်း – သဘောပေါက်ပါတယ်မောင်လေး။ အမ အရမ်းသဘောပေါက်ပါတယ်။ အဲ့ဒါကြောင့်မို့လည်း interview တိုင်းမှာ အမကို interview လာ view တဲ့လူတွေအားလုံးက သမီး အကယ်ဒမီရမှာနော်။ အဲ့ဒီအပေါ် ဘယ်လိုမြင်လဲလို့ ပြောတဲ့အခါကျလို့ရှိရင် – အဲ့လိုပြောလိုက်တာလေး အဲ့အသံလေးကိုကြားလိုက်ရင် ၀မ်းသာပါတယ်။ ဒါပေမယ်လို့ အမ interview တိုင်းမှာ ပြောခဲ့တဲ့ အတိုင်းပဲ။ မမှန်းပါဘူးလို့။ မမှန်းတာ ကိုယ့်ရဲ့ talent ကိုမယုံကြည်လို့ မဟုတ်ဘူး။ ပရိတ်သတ်တွေကို မယုံကြည်လို့လည်း မဟုတ်ဘူး။ မမှန်းရဲဘူးဆိုတာ အကယ်ဒမီက နတ်ကြီးတယ်လေ။ ပြီးတော့ ၂ နှစ်လောက်ရှိပြီ။ အကယ်ဒမီ ပေးတဲ့အချိန်ပိုင်းလောက်မှာ အမ ရန်ကုန်မှာ ရောက်ရောက်နေတယ်။ ဆိုတော့ လူတွေပြောလိုက်ပြီဆိုရင် အဲ့လူကမရဘူး။ မရတာများတာကို တွေ့နေရတယ်။ ဟာ ဒီနှစ်သူရမယ်၊ သူရမယ်ဆိုရင် မဖြစ်လာဘူးဆိုတော့ အဲ့ဒါလေးကို နည်းနည်းကြောက်တယ်။

.
ပြီးတော့နောက်တစ်ခုက ဘာလဲဆိုရင် ဘာသာရေးနဲ့ပတ်သက်ပြီးတော့ အမတို့နိုင်ငံမှာ အခုချိန်ထိ ဒီမိုကရေစီ ဘယ်လောက်ပဲ ရသွားပြီလို့ ပြောပေမယ့် mentally ဒီမိုကရေစီမရသေးဘူး မောင်လေး။ လူတွေဆီမှာ ဒီမိုကရေစီဆိုတာ နိုင်ငံတစ်ခု ကပေးတဲ့ ဒီမိုကရေစီက တန်ဖိုးဒီလောက်မရှိဘူး။ အဲ့နိုင်ငံမှာနေတဲ့လူတွေအားလုံးရဲ့mentally ဒီမိုကရေစီဖြစ်ဖို့က ပိုအရေးကြီးတယ်လို့ အမထင်တယ်၊ မမတို့ ပညာရှိအသိုင်းအ၀ိုင်းပေါ့နော် မမတို့မြင်သလောက်က အားလုံးက အရမ်းနားလည်တယ်။ ဒါပေမယ့် အခုအချိန်မှာလည်း တစ်ချို့တွေက ဟိုပေါ့ ဘာသာ- မြန်မာလူမျိုး ဘယ်လောက်ပဲဖြစ်နေပါစေ။ ကိုးကွယ်တဲ့ဘာသာမတူတဲ့အပေါ်မှာ အမြင်တွေစောင်းကြတယ်။ အဲဒါကို စိတ်မကောင်းဘူး အမ။ အဲဒါကတော့ အရမ်းဝမ်းနည်းတယ်။ အဲဒါဝမ်းနည်းတာလည်း ကိုယ့်အတွက် အကျိုးမရှိမှာစိုးလို့ ၀မ်းနည်းတာမျိုးမဟုတ်ဘူး။ ကိုယ်အရမ်းချစ်တဲ့ကိုယ့် မြန်မာနိုင်ငံကြီး တိုးတက်သင့်သလောက် မတိုးတက်မှာကိုကြောက်လို့ ၀မ်းနည်းတာ။
.
အိန္ဒိယသည် ဒီအချိန်မှာ ရင်ဘောင်တန်းပြီးတော့ ဟောလီးဝုဒ်နဲ့အပြိုင်သွားနိုင်တယ်။ ဟောလီးဝုဒ်က ဒါရိုက်တာတွေက အိန္ဒိယက Actor တွေကို တောင်းတောင်းပန်ပန်နဲ့လာပြီး ရှိခိုးကန်တော့ပြီး ခေါ်နေတယ်။ အိန္ဒိယက Actor တွေက `ကျွန်တော်တို့ အလုပ်မလုပ်နိုင်ဘူး´ လို့ ပြောရတဲ့အထိအောင် ရောက်နေတယ်။ Why? ဘာဖြစ်လို့လဲ။ အိန္ဒိယနိုင်ငံသည် အခုအချိန် Medical မှာ – ကမ္ဘာတစ်ခုလုံးမှာ အကောင်းဆုံး Kidney (ကျောက်ကပ်) ဆေးရုံ၊ အကောင်းဆုံး Heart Transplant (နှလုံးအစားထိုးကု) ဆေးရုံ အိန္ဒိယမှာရှိတယ်။ ဘာကြောင့်လဲ။ သွားကြည့်လိုက်မောင်လေး။ ဟိုမှာ ဘာသာရေးခွဲခြားမှုမရှိဘူး။ ဘာသာရေး အဓိကရုဏ်း မဖြစ်ဘူးလား။ ဖြစ်တယ်။ ဒါနိုင်ငံတိုင်းမှာဖြစ်တယ်။ China မှာဖြစ်တယ်။ အိန္ဒိယမှာဖြစ်တယ်။ မြန်မာပြည်မှာဖြစ်တယ်။ ဒါပေမယ့်လို့ တကယ် လူတွေရဲ့ Mind မှာ – သူတို့ဘာသာရေးအဓိကရုဏ်းဖြစ်တယ်ဆိုတာက Politics (နိုင်ငံရေး) တွေကြောင့် ဖြစ်တာများတယ်။ ဒါပေမယ့် သူတို့ Mind ထဲမှာ တစ်ကယ်တမ်း မောင်လေးကြည့်လိုက်တယ်ဆိုလို့ရှိရင် – အမ ဥပမာတစ်ခုပြမယ်။
.
ရှာရွတ်ခန်းဆိုတာက အိန္ဒိယမှာရော၊ ကမ္ဘာမှာရော လွှမ်းမိုးထားတဲ့ Actor တစ်ယောက်ပေါ့နော်။ သူက အစ္စလာမ်ဘာသာ စစ်စစ်။ အိန္ဒိယနိုင်ငံဟာ ဟိန္ဒူ ဗုဒ္ဓဘာသာလို့လည်းပြောလို့ရတယ်။ ဟိန္ဒူပေါ့နော်။ ဟိန္ဒူဘာသာနိုင်ငံပေါ့။ ဒါပေမယ့် ဘောလီးဝုဒ် မှာ မောင်လေးကြည့်မယ် ဆိုလို့ရှိရင် ၁၀၀ မှာ ၉၀ က အစ္စလာမ်တွေများတယ်။ မွတ်စလင်တွေများတယ်။ အမီးရ်ခန်းတို့၊ ဆလ်မန်းခန်းတို့၊ ရှာရွတ်ခန်းတို့၊စေဖ်အလီခန်း(saif ali khan) တို့ အကုန်လုံးက မွတ်စလင်တွေနော်။ ဒါရိုက်တာကြီးတွေမှာဆိုလည်း မွတ်စလင်တွေပဲ။ ဒါပေမယ့် အိန္ဒိယသည် ဘယ်တုန်းကမှ – မမအလုပ်လုပ်ခဲ့တာ ၇ နှစ်မှာလည်း တစ်ခါမှ – ဟို သူသည် မွတ်စလင်မို့လို၊ သူသည် ဟိန္ဒူမို့လို့ သူသည် Chinese မို့လို့ တစ်ခါမှ မကြားခဲ့ဖူးဘူး။ ရှာရွတ်ခန်းသည် ၁၈ နှစ် – သူ့ရဲ့အလုပ်သက် အနှစ် ၂၀ မင်းသားဖြစ်လာတဲ့အချိန်မှာ ၁၈ နှစ်လုံးလုံး အကယ်ဒမီ – Film Fair Award ကို ယူခဲ့တယ်။ အဲဒါသည် သက်သေပြနေတာ။ အိန္ဒိယနိုင်ငံ ဘယ်လောက်ဒီမိုကရေစီဖြစ်လည်းဆိုတာကို သက်သေပြနေတာပဲပေါ့နော်။ မမ အိန္ဒိယကို မြှောက်ပြီးပင့်ပြီး ပြောဆိုနေတာ မဟုတ်ဘူး။ မမနိုင်ငံ မြန်မာနိုင်ငံကို တစ်နေ့တစ်ချိန်မှာ အဲလိုဖြစ်စေချင်လို့ ကမ္ဘာမှာ။ အခုဆိုရင် အိန္ဒိယမှာဆိုလို့ရှိရင်။ ဘယ်သူ့မှ ဒီ အိန္ဒိယသည် မတရားဘူးလို့ ပြောလို့မရဘူး။ အိန္ဒိယသည် အရမ်း Fair ဖြစ်တယ်။ လူတွေဆိုရင် – အမေရိကန်တွေ၊ ယူရိုပီယန်တွေတောင် အင်ဒီယန်တွေကို လေးစားတယ်။ ဘာဖြစ်လို့လည်းဆိုတော့။ ဘယ်လောက်ပဲ ဘယ်လိုပဲဖြစ်ဖြစ်။ သူတို့သည် အလုပ်သဘောဆိုရင် အလုပ်သဘောအရ ဆုံးဖြတ်တယ်။ သဘောက ရှာရွတ်ခန်းသည် ၁၈ နှစ်လုံးလုံး ယူလာတယ်။ တစ်ခြားဟိန္ဒူဘာသာကိုးကွယ်နေတဲ့သူတွေ အများကြီး၊ တော်တာတွေအများကြီးရှိတယ်။ Nomination (ဇကာတင်စာရင်း) ဆိုတာ သူရမလား၊ သူရမလား ဖြစ်နေတဲ့အခါမှာ အမြဲတမ်း ရှာရွတ်ခန်းက ဆွဲသွားတယ်။ အမြဲတမ်း ရှာရွတ်ခန်းပဲ။ ဘာဖြစ်လို့လဲသိလား။ သူရသင့်တယ်။ သူ့ကိုပေးတယ်။ သူသည်မွတ်စလင်ဖြစ်လို့၊ ဒါသည် ဟိန္ဒူဖြစ်လို့ သူ့ကိုပေးရမယ်ဆိုလို့ရှိရင် – အဲဒီလိုမျိုးလည်း သူတို့မှာ မရှိဘူး။
.
ပြီးတော့ ပြည်သူလူထုကအစ မင်းသားတစ်ယောက်ကိုကြည့်ရင် သူ မွတ်စလင်လား၊ ဟိန္ဒူလားဆိုတာကို မကြည့်ဘူး။ သူသည် ဘယ်လောက်တော်တဲ့ Actor လဲ။ သူ့အလုပ်ကို ဘယ်လောက်ပိုင်အောင်လုပ်နိုင်လဲ။ လူတွေကို ဘယ်လောက်အထိ ချစ်အောင်လုပ်နိုင်လဲ။ အိန္ဒိယမှာ ရှာရွတ်ခန်းတို့ ဆလ်မန်းခန်းတို့ကို မွတ်စလင်တွေထက်ကိုပိုပြီးတော့ ဟိန္ဒူတွေကချစ်တယ်။ အရမ်းချစ်တယ်။ ဆိုတော့ အဲဒီဟာလေးတွေက အရမ်းစကားပြောတယ်။ နိုင်ငံတစ်နိုင်ငံ တိုးတက်ဖို့၊ နိုင်ငံတစ်နိုင်ငံကြီး – ဟို – ဘယ်လိုခေါ်မလဲ – စည်းလုံးမှု – အရမ်းအရေးကြီးတယ်။ အဲဒီစည်းလုံးမှု ရှိလာတဲ့အခါကျလို့ရှိရင်။ အခုဆိုလို့ရှိရင် အမတို့ နိုင်ငံခြားသွားတယ်ဆိုလို့ရှိရင် – မမတို့ဆိုရင် စဉ်းစားကြည့်။ မောင်လေးကို မမ ရင်ဖွင့်ပြီးပြောပြတာ။ မြန်မာနိုင်ငံမှာ လာတယ်ဆိုရင်- ဟာ – သူတို့က မွတ်စလင်တွေ။ တစ်ချို့ဆိုပြောမယ် ဒါ ကုလား- ဘာညာပေါ့။ ဟုတ်ပြီ။ မမတို့ မြန်မာ စာအုပ်ကိုင်ထားတယ်။ မြန်မာ ပတ်စ်ပို့ – ဒီပတ်စ်ပို့နဲ့ နိုင်ငံခြားကိုသွားတယ်။ ထိုင်းကိုသွားတယ်။ စင်ကာပူကိုသွားတယ်။ ဘာပြောလဲ။ သူတို့မသိဘူး မမတို့ဘာ ဘာ ဘာသာလဲဆိုတာကို။ ဖမာ – ဗမာ – စာအုပ်ကိုထားလိုက်တယ်။ ဆိုတော့ ၀မ်းနည်းတာက ဘာလဲဆိုလို့ရှိရင် ကိုယ့်နိုင်ငံရောက်လာရင် ကိုယ့်နိုင်ငံကလူက ကိုယ့်ကိုယ်ပယ်လိုက်တယ်။ ဒါ အစ္စလာမ်မို့လို့။ ဒါ ခရစ်ယာန်မို့လို့။ ဒါ Chinese မို့လို့။ နိုင်ငံခြားသွားပြန်တော့လည်း ဗမာမို့လို့တဲ့။ ၀မ်းနည်းစရာကြီး။ ဆိုတော့။
.
စိတ်မကောင်းဖြစ်တာ ဘာလဲဆိုရင် – ဒါဆို အမတို့က Identity က ဘယ်လိုထားရမလဲ။ အမ မလေးရှားမှာ Sunway ကောလိပ်မှာ ကျောင်းတက်တယ်။ အားလုံးစာအုပ်တွေ တစ်နှစ်တစ်နှစ် အမတို့ တိုးရတယ်။ Student Visa ကို Extension (သက်တမ်းတိုး) လုပ်ရတယ်။ အားလုံးစာအုပ်ရောက်လာတယ်။ မမစာအုပ်က အမြဲနောက်ကျတယ်။ ဘာဖြစ်လို့လဲ။ မြန်မာ မို့လို့။ မြန်မာမို့လို့ သူတို့ သေချာ ပြန်စီစစ်နေတယ်။ လုပ်နေတယ်။ နစ်နာမှုက နေရာတိုင်းမှာ။ မမတို့အတွက် အရမ်း Unfair ဖြစ်တယ်။ အဲဒါကို စိတ်မကောင်းဘူး။ ဒါမျိုးတွေပျောက်သွားတဲ့အချိန်ကျရင် ကိုယ့်မြန်မာနိုင်ငံကြီးဟာ ဒီထက် အဆတစ်ရာ တိုးတက်လိမ့်မယ်လို့ ကိုယ်ထင်တယ်။ နောက်ပြီးတော့ တစ်ကယ်တမ်းဆိုလို့ရှိရင်လည်း တရားမျှတတဲ့သဘောမျိုးနဲ့ ကြည့်မယ်ဆိုရင်လည်း အဲဒီလိုမျိုးပဲ ဖြစ်သင့်တယ်။ မမဆိုလို့ရှိရင် မောင်လေးစဉ်းစားကြည့်။ မမကို ဘောလီးဝုဒ်မှာ။ မောင်လေးတို့က ဘောလီးဝုဒ်မင်းသမီး။ အိန္ဒိယက မင်းသမီးဆိုပြီး သိထားပေမယ့်။ အိန္ဒိယရောက်သွားလို့ရှိရင် – She is Burmese citizen. She is Burmese. She is from Myanmar. ဒါပဲပြောရတာလေ။ ဆိုတော့ တစ်ကယ်တမ်းဂုဏ်တက်ရင် ဘယ်သူတက်တာလဲ။ မမနိုင်ငံ ဂုဏ်တက်တယ်။ မြန်မာနိုင်ငံ ဂုဏ်တက်တယ်။ မမ မြန်မာနိုင်ငံကဆိုတာ – အဲဒီစကားလုံးပဲ စပြောတာပဲ။ She is Myanmar citizen. ဆိုတော့ အဲလိုမျိုး ဥစ္စာ။ ကိုယ့် မြန်မာနိုင်ငံကို ဘယ်လိုမျိုးမဆို အသိအမှတ်ပြုခြင်းခံရတာကို ကိုယ်က ၀မ်းသာပေမယ့် – ဒီကိုလာလိုက်တဲ့အခါကြလို့ရှိရင်။ အော် – သူက အစ္စလာမ်ဘာသာ၊ သူက ငါတို့မြန်မာမဟုတ်ဘူး။ No
.
ကျွန်မ ဒီမှတ်ပုံတင်ကိုင်ထားတာ၊ ကျွန်မအမေအဖေဒီမှတ်ပုံတင်ကိုင်ထားတာ ကျွန်မအဖိုးအဖွားက အစ မြန်မာနိုင်ငံမှာမွေးပြီး မြန်မာ မှတ်ပုံတင် ကိုင်ထားတာ ကျွန်မအမေ မော်လမြိုင်သူစစ်စစ်။ ဒီမြန်မာ အစား အစာ စားပြီးတော့ ဒီမြန်မာ ဆရာ၊ ဆရာမတွေရဲ့ သွန်သင်ဆုံးမမှုအောက်မှာ ကြီးလာတာ မြန်မာသီချင်းလေးတွေဆိုဆိုပြီး သိပ်လာတာ ဆိုတော့ အဲ့လိုမြန်မာမဟုတ်ဘူး သူကမွတ်စလင်ဆိုလို့ရှိရင် အမ အရမ်းစိတ်ဆိုးတယ်။ That is nationality . Nationality က ငါ့ရဲ့ nationality ပဲ။ ဘယ်သူမှလာပြီး မဟုတ်ဘူးလို့ ပြောလို့မရဘူး။ ဒါအမှန်တရားပဲ။ That is the truth ဘယ်သူမှပြောင်းလို့မရဘူး။ မမဆို ဘယ်လောက်ထိ ကိုယ့်နိုင်ငံကို ချစ်လဲဆိုရင် အိန္ဒိယမှာ အခါပေါင်းမြောက်များစွာ passport change လုပ်ဖို့ အခွင့်အရေးရခဲ့တယ်။ ဒါပေမယ့် visa တွေ ဘာတွေ လျှောက်တဲ့ အချိန် ကိုယ့် passport က အမြဲဒုက္ခရောက်တယ်ဆိုတော့ စိတ်တော့ဆိုးတာပေါ့။ ဟာ… လဲမယ် ဘာညာ။ တကယ်တမ်းအခွင့်အရေး ရလာလို့ရှိရင် I don’t want. တကယ်တမ်း လဲရတော့မယ်အချိန်ကျလို့ရှိရင်။ ဟာ…မပေးဘူး။ ငါ့ citizen လေ။ ချစ်တယ် ဟာ…ကမ္ဘာမှာ အကောင်းဆုံး citizen မို့လို့ American citizen မို့လို့ မပေးချင်ဘူးဆိုတစ်မျိုး။ မြန်မာ citizen ဆို အားလုံး လဲချင်ကြတယ်။ ဗုဒ္ဓဘာသာ မြန်မာလူမျိုးတွေဆိုတာကအစ လဲကြတာပဲ။ အမကိုကြည့်စမ်း။ နိုင်ငံကိုချစ်တယ် ဘာဖြစ်လို့လဲဆိုတော့ ဘယ်အချိန်သိရလဲ အဲလိုမျိုးဖြစ်လာတဲ့အခါကြတော့ မလဲချင်ဘူး။ တကယ်တမ်းကျတော့ ဟာ မပေးချင်ဘူး။ I don’t want to give up. ဒီစာအုပ်လေးကိုမပေးချင်ဘူး။ ဘာရယ်လို့မဟုတ်ဘူး။ ကိုယ်ရဲ့ feeling ကိုယ့်ရဲ့ attachment ကိုယ့်ရဲ့ အချစ်ပေါ့နော်။
.
နောက်ဆုံးပြောမယ် နိုင်ငံခြားမှာ function တစ်ခုမှာပေါ့နော်။ international function တစ်ခုလုပ်တယ်။ International function လုပ်တဲ့အခါမှာ ဟာ…သဘောတွေကျ ဘာညာ နိုင်ငံတိုင်းက national anthem တွေ နိုင်ငံတော်သီချင်းတွေဆိုကြ
ဘာလုပ်ကြ နားထောင်နေတယ်။ ကိုယ့်မြန်မာနိုင်ငံ National anthem လည်း ကြားရတော့ မောင်လေးရယ် ဘုရားစူးပါစေသိလား။ ကြက်သီးတွေထပြီး မျက်ရည်တွေကျလာတယ်။ နိုင်ငံခြားမှာ အမထိုင်နေတဲ့အချိန်မှာ မင်းသမီးအဖြစ် as a chief guess အနေနဲ့၊ အမ အိန္ဒိယ ဘောလိဝုဒ်မင်းသမီး အနေနဲ့ chief guess အနေနဲ့ အဲ့ဒီ international show သွားတယ်။ သဘောတွေကျ ပျော်နေတယ်။
.
ရယ်နေတယ်နော် အားလုံးနိုင်ငံအကြောင်းတွေ ပြတယ်။ ကိုယ့်မြန်မာနိုင်ငံ အချိန်လည်းလာရော national anthem နိုင်ငံတော် သီချင်းလည်း ဖွင့်လိုက်ရော မျက်ရည်က အလိုလိုနေရင်းနဲ့ ကျလာပြီး ငယ်ငယ်တုန်းက ကျောင်းသားဘ၀လေးကို သတိရလာတယ်။ ကျလာပြီး။ ကြက်သီးတွေထ လာတယ်။
.
သြော် ငါ့မြန်မာနိုင်ငံကို ငါအခုအချိန်ထိ ဘယ်လောက်ထိချစ်လဲ။ ကြည့်စမ်း။ အဲ့အချိန်တုန်းက `တိုက်ဆိုင်မှုရှိလျှင်´ လည်း မရိုက်ရသေးဘူးပေါ့နော်။ အဲ့အချိန်တုန်းက အမ မင်းသမီးဖြစ်တာ အမ နာမည်ကြီးတာ အိန္ဒိယနိုင်ငံကြောင့် အိန္ဒိယပရိသတ်ကြောင့်။ ဒါတောင်မှပဲ ကိုယ့်နိုင်ငံသီချင်းလေး ကြားရတော့ ဒိန်း ..ဆို ကြက်သီးတွေထပြီးတော့ မျက်ရည်ဝဲပြီး မျက်ရည်တွေကျလာတယ်။ သူငယ်ချင်းတွေကတောင် မေးတယ်။ ဟယ် အဲ့ဒါဘာဖြစ်လို့တုန်း ဟယ်။ အဲ့ဒါ ငါတို့နိုင်ငံတော်သီချင်း ဆိုပြီး အဲ့လိုမျိုးပေါ့ ပီတိဖြာခဲ့တယ်။ ပြီးတော့ ကိုယ့်ဟာကိုယ် စိတ်မကောင်းပြန်ဖြစ်တယ်။ ငါတို့မှာတော့ ချစ်လိုက်ရတာပေါ့နော်။ ဒါပေမယ့် တန်းတူဆက်ဆံချင်းကို ဘာလို့မခံရတာလဲ။ ဘာကြောင့်လဲ? ဘယ်နေရာမှားနေလဲ? ဆိုတော့ စိတ်မကောင်းဖြစ်မိတယ်။
.
ဒါပေမယ့်လို့လည်း `တိုက်ဆိုင်မှုရှိလျှင်´ မရိုက်ခင်အထိ အမ အရမ်း doubt ရှိတယ်။ မရဲဘူး ။ မရဲဘူးဆိုတာ ကိုယ့် acting ကိုလည်း ဟိုဟာဖြစ်လို့ မဟုတ်ဘူး။ နည်းနည်းလေး doubt ရှိတာက သြော် – ရုံတင်တဲ့အခါကျရင် ဘယ်လိုနေမလဲ လူတွေက ခွဲခြားပြီး ဆက်ဆံမလား။ ကိုယ်ကတော့ ကိုယ့်မြန်မာနိုင်ငံကို အများကြီး ဂုဏ်တက်အောင်လို့ လုပ်ခဲ့တယ်။ နိုင်ငံခြားမှာ။ ကိုယ့်ကိုရော ဒီလိုတုန့်ပြန်မှုတွေ ပြန်ရပါ့မလားဆိုပြီးတော့ စိတ်မကောင်းဖြစ်တယ်။ Doubt တွေရှိခဲ့တယ်။ ဒါပေမယ့် တစ်ကယ်တမ်း `တိုက်ဆိုင်မှုရှိလျှင်´ ရုံတင်လိုက်တဲ့အခါမှာ အရမ်း အဲဒီ Doubt တွေ ပြေသွားတယ်။ ဦးမျိုးကိုလည်း ကျေးဇူးတင်ပါတယ်။ လုံးဝမေ့လို့မရဘူး။ အရမ်းပီတိအဖြစ်ဆုံးက လွန်ခဲ့တဲ့ တစ်လလောက်ကပဲ အစ်မရဲ့ We Love Lilla Khan ဆိုတဲ့ ပေ့ခ်ျမှာ အီးမေးလ်တစ်ခု ရောက်လာတယ်။ ရောက်လာတော့- အီမေးလ်တွေကို တစ်ခါတစ်လေဆိုလည်း တစ်ပတ်တစ်ခါတော့ ပုံမှန်စစ်ပေးတယ်လေ။ ကိုယ့်ရဲ့ပရိတ်သတ်တွေနဲ့ ကိုယ်က ကိုယ်တိုင်စကားပြောပေးတယ်။ စစ်လိုက်တဲ့အခါမှာ – အဲဒီအီးမေးလ်ကိုဖွင့်လိုက်တော့ မွေးကာစ ကလေးလေးရဲ့ ဓာတ်ပုံလေးတွေပေါ့နော်။ ဘယ်သူများ ငါ့ကို မွေးကာစ ကလေးလေးရဲ့ဓာတ်ပုံတွေ ပို့တာလဲဆိုတော့ – ဓာတ်ပုံတွေကလည်း ဖွင့်တာ နှေးတယ်မောင်လေးရဲ့။ အဲတော့ ဖွင့်ရင်းဖွင့်ရင်းမှ နောက်ဆုံးပုံလေးမှာ အမေရယ် – အဲဒီကလေးလေးရဲ့အမေက သူ့ရဲ့သမီးလေးကို ချီထားတာပေါ့နော်။ အဲပုံလေးဆိုတော့။ နောက်ဆုံးမှာ သူက စာရေးထားတယ်။ `မလိုက်လာခန်း´ တဲ့ `မလိုင်လာခန်းအကို အရမ်းချစ်တယ်။ အရမ်းလေးစားတယ်´ တဲ့ `အရမ်းလည်း သဘောကျတယ်´ ပေါ့။ `တိုက်ဆိုင်မှုရှိလျှင်´ ကိုလည်း ဘယ်နှစ်ခါကြည့်တာ။ သူ ကိုယ်ဝန်ကြီးနဲ့တုန်းက `တိုက်ဆိုင်မှုရှိလျှင်´ ကို သူ ကြည့်ခဲ့တဲ့ပေါ့နော်။ နေ့စေ့လစေ့ကြီးနဲ့ပေါ့နော်။ အခု သမီးလေးမွေးပြီးတဲ့။ အဲဒီသမီးလေးကို `လိုက်လာ´ လို့ နာမည်ပေးလိုက်တယ်တဲ့။ ဆိုတော့ အဲဒီအရာလေးက အရမ်း – ဘယ်လိုခေါ်မလဲ – ဘာနဲ့မှလဲလို့မရဘူး၊ သိလား။ အဲဒီဖီလင်ကို မောင်လေးက ပိုက်ဆံနဲ့လည်း ၀ယ်လို့မရဘူး။ ဘာနဲ့မှဝယ်လို့မရဘူး။ အဲဒီဖီလင်က အကောင်းဆုံးပဲ။ ကြည့်ပြီးတော့ ရင်ထဲမှာလေ ကိုယ်နဲ့ တစ်ခါမှလည်း မတွေ့ဖူး၊ မမြင်ဖူး၊ စကားမပြောဖူးဘူး၊ ကိုယ်လည်း သူတို့အကျိုးရှိအောင် ဘာမှ မလုပ်ပေးခဲ့ဖူးဘူး။ ဒါတောင်မှပဲ ကိုယ့်ကိုယ် အဲဒီလောက်အထိချစ်တယ်။ မွေးထားတဲ့ သမီးဦးလေးရဲ့ နာမည်ကိုလည်း လိုက်လာလို့ပေးလိုက်တယ်ဆိုတော့ အရမ်းဝမ်းတွေသာပြီးတော့လေ။ အမလေး – အမလည်း ချက်ခြင်းကို ပြန်လိုက်တယ်။ ပြန်ပြီးတော့ Blessing တွေ အများကြီး ပေးလိုက်တယ်။ ပေးပြီးတော့ သမီးလေးကို မြင်ဖူးချင်တယ်လို့။ အိမ်လာလည်လို့ ရပါတယ်ဆိုပြီးတော့။ ဘာညာဆိုပြီးတော့တောင်မှ ဖိတ်လိုက်သေးတယ်။
.
အဲလောက်အထိ ပရိတ်သတ်ရဲ့အချစ်ကို ရတယ်ဆိုတော့လေ – ကိုယ်က အရမ်းဝမ်းသာတယ်ပေါ့နော်။ အဲဒီပီတိက ဘာနဲ့မှ လဲလို့မရဘူး။ ဆိုတော့ ဖြစ်ချင်တော့ အဲဒီအမျိုးသမီးဆိုလည်း ဗုဒ္ဓဘာသာပဲ။ ဆိုတော့ ပိုပြီးတော့ဝမ်းသာတယ်။ `လိုက်လာလို့ နာမည်ပေးလိုက်ပါတယ် အမ´ တဲ့ – ပေါ့နော်။ သမီးလေးကို ဆုတောင်းပေးပါတဲ့။ ဆိုတော့ အမလည်း အီးမေးလ်ပြန်လိုက်ရော သူ့အမျိုးသားရော၊ သူရော ကလေးလေးနဲ့ပုံပါ အကုန်လုံးပို့တယ်။ ပိုပြီးတော့ – `အမခေါ်တာ အရမ်းဝမ်းသာတယ်။ ဆက်ဆက်လာခဲ့ပါ့မယ်´ ပေါ့နော်။ ဆိုတော့ I’m really glad လေ။ (အရမ်းပျော်တာပေါ့လေ) ရင်ထဲကနေ ကို ကျေနပ်တာ။ ပြောရင်းနဲ့တောင် ကြက်သီးထတယ်။
.
အပြည့်စုံ ကြည့်လိုလျှင်
———————–
အပိုင်း- A https://www.youtube.com/watch?v=Z8OGlKC9DHQ

အပိုင်း-B. https://www.youtube.com/watch?v=EV8Jip_8cDQ

အပိုင်း-C. https://www.youtube.com/watch?v=0dCSkxF0Rj4

ဇူလိုင် ၂၈ ၊ ၂၀၁၅
M-Media

တရုတ်နှင့် အိန္ဒိယတို့ဆုံတွေ့ရာ ဗမာပြည် (သို့) အာရှ၏အချက်အချာ
(WHERE CHINA MEETS INDIA; BURMA AND THE NEW CROSSROADS OF ASIA)
ခေတ်သစ်မြန်မာပြည်ဟာ အာရှမှာမည်သို့အရေးပါသည့်အခန်းကဏ္ဍကပါဝင်လာနိုင်သည်ကိုသိလိုသူတိုင်း မဖြစ်မနေဖတ်ရှုသင့်သည့်စာအုပ်အဖြစ် ဆရာသန့်မြင့်ဦးရေးသည့် Where China Meets India မြန်မာဘာသာပြန်ကို ကို M-Media စာဖတ်ပရိတ်သတ်များအတွက် မိတ်ဆက်ပေးလိုက်ပါတယ်။ မူရင်းအင်္ဂလိပ်ဘာသာနဲ့ရေးသားထားပြီး မြန်မာဘာသာဖြင့် ဖတ်ရှုလိုသူများအတွက် WHERE CHINA MEETS INDIA ကို “မြန်မာသည် အာရှ၏ ဂိမ်းချိန်ချာလော” အမည်ဖြင့် ဆရာနိုင်ဦး ကဘာသာပြန်ထားပါသည်။

(ဆရာနိုင်ဦး၏အမှာမှ)
ပြင်ပကမ္ဘာကြီးအကြောင်း နကန်းတစ်လုံးမျှမကြားဘူး၊ မမြင်ဘူးပါပဲနှင့် ကျနော်တို့ ဗမာတွေ ခြေပစ်လက်ပစ် အိပ်မောကျခဲ့သည်မှာ နှစ်ကြိမ်နှစ်ခါ တိုင်လေပြီ။ သက်ဦးဆံပိုင် အာဏာရှင်တွေ၊ ပဒေသရာဇ်ဘုရင်တွေ လက်အောက်မှာ တစ်ကြိမ်နှင့် ဆိုးယုတ်သော စစ်အာဏာရှင်များလက်အောက်တွင် တစ်ကြိမ် ပေါင်းနှစ်ကြိမ်။

ခေတ်ကမ္ဘာကြီးနှင့် ပတ်သတ်၍ ဗမာတွေ အကြားအမြင်၊ ဗဟုသုတမရှိ။ မြန်မာပြည်အပြင်ဘက် ရောက်ဖူးပေါက်ဖူး၍ ကြားသိနားလည်ခဲ့ကြသော ဆရာကောင်းတို့က ခေတ်နှင့်လျော်ညီသော အုပ်ချုပ်ရေး၊ စီးပွားရေး ပြုပြင်ပြောင်းလဲမှုတွေ လုပ်ဖို့ အကြံပေးသည့်တိုင် ဘုန်းကြီးစာလောက်သာ တတ်သည့် ဘုရင့်အသိုင်းအဝိုင်းက ပြက်ရယ်ပြုခဲ့သည်။ ပြည်သူလူထုဆိုသည်ကလည်း နီးရာဓား ကြောက်ရသည်။ “ခြေနှစ်ချောင်းလည်း မကယ်နှင့် မင်းလှေမျောလည်း မဆယ်နှင့် ” ဆိုသလို တိုင်းရေးပြည်ရေးနှင့် ဖာသာလဝါနေတတ်ကြသည်။ “အလှူပေးသူဌေးဖြစ်၊ နတ်ပြည်ရောက် ” ဆိုသလိုသော အယူစွဲ ဥခွံလေးကိုပင် ကမ္ဘာလုပ်နေလာခဲ့ကြရာ ဗြုန်းဆို တစ်ပြည်လုံး အင်္ဂလိပ်လက်အောက်ရောက်သွားခါမှ အိပ်ရာက လန့်နိုးခဲ့ကြသည်။ ဗြိတိသျှ ကိုလိုနီခေတ် မရောက်မီအထိ ကိုယ့်တစ်အိမ်ထောင် ဝမ်းစာဖူလုံဖို့လောက်သာ စိုက်ပျိုးစားသောက်တတ်သည်ဖြစ်၍ ဗမာတွေမှာ အုပ်ချုပ်ရေးပညာမရှိ၊ စက်မှုအတတ်ပညာမရှိ၊ ကုန်ကုန်ပြောရလျှင် တရုတ်၊ ကုလားတွေလိုပင် ဈေးပင် မရောင်းတတ်။ နိုင်ငံတကာနှင့် ယှဉ်သော ကူးသန်းရောင်းဝယ်ရေးကို နားမလည်။ ပိုဆိုးသည်က ကုန်သည်ပွဲစားအလုပ်အကိုင်ကိုပင် အထင်သေးအမြင်သေး ရှိတတ်ကြသည်။ ဒီတော့ သဘာဝကျစွာပင် ဗြိတိသျှအုပ်ချုပ်ရေးအောက်မှာ ဗမာတွေကျွန်ဖြစ်ခဲ့ကြသည်။

အင်္ဂလိပ်တွေက လိုချင်တာ ယူသွားကြသည်။ ယူလို့မရတော့သည့်အဆုံးမှ ဟောင်းလောင်းပက်လက်ဖြစ်ကျန်ခဲ့သော ဗမာပြည်ကို ဗမာတွေလက်ထဲထည့်ပေးခဲ့သည်။ ဗမာပြည်ကို ဗမာတွေလက်ထဲပြန်ရောက်ပေမယ့် အသိပညာနုံနည်းသော ဗမာတွေနှင့် လွတ်လပ်ရေး မထိုက်တန်။ လုကြယက်ကြနှင့် အတ္တတွေ ပွတ်တိုက်မိရာက တစ်ပြည်လုံး ပြည်တွင်းစစ်မီးကြီး တောက်လောင်ခဲ့ရာက စစ်အာဏာရူးလူတစ်စုလက်ထဲ ပြန်ရောက်သွားပြီး အမှောင်ထဲမှာ ဗမာတွေ နောက်တစ်ကြိမ် နှစ် (၅၀) ကျော် အိမ်မောကျခဲ့ပြန်ပါသည်။

စာရေးသူ ဆရာသန့်မြင့်ဦး

ယခုအိပ်ရာက နိုးလေပြီ။ သို့ပေမယ့် ပထမတစ်ကြိမ်တုန်းကလို ပြင်ပကမ္ဘာကြီးနှင့် ဘွားကနဲ့ တွေ့လိုက်ရချိန်မှာ ဗမာတွေမှာ ခြေဗလာ၊ လက်ဗလာနှင့် ရင်ဆိုင်ဖို့အသင့်မရှိ။ ကမ္ဘာနှင့်ယှဉ်ဖို့ အသိပညာ၊ အတတ်ပညာတွေမွဲပြာနေဆဲ။ ပထမအကြိမ် ပြင်ပကမ္ဘာကြီးနှင့် ဗမာတွေ ပက်ပင်းတိုးခဲ့ချိန်နှင့် ယခုတစ်ကြိမ်သည်လုံးဝမတူတော့။ ယခုတစ်ကြိမ် စိန်ခေါ်မှုတွေက ယခင်ကထက် အဆပေါင်းများစွာ ပြင်းထန်သည်။ နည်းပညာဆိုတာတွေကို အသာထား။ ပထဝီဝင်အခင်းအကျင်းတို့သည်ပင် များစွာပြောင်းလဲသွားလေပြီ။ ယခင်က မြန်မာနှင့် အိမ်နီးချင်းနိုင်ငံတွေကြား လူတိုးမပေါက်နိုင်သော မြိုင်သေလာအထပ်ထပ်နှင့် လျှိုကြီး ချောက်ကြီး တောင်တန်းကြီးတွေ ကမ္ဘာခြားသလို ခြားနေခဲ့ပါသော်လည်း ယခုမူ လူဦးရေပေါက်ကွဲလာသည်နှင့်အမျှ နိုင်ငံတို့၏ နယ်နမိတ်စည်းရိုးတွေ ထိကပ်လာသည်။ အချို့နေရာတွေဆိုလျှင် မထင်ရှားတော့၊ ဝါးသွားလေပြီ။ ဤသို့ ဤနှယ် ဖြစ်ပေါ်ပြောင်းလဲမှုတို့ပင် နောက်ဆက်တွဲရလာဒ်အဖို့မှာလည်း နှစ်စွန်းနှစ်ဆွယ်ရှိသည်ဟု ဆိုသည်။ ဖြစ်ပေါ်လာသော အနေအထားအသစ်တို့ကို မြန်မာတို့အနေနှင့် နိုင်ငံရေးအရ တစ်စည်းတစ်လုံးတည်းနှင့် ကိုင်တွယ်နိုင်ပါမူ တစ်တိုင်းတစ်ပြည်လုံးအတွက် ရတနာပုံကိန်းဆိုက်နိုင်ပါသော်လည်း ယခင်လို အတ္တမာန်မာနတွေနှင့် အာဏာရူး၊ ဥစ္စာရူး ရူးနေကြဦးမည်ဆိုလျှင်ကား အင်္ဂလိပ်ကျွန်ဇာတ်သွင်းခံရသည်ထက် ကိုယ်ကျိုးနည်းဖွယ်ရှိကြောင်း ဆရာသန့်မြင့်ဦး၏ ယခုစာအုပ်တွင် ရှာဖွေတွေ့နိုင်ပါသည်။ (ဆရာနိုင်ဦး အမှမှ)

“မြန်မာသည် အာရှ၏ ဂိမ်းချိန်ချာလော” – စာအုပ်မှ ကောက်နှုတ်ချက်

တရုတ်နိုင်ငံ၏ စက်မှုထုတ်ကုန်လုပ်ငန်းများ ကြီးထွားလာသည်နှင့်အမျှ တစ်နေ့ထက်တစ်နေ့ လောင်စာစွမ်းအင်များ ပို၍ လိုအပ်လာနေသည်။ သို့ဖြစ်သည်နှင့်အညီ တရုတ်ပြည်၏ လောင်စာလိုအပ်မှုကို လက်တလောဖြည့်ပေးနေသည်မှာ အာဖရိကနှင့် အရှေ့အလယ်ပိုင်း ရေနံတွင်းများမှဖြစ်ပြီး ၎င်းနေရာမှ ရေနံတို့ကို သင်္ဘောများဖြင့် ဝယ်ယူရာတွင် မလက္ကာ ရေလက်ကြားကို ဖြတ်၍ စင်္ကာပူမှတဆင့် တရုတ်ပြည်သို့ရောက်ရှိလာခြင်းဖြစ်ရာ ဤတွင် တရုတ်မဟာဗျူဟာ လေ့လာရေးသမားများ ရတတ်ပွေစရာအခြေအနေတစ်ခုမှာ “မလက္ကာ ရေလက်ကြား” ဖြစ်လေသည်။ မလက္ကာရေလက်ကြားသည် အမေရိကန်တို့ ထိန်းချုပ်မှုအောက်တွင်ရှိနေသဖြင့် အကယ်၍ တစ်နေ့နေ့တစ်ချိန်ချိန် အမေရိကန် (သို့) အိန္ဒိယနှင့် မိမိတို့ ကတောက်ကဆဖြစ်ခဲ့သော် ရန်သူစစ်သင်္ဘောတို့က မလက္ကာရေလက်ကြားကို အသာလေးပိတ်လိုက်၍ ရေနံတင်ပို့မှုကို ဖြတ်တောက်လိုက်ရုံနှင့် မိမိတို့ စင်းစင်းကြီးသေသွားနိုင်သည်ကို တရုတ်ခေါင်းဆောင်တွေကောင်းကောင်းသိသည်။ တရုတ်ပြည်အတွက် မလက္ကာရေလက်ကြားသည် အရေးပါနေသလို ခြေပစ်လက်ပစ်လည်း မှီခို၍မရ။ ဤသဘောကို တရုတ်သမ္မတ ဟူကျင်တောင်က မလက္ကာ ဒိုင်လမာ (The Mellacca Dilemma) ဟု ဝိဂြိုဟ်ပြုခဲ့ရာ ယခုမူ ဗမာပြည်ကို ထုတ်ချင်းခတ်လျက် ရခိုင်ကမ်းလွန်သဘာဝဓာတ်ငွေ့နှင့် ရေနံတို့ကို တရုတ်ပြည်အနောက်ဘက်ခြမ်း ဖွံ့ဖြိုးမှု နောက်ကျကျန်နေသော ဒေသများအထိ ကဲ့ယူနိုင်ပြီဖြစ်၍ မလက္ကာ အကျပ်အတည်းကို ဖြေရှင်းပြီးဖြစ်သလို တရုတ်ပြည် အနောက်ခြမ်း ဖွံ့ဖြိုးရေးအတွက်လည်း တံခါးပွင့်သွားပြီဖြစ်ပါ၏။ (စာ ၁၆ဝ – ၁၆၁ မှ)

တရုတ်နှင့် ပတ်သတ်၍ မြန်မာတို့အမြင်တွင် ဒရောသောပါးနှင့် စိမ့်ဝင်လာမည့် ဧရာမလှိုင်းလုံးကြီးတစ်ခုလို ဖြစ်လာခဲ့ကြရာ ထိုအမြင်မှခွာကြည့်လိုက်လျှင်မူ တရုတ်သည် မြန်မာစစ်အာဏာပိုင်တို့နှင့် ဆွေမျိုးပေါက်ဖော်လုပ်နေသလို တစ်ဘက်တွင်လည်း မြောက်ကိုရီးယားနှင့် ဆူဒန်တို့လို လူဆိုးလူမိုက်လူရမ်းကား အစိုးရမျိုးနှင့်လည်း ပရောပရီလုပ်၍ အိန္ဒိယနှင့် ယှဉ်ပြိုင်ရမည့် ဂရိတ်ဂိမ်းကြီးအတွက် အကွက်ချလျက်ရှိရာ တရုတ်မြန်မာဆက်ဆံရေးကို အမှန်တကယ် တွန်းအားပေးနေသော အင်အားတို့သည်ကား ဘယ်အရာတွေဖြစ်နိုင်ပါသနည်း။ တရုတ်နှင့်ပတ်သတ်၍ ဒေသတွင်း အကဲဖြတ်ချက်များက အဘယ်နည်း။ တရုတ်ပြည်အနားသတ်နယ်နိမိတ်သမိုင်းနှင့် ယူနန်ဒေသ အနေအထားကို လုံးလုံးလျားလျား ဘေးဖယ်ထားလို့ရပါသလား

ဘေဂျင်းမှ ယူနန်ဒေသမြို့တော် ကူမင်းသို့ လေကြောင်းနှင့်သွားလျှင် တရုတ်ပြည် ကုန်းတွင်းပိုင်းနှင့် ကွေ့ကောက်ရစ်ခွေနေသော တောင်စဉ်အထပ်ထပ်ကို ကျော်၍ (၃) နာရီမျှ သွားရသော ခရီးဖြစ်ပါသည်။ ယူနန်သည် မြန်မာနှင့် ကပ်လျက် တည်နေရုံမက ဧရိယာနှင့် လူဦးရေပါ မတိမ်းမယိမ်းရှိသော ပြည်နယ်တစ်ခုဖြစ်သလို ဘင်္ဂလားပင်လယ်အောင်သို့ မောင်းနှင်မည့် တရုတ်၏ အင်ဂျင်တစ်လုံးလည်းဖြစ်ပါ၏။ ( စာ – ၁၆၅ မှ )

အိန္ဒိယနှင့် ကျွန်ုပ်တို့သည် မည်သည့်အခါကမျှ သူစိမ်းသူပြင် ဆန်ခဲ့ကြသူတွေမဟုတ်၊ ရှေးအတိတ်တုန်းကပင် အဆက်အဆံရှိခဲ့ရာ ကျွန်ုပ်၏ မိဘများ မွေးဖွားသော (၁၉၃ဝ) ကျော်နှစ်များတွင် မြန်မာသည် အိန္ဒိယအင်ပါယာ၏ အစိတ်အပိုင်းတစ်ခုအဖြစ်တည်ရှိနေပြီး၊ ကျွန်ုပ်၏ အဖိုးဖြစ်သူကား (၁၉) ရာစုနှောင်းပိုင်းတွင် ကာလကတ္တား တက္ကသိုလ်၌ ပညာသင်ကြားခဲ့ရာ အဖိုး၏ စာကြည့်ခန်းထဲတွင် ချိတ်ထားသော မဟတ္တမဂန္ဒီနှင့် ပဏ္ဍိတ်နေရူးတို့၏ ရုပ်ပုံတို့ကို ကျွန်ုပ်ငယ်ငယ်က ကြည့်ခဲ့ဖူးသည်ကို ယခုအထိမှတ်မိနေသေးသည်။

ထိုနည်းတူ ဗြိတိသျှအင်ပါယာအတွင်းမှ မြန်မာပြည်၏သမိုင်းပုံပြင်တို့ကိုလည်း ငယ်စဉ်ကပင် စိတ်ဝင်တစားဖတ်ရှုခဲ့ရာမှ ကင်းဘရစ်တက္ကသိုလ်ရောက်သည့်အခါ ဗြိတိသျှသမိုင်းဆရာတို့၏ သင်ကြားပြသမှုအောက်တွင် သမိုင်းဘာသာရပ်ဖြင့် ဘွဲ့ရသည်အထိ ရာဇဝင် အမျှင်တန်းခဲ့ပါ၏။

မိဘများမွေးရပ်မြေသို့ တစ်ခေါက်တစ်ကြိမ် ပြန်ရောက်သည့်အခါများတွင်လည်း ကျွန်ုပ်မိသားစုဝင်များအပါအဝင် ထိုစဉ်က မျိုးဆက်ဟောင်းများထံတကူးတကသွားရောက်တွေ့ဆုံခဲ့ရာတွင် အများစုမှာ ထိုခေတ်ထိုအခါက ပညာတတ်တွေပီပီ အပြောအဆိုအလေ့အထတို့မှာ အင်္ဂလိပ်ဘာသာစကားနှင့် အသားကျနေကြရာ ကိုလိုနီအမွေအနှစ်ကား (၁၉၈ဝ) လွန်ကာလများအထိ ရှိနေဆဲဖြစ်ပါ၏။ (စာ – ၂၇၇ မှ)

မြန်မာမှသည် ဘာလီကျွန်းအထိ ဒေသတစ်လျှောက်ကို အနောက်တိုင်းပညာရှင်တို့က Father India ဟု အမှတ်ရှိခဲ့သလို အရှေ့တောင်အာရှ၏ အိန္ဒယဇာတ်အသွင်းခံရသောနိုင်ငံများဟူ၍လည်း ရည်ညွှန်းတတ်ကြရာ အဓိကအကြောင်းတရားမှာ အိန္ဒိယ၏ စာပေ၊ ယဉ်ကျေးမှု၊ ဗေဒင်လက္ခဏာ၊ ဆေးကျမ်း ၊ နက္ခတ္တဗေဒနှင့် ပဒေသရာဇ် အုပ်ချုပ်ရေးအယူအဆအတွေးအခေါ်တို့က ဆိုခဲ့ပါဒေသတစ်ခုလုံးကို ရာစုနှစ်ပေါင်းများစွာ လွှမ်းမိုးခဲ့သည်ဆိုသော အဓိပ္ပာယ်ဖြစ်သည်။ ယနေ့တိုင်လည်း ရှေးဟောင်းအိန္ဒိယ၏ အထွေထွေယဉ်ကျေးမှု အမွေအနှစ်တို့ကို နယ်ပယ်တိုင်းတွင် တွေ့မြင်နိုင်ရာ မြန်မာ၊ ထိုင်း ၊ လာအို ၊ ကမ္ဘောဒီးယားနိုင်ငံတို့တွင်မူ ဗုဒ္ဓဘာသာသည် လူအများစုကိုးကွယ်ရာဖြစ်၍ အင်ဒိုးနီးရှား၊ ဘာလီကျွန်းနေ လူဦးရေ၏ (၉၀) ရာခိုင်နှုန်းသည် ဟိန္ဒီများဖြစ်ပြီး အစ္စလာမ်ဘာသာသည်ပင် အိန္ဒိယမှတစ်ဆင့်ရောက်လာခြင်းဖြစ်သည်။ (စာ -၂၈၈ မှ)

ဇူလိုင် ၂၈၊ ၂၀၁၅
M-Media

– အိန္ဒိယနိုင်ငံ၏ သမ္မတဟောင်းဖြစ်ပြီး ထင်ရှားသည့် သိပ္ပံပညာရှင်လည်းဖြစ်သူ ဒေါက်တာ အေပီဂျေ အဘ်ဒူလ် ကလာမ်မှာ ဆိုးရွားသော ကျန်းမာရေးအခြေအနေကြောင့် မဂ်ဟာလာယာပြည်နယ် ရှီလောင်းမြို့ရှိ ဆေးရုံတွင် ဆေးကုသမှုခံယူနေစဉ် ယမန်နေ့က ကွယ်လွန်သွားခဲ့သည်ဟု သိရသည်။

အသက် ၈၄ နှစ်အရွယ်ရှိ ဒေါက်တာ ကလာမ်မှာ ရှိလောင်းမြို့ရှိ အိန္ဒိယစီမံခန့်ခွဲရေးဌာန IIM တွင် ဘွဲ့လွန်ကျောင်းသားများအား ယမန်နေ့က သင်ကြားမှုပြုလုပ်နေစဉ် ည ၇ နာရီခန့်က ရုတ်တရက် လဲကျသွားခဲ့ပြီးနောက် ဆေးရုံသို့ တင်ပို့ခဲ့ရခြင်း ဖြစ်သည်။

အစ္စလာမ်ဘာသာဝင်တစ်ဦးဖြစ်သူ အဘ်ဒူလ်ကလာမ်မှာ အိန္ဒိယနိုင်ငံ၏ ၁၁ ယောက်မြောက် သမ္မတဖြစ်ပြီး ၂၀၀၂ ခုနှစ် ဇူလိုင်လ ၂၅ ရက်နေ့မှ ၂၀၀၇ ခုနှစ် ဇူလိုင်လ ၂၅ ရက်နေ့အထိ သမ္မတာဝန်ကို ထမ်းဆောင်ခဲ့သည်။

ထို့ပြင် ဒေါက်တာ ကလာမ်မှာ အိန္ဒိယနှင့် နိုင်ငံတကာအသိုင်းအ၀ိုင်းကပါ လေးစားရသည့် ထင်ရှားကျော်ကြားသော သိပ္ပံပညာရှင်ကြီးတစ်ဦးဖြစ်ပြီး အိန္ဒိယ ကာကွယ်ရေးသုတေသနနှင့် ဖွံ့ဖြိုးတိုးတက်ရေးအဖွဲ့ DRDO၊ အိန္ဒိယ အာကာသ သုတေသနအဖွဲ့ ISRO တို့တွင် နှစ်ပေါင်း ၄၀ ကျော် တာဝန်ထမ်းဆောင်ခဲ့ကာ နိုင်ငံ၏ အာကာသအစီအစဉ်နှင့် မစ်ဆိုင်းဒုံးကျည်
ထုတ်လုပ်ရေးအစီအစဉ်များတွင် အဓိကအခန်းကဏ္ဍမှ ပါဝင်ဆောင်ရွက်ခဲ့သူ ဖြစ်သည်။

အိန္ဒိယသမ္မတ မိုဒီကမူ ကြီးကျယ်သည့် သိပ္ပံပညာရှင်၊ အံ့သြဖွယ်ကောင်းသည့် သမ္မတနှင့် လေးစားအားကျဖွယ်ကောင်းသူ တစ်ယောက်ကို ဆုံးရှုံးရခြင်းဖြစ်ကြောင်း ၎င်း၏ Facebook စာမျက်နှာတွင် ရေးသားခဲ့သည်။

ထို့ပြင် အိန္ဒိယအစိုးရကလည်း ဒေါက်တာ အဘ်ဒူလ်ကလာမ် ကွယ်လွန်ခြင်းအတွက် ၀မ်းနည်းဖွယ်နေ့ကို ၇ ရက်တိတိပြုလုပ်မည်ဟု ကြေညာခဲ့သည်။ လက်ရှိအချိန်တွင် အဘ်ဒူလ်ကလာမ်၏ ရုပ်အလောင်းအား ဈာပနအခမ်းအနားကျင်းပရန် နယူးဒေလီသို့ နိုင်ငံတော်အခမ်းအနားဖြင့် ယူဆောင်သွားခဲ့ပြီဖြစ်သည်။

ဒေါက်တာ အဘ်ဒူလ်ကလာမ်ကို တမီလ်နန်ဒူးပြည်နယ် ရာမက်စ်ဝါရမ်မြို့တွင် ဆင်းရဲသော မွတ်စလင်မိသားစုမှ ၁၉၃၁ ခုနှစ် အောက်တိုဘာ ၁၅ ရက်နေ့တွင် မွေးဖားခဲ့သည်။

မိသားစု စားဝတ်နေရေး မပြေလည်သောကြောင့် အဘ်ဒူလ်ကလာမ်မှာ ငယ်စဉ်ကတည်းကပင် အလုပ်လုပ်ခဲ့ရသူဖြစ်သည်။ အထက်တန်းကျောင်းကို သာမန်အဆင့်ဖြင့်သာ ပြီးခဲ့သော်လည်း ဥာဏ်ကောင်းပြီး ကြိုးစားအားထုတ်မှုရှိသည်ဟု အသိအမှတ်ပြုခြင်းခံရသည့် အဘ်ဒူလ်ကလာမ်မှာ ရူပပေဒ၊ လေကြောင်းနှင့် အာကာသ အင်ဂျင်နီယာ ပညာရပ်တို့တွင် ထူးချွန်ထက်မြက်ခဲ့ပြီး လေးစားလောက်သည့် သိပ္ပံပညာရှင်တစ်ဦး ဖြစ်လာခဲ့သည်။

ထို့နောက် နိုင်ငံရေးလောကထဲသို့ ၀င်ရောက်လာကာ သမ္မဖြစ်သည်အထိ အောင်မြင်ခဲ့သူဖြစ်ကာ လူချစ်လူခင်လည်း ပေါများခဲ့သည်။

Ref: Times of India

ဇူလိုင် ၂၈၊ ၂၀၁၅
M-Meida

– အစွန်းရောက်ဝါဒနဲ့ အကြမ်းဖက်တိုက်ခိုက်မှုတွေကို ရှုတ်ချတဲ့ ကြေညာချက်တစ်စောင်ကို သီရိလင်္ကာနိုင်ငံက အစ္စလာမ့်အဖွဲ့အစည်းအားလုံး ပူးပေါင်းပြီး ဇူလိုင် ၂၃ ရက်နေ့က ထုတ်ပြန်လိုက်ပါတယ်။

All Ceylon Jamiyyathul Ulama (ACJU) အဖွဲ့က စီစဉ်ပြီး နိုင်ငံအတွင်းက အစ္စလာမ့်အဖွဲ့အစည်းတွေအားလုံး တက်ရောက်ကြတဲ့ ဇူလိုင် ၂၂ ရက်နေ့ “အစွန်းရောက်ဝါဒဆန့်ကျင်ရေး ညီလာခံ” မှာ ဒီလို ထုတ်ပြန်ဖို့ သဘောတူခဲ့ကြတာဖြစ်ပြီး တက်ရောက်လာသူအားလုံးက အကြမ်းဖက်မှု၊ အစွန်းရောက်ဝါဒ ပုံစံအားလုံးကို တစ်ညီတစ်ညွတ်တည်း ဆန့်ကျင် ကန့်ကွက်ခဲ့ကြပါတယ်။

ကြေညာချက်မှာတော့ အစ္စလာမ်ဟာ ထာဝရငြိမ်းချမ်းရေး၊ တည်ငြိမ်ရေး၊ လုံခြုံရေးနဲ့ ညီရင်းအကို မောင်ရင်းနှမ စိတ်ဓာတ်ကို အခြေခံပြီး လူသားအားလုံးအတွက် သနားဂရုဏာထားတဲ့ သာသနာဖြစ်ကြောင်း၊ လူသားတစ်ဦးအား သတ်ဖြတ်ပါက လူသားအားလုံးအား သတ်ဖြတ်ခြင်းသာဖြစ်သည်ဟု သွန်သင်ထားသော သာသနာဖြစ်ကြောင်း၊ လူသားအားလုံးအပေါ် သာတူညီမျှမှု၊ ခွင့်လွှတ်သည်းခံမှု၊ တရားမျှတမှုတို့ဖြင့် ဆက်ဆံကြရန် သွန်သင်ထားကြောင်း၊ အစ္စလာမ်သာသနာမှာ ဖိနှိပ်ချုပ်ချယ်ခြင်း၊ အကြမ်းဖက်ခြင်းနှင့် အစွန်းရောက်ဝါဒတို့ကို ဆန့်ကျင်ရှုတ်ချပြီး ထိုလုပ်ရပ်များမှာ ကြီးလေးသည့်အပြစ်ဖြစ်သည်ဟု သတ်မှတ်ထားကြောင်း ဖော်ပြခဲ့ပါတယ်။

အရှေ့အလယ်ပိုင်းမှာ နယ်မြေအချို့ကို သိမ်းပိုက်ထားပြီး အကြမ်းဖက်လုပ်ရပ်တွေကို ရက်စက်ကြမ်းကြုတ်စွာ လုပ်နေကြတဲ့ IS အဖွဲ့ကိုလည်း အဲဒီကြေညာချက်မှာ ရှုတ်ချခဲ့ပြီး၊ ဒီအဖွဲ့ဟာ အစ္စလာမ်နဲ့ ဆန့်ကျင်ဘက်တွေကိုသာ လုပ်ဆောင်နေတဲ့ လမ်းမှားနေတဲ့အဖွဲ့ဖြစ်တယ်လို့ ဖော်ပြခဲ့ပါတယ်။

“IS (ISIS) မှာ အစ္စလာမ်၏ အခြေခံသွန်သင်ချက်များကို ဆန့်ကျင်သောလုပ်ရပ်များကို လုပ်ဆောင်နေသော အစွန်းရောက်အကြမ်းဖက် အဖွဲ့အစည်းဖြစ်သည်။ ထိုအဖွဲ့မှာ အစ္စလာမ်၏ စည်းမျဉ်းစည်းကမ်းများနှင့် ရေသောက်မြစ်အားလုံးကို ဆန့်ကျင်သောလုပ်ရပ်များ လုပ်ဆောင်နေသည့် လုံးဝ လမ်းမှားသော အဖွဲ့အစည်းတစ်ခုသာ ဖြစ်သည်” လို့ ကြေညာချက်မှာ ရေးသားဖော်ပြထားပါတယ်။

“ဂျီဟတ်” စကားလုံးကို အနောက်နိုင်ငံတွေက လူသတ်ခြင်း၊ တရားမဲ့သည့်စစ်ပွဲများ ဆင်နွှဲခြင်းအဖြစ် ပုံဖျက်ဖော်ပြထားကြောင်း၊ ဂျီဟတ် စကားလုံး၏ အောက်တွင် အပြစ်မဲ့သူများကို သတ်ဖြတ်ခြင်းမှာ အစ္စလာမ်၏ ဘောင်အပြင်သို့ ရောက်ခြင်းသာဖြစ်ကြောင်း၊ “ဂျီဟတ်” ၏ အလိုသဘောအမှန်ကို အစ္စလာမ်သာသနာ၏ ခိုင်လုံသော ကျမ်းများကို ကိုးကားရေးသားထားသော စာအုပ်ကိုလည်း ACJU က ဖြန့်ဖြူးထားတယ်လို့လည်း ကြေညာချက်မှာ ဖော်ပြခဲ့ပါတယ်။

အစ္စလာမ်ရဲ့အမည်နာမကို အလွဲသုံးစားလုပ်နေတဲ့ IS နဲ့ အခြားအကြမ်းဖက်အဖွဲ့အစည်းတွေနဲ့ ဆက်သွယ်သူတွေကိုလည်း မိမိတို့အနေနဲ့ ရှုတ်ချပြီး နိုင်ငံအတွင်းမှာ ဒီလိုဆက်သွယ်မှုမျိုးရှိခဲ့ရင် အစိုးရနဲ့ အပြည့်အ၀ ပူးပေါင်းဆောင်ရွက်ကာ တားဆီးသွားမှာဖြစ်တယ်လို့ ဆိုပါတယ်။

နောက်ဆုံးမှာတော့ မီဒီယာတွေအနေနဲ့ ဒီကိစ္စတွေကို လူပြိန်းကြိုက် ဖော်ပြတာမျိုးမဟုတ်ဘဲ တာဝန်ရှိရှိနဲ့ ဓမ္မဓိဌာန်ကျကျ ဖော်ပြကြဖို့၊ သီရိလင်္ကာလူ့ဖွဲ့အစည်းအတွင်း ငြိမ်းချမ်းစွာ အတူယှဉ်တွဲနေထိုင်မှုကို ထိခိုက်အောင်မလုပ်ဖို့၊ အဲဒီမွတ်စလင်အဖွဲ့အစည်းတွေက တိုက်တွန်းခဲ့ပြီး၊ မိမိတို့ မွတ်စလင်လူ့အဖွဲ့အစည်းအနေနဲ့ ရာစုနှစ်ပေါင်းများစွာ တိုင်းပြည်အပေါ် သစ္စာစောင့်သိလာခဲ့သည့်အတိုင်း ဆက်လက်သစ္စာစောင့်သိသွားမယ်လို့ ကတိပြုခဲ့ကြပါတယ်။

“ရာစုနှစ်ပေါင်းများစွာ ကျွန်တော်တို့ မွတ်စလင်တွေဟာ တိုင်းချစ်ပြည်ချစ်စိတ်ဓာတ်နဲ့ သီရိလင်္ကာအပေါ် သစ္စာစောင့်သိမှုတွေကို ပြသခဲ့ကြပါတယ်။ နောက်ပြီး ကျွန်တော်တို့ရဲ့ အမိမြေကို ထိခိုက်ပျက်ဆီးစေမယ့် ဘယ်လိုလုပ်ရပ်မျိုးကိုမဆို လုပ်ဆောင်သွားမှာမဟုတ်ဘူးဆိုတာ ကျွန်တော်တို့ အခိုင်အမာ ပြောကြားလိုပါတယ်” လို့ ကြေညာချက်ကို နိဂုံးချုပ်ခဲ့ပါတယ်။

ဒီကြေညာချက်ကို သီရိလင်္ကာက ထင်ရှားတဲ့ မွတ်စလင်အဖွဲ့အစည်းတွေဖြစ်တဲ့ ACJU၊ သီရိလင်္ကာ မွတ်စလင်ကောင်စီ၊ သီရိလင်္ကာ ဂျမာအသ် အေ အစ္စလာမီ အဖွဲ့တွေအပါအ၀င်၊ အစ္စလာမ်ဘာသာရေး၊ နိုင်ငံရေးနဲ့ လူမှုရေးအဖွဲ့အစည်း စုစုပေါင်း ၁၂ ဖွဲ့က ပူးတွဲလက်မှတ်ရေးထိုး ထုတ်ပြန်လိုက်တာဖြစ်ပါတယ်။

ထေရ၀ါဒဗုဒ္ဓဘာသာ အများစုရှိတဲ့ သီရိလင်္ကာနိုင်ငံမှာ အစ္စလာမ်ဘာသာဝင်တွေနဲ့ ခရစ်ယာန်ဘာသာဝင်တွေဟာ လူနည်းစုတွေဖြစ်ကြပြီး အစိုးရကျောထောက်နောက်ခံပြု ဘာသာရေးအစွန်းရောက်အဖွဲ့ဖြစ်တဲ့ BBS ရဲ့ ပစ်မှတ်ထားတိုက်ခိုက်ခြင်းကို ပြီးခဲ့တဲ့နှစ်တွေမှာ အလူးအလဲ ခံခဲ့ကြရပါတယ်။

Ref: Sundaytimes.lk, acju.lk

ဇူလိုင် ၂၈၊ ၂၀၁၅
M-Media

– အင်တာမီလန်အသင်း၏ ရာသီကြိုခြေစမ်းပွဲများတွင် အခြေအနေဆိုးရွားမှုနှင့်ပတ်သက်၍ နည်းပြ ရော်ဘတ်တို မန်စီနီက စိတ်မပူဟုဆိုပြီး မိမိတို့မှာ ယခုရာသီ စီးရီးအေဖလားအတွက် ဂျူဗင်တပ်စ်အသင်းအား စိန်ခေါ်သွားမည်ဟု ပြောကြားခဲ့သည်။

စနေနေ့က ကစားခဲ့သည့် မြို့ခံပြိုင်ဘက် အေစီမီလန်နှင့်ပွဲတွင် ၁ ဂိုး ဂိုးမရှိဖြင့် ရှုံးနိမ့်ခဲ့သည့်အင်တာမှာ ယမန်နေ့က ရီးယဲလ်နှင့်ပွဲတွင်လည်း ၃ ဂိုးပြတ်ဖြင့် ထပ်မံရှုံးနိမ့်ခဲ့သည်။

သို့သော်လည်း မန်စီနီကမူ ပြီးခဲ့သည့်နှစ်က အဆင့် ၈ ဖြင့် ရာသီသိမ်းခဲ့သော အင်တာမီလန်မှာ တိုးတက်လာနေပြီး စကူဒက်တိုဖလားကိုပင် အရယူနိုင်စွမ်းရှိသည်ဟု အခိုင်အမာ ပြောကြားခဲ့သည်။

“ရလဒ်တွေကို ပုံမှန် သဘောမကျတာကလွဲလို့ ကျွန်တော်တို့ဟာ ကမ္ဘာပေါ်မှာ အတောင့်အတင်းဆုံး အသင်းတွေထဲက တစ်သင်းနဲ့ ကစားခဲ့တယ်ဆိုတာ စဉ်းစားပြီး ပထမပိုင်းက စွမ်းဆောင်ရည်ကို ကျွန်တော် ကျေနပ်ပါတယ်။ အခုအချိန်မှာ ရလဒ်တွေဟာ အပြုသဘောမဆောင်ဘူးဆိုတာ ရှင်းပါတယ်။ ဒါပေမယ့် အရေးကြီးတဲ့အရာက စွမ်းဆောင်ရည်တွေကို ကြည့်ရတာပါပဲ။ ပြီးတော့
ပွဲတိုင်းမှာ ကျွန်တော်တို့ဟာ အသင်းလိုက် တိုးတက်ခဲ့ပါတယ်” ဟု ရီးယဲလ်နှင့်ပွဲအပြီးတွင် သတင်းထောက်များအား ပြောကြားခဲ့သည်။

လက်ရှိအချိန်တွင် စီးရီးအေဖလားအတွက် ဂျူဗင်တပ်စ်အသင်းသာ ရေပန်းစားနေသည်ဟု မန်စီနီက ၀န်ခံခဲ့သော်လည်း မိမိတို့အသင်း၌ ကစားသမားအားလုံး ကစားနိုင်ပါက မိမိတို့မှာလည်း ကောင်းမွန်စွာ ကစားနိုင်မည်ဟု ဆိုသည်။

“ကျွန်တော်တို့ရဲ့အနာဂတ်နဲ့ ကျွန်တော်တို့ရဲ့ ချန်ပီယံရှစ်အတွက် ကျွန်တော် ယုံကြည်နေပါတယ်။ ဆုဖလားအတွက် စိန်ခေါ်နိုင်တဲ့ ကစားသမားတွေ ကျွန်တော်တို့မှာ ရှိနေပါတယ်”

Ref: Goal

ဇူလိုင် ၂၈၊ ၂၀၁၅
M-Media

– ရှန်ဟိုင်းစတော့ဈေးကွက်တွင် ၈ နှစ်အတွင်း တစ်ရက်တာ အကြီးမားဆုံး ဈေးကွက်ကျဆင်းမှုကို ကြုံတွေ့ခဲ့ရပြီးနောက် ဈေးကွက်တည်ငြိမ်ရန်အတွက် အစိုးရက ထောက်ပံ့ပေးသွားမည်ဟု တရုနိုင်ငံပိုင်မီဒီယာများက ဖော်ပြခဲ့ကြသည်။

ပြီးခဲ့သည့် သီတင်းပတ်များအတွင်း စတော့ဈေးကွက်ပြိုလဲမှုကြောင့် အစိုးရ ကျောထောက်နောက်ခံပြု တရုတ် ဘဏ္ဍရေးလုံခြုံမှု ကော်ပိုရေးရှင်း CSFC က အစိုးရအစီအစဉ်အောက်မှနေ၍ ယွမ်ဘီလီယံပေါင်းများစွာကို ဈေးကွက်ထဲသို့ ထည့်သွင်းခဲ့ရသည်။

သို့သော်လည်း ယမန်နေ့က စတော့ဈေးကွက်မှာ ဆိုးရွားစွာ ကျဆင်းသွားမှုကြောင့် CSFC မှာ စတော့ရှယ်ယာများကို ဆက်လက်၍ ၀ယ်ယူမည်ဟု Xinhua သတင်းဌာနက ဖော်ပြခဲ့သည်။ ထိုကဲ့သို့ ကြေညာခဲ့ခြင်းမှာ စတော့ဈေးကွက်တည်ငြိမ်အောင် အစိုးရက ဆောင်ရွက်ခြင်မပြုတော့ဟု ကောလဟာလများ ထွက်ပေါ်လာခြင်းကို ပယ်ဖျက်ရန်အတွက်ဖြစ်သည်ဟု တရုတ်နိုင်ငံ၏
လုံခြုံရေးဆိုင်ရာ စည်းကမ်းထိန်းသိမ်းရေး ကော်မရှင်မှ ပြောရေးဆိုခွင့်ရှိသူတစ်ဦးက ပြောကြားခဲ့သည်။

ထို့ပြင် စတော့ဈေးကွက်အား ရည်ရွယ်ချက်ရှိရှိ ကျဆင်းအောင် ဆောင်ရွက်သည့် မည်သူ့ကိုမဆို အာဏာပိုင်များက နှိမ်နင်းသွားမည်ဟု ၎င်းက ထည့်သွင်းပြောကြားခဲ့သည်။

စီးပွားရေးအချက်အလက်များ ထွက်လာပြီးနောက် တရုတ်နိုင်ငံ၏ စီးပွားရေး ကိုယ်ခံအားအတွက် ကြောက်ရွံ့မှုများ ရှိလာခဲ့ပြီး နိုင်ငံ၏ စတော့ဈေးကွက်မှာ ယမန်နေ့က ၈.၅ ရာခိုင်နှုန်းကျဆင်းသွားခဲ့သည်။ ထိုကျဆင်းမှုမှာ ၂၀၀၇ ခုနှစ် ဖေဖော်ဝါရီလနောက်ပိုင်းတွင်
တစ်ရက်အတွင်း အကြီးဆုံး ကျဆင်းမှုလည်း ဖြစ်ခဲ့သည်။

Shanghai Composite Index မှာ ၃၄၅.၃၅ ပွိုင့် ကျခဲ့ပြီး ၃၇၂၅.၅၆ ဖြင့် ယမန်နေ့က ပိတ်သွားခဲ့သည်။ Shenzhen Composite Index ကမူ ၇ ရာခိုင်နှုန်း၊ ၁၆၂.၆၂ ပွိုင့် ကျဆင်းခဲ့ပြီး ၂၁၆၀.၀၉ ဖြင့် ပိတ်ခဲ့သည်။

တရုတ်နိုင်ငံမှာ စတော့ဈေးကွက်ပြိုလဲမှုမှကယ်တင်ရန် ဆောင်ရွက်မှုအများအပြားကို ပြုလုပ်ထားပြီး စတော့များ ရေတိုရောင်းမှုကို ပိတ်ပင်ထားကာ၊ ရှယ်ယာရှင်ကြီးများ ၎င်းတို့၏ ရှယ်ယာများကို ၆ လအထိ ရောင်းချခြင်းမပြုရန်လည်း တားမြစ်ထားသည်။

Ref: Aljazeera

ဇူလိုင် ၂၈၊ ၂၀၁၅
M-Media

– ဖီဖာဥက္ကဌ ဆပ်ဘလတ္တာအနေအဖြင့် ၎င်း၏ ကြိုးပမ်းအားထုတ်မှုများအတွက် နိုဘယ်ဆုနှင့်ပင် ထိုက်တန်သည်ဟု ရုရှားသမ္မတ ဗလာဒီမီရ် ပူတင်က ပြောကြားလိုက်ပြီး ဖီဖာ၏ ချစားမှု ပြဿနာ  အချိန်ကိုက်ထွက်ပေါ်လာခြင်းအတွက်လည်း ဝေဖန်ခဲ့သည်။

ဘလတ္တာမှာ ပူတင်နှင့် စနေနေ့က စိန့်ပီတာစဘာ့ဂ်မြို့တွင် တွေ့ဆုံခဲ့ပြီး ရုရှားက ကျင်းပမည့် ၂၀၁၈ ခုနှစ် ကမ္ဘာ့ဖလားအတွက် ဖီဖာမှ အပြည့်အ၀ထောက်ခံသည်ဟု ကြေညာခဲ့သည်။ ၂၀၁၈ ကမ္ဘာ့ဖလား ခြေစစ်ပွဲအတွက် မဲခွဲမှုကိုလည်း ထိုနေ့တွင်ပင် ပြုလုပ်ခဲ့သည်။

ဖီဖာအား ပစ်မှတ်ထားသည့် ချစားမှု စုံစမ်းစစ်ဆေးရေးနှင့် ပတ်သက်၍ ပွင့်ပွင့်လင်းလင်း ရှုတ်ချခဲ့သည့် ပူတင်ကမူ ဘလတ္တာအား ကာကွယ်ပြောကြားခဲ့သည်။

“အခုအချိန်မှာ မစ္စတာ ဘလတ္တာရဲ့ဝန်းကျင်မှာရှိနေတဲ့ အခြေအနေကို ကျွန်တော်တို့အားလုံး သိပါတယ်။ အသေးစိတ်တော့ ကျွန်တော် မပြောချင်ပါဘူး။ ဒါပေမယ့် ချစားမှုမှာ သူ ပုဂ္ဂိုလ်ရေးအရ ပါဝင်ခဲ့တယ်ဆိုတဲ့ စကားတစ်လုံးကိုတောင် ကျွန်တော် မယုံပါဘူး။ မစ္စတာ ဘလတ္တာလိုမျိုး ဒါမှမဟုတ် နိုင်ငံတကာအားကစားအဖွဲ့ကြီး၊ အိုလံပစ်အာကစားအဖွဲ့ကြီးတွေရဲ့ အကြီးအကဲတွေဟာ
အထူးအသိအမှတ်ပြုမှုနဲ့ ထိုက်တန်ပါတယ်။ နိုဘယ်ဆုနဲ့ ထိုက်တန်တဲ့သူတွေဆိုရင်လည်း သူတို့ပါပဲ” ဟု ပူတင်က ဆွီဒင်မီဒီယာတစ်ခုဖြစ်သော RTS သို့ ပြောကြားခဲ့သည်။

ထို့ပြင် ပူတင်မှာ ချစားမှုစွဲချက်များဖြင့် ဖီဖာအရာရှိများအား ဖမ်းဆီးမှုကိုလည်း ဝေဖန်ခဲ့ပြီး ကမ္ဘာ့ဖလားကျင်းပချင်သည့် နိုင်ငံအချို့က ကျင်းပခွင့်ရရေးအတွက် နောက်ဆုံးကြိုးပမ်းမှုအဖြစ် အချိန်ကိုက်လုပ်ဆောင်ခြင်းဖြစ်သည်ဟုလည်း ထည့်သွင်းပြောကြားခဲ့သည်။

“ချစားမှုကို တိုက်ဖျက်တဲ့ ဒီလိုနည်းလမ်းမျိုးက ၂၀၁၈နဲ့ ၂၀၂၂ ကမ္ဘာ့ဖလားပွဲတွေကို ဆက်လက်ကျင်းပဖို့ မရှိတော့ဘူးလား ဆိုပြီးတော့တောင် ကျွန်တော့်ကို အတွေးဝင်စေခဲ့ပါတယ်”

Ref: Goal

ဇူလိုင် ၂၈၊ ၂၀၁၅
M-Media

– ခြစားမှုအရှုပ်အထွေးပတ်သက်၍ ရှင်းလင်းချက်ပေးရန် တောင်းဆိုခဲ့သည့်အတွက် မလေးရှား ဒုတိယ၀န်ကြီးချုပ် မူဟ်ယစ်ဒင် ယာဆင်ကို ၀န်ကြီးချုပ် နာဂျစ်ဘ်ရာဇတ်က ထုတ်ပယ်လိုက်သည်ဟု သိရသည်။

အစိုးရကျောထောက်နောက်ခံပြုထားပြီး အကြွေးနွံနစ်သော 1MDB ဖွံ့ဖြိုးရေးကုမ္ပဏီမှာ ၎င်းတို့၏ ဆက်နွယ်နေသည့် ဘဏ်များမှ ၀န်ကြီးချုပ်နာဂျစ်ဘ်၏ ဘဏ်အကောင့်ထဲသို့ ကန်ဒေါ်လာ သန်း ၇၀၀ နီးပါး လွှဲပေးခဲ့သည်ဟု ပြီးခဲ့သည့် သီတင်းပတ်များက သတင်းထွက်ပေါ်လာခဲ့သည်။

ဒုတိယ၀န်ကြီးချုပ် မူဟ်ယစ်ဒင် ယာဆင်ကမူ နာဂျစ်ဘ်နှင့် အခြားတာဝန်ရှိသူများက ထိုပြဿနာကို ကောင်းမွန်စွာ စီမံနိုင်ခြင်းမရှိပါက အာဏာရ ညွှန့်ပေါင်းအစိုးရအနေဖြင့် နောက်ထပ်ရွေးကောက်ပွဲတွင် ရှုံးနိမ့်သွားနိုင်သည်ဟု ယခုတစ်ပတ်တွင် ပြောကြားခဲ့သည်။

ထုတ်ပယ်ခံလိုက်ရသည့် မူဟ်ယစ်ဒင်၏နေရာကို ညွန့်ပေါင်းအစိုးရအား ဦးဆောင်ဖွဲ့စည်းထားသည့် UMNO ပါတီမှ အဖွဲ့ဝင်များကဲ့သို့ လက်ယာယိမ်း နိုင်ငံရေးသမားဖြစ်သူ ပြည်ထဲရေးဝန်ကြီး ဇာဟစ်ဒ် ဟာမီဒီနှင့် အစားထိုးခဲ့သည်။

“တန် ဆရီ မူဟ်ယစ်ဒင်ကို အစားထိုးဖို့ ဆုံးဖြတ်ချက်ဟာ တော်တော်လေး ခက်ခဲပါတယ်။ ဒါပေမယ့် ခေါင်းဆောင်ဆိုတာ မှန်တယ်ထင်တာကို လုပ်နေရတာပါ။ ဘာပဲဖြစ်ဖြစ် အစိုးရနဲ့ တိုင်းပြည်အတွက် စိတ်ရောကိုယ်ပါ ဆောင်ရွက်ပေးခဲ့တဲ့ တန်ဆရီ မူဟ်ယစ်ဒင်ကို ကျေးဇူးတင်ပါတယ်။ နောက်ပြီး ကက်ဘိနက်မှာ မရှိကြတော့တဲ့ ၀န်ကြီးအားလုံးကိုလည်း ကျေးဇူးတင်ပါတယ်” ဟု နာဂျစ်ဘ်က ယနေ့တွင် ပြောကြားခဲ့သည်။

အဆိုပါ ချစားမှုပြဿနာ ပေါ်ပေါက်လာပြီးနောက် ထိုကိစ္စအတွက် ဖြေရှင်းပေးရန် ပြည်သူလူထု၏ ဆော်သြတိုက်တွန်းမှုကို မူဟ်ယစ်ဒင်က ထောက်ခံခဲ့သည်။

ဝန်ကြီးချုပ် နာဂျစ်ဘ်မှာ ထိုကိစ္စအား စုံစမ်းစစ်ဆေးမှုတွင် ပါဝင်သော တရားသူကြီးချုပ် အဘ်ဒူလ် ဂနီ ပါတေးလ်ကိုလည်း ရာထူးမှ ထုတ်ပယ်ခဲ့သည်ဟု မလေးရှားသတင်းအေဂျင်စီဖြစ်သော Bernama က ယနေ့တွင် ဖော်ပြခဲ့သည်။

Ref: Aljazeera

ဇူလိုင် ၂၈၊ ၂၀၁၅
M-Media

– စင်ကာပူနိုင်ငံ နှစ် ၅၀ ပြည့် အထိမ်းအမှတ်အဖြစ် တစ်နိုင်ငံလုံးတွင် မိုဘိုင်းဖုန်း အခမဲ့အားသွင်းနိုင်မည့်နေရာ ၂၀၀ ကို ဖန်တီးပေးသွားမည်ဟု စင်ကာပူစွမ်းအင်ဌာန SP က ယမန်နေ့တွင် ပြောကြားခဲ့သည်။

အဆိုပါနေရာများကို ဆေးရုံများ၊ တက္ကသိုလ်နှင့် ကောလိပ်များ၊ စာကြည့်တိုက်များနှင့် စူပါမားကတ်တို့ အပါအ၀င် နိုင်ငံအတစ်ဝှမ်းရှိ လူသွားလူလာများသော နေရာများတွင် ထားရှိပေးသွားမည်ဖြစ်သည်။

အခမဲ့ အားသွင်းနိုင်သည့်နေရာ အနည်းဆုံး ၂၀ ကို လာမည့်လလယ်မတိုင်ခင် ဖန်တီးပေးရန် မျှော်လင့်ထားပြီး နောက်ပိုင်းတွင် လစဉ် နေရာ ၄၀ ကို ဖန်တီးပေးသွားမည်ဖြစ်သည်။ သတ်မှတ်ထားသည့် နေရာ ၂၀၀ စလုံးကို ဒီဇင်ဘာမတိုင်ခင် အပြီးသတ်နိုင်ရန် မျှော်မှန်းထားသည်။

အဆိုပါ မိုဘိုင်းဖုန်း အားသွင်းနိုင်မည့် ရောတစ်ခုစီတွင် မိုဘိုင်းဖုန်းနှင့် တက်ဘလက်အများစုအတွက် အဆင်ပြေစေရန် မီနီနှင့် မိုက်ခရို USB ခေါင်းများကဲ့သို့ အားသွင်းနိုင်မည့် ခေါင်းပေါင်းစုံပါဝင်သော Slot ၁၀ ခုစီ ပါဝင်မည်ဖြစ်ပြီး မိမိတို့၏ ကိုယ်ပိုင် အားသွင်းကြိုးများကို တပ်ဆင်နိုင်ရန်အတွက် USB port အလွတ်များလည်း ပါဝင်မည်ဖြစ်သည်။

အဆိုပါ အားသွင်းသည့်နေရာများကို အသုံးပြုရန် ပြည်သူများမှာ အင်္ဂလိပ်၊ တရုတ်၊ မလေးနှင့် တမီလ်ဘာသာစကားများဖြင့် ကွန်ပျူတာစခရင်တွင် ဖော်ပြထားသည့် ညွှန်ကြားချက်များကို လိုက်နာရမည်ဖြစ်သည်။

ထို့ပြင် မှတ်ပုံတင်၊ ယာဉ်မောင်းလိုင်စင်၊ Studen pass သို့မဟုတ် ပင်စင်ယူထားသူများအတွက် ထုတ်ပေးထားသော concession card များမှ ဘားကုဒ်များကို စကန်ဖတ်ရန် လိုအပ်ပြီး ၎င်းတို့၏ ဖုန်းများကို အားသွင်းခြင်းမပြုမီ ဂဏန်း ၄ လုံးပါသည့် PIN ကုဒ်တစ်ခုကို ရယူရမည်ဖြစ်သည်။ ဖုန်းအား ပြန်လည်ဖြုတ်လျှင်လည်း ထိုလုပ်ငန်းစဉ်ကို လုပ်ဆောင်ရမည်ဖြစ်သည်။

စင်ကာပူဆေးရုံကြီး SGH တွင် ယမန်နေ့က ပြုလုပ်ခဲ့သော အဆိုပါအစီအစဉ် မိတ်ဆက်ပွဲအခမ်းအနားတွင် SP အဖွဲ့၏ အမှုဆောင်အကြီးအကဲဖြစ်သော ၀မ် ကင်မ်ယင်က Gift of Power ဟု အမည်ပေးထားသည့် ထိုအစီအစဉ်မှာ စင်ကာပူနိုင်ငံသားများအား ကမ္ဘာကြီးနှင့် အဆက်အသွယ်မပျက်စေရန် ကူညီခြင်းအားဖြင့် ခေတ်သစ်ဘ၀၏ စိတ်ဖိစီးမှုတစ်ခုကို လျှော့ချရန် ရည်ရွယ်ခြင်းဖြစ်သည်ဟု ပြောကြားခဲ့သည်။

“ကျွန်တော်တို့အားလုံးနီးပါဟာ မိုဘိုင်းဖုန်းတွေကို အတူ သယ်သွားကြပါတယ်။ ပြီးတော့ အားကုန်သွားမှာကလည်း ပူပင်သောကရောက်စရာ ဖြစ်ပါတယ်။ ဒီအစီအစဉ်က နေစဉ်ဆောင်ရွက်မှုတွေကို လုပ်ဆောင်နေတဲ့အချိန်မှာ စွမ်းအင်တွေ တိုးမြှင့်ရရှိဖို့ ခွင့်ပြုပါလိမ့်မယ်” ဟု ကင်မ်ယင်က ဆိုသည်။

ယခုလက်ရှိတွင် အဆိုပါအားသွင်းသည့်နေရာ ၈ ခု တပ်ဆပ်ပြီးဖြစ်ကာ အသုံးပြုလျက်ရှိနေသည်။ ထိုအထဲမှ ၃ ခုကို ဆေးရုံကြီးတွင်လည်းကောင်း၊ ၂ ခုကို Academia အဆောက်အဦးတွင်လည်းကောင်း၊ ၁ ခုကို စင်ကာပူအမျိုးသား မျက်စိစင်တာတွင်လည်းကောင်း ထားရှိထားပြီး အခြား ၅ ခုကို စူပါမားကတ်များတွင် တပ်ဆင်ထားရှိသည်။

Ref: Asiaone

ဇူလိုင် ၂၈၊ ၂၀၁၅
M-Media
မိုးစက်

ရန်ကုန်။    ။ရန်ကုန်မြို့ သင်္ဃန်းကျွန်းမြို့နယ်တွင် ကျူလီယာ မွတ်စလင်သာသနာ့ ရန်ပုံငွေအဖွဲ့ မှ လူမျိုးဘာသာ မရွေး သင်ကြားနိုင်ရန် ဖွင့်လှစ်ထားသော ပညာဒါန သင်တန်းကျောင်းတွင်  (၁၂) ကြိမ်မြောက် ပညာဒါန အခမဲ့ သင်တန်းများအား သြဂုတ်လ (၃) ရက်နေ့တွင် ဖွင့်လှစ်သွားမည်ဖြစ်ကြောင်း သိရသည်။

အဆိုပါသင်တန်းတွင် ကွန်ပျူတာနှင့် ပတ်သက်သည့် ဘာသာရပ်များဖြစ်သော Windows, Microsoft Office, PageMaker, CorelDraw, E-mail, Internet, Adobe Photoshop, Abdoe Illustrator,Abdoe Indesign, A+Hardware ၊ အင်္ဂလိပ်စာ သင်တန်းများဖြစ်သော Basic English Level 1,2, English 4 Skiills, IELTS(Prepartion Course) Grammar Foundation, English for Business နှင့် စက်ချုပ်-မော်တာသင်တန်းများကို အခမဲ့ သင်ကြားပေးသွားမည်ဖြစ်ကြောင်း သိရပါသည်။

ယင်းသင်တန်းအား ကျိုလီယာမွတ်စလင်မ် သာသနာ့ ရန်ပုံငွေအဖွဲ့မှ ဦးစီးသော အဖွားများ သုခရိပ်သာ အမှတ်(၁) သုခလမ်း၊ ခ ရပ်ကွက် သင်္ဃကျွန်းမြို့နယ် ရန်ကုန်မြို့တွင် လူမျိုးဘာသာ မရွေးတက်ရောက် သင်ကြားနိုင်ကြောင်းသိရှိရသည်။

ကျူလီယာ မွတ်စလင် သာသနာ့ ရန်ပုံငွေအဖွဲ့မှ ထိုသင်တန်းများအား သုံးလတစ်ကြိမ် ဖွင့်လှစ်လျှက်ရှိပြီး တစ်ကြိမ်တွင် သင်တန်းသူ သင်တန်းသားများ ၃၀၀ နီးပါး တက်ရောက်၍ ပညာများကို ဆည်းပူးလေ့ရှိကြောင်း သိရပါသည်။

အဆိုပါ ပညာဒါန သင်တန်းကျောင်းမှ သင်တန်းသူ သင်တန်းသား ၃၀၀၀ နီးပါးကို မွေးထုတ်နိုင်ခဲ့ပြီဖြစ်ကြောင်း သိရှိရသည်။

ဇူလိုင် ၂၈၊ ၂၀၁၅
M-Media

ဥရောပနိုင်ငံများမှာ ပို၍ လွတ်လပ်ပြီး အကျိုးစီးပွားကို ကာကွင်သင့်သည်ဟု ပူတင်ပြော
………………………………….
ဥရောပ တိုင်းပြည်များအနေဖြင့် ပို၍ လွတ်လပ်ပြီး အချုပ်အခြာအဏာပိုရှိသည်ကို တွေ့ရပါက ကောင်းမွန်မည်ဖြစ်ပြီး ၎င်းတို့၏ အမျိုးသားအကျိုးစီးပွား၊ ပြည်သူများနှင့် နိုင်ငံများ၏ အကျိုးစီးပွားတို့ကို ကိုယ်တိုင် ကာကွယ်နိုင်သည့် စွမ်းရည်လည်း ရှိသင့်သည်ဟု ရုရှားသမ္မတ ဗလာဒီမီရ်ပူတင်က ပြောကြားလိုက်သည်။ ထို့ပြင် မည်သည့် စစ်နိုင်ငံရေးအဖွဲ့အစည်းနှင့် ဆက်သွယ်သည်ဖြစ်စေ မိမိတို့၏ အချုပ်အခြာအာဏာမှာ မုချ ဆုံးရှုံးသွားပြီး ၁၉၆၀ ပြည့်နှစ်များတွင် နေတိုးအဖွဲ့မှ ပြင်သစ်နှုတ်ထွက်မှုမှာ အချုပ်အခြာအာဏာကို ပို၍ တောင့်တင်းစေသည်ဟု ထောက်ပြခဲ့သည်။

ကဒါဖီ၏သားနှင့် ပါတနာဟောင်းများ သေဒဏ်ချမှတ်ခံရ
……………………………
လစ်ဗျားအာဏာရှင်ဟောင်း ကဒါဖီ၏ အသက်ရှင်ကျန်ရစ်သည့် သားဖြစ်သူ ဆအစ်ဖ် အလ်- အစ္စလာမ်မှာ ကာဒါဖီအစိုးရအဖွဲ့ဝင်ဟောင်းများနှင့်အတူ ယနေ့တွင် သေဒဏ် ချမှတ်ခံခဲ့ရသည်။ ထိုအထဲတွင် ကဒါဖီလက်ထက်က ထောက်လှမ်းရေးအကြီးအကဲ၊ ၀န်ကြီးချုပ်ဟောင်း ၂ ဦးတို့ ပါဝင်ပြီး လက်ဖြောင့်တပ်ဖွဲ့ဖြင့် အဆုံးစီရင်ခြင်း ခံရမည်ဖြစ်သည်။ ထို့ပြင် အခြား ၂၃ ဦးကိုလည်း လစ်ဗျားတရားရုံးက ထောင်ဒဏ်နှင့် ငွေဒဏ်များ အသီးသီး ချမှတ်ခဲ့သည်။

အမေရိကန်အကျဉ်းထောင်တွင် လူမည်းအမျိုးသမီးတစ်ဦး သေဆုံးနေမှု တွေ့ရပြန်
……………………………………..
အမေရိကန်ပြည်ထောင်စု အိုဟိုင်းယိုးပြည်နယ် ကလိဗ်လန်းမြို့အနီးရှိ အကျဉ်းထောင်တစ်ခုတွင် အသက် ၃၇ နှစ်အရွယ် လူမည်းအမျိုးသမီး ရာလ်ကီနာ ဂျုန်းစ်အား သေဆုံးလျက် တွေ့ခဲ့ရပြီးနောက် မိသားစုဝင်များက စောဒကတက်ခဲ့ကြသည်။ ခင်ပွန်းဟောင်းနှင့် ပြဿနာဖြစ်မှုအတွက် သောကြာနေ့က အဖမ်းခံခဲ့ရသည့် ဂျုန်းစ်မှာ တနင်္လာနေ့တွင် သေဆုံးနေသည်ကို
တွေ့ရှိခဲ့ရခြင်းဖြစ်ပြီး အလောင်းစစ်ဆေးမှုများအရ မည်သည့်ဒဏ်ရာမှ မတွေ့ဟု ဆိုသည်။ သို့သော်လည်း မိသားစုဝင်များကမူ ဂျုန်းစ်မှာ မသေဆုံးခင် တစ်ရက်အရင်ကပင် ၎င်းတို့နှင့် ကျန်းကျန်းမာမာ စကားပြောခဲ့သည်ဟု ပြောကြားခဲ့သည်။

ဆီးရီးယားမြို့တစ်မြို့မှ IS တပ်ဖွဲ့ကို မောင်းထုတ်နိုင်
………………………….
ဆီးရီးယားနိုင်ငံ အရှေ့မြောက်ပိုင်း ဟာဆာကာမြို့တွင် ဆီးရီးယားအစိုးရတပ်များနှင့် ကာ့ဒ်ပြည်သူစစ်များမှာ IS တိုက်ခိုက်ရေးသမားများကို မောင်းထုတ်နိုင်ခဲ့သည်ဟု ဆီးရီးယားအရေး စောင့်ကြည့်အဖွဲ့က ယနေ့တွင် ပြောကြားလိုက်သည်။ အဆိုပါမြို့မှာ မဟာဗျူဟာအရ အချက်အချာကျသည့်မြို့ဖြစ်ပြီး IS အဖွဲ့က လွန်ခဲ့သည့် တစ်လက သိမ်းယူနိုင်ခဲ့ခြင်းဖြစ်သည်။

Ref: News Agencies

ဇူလိုင် ၂၉၊ ၂၀၁၅
M-Media

– ပြီးခဲ့သည့်လအတွင်း တူနီးရှားနိုင်ငံ၌ အိုင်ယာလန်နိုင်ငံသားများ အသတ်ခံရမှုကို ဆန့်ကျင်ရန်နှင့် အစ္စလာမ်၏ အမည်နာမအား အလွဲသုံးစားလုပ်နေသော IS အဖွဲ့အား ရှုတ်ချရန်တို့အတွက် အိုင်းရစ်မွတ်စလင်များက ချီတက်ဆန္ဒပြမှု တစ်ခုကို ပြီးခဲ့သည့် တနင်္ဂနွေက ပြုလုပ်ခဲ့သည်ဟု သိရသည်။

အဆိုပါ ချီတက်ဆန္ဒပြမှုကို Not In Our Name အမည်ဖြင့် မြို့တော် ဒက်ဗလင်၌ ပြုလုပ်ခဲ့ခြင်းဖြစ်ပြီး IS ၏ တူနီးရှားတွင် အကြမ်းဖက်တိုက်ခိုက်မှုကြောင့် လူ ၃၈ ဦးသေဆုံးခဲ့ပြီး တစ်လအကြာ၌ ပေါ်ထွက်လာခြင်းလည်း ဖြစ်သည်။ သေဆုံးသူများတွင် အိုင်ယာလန်နိုင်ငံသား ၃ ဦး ပါဝင်ခဲ့သည်။

“IS လက်ဝေခံ အိုင်းရစ်မွတ်စလင်တွေက နည်းနည်းလေးပါ။ ဒါပေမယ့် ကျွန်တော်တို့ သူတို့ရဲ့ မုသာဝါဒတွေကို တားဆီးဖို့ လိုအပ်ပါတယ်” ဟု အဘန့်ချဒ်တောင်းရှိ အလ်-မွတ်စ်တာဖာ ဗလီဝတ်ကျောင်းတော်မှ ရှေ့ဆောင်အီမာမ်ဖြစ်ပြီး ဆန္ဒပြပွဲကို စီစဉ်ရာတွင် ကူညီပေးခဲ့သူ ဒေါက်တာ ရှိခ် အူမာရ် အလ်-ကွာဒရီက ပြောကြားခဲ့သည်။

Not In Our Name ချီတက်ဆန္ဒပြမှုကို မွတ်စလင်ငြိမ်းချမ်းရေးနှင့် ပေါင်းစည်းရေးကောင်စီက ဦးဆောင်စီစဉ်ခြင်းဖြစ်ပြီး IS အကြမ်းဖက်အုပ်စု၏ လူသတ်လှုပ်ရှားမှုမှာ အစ္စလာမ်၏ သွန်သင်မှုများနှင့် လုံးဝဆန့်ကျင်နေသည်ကို ပြသလိုသည့် ရည်ရွယ်ချက်လည်း ပါဝင်သည်။

ထို့ပြင် ကောင်စီမှာ နိုင်ငံတစ်ဝှမ်းလုံးတွင် ထိုကဲ့သို့ ဆန္ဒပြမှုများပြုလုပ်ရန်လည်း ဖိတ်ခေါ်ခဲ့သည်။

“လွန်ခဲ့တဲ့နှစ်တွေက တမန်တော် မုဟမ္မဒ်သခင် (ငြိမ်းချမ်းသာယာမှု သက်ရောက်ပါစေ) ကို ရုပ်ပြောင်ရေးဆွဲမှုနဲ့ပတ်သက်ပြီး မွတ်စလင်တွေဟာ ဒက်ဗလင်မှာ ချီတက် ဆန္ဒပြခဲ့ကြပါတယ်။ အခုတော့ အကြမ်းဖက်သမားတွေက အစ္စလာမ်နဲ့ မွတ်စလင်တွေကို ဒီရုပ်ပြောင်တွေထက် ပိုပြီးတော့တောင် ထိခိုက်ပျက်ဆီးစေပါတယ်။ အစ္စလာမ်ကြောက်ရောဂါတွေကလည်း ဒီ အကြမ်းဖက်သမားတွေရဲ့ ရက်စက်ကြမ်းကြုတ်မှုတွေကြောင့် အရှိန်အဟုန်နဲ့ကို မြင့်တက်လာခဲ့ပါတယ်” ဟု အလ်-ကွာဒရီက ပြောကြားခဲ့သည်။

ထို့ပြင် အစ္စလာမ်အား မပျက်စီးစေသော ရုပ်ပြောင်များအတွက် မွတ်စလင်များအနေဖြင့် ချီတက်ဆန္ဒပြနိုင်လျှင် အစ္စလာမ်၏ သွန်သင်ဆုံးမမှုများကို ဖျက်ဆီးနေသော IS နှင့်ပတ်သက်၍ ဆန္ဒပြနိုင်ရမည်ဖြစ်ကြောင်း၊ မွတ်စလင်များ တိတ်ဆိတ်နေခြင်းက IS အား လက်ခံသူများအဖြစ် အခြားသူများ၏ အထင်မှားအမြင်မှားဖြစ်မှုကို ခံရမည်ဖြစ်ကြောင်း ၎င်းက ထပ်လောင်းပြောကြားခဲ့သည်။

IS အဖွဲ့အား ကမ္ဘာတစ်ဝှမ်းလုံးက၊ အထူးသဖြင့် ငြိမ်းချမ်းမှုကို မြတ်နိုးသော မွတ်စလင်အများစုကြီးက မဖြစ်မနေ ရှုတ်ချရမည်ဟုလည်း ဒေါက်တာ အလ်-ကွာဒရီက ဆိုသည်။

“အစွန်းရောက်ဝါဒနဲ့ အကြမ်းဖက်မှုအတွက် အစ္စလာမ်မှာ နေရာမရှိပါဘူး။ ဒါတွေနဲ့လည်း သာသနာကို လုံးဝ တန်းညှိလို့ မရပါဘူး။ ကျွန်တော်တို့ရဲ့ တမန်တော်မြတ်ကြီးက အကြမ်းဖက်မှုနဲ့ အစွန်းရောက်ဝါဒကို ဆန့်ကျင်ဖို့ ကျွန်တော်တို့ကို သတိပေးခဲ့ပါတယ်”

အိုင်ယာလန်နိုင်ငံ၏ ၄.၅ သန်းသော လူဦးရေတွင် အစ္စလာမ်ဘာသာကို သက်ဝင်ယုံကြည်ကြသူ အရေအတွက်မှ ၁.၁ ရာခိုင်နှုန်းရှိပြီး၊ အစ္စလာမ်ကို ပြောင်းလဲသက်ဝင်သူများနှင့် ပြောင်းရွှေ့အခြေချလာသူများကြောင့် မြင့်တက်လျက်ရှိနေသည်။

Ref: Onislam

ဇူလိုင် ၂၉ ၊ ၂၀၁၅
M-Media
သီဟ
.
အစိုးရ မဲဟာဂျီလို့ လူသိများတဲ့ ခွဲတမ်းဟဂ်ျ (၂၈၀)ဦးအတွက် လျှောက်လွှာများ သြဂုတ်လ ၁၂ ရက်နေ့ နောက်ဆုံး ထားပြီး လျောက်ထားနိုင်ကြောင်း (၂၀၁၅)ခုနှစ် ဟဂ်ျစေလွှတ်ရေး ကြီးကြပ်မှုကော်မတီက ကြေညာချက် တစောင် ထုတ်ပြန်လိုက်ပါတယ်။

လျှောက်လွှာများကို (၃-၈-၂၀၁၅)မှ (၁၂-၈-၂၀၁၅)ရက် အတွင်း တင်ရမှာဖြစ်ပါတယ်။ မဲပေါက်သူ ဟာဂျီလောင်း တစ်ဦးကို U$2,175.(အမေရိကန်ဒေါ်လာ-၂၁၇၅) ဒါမှမဟုတ် အဲဒီ တန်ဖိုးနဲ့ညီမျှတဲ့ မြန်မာကျပ်ငွေ ကာလပေါက်ဈေးနဲ့ ပေးသွင်း ရမှာဖြစ်ပါကြောင်း ကြေညာချက်မှာ ထည့်သွင်းဖော်ပြထားပါတယ်။

မနှစ်က တော့ ခွဲတမ်းဟဂ်ျနှင့် သွားရောက်သူများပေးသွင်းရသည့် ကုန်ကျစရိတ်မှာ ၂၂ သိန်း ၅ သောင်းဖြစ်ခဲ့ပြီး ယခုနှစ်မှာတော့ အမေရိကန်ဒေါ်လာဈေး မြင့်တက်နေတာဖြစ်လို့ ယခုလို အမေရိကန် ဒေါ်လာနှုန်းထားဖြင့် သတ်မှတ် လိုက်တာဖြစ်တယ်လို့ သုံးသပ်ရပါတယ်။

ဝန်ဆောင်မှု ပေးမှာက အနည်းဆုံး ဈေးနှုန်းနဲ့ တင်ဒါအောင်သွားတဲ့ ဦးခင်မောင်ဝင်း (ဟာဂျီ နာနီးပါး)ရဲ့ Spectrum ရောင်စဉ် အလင်းတန်း ခရီသွားလာရေး ကုမ္ပဏီဖြစ်ကြောင်း သိရှိရပါတယ်။

၂၀၁၄ ခုနှစ်က ခွဲတမ်းဖြင့် မဟုတ်ဘဲ ပြင်ပမှာ ကုမ္ပဏီများဖြင့် ဟဂ်ျ သွားရောက်ခွင့်ရှိသည့် လူအရေအတွက်မှာ ၃၃၀၀ ခန့် ဖြစ်ပြီး ကုန်ကျစရိတ်မှာ သိန်း ၅၀ မှ ၆၀ အကြား ပေါက်ဈေး ရှိခဲ့ပါတယ်။

ယခုနှစ်မှာတော့ ဒေါ်လာဈေးမြင့်တက်နေတာကြောင့် ဒီထပ်ပိုပြီး များလာဖွယ်ရာရှိပါတယ်။

ခွဲတမ်းဟဂ်ျ ကို ယခင်က သာသနာရေးဝန်ကြီးဌာနမှာ တိုက်ရိုက်ကိုင်တွယ်ခဲ့ပြီး ၂၀၁၄ ခုနှစ်မှစတင်ပြီး အစ္စလာမ် ဘာသာရေး အဖွဲ့ကြီးကို လုပ်ပိုင်ခွင့် လွှဲအပ်ခဲ့ပဲဖြစ်ပါတယ်။

အစ္စလာမ်ဘာသာဝင်တွေမှာ မဖြစ်မနေ လိုက်နာကျင့်သုံးရတဲ့ မဏ္ဍိုင်ကြီး (၅) ရပ်အနက် “ဟဂ်ျ” လို့ခေါ်တဲ့ ဆော်ဒီအာရေဗျနိုင်ငံ မက္ကာရွှေမြို့တော်သို့ သွားရောက်ပြီး သာသနာ့ကျင့်စဉ် ကိစ္စရပ်များကို ပြုမူ ဆောင်ရွက်ခြင်းဟာ တစ်ခုအပါအ၀င် ဖြစ် ပါတယ်။ ငွေကြေးတတ် စွမ်းနိုင်သူတို့အဖို့ မဖြစ်မနေ လုပ်ရမဲ့ တာဝန်တစ်ရပ်သာ ဖြစ်ပါတယ်။

ကြေညာချက် အပြည့်အစုံမှာ အောက်ပါအတိုင်းဖြစ်ပါတယ်။

ပြည်ထောင်စုသမ္မတမြန်မာနိုင်ငံတော်
မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီး

အမှတ်(၁၈၄)၊(၃)လွှာ၊ ဗိုလ်ဆွန်ပက်လမ်း၊ ပန်းဘဲတန်းမြို့နယ်၊ ရန်ကုန်မြို့။
ဖုန်း – ၂၄၁၈၈၇၊၂၅၃၆၈၃၊ ၂၅၂၆၀၈၊ ၂၄၁၇၁၇၊ ၂၄၁၂၁၂၊ ၂၉၆၁၃၄

(၂၀၁၅)ခုနှစ် မြန်မာ ဟာဂျီလောင်းများအတွက် လျှောက်လွှာ ခေါ်ယူခြင်း

ရက်စွဲ – ၂၀၁၅ခုနှစ် ၊ ဇူလိုင်လ (၂၈)ရက်

(၂၀၁၅)ခုနှစ် မြန်မာ ဟာဂျီလောင်းများအတွက် တိုင်းဒေသကြီး/ပြည်နယ်အသီးသီးရှိ သက်သာသော နှုန်းထားဖြင့် အမှန်တကယ် ဟဂ်ျပြုလိုကြသည့် အစ္စလာမ်ဘာသာဝင် များသည် (၃-၈-၂၀၁၅)ရက်နေ့မှ (၁၂-၈-၂၀၁၅)ရက်နေ့အတွင်း ဟဂ်ျလျှောက်လွှာများကို  မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီးရုံးများတွင် ရယူ လျှောက်ထားနိုင်ကြပါသည်။
ဟဂ်ျလျှောက်လွှာ လျှောက်ထားသူများသည်-

(၁) လျှောက်ထားချိန်တွင် အသက်(၁၆)နှစ်ပြည့်ပြီးသူဖြစ်ပြီး အသက်(၆၅)နှစ်ထက်မကြီးသူဖြစ်ရမည်။

(၂)  တရားတော်က သတ်မှတ်ထားချက်နှင့်အညီ ဟဂ်ျပြုရန် တာဝန်ထိုက်သူဖြစ်ရမည်။

(၃)  (အဆုတ်၊ အနာကြီး) စသည့် ကူးစက်တတ်သော ရောဂါကင်းရှင်းသူဖြစ်ရမည်။

(၄)  ရာဇဝတ်ပြစ်မှု ကင်းရှင်းသူဖြစ်ရမည်။

(၅)  ဟဂ်ျ တကြိမ်တခါမျှ သွားရောက်ခဲ့ခြင်း မရှိသူဖြစ်ရမည်။ (မြန်မာ ဟာဂျီလောင်း (၂၈၀)ဦး အစီအစဉ်သည် တစ်ကြိမ်တစ်ခါမှ ဟဂ်ျမပြုရသေးသူများအတွက် သက်သာသော နှုန်းထားဖြင့် သွားရောက်နိုင်သည့် အခွင့်အရေးဖြစ်သဖြင့် ဟဂ်ျပြုပြီးသူများ (လုံးဝ) လျှောက်ထားခြင်း မပြုရပါ။ အကယ်၍ ဟဂ်ျ သွားခဲ့ပြီးကြောင်း စိစစ်တွေ့ရှိပါက ဟာဂျီလောင်းစားရင်းမှ ပယ်ဖျက်ခြင်း ခံရမည့်အပြင် မိမိပေးသွင်းထားသော ငွေဆုံးရှုံးနိုင်သည်ဖြစ်ကြောင်း သတိချပ်စေလိုပါသည်။)

(၆)  မဲဟရ်ရမ်အတွဲများအနေဖြင့် တရားတော်နှင့်ညီညွတ်သော (မဲဟရ်ရမ်) အတွဲဖြစ်ရမည်။ နှစ်ဦးထက်ပိုတွဲထားသော မဲဟရ်ရမ် အတွဲများကို လက်ခံမည် မဟုတ်ပါ။ မဲဟရ်ရမ် အတွဲ နှစ်ဦးစလုံး ဟဂ်ျ မပြုဖူးသူများဖြစ်ရမည်။

(၇) ဓာတ်ပုံနှင့် စာသား ထင်ရှားသည့် နိုင်ငံသားစိစစ်ရေးကတ်ပြား (သို့်) ပြု/ဧည့် နိုင်ငံသားကတ်ပြား (သို့) အမျိုးသားမှတ်ပုံတင် မိတ္တူနှင့် အိမ်ထောင်စုလူဦးရေစာရင်း (သန်းခေါင်းစာရင်း) မိတ္တူတို့ကို ပူးတွဲတင်ပြရမည်။

(၉)  ဗလီ/သာသနာ့စာသင်ကျောင်းတွင် တာဝန်ထမ်းဆောင်နေသော သာသနာ့ပညာရှင်ဖြစ်ပါက သက်ဆိုင်ရာ ဗလီဝတ်ကျောင်း ဂေါပကအဖွဲ့/ သာသနာ့စာသင်ကျောင်း ကျောင်းအုပ်ကြီး၏ ထောက်ခံချက်ကို ပူးတွဲ တင်ပြရမည်။

(၁၀)  ဟဂ်ျလျှောက်လွှာများကို လျှောက်ထားသူကိုယ်တိုင် (၁၂-၈-၂၀၁၅)ရက်နေ့ နောက်ဆုံးထားပြီး တင်သွင်းရမည်။

(၁၁)  လျှောက်ထားသည့်ဦးရေသည် ခွဲတမ်းသတ်မှတ်ထားသည့် (၂၈၀)ဦးထက်ကျော်လွန်ပါက အများရှေ့မှောက်တွင် မဲစနစ်ဖြင့် မဲဖောက်ရွေးချယ်သွားမည်။

(၁၂)  ဟဂ်ျမဲပေါက်သူ ကိုယ်တိုင် သွားရောက်ရမည်။ (အစားထိုး၍ ကိုယ်စား သွားရောက်ခြင်း လုံးဝ ခွင့်မပြုပါ။)

(၁၃)  ဟဂ်ျလျှောက်လွှာပုံစံများကို တစ်ဦးချင်းအတွက် ငွေကျပ် (၁၀ဝ၀ိ/-)နှုန်း၊ မဲဟရ်ရမ် အတွဲအတွက် ငွေကျပ်(၂၀ဝ၀ိ/)နှုန်းဖြင့် ရယူနိုင်ကြပါသည်။

(၁၄)  မဲပေါက်သူ ဟာဂျီလောင်း တစ်ဦးလျှင် အမေရိကန်ဒေါ်လာ(၂၁၇၅) သို့မဟုတ် ယင်းတန်ဖိုးနှင့်ညီမျှသော မြန်မာကျပ်ငွေအား ကာလပေါက်ဈေးနှင့်အညီ ပေးသွင်းရမည်။

(၁၅)  ဟဂ်ျနှင့်ပတ်သက်၍ မည်သည့်အပိုကြေးမှ ပေးရန် မလိုပါ။ အကယ်၍ တောင်းခံလာပါက မြန်မာနိုင်ငံလုံးဆိုင်ရာ အစ္စလာမ် ဘာသာရေးအဖွဲ့ကြီးသို့ တိုင်ကြားနိုင်ပါသည်။

(၂၀၁၅)ခုနှစ် ဟဂ်ျစေလွှတ်ရေးကြီးကြပ်မှုကော်မတီ

ဇူလိုင် ၂၉၊ ၂၀၁၅
M-Media

– အာဖရိကသို့ အလည်အပတ်ခရီး ရောက်ရှိနေသော အမေရိကန်သမ္မတ ဘာရက်အိုဘားမားမှာ အာဏာမစွန့်လွှတ်ချင်ကြသည့် အာဖရိကခေါင်းဆောင်များအား ပြစ်တင်ပြောဆိုလိုက်ပြီး အာဖရိကအတွင်း ဒီမိုကရေစီ တိုးတက်ရေးမှာ အန္တရာယ်ရှိနေသည်ဟုလည်း
ထည့်သွင်းပြောကြားခဲ့သည်။

အီသီယိုးပီးယားနိုင်ငံ မြို့ အက်ဒစ် အဘာဘာရှိ အာဖရိကသမ္မဂ ရုံးချုပ်အဆောက်အအုံ၌ ယမန်နေ့က ပြောကြားသည့် မိန့်ခွန်း၌ အိုဘားမားက ထိုကဲ့သို့ ပြောဆိုခဲ့ခြင်းဖြစ်သည်။

“သူတို့ရဲ့ သက်တမ်းကုန်တဲ့ ခေါင်းဆောင်းတွေက ဆင်းပေးဖို့ ငြင်းဆန်နေကြတာကြောင့် အာဖရိက ဒီမိုကရေစီတိုးတက်မှုဟာ အန္တရာယ်ရှိနေပါတယ်။ ဘယ်သူမှ တသက်လုံး သမ္မတလုပ်လို့ မရပါဘူး” ဟု အိုဘားမားက ပြောကြားခဲ့သည်။

ထို့ပြင် မိမိကိုယ်တိုင်မှာလည်း မိမိအား ဆက်ခံမည်သူကို လက်ကမ်းကြိုဆိုရင် စောင့်မျှော်နေသည်ဟု ဆိုသည်။

“ခင်ဗျားတို့ကို ကျွန်တော် ရိုးရိုးသားသားပြောရရင် ဒါမျိုး (ရာထူးက ဆင်းမပေးချင်တာ) ကို ကျွန်တော် နားမလည်ပါဘူး။ ကျွန်တော်တို့ရဲ့ ဖွဲ့စည်းပုံ အခြေခံဥပဒေအရဆိုရင် ကျွန်တော် ဆက်ပြီး ပြိုင်လို့ မရတော့ပါဘူး။ အမေရိက ရှေ့ဆက်သွားနေဖို့ ကျွန်တော်လုပ်ခဲ့ချင်တာတွေ အများကြီး ရှိပါသေးတယ်။ ဒါပေမယ့် ဥပဒေဟာ ဥပဒေပါပဲ။ ဘယ်သူမှ ဒီဥပဒေပေါ်မှာ မရှိပါဘူး။
သမ္မတတွေရောပေါ့”

အိုးဘားမားမှာ သမ္မတနေရာမှ ဆင်းမပေးသည့်အတွက် နိုင်ငံအတွင်း ရုန်းရင်းဆန်ခတ်မှုများ ဖြစ်နေသည့် ဘူရန်ဒီနိုင်ငံအား ထောက်ပြခဲ့ကာ အာဏာအား ဖက်တွယ်ထားခြင်းမှာ ဘေးဖြစ်မည့် လမ်းကြောင်းပေါ်သို့ ပထမဆုံးချသည့် ခြေလှမ်းသာဖြစ်သည်ဟု ဆိုသည်။

“တကယ်လို့ ခေါင်းဆောင်တစ်ယောက်ဟာ သူ့ရဲ့နိုင်ငံကို အခြေမပျက်စေဖို့ သူသာလျှင် လုပ်နိုင်သူလို့ ထင်ရင်တော့ ဒီခေါင်းဆောင်ဟာ တိုင်းပြည်ကို တကယ်တည်ဆောက်ဖို့ ကျရှုံးသွားတာပါပဲ” ဟု အိုဘားမားက ပြောကြားခဲ့သည်။

ထို့ပြင် တောင်အာဖရိကခေါင်းဆောင် နယ်လ်ဆင် မင်ဒဲလားမှာ အာဖရိကတိုက်အတွက် အတုယူစရာခေါင်းဆောင်ဖြစ်သည်ဟုလည်း ၎င်းက ထည့်သွင်းပြောကြားခဲ့သည်။

Ref: Aljazeera

ဇူလိုင် ၂၉၊ ၂၀၁၅
M-Media

– ရေပိုင်နက်အငြင်းပွားမှုများ ရှိနေသော တောင်တရုတ်ပင်လယ်အတွင်း တရုတ်နိုင်ငံက ကျည်အစစ်များဖြင့် တိုက်ပွဲဝင်စစ်ရေးလေ့ကျင့်မှုတစ်ခုကို ယမန်နေ့တွင် ပြုလုပ်ခဲ့သည်ဟု နိုင်ငံပိုင် Xinhua သတင်းဌာနက ဖော်ပြခဲ့သည်။

ရေကြောင်းတိုက်ခိုက်ရေးစွမ်းရည် တိုးတက်မှုအတွက် ဆောင်ရွက်သော အဆိုပါ စစ်ရေးလေ့ကျင့်မှုတွင် ရေတပ်သင်္ဘော အနည်းဆုံး ၁၀၀ ခန့်၊ လေယာဉ်များ၊ မစ်ဆိုင်းတပ်ဖွဲ့များနှင့် သတင်းတပ်ဖွဲ့များ ပါဝင်ခဲ့သည်။

ထို့ပြင် ဒုံးကျည်နှင့် တော်ပီဒိုပစ်ခတ်မှုများ၊ ဗုံးကြဲမှုများကိုလည်း ဆောင်ရွက်ခဲ့ကာ ရေတပ်၏ လေကြောင်းကာကွယ်ရေးစနစ်နှင့် သတိပေးစနစ်များ စမ်းသပ်ခြင်းလည်း ပါဝင်ခဲ့သည်။ ထိုသို့ စစ်ရေးလေ့ကျင့်မှုက တရုတ်စစ်တပ်၏ ချက်ခြင်းတုံ့ပြန်နိုင်မှု စွမ်းရည်ကို တိုးတက်စေခဲ့သည်ဟု သတင်းဌာနက ထည်သွင်းဖော်ပြခဲ့သည်။

ပိုင်ဆိုင်မှု အငြင်းပွားမှုများရှိနေသော တောင်တရုတ်ပင်လယ်အတွင်း ထိုကဲ့သို့ ကျည်အစစ်များဖြင့် စစ်ရေးလ့ကျင့်မှုက ဒေသအတွင်း တင်းမာမှုများကို မြင့်တက်လာစေမည်ဖြစ်သည်။

၂၀၁၂ ခုနှစ်က ပထမဆုံး လေယာဉ်တင်င်္ဘောကို တာဝန်ထမ်းဆောင်စေခဲ့သည့် တရုတ်နိုင်ငံမှာ ပြီးခဲ့သည့်နှစ်များအတွင်း ၎င်းတို့၏ ရေတပ်အင်အားကို အလျင်အမြန် ချဲ့ထွင်လာခဲ့ပြီး၊ တိုက်ရေယာဉ်အုပ်များနှင့် ရေငုပ်သင်္ဘောအရေအတွက်များကိုလည်း မြှင့်တင်လာခဲ့သည်။

တောင်တရုတ်ပင်လယ်၏ ဧရိယာအများစုကို ပိုင်ဆိုင်သည်ဟု ကြေညာထားသောကြောင့် ဒေသတွင်း နိုင်ငံအများအပြားနှင့် အငြင်းပွားမှုများ ရှိနေသ်ေလည်း လက်ရှိတွင် တရုတ်နိုင်ငံမှာ ထိုပင်လယ်အတွင်းရှိ ကျွန်းအချို့၌ ကျွန်းတုများဖန်တီးကာ စိုးမိုးရေးလုပ်ငန်းများကို လုပ်ဆောင်နေသည်။

စစ်အားအားချဲ့ထွင်ရန် ကြိုးစားနေသည့် ဂျပန်နိုင်ငံကမူ တရုတ်၏ ထိုလုပ်ရပ်မှာ နိုင်ထက်စီးနင်းပြုသော လုပ်ရပ်ဖြစ်သည်ဟု ပြီးခဲ့သည့်တစ်ပတ်က ရှုတ်ချခဲ့သည်။

ဖိလစ်ပိုင်ကလည်း အငြင်းပွားနေသော ရေပိုင်နက်အတွင်း အဓိကထား တောင်းဆိုရန်အတွက် လာမည့်နှစ် ကာကွယ်ရေးဘက်ဂျက်ကို ၂၅ ရာခိုင်နှုန်း တိုးမြှင့်ရန် အစီအစဉ်ရှိနေသည်။

Ref: Channelnewsasia

ဇူလိုင် ၂၉၊ ၂၀၁၅
M-Media

– သတင်းထောက်တစ်ဦးအား ကိုယ်ထိလက်ရောက် စော်ကားခဲ့သည်ဟု သတင်းများထွက်ပေါ်လာပြီးနောက် မက္ကဆီကိုလက်ရွေးစင်အသင်းမှာ ၎င်းတို့၏ နည်းပြဖြစ်သူ မီဂွဲလ် ဟာရဲရားအား ရာထူးမှ ထုတ်ပယ်လိုက်သည်ဟု သိရသည်။

ဟာရဲရားမှာ တနင်္ဂနွေနေ့က ကစားခဲ့သော Gold Cup ပြိုင်ပွဲ နောက်ဆုံးဗိုလ်လုပွဲတွင် ဂျမေကာအား အနိုင်ရရှိကာ မက္ကဆီကိုအသင်း ဗိုလ်စွဲအောင် စွမ်းဆောင်ပေးနိုင်ခဲ့သူဖြစ်သည်။

ကွန်ကာကက်ဖ်ဒေသ၏ ချန်ပီယံဖြစ်ပြီး ၂၄ နာရီမပြည့်မီမှာပင် ဟာရဲရားမှာ ဖီလာဒဲလ်ဖီးယားလေဆိပ်၌ သတင်းထောက်တစ်ဦးအား ထိုးကြိတ်ခဲ့သည်ဟု သတင်းများထွက်ပေါ်လာခဲ့သည်။ ထို့နောက် မက္ကဆီကိုဘောလုံးအဖွဲ့ချုပ် FMF က ယမန်နေ့တွင်
နည်းပြ ဟာရဲရားအား ထုတ်ပယ်လိုက်ကြောင်း ကြေညာချက်ထုတ်ပြန်ခဲ့သည်။

ဘောလုံးအဖွဲ့ချုပ် ဥက္ကဌအဖြစ် မကြာခင် တာဝန်ထမ်းဆောင်မည့် ဒီစီယို ဒီမာရီယာကမူ ဟာရဲရား၏ ထိုအပြုအမူကြောင့် ၎င်း၏အလုပ်အား ဆုံးရှုံးခဲ့ရခြင်းဖြစ်သည်ဟု ပြောကြားခဲ့သည်။

“ဘောလုံးအဖွဲ့ချုပ်မှာ အသီးသီးတာဝန်ယူထားကြတဲ့ လုပ်ဖော်ကိုင်ဖက်တွေရဲ့ ပြောကြားမှုတွေကို နားထောင်ပြီးတဲ့နောက်ပိုင်းမှာ မီဂွဲလ် ဟာရဲရားကို နိုင်ငံအသင်းကနေ ထုတ်ပယ်ဖို့ ကျွန်တော် ဆုံးဖြတ်ချက် ချခဲ့ပါတယ်။ ဒါဟာ သာမန်ဆုံးဖြတ်ချက် မဟုတ်ပါဘူး။ ဒါပေမယ့် မှန်ကန်တဲ့ ဆုံးဖြတ်ချက်ပါပဲ” ဟု FMF ၏ ကိုယ်စား ထုတ်ပြန်သော ကြေညာချက်တွင် ဒီမာရီယာက ပြောကြားခဲ့သည်။

ထို့ပြင် လူတိုင်း၌ ရွေးချယ်မှုရှိသော်လည်း မိမိ၏တန်ဖိုးကို ထိန်းသိမ်းရမည်ဖြစ်ကြောင်း၊ တနင်္လာနေ့က ဖီလာဒဲလ်ဖီးယားလေဆိပ်တွင် မြင်တွေ့ခဲ့ရသည့် အခြေအနေမျိုး၏ အပေါ်တွင် မည်သူမှ ရှိ၍မရကြောင်း ၎င်းက ထပ်လောင်းပြောကြားခဲ့သည်။

Ref: Goal

ဇူလိုင် ၂၉၊ ၂၀၁၅
M-Media

– အွန်လိုင်းမှာ ချစ်ကြိုးသွယ်ခဲ့ကြပေမယ့် အပြင်မှာတစ်ကယ်တွေ့တဲ့အခါ ရုပ်ရည်ရူပကာ၊ လူမှုဆက်ဆံရေး စတာတွေမှာ မှန်းချက်နဲ့နှမ်းထွက် မကိုက်တဲ့ ဇာတ်လမ်းတွေကို အခုနောက်ပိုင်း တော်တော်များများ ကြားဖူးကြပါလိမ့်မယ်။

ဒါပေမယ့် တရုတ်နိုင်ငံက အသက် ၂၃ နှစ်အရွယ်အမျိုးသမီးတစ်ယောက်ကတော့ အွန်လိုင်းချစ်သူကို အပြင်မှာတွေ့လိုက်ရတဲ့အခါ သူ့အိပ်မက်ထဲမှာ ရင်ခုန်ခဲ့ရတဲ့ ရုပ်ရည်ရူပကာမျိုး မဟုတ်တဲ့အတွက် အကြိမ်ကြိမ် သေကြောင်းကြံတဲ့အထိကို ဖြစ်ခဲ့ပါတယ်။

တရုတ်နိုင်ငံ အရှေ့မြောက်ဖျားက ဂျီလင်ပြည်နယ်မှာ နေထိုင်တဲ့ အဲဒီအမျိုးသမီးလေးဟာ သူ့ရဲ့ အွန်လိုင်းချစ်သူကို တွေ့ဆုံဖို့ ကပ်လျက် ဟေလောင်ဂျီယန်းပြည်နယ် မူဒန်ဂျီယန်းမြို့အထိကို သွားခဲ့ရတာပါ။

အင်္ဂါနေ့ညပိုင်း အဲဒီမြို့က ဟိုတယ်တစ်ခုရဲ့ ၇ ထပ်မှာ တွေ့လိုက်ရတဲ့အခါမှာတော့ သူ့စိတ်ကူးအိပ်မက်ထဲကလို ရုပ်ရည်ရူပကာမျိုး မဟုတ်တဲ့အတွက် မျှော်လင့်ချက်မဲ့သွားတဲ့ ဒီအမျိုးသမီးလေးဟာ ပြဿနာ ရှာပါတော့တယ်။

“နင်ငါ့ကို လိမ်တယ်” လို့ အော်ရင်း လသာဆောင်ကနေ ခုန်ချဖို့ ကြိုးစားတဲ့ ဒီအမျိုးသမီးကို ရဲတပ်ဖွဲ့ မနည်းဖျောင်းဖျခဲ့ရပါတယ်။ ဒါပေမယ့်လည်း အိပ်ဆေးသောက်သေဖို့ ကြိုးစားခဲ့သေးလို၊ ဖန်ခွက်ကွဲ အစနဲ့ လက်ကသွေးကြောကိုဖြတ် သွေးထွက်လွန်သေဖို့လည်း ကြံစည်ခဲ့ပါသေးတယ်။

ရဲတပ်ဖွဲ့က သူ့ရဲ့လုပ်ရပ်တွေကို တားခဲ့ရပြီး ဆေးရုံကားခေါ်ကာ ဆေးရုံကို ပို့လိုက်ရတဲ့အထိ ဖြစ်ခဲ့ပါတယ်။

မိခင်ဖြစ်သူက သူ့သမီးနဲ့ အဲဒီအမျိုးသားဟာ အွန်လိုင်းမှာ သိပ်မကြာခင်ပဲ ချစ်ကြိုက်ခဲ့ပြီး တွေ့ဖို့ ချိန်းဆိုခဲ့ကြတာဖြစ်တယ်လို့ ဆိုပါတယ်။အဲဒီအွန်လိုင်းချစ်သူဟာ အသက် ၁၀ နှစ်လောက်ကြီးနေတာမို့ သူတို့ရဲ့ ဆက်ဆံရေးကို သဘောမတူပေမယ့် သမီးဖြစ်သူက မိသားစုကို ဆန့်ကျင်ပြီး သွားတွေ့ခဲ့တာလို့ ဖွင့်ဟခဲ့ပါတယ်။

အခုတော့ အဲဒီအမျိုးသမီးလေးဟာ အသက်အန္တရာယ်မရှိတော့ပေမယ့် ဒေါသထွက်ပြီး ဖန်ကွဲစတွေကို မြိုချခဲ့တာကြောင့် ဆေးစစ်မှုတွေပြုလုပ်ဖို့အတွက် ဆေးရုံမှာ ဆက်နေရမယ်လို့ ရဲတပ်ဖွဲ့က ပြောခဲ့ပါတယ်။

ဒီဇာတ်လမ်းဟာ တရုတ်နိုင်ငံ၏ အွန်လိုင်းစာမျက်နှာတွေမှာ ပြန့်နှံ့သွားခဲ့ပြီး မိုက်ရူးရဲဆန်တဲ့ ဒီအမျိုးသမီးလေးကို ပြစ်တင်ပြောဆိုမှုတွေလည်း ရှိခဲ့ပါတယ်။

အွန်းလိုင်းချစ်သူတွေ တကယ်တွေ့တဲ့အခါ ပြဿနာဖြစ်တဲ့ ဖြစ်စဉ်ဟာ တရုတ်နိုင်ငံမှာ ဒါ ပထမဆုံးတော့ မဟုတ်ပါဘူး။ မကြာသေးခင်ကပဲ အွန်လိုင်းချစ်သူနှစ်ယောက် အပြင်မှာပထမဆုံး တွေ့ဆုံကြတဲ့အခါ ဓာတ်ပုံတွေကို လိမ်ပို့ခဲ့တဲ့အတွက် လမ်းလယ်ကောင်မှာ စကားများ ရန်ဖြစ်ကြတဲ့ ဗီဒီယိုတစ်ခုလည်း အွန်လိုင်းစာမျက်နှာမှာ တက်လာခဲ့ပါသေးတယ်။

Ref: shanghaiist

ဇူလိုင် ၂၉၊ ၂၀၁၅
M-Media

– တိုက်စစ်မှူးဖယ်လ်ကာအိုအနေဖြင့် ချယ်ဆီးအသင်းတွင် ဂိုးသွင်းခြေ ပြန်ရမည်ဖြစ်ပြီး ၎င်းအတွက် မိမိအနေဖြင့် မည်သည့်စိုးရိမ်မှုမှမရှိဟု ချယ်ဆီးနည်းပြ မော်ရင်ဟိုက ပြောကြားလိုက်သည်။

အက်သလက်တီကိုမက်ဒရစ်အသင်း၌ ပွဲပေါင်း ၉၀ ကစားကာ ဂိုး ၇၀ သွင်းယူနိုင်ခဲ့သည့် ဖယ်လ်ကာအိုမှာ ယမန်နှစ်က မန်ယူသို့ အငှားလာရောက်ကစားသည့်အချိန်တွင် ၄ ဂိုးသာ သွင်းယူနိုင်ခဲ့သည်။

သို့သော်လည်း မော်ရင်ဟိုက ဇူလိုင်လအစောပိုင်းတွင် ခေါ်ယူခဲ့ပြီး မိမိ၏လက်အောက်တွင် ဖယ်လ်ကာအိုမှာ ကြောက်စရာကောင်းသည့်တိုက်စစ်မှူးတစ်ဦး ပြန်ဖြစ်လာနိုင်မည်ဟု ဆိုသည်။

ထို့ပြင် မန်ယူသို့ပြောင်းရွှေ့သွားကတည်းက မိမိတို့မှာ အဆိုးများနှင့် ရင်ဆိုင်ရတော့မည်ဟု တွေးထားခဲ့ကြောင်း ၎င်းက ၀န်ခံခဲ့သည်။

“သူ မန်ယူကို ရောက်သွားတဲ့အခါ ကျွန်တော်တို့ နည်းနည်းကြောက်ခဲ့တယ်လို့ ပြောရမယ်။ ဘာ့ကြောင့်လည်းဆိုတော့ သူက ပင်နယ်တီစည်းအတွင်းမှာ သားရဲတစ်ကောင်လိုပါပဲ။ ပြီးတော့ တစ်ချိန်လုံး ဂိုးတွေသွင်းတဲ့သူ တစ်ယောက်ပါ။ သူကစားခဲ့တဲ့ ကလပ်အသင်းတိုင်းရဲ့ လိဂ်ပြိုင်ပွဲတိုင်းမှာ သူ ဒီလို ဂိုးတွေသွင်းခဲ့တာကိုး။ ဒါ့ကြောင့် ကျွန်တော်တို့ အင်္ဂလန်မှာလည်း
သူဒီလိုပဲ ဂိုးသွင်းမယ်လို့ ယုံကြည်ခဲ့တယ်” ဟု မော်ရင်ဟိုက ESPN သို့ ပြောကြားခဲ့သည်။

ဖယ်လ်ကာအို မန်ယူ၌ ခြေစွမ်းမပြနိုင်ခြင်းမှာ ကြံ့ခိုင်မှုကြောင့်မဟုတ်ဘဲ မိမိအနေဖြင့် စိုးရိမ်မှုမရှိဟုလည်း ထပ်လောင်းပြောကြားခဲ့သည်။

“၀ယ်ဖို့ ဆုံးဖြတ်ချက်မချခင်မှာ ကျွန်တော်တို့ဟာ အသည်းအသန်ကို လေ့လာဆန်းစစ်မှုတွေ ပြုလုပ်ခဲ့ပါတယ်။ ကျွန်တော်တို့ရဲ့ ဆရာဝန်က ဒီကိစ္စတွေအားလုံးအတွက် စုံစမ်းမှုတွေ တကယ့်ကို လုပ်ခဲ့ပါတယ်။ သေချာတာက သူဟာ ရုပ်ပိုင်းဆိုင်ရာပြဿနာ မရှိပါဘူး။ ဒါ့ကြောင့် ရုပိုင်းဆိုင်ရာ ပြဿနာမရှိရင် ကျွန်တော်တို့ သူ့ကို ဂိုးတွေပြန်သွင်းအောင် လုပ်နိုင်ပါလိမ့်မယ်”

Ref: Goal

ဇူလိုင် ၂၉၊ ၂၀၁၅
M-Media

– ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR ၏ အထူးကိုယ်စားလှယ်ဖြစ်သော ဟောလီးဝုဒ် ရုပ်ရှင်မင်းသမီး အိန်ဂျလီနာဂျိုလီမှာ ယနေ့တွင် မြန်မာနိုင်ငံသို့ ရောက်ရှိလာခဲ့သည်ဟု သိရသည်။

နေပြည်တော်လေဆိပ်သို့ ရောက်ရှိလာခဲ့ခြင်းဖြစ်ပြီး လွတ်တော်ဥက္ကဌ သူရဦးရွှေမန်း၊ သမ္မတဦးသိန်းစိန်တို့နှင့် ယခုလက်ရှိတွင် တွေ့ဆုံပြီးဖြစ်သည်။

မြန်မာနိုင်ငံရှိ ဗြိတိသျှသံရုံးမှ ထုတ်ပြန်သော ကြေညာချက်ကို DVB သတင်းဌာနက ဖော်ပြရာတွင် ဂျိုလီမှာ မြန်မာနိုင်ငံ၌ လေးရက်ကြာ နေထိုင်သွားမည်ဖြစ်ပြီး နိုင်ငံအတွင်းရှိ အခြေအနေများကို လေ့လာသွားမည်ဖြစ်ကာ ပြည်သူများအတွက် ငြိမ်းချမ်းပြီး ပြီးပြည့်စုံသည့်အနာဂတ် တည်ဆောက်ရေး ကြိုးပမ်းမှုများကို အားပေးသွားမည်ဟု ဆိုသည်။

လိင်အကြမ်းဖက်မှုတားဆီးရေး ရှေ့ဆောင်အဖွဲ့ကို ပူးပေါင်းတည်ထောင်သူဖြစ်ပြီး UNHCR ၏ အထူးကိုယ်စာလှယ်ဖြစ်သူ ဂျိုလီမှာ မြန်မာနိုင်ငံ၏ ပဋိပက္ခများ ဖြစ်ပွားရာဒေသရှိ အိုးအိမ်စွန့်ခွာ ထွက်ပြေးရသူများ နေထိုင်ရာဒေသများသို့လည်း သွားရောက် လည်ပတ်သွားမည်ဖြစ်သည်။

“လူ့အခွင့်အရေး၊ ဘာသာပေါင်းစုံဆက်ဆံရေးနဲ့ ပတ်သက်ပြီး ဆောင်ရွက်နေတဲ့ဒေသခံတွ၊ အမျိုးသမီးအခွင့်အရေး မြှင့်တင်ပေးဖို့ ဆောင်ရွက်နေသူတွေ၊ မကြာခင်ဖြစ်လာတော့မယ့် ရွေးကောက်ပွဲမတိုင်ခင် မဲဆန္ဒရှင်များ ပညာပေးခြင်းနဲ့ ပူးပေါင်းပါဝင်ခြင်းဆိုင်ရာ စီမံကိန်းတွေ ဆောင်ရွက်နေတဲ့အဖွဲ့တွေကိုလည်း သူမက တွေ့ဆုံပါလိမ့်မယ်” ဟု အဆိုပါ ကြေညာချက်တွင် ထည့်သွင်းဖော်ပြထားသည်။

သတင်းစာရှင်းလင်းပွဲတွင် ဂျိုလီက သူမအနေဖြင့် မြန်မာနိုင်ငံရှိ အဖွဲ့အများအပြားဖြင့် တွေ့ဆုံသွားမည်ဖြစ်ပြီး ၎င်းတို့၏ စိုးရိမ်မှုများနှင့် နိုင်ငံ၏ အနာဂတ်အတွက် ၎င်းတို့၏ မျှော်လင့်ချက်များကို လေ့လာသွားမည်ဟု ပြောကြားခဲ့သည်။

“နိုဝင်ဘာမှာ ရွေးကောက်ပွဲလာတော့မယ့်အချိန် သူတို့ရဲ့ ဒီမိုကရေစီအခွင့်အရေးကို ကျင့်သုံးဖို့၊ ငြိမ်းချမ်းတဲ့အနာဂတ်အတွက် အရေးပါတဲ့ အခြေခံပြဿနာတွေကို ဖြေရှင်းရေး အကူအညီပေးဖို့ ပြည်သူတွေအတွက် အခုအချိန်ဟာ အရေးပါတဲ့အချိန်ပါပဲ” ဟု ဂျိုလီက
ထပ်လောင်းပြောကြားခဲ့သည်။

ဂျိုလီမှာ မြန်မာနိုင်ငံသို့ မလာရောက်ခင် ကမ္ဘောဒီးယားသို့ သွားရောက်ခဲ့ပြီး Maddox Jolie-Pitt Foundation က ၂၀၀၃ ခုနှစ်မှစ၍ ရန်ပုံငွေထောက်ပံ့ခဲ့သော ကျန်းမာရေး၊ ပညာရေးနှင့် ပတ်ဝန်းကျင်ထိန်းရေး စီမံကိန်းများကို သွားရောက် ကြည့်ရှုခဲ့သည်။

ထို့ပြင် ကမ္ဘောဒီယား၌ မတည်မငြိမ်ဖြစ်နေသည့်အချိန်တွင် ကလေးငယ်တစ်ဦး ကြုံတွေ့ခဲ့ရသည့် ဖြစ်ရပ်မှန်ဇာတ်ကားကို အခြေပြု ရိုက်ကူးမည့် First They Killed My Father ရုပ်ရှင်အတွက်လည်း ပြင်ဆင်မှုများ ပြုလုပ်ခဲ့သည်။

ဂျိုလီမှာ မြန်မာနိုင်ငံသို့ ပထမဆုံး လာရောက်ခြင်းဖြစ်ပြီး ပြီးခဲ့သည့်နှစ်က ထိုင်း-မြန်မာ နယ်စပ် ဒုက္ခသည်စခန်းများသို့ UNHCR ၏ အထူးကိုယ်စားလှယ်အဖြစ် သွားရောက်ခဲ့ကာ ကရင်ဒုက္ခသည်များနှင့် တွေ့ဆုံခဲ့သည်။

Ref: Gangkokpost

ဇူလိုင် ၂၉၊ ၂၀၁၅
M-Media

တာလီဘန်ခေါင်းဆောင် မွလ္လာအိုမာရ်သေဆုံးကြောင်း သတင်းထွက်ပေါ်လာ
…………………………………………
တာလီဘန်ခေါင်းဆောင် မွလ္လာအိုမာရ်မှာ လွန်ခဲ့သည့် ၂ နှစ်နှင့် ၄ လအရင်က အဆုတ်ရောဂါဖြင့် သေဆုံးခဲ့သည်ဟု ပါကစ္စတန်နှင့် အာဖဂန်အစိုးရတို့က အတည်ပြုပြောကြားခဲ့သည်ဟု Reuters သတင်းဌာနက ယနေ့တွင် ဖော်ပြခဲ့သည်။ အဆိုပါသတင်းကို ယခင်တာလီဘန်ဝန်ကြီဟောင်း တစ်ဦးက ထောက်ခံခဲ့ပြီး မွလ္လာအိုမာရ်ကို အာဖဂန်နယ်စပ်တွင် မြှုပ်နှံခဲ့သည်ဟု ဆိုသည်။
သို့သော်လည်း တာလီဘန်အဖွဲ့ကမူ အဆိုပါသတင်းအား ငြင်းဆိုခဲ့ပြီး မွလ္လာအိုမာရ်မှာ ကျန်းကျန်းမာမာရှိနေသည်ဟု ပြန်လည်တုံ့ပြန်ခဲ့သည်။

ပါလက်စတိုင်းပိုက်နက်တွင် ကျူးကျော်အိမ်ယာဆောက်လုပ်ရန် အစ္စရေးအတည်ပြု
……………………………………
ပါလက်စတိုင်းပိုင် အနောက်ဘက်ကမ်းတွင် ကျူးကျော်အိမ်ယာ ၃၀၀ ကို ချက်ခြင်းဆောက်လုပ်ရန်အတွက် အစ္စရေးဝန်ကြီးချုပ် နေတန်ယာဟုက ယနေ့တွင် အတည်ပြုခဲ့သည်။ ထို့ပြင် ၎င်းတို့ကျူးကျော်ထားသည့် အရှေ့ဂျေရုစလင်တွင်လည် နေအိမ် ၅၀၄ လုံး
ဆောက်လုပ်ရန်အစီအစဉ်ကိုလည်း အတည်ပြုခဲ့သည်။ ပါလက်စတိုင်းပိုင်နက်များတွင် ဂျူးအခြေချ ကျူးကျော်အိမ်ယာများ တည်ဆောက်ခြင်းကို နိုင်ငံတကာအသိုင်းအ၀ိုင်းက ကန့်ကွက်ရှုတ်ချကာ ဆောက်လုပ်ခြင်းမပြုရန် တားမြစ်ထားသော်လည်း အစ္စရေးက လိုက်နာခြင်း မရှိပေ။

အိန္ဒိယရေကြီးမှု လူ ၂၆ ဦးသေဆုံး
………………………..
မိုးသည်းထန်စွာရွာသွန်းပြီး ရေကြီးမှုကြောင့် အိန္ဒိယနိုင်ငံအနောက်ပိုင်းတွင် ပြီးခဲ့သည့် ၄၈ နာရီအတွင်း အနည်းဆုံး လူ ၂၆ ဦး သေဆုံးခဲ့သည်ဟု AFP သတင်းဌာနက ဖော်ပြခဲ့သည်။ မိုးကြီးပြီး လေထန်မှုကြောင့် ဂူဂျာရတ်ပြည်နယ်မြောက်ပိုင်းတစ်ဝှမ်းတွင် ဓာတ်အားလိုင်းနှင့် ဆက်သွယ်ရေးများ ပြတ်တောက်လျက်ရှိနေသည်။ ရေကြီးမှုဒဏ်ကို ရွာပေါင်း ၂၀၀၀ ကျော် ခံစားနေရပြီး အဆိုးရွားဆုံးနေရာများတွင် ကယ်ဆယ်ရေးလုပ်ငန်းများကို လုပ်ဆောင်နေသည်။

Ref: News Agencies