ဇူလိုင် ၃၀၊ ၂၀၁၅
M-Media

– အိန္ဒိယသမုဒ္ဒရာအနောက်ပိုင်း ပြင်သစ်ပိုင် ရီယူနီယံကျွန်းတွင် တွေ့ရှိခဲ့သည့် လေယာဉ်အပျက်အစီး အစိတ်အပိုင်းမှာ လွန်ခဲ့သည့် ၁ နှစ်က ပျောက်ဆုံးသွားခဲ့သော MH370 လေယာဉ်မှ ဖြစ်မည်လားဆိုသည်ကို စုံစမ်းစစ်ဆေးမှုများပြုလုပ်ရန် အဖွဲ့တစ်ဖွဲ့ကို မလေးရှားက
စေလွှတ်လိုက်သည်ဟု သိရသည်။

ယမန်နေ့နှောင်းပိုင်းက စေလွှတ်လိုက်ခြင်းဖြစ်ပြီး မလေးရှား သယ်ယူပို့ဆောင်ရေးဝန်ကြီးကလည်း ထိုကဲ့သို့ စေလွှတ်ကြောင်း အတည်ပြုခဲ့သည်။

ပြင်သစ် လေယာဉ်ပျက်စုံစမ်းရေးအေဂျင်စီ BEA ကမူ ရီယူနီယံကျွန်းတွင် တွေ့ရှိခဲ့သည့် လေယာဉ်အပိုင်းအစ တစ်ခုကို လေ့လာမှုများ ပြုလုပ်နေသော်လည်း MH370 မှ ဖြစ်သည်ဆိုသည်ကိုမူ ပြောရန် စောလွန်းနေသောကြောင်း ယမန်နေ့အစောပိုင်းက ပြောကြားခဲ့သည်။

အေဂျင်စီမှ ပြောရေးဆိုခွင့်ရှိသူ တစ်ဦးက အဆိုပါအပျက်အစီးကို မစစ်ဆေးရသေးဟု ဆိုပြီး ကျွမ်းကျင်သူများကမူ ဓာတ်ပုံများအရ ထိုအစိတ်အပိုင်းမှာ လေယာဉ်တောင်ပံမှ အစိတ်အပိုင်းတစ်ခုဖြစ်မည်ဟု ယူဆရကြောင်း ပြောကြားခဲ့သည်။

ခရီးသည် ၂၃၉ ဦးနှင့် လေယာဉ်အမှုထမ်းများကို တင်ဆောင်ကာ ကွာလာလမ်ပူမှ ဘေဂျင်းသို့ ပျံသန်းလာသော အဆိုပါ MH370 လေယာဉ်မှာ ပြီးခဲ့သည့် မတ်လအတွင်းက အစရှာမရဘဲ ပျောက်ဆုံးသွားခဲ့ပြီး အရပ်ဘက်လေကြောင်းသမိုင်းတွင် ပဟေဠိဖြစ်စရာအကောင်းဆုံး ကိစ္စများမှ တစ်ခုလည်း ဖြစ်သည်။ ထိုလေယာဉ်တွင် လိုက်ပါသွားသူ ခရီးသည်အများစုမှာ တရုတ်နိုင်ငံသားများ ဖြစ်ကြသည်။

ဘိုးအင်း ၇၇၇ ဖြစ်သည့် အဆိုပါလေယာဉ်အား ရှာဖွေမှုကို သြစတေးလျနိုင်ငံက ဦးဆောင်ပြုလုပ်နေပြီး အိန္ဒိယသမုဒ္ဒရာ တောင်ဘက်ပိုင်းတစ်လျှောက်တွင် အာရုံစိုက်ရှာဖွေမှုများ ပြုလုပ်နေသည်။

AP သတင်းဌာနမှ ယမန်နေ့က ဖော်ပြရာတွင် အိန္ဒိယသမုဒ္ဒရာထဲ၌ တွေ့ရှိခဲ့သော အဆိုပါ အစိတ်အပိုင်းမှာ ဘိုးအင်း ၇၇၇ လေယာဉ်မှ ဖြစ်နိုင်ချေများသည်ဟု စုံစမ်းစစ်ဆေးသူများက ယုံကြည်နေကြောင်း အမေရိကန်အာဏာပိုင်များက ပြောကြားခဲ့သည်ဟု ဆိုသည်။

Ref: Aljazeera

ဇူလိုင် ၃၀၊ ၂၀၁၅
M-Media

– ပါလက်စတိုင်းပိုင်နက်ဖြစ်ပြီး အစ္စရေးက ကျူးကျော်သိမ်းပိုက်ထားသော အနောက်ဘက်ကမ်းတွင် အခြေချအိမ်ယာ ၃၀၀ ဆောက်လုပ်ရန် အစ္စရေး၏ အတည်ပြုမှုကို ကုလသမဂ္ဂ အထွေထွေအတွင်းရေးမှူးချုပ် ဘန်ကီမွန်က ရှုတ်ချလိုက်ပြီး ထိုဆုံးဖြတ်ချက်အား
ပြန်ရုပ်သိမ်းရန်လည်း တိုက်တွန်းလိုက်သည်။

အနောက်ဘက်ကမ်း ဘီအစ် အဲလ်ဒေသတွင် အိမ်ယာ ၃၀၀ ချက်ခြင်းဆောက်လုပ်ရန်နှင့် အစ္စရေးက သိမ်းပိုက်ထားသည့် အရှေ့ဂျေရုစလင်တွင် နေအိမ် ၅၀၄ လုံး ဆောက်လုပ်ရန်အစီအစဉ်တို့ကို အစ္စရေးဝန်ကြီးချုပ် နေတန်ယာဟုက ယမန်နေ့တွင် အတည်ပြုခဲ့ခြင်းဖြစ်သည်။

ဘန်ကီမွန်ကမူ အဆိုပါ အခြေချအိမ်ယာများမှာ နိုင်ငံတကာဥပဒေနှင့် ညီညွတ်ခြင်းမရှိဘဲ၊ ငြိမ်းချမ်းရေးအတွက် အဟန့်အတားဖြစ်ကာ နှစ်နိုင်ငံအဖြေရရေး အစ္စရေးက ဖော်ပြထားသည့် သဘောထားနှင့်အတူ ပြန်လည်သင့်မြတ်ရေးကိုလည်း ဆောင်ရွက်နိုင်မည်မဟုတ်ဟု နယူးယောက်မှ ထုတ်ပြန်သော ကြေညာချက်တွင် ဖော်ပြထားသည်။

ထို့ပြင် ငြိမ်းချမ်းရေးကို ရှေးရှုသောအားဖြင့် ဆောက်လုပ်ရေးလုပ်ငန်းများကို ရပ်တန့်ရန်နှင့် ဆုံးဖြတ်ချက်ကို ပြန်လည်ရုတ်သိမ်းရန်လည်း ဘန်က တိုက်တွန်းခဲ့သည်ဟု ၎င်း၏ ပြောရေးဆိုခွင့်ရှိသူက ဆိုသည်။

အနောက်ဘက်ကမ်းတွင် ဘဒူအင်များနေထိုင်သော ဆူစီယာရွာအား ဖြိုချဖျက်ဆီးပစ်မည်ဟု အစ္စရေးက ခြိမ်းခြောက်မှုအတွက်လည်း စိုးရိမ်မိသည်ဟု ဘန်ကီမွန်က ထည့်သွင်းပြောကြားခဲ့သည်။

“ကျူးကျော်သိမ်းပိုက်ထားတဲ့ ပိုင်နက်မှာ ပြည်သူပိုင်ပစ္စည်းတွေကို ဖျက်ဆီးခြင်းဟာ နိုင်ငံကတကာဥပဒေအရ တားမြစ်ထားတဲ့ကိစ္စဖြစ်ပြီး အဲဒီလို အပြုအမူတွေအတွက် တာဝန်ယူရပါလိမ့်မယ်”

Ref: Alarabiya

ဇူလိုင် ၃၀၊ ၂၀၁၅
M-Media

– လာမည့်နှစ်ဆန်းပိုင်းတွင် ပြုလုပ်မည့် ဖီဖာဥက္ကဌရွေးကောက်ပွဲတွင် မိမိအနေဖြင့် ၀င်ရောက်ယှဉ်ပြိုင်သွားမည်ဟု တောင်ကိုရီးယား ဘောလုံးအဖွဲ့ချုပ် ဥက္ကဌဟောင်း ချန်မွန်ဂျွန်းက ပြောကြားလိုက်သည်။

ပြီးခဲ့သည့်ဇွန်လက ငါးကြိမ်ဆက် ရွေးကောက်တင်မြှောက်ခြင်း ခံခဲ့ရသည့် ဥက္ကဌ ဘလတ္တာက ၎င်းအနေဖြင့် ရာထူးမှ နှုတ်ထွက်တော့မည်ဟု ပြောကြားခဲ့ပြီးနောက် လာမည့်နှစ် ဖေဖော်ဝါရီ ၂၆ ရက်နေ့တွင် ဥက္ကဌသစ် ရွေးကောက်ပွဲကို ပြုလုပ်ရန် ဖီဖာက ရက်သတ်မှတ်ခဲ့သည်။

ယူအီးအက်ဖ်အေဥက္ကဌ ပလာတီနီကမူ ၎င်းအနေဖြင့် ဖီဖာဥက္ကဌရာထူးအတွက် ၀င်ရောက်ယှဉ်ပြိုင်မည်ဟု ယမန်နေ့တွင် ကြေညာခဲ့ပြီး ၎င်းပင် အရွေးခံရမည်ဟု ရေပန်းစားနေသည်။

ဖီဖာ၏ ဒုတိယဥက္ကဌအဖြစ် တာဝန်ထမ်းဆောင်ခဲ့ဖူးသူ အသက် ၆၁ နှစ်အရွယ် ချန်မွန်ဂျွန်းကလည်း ၎င်းအနေဖြင့် ထိုရာထူးအတွက် ၀င်ရောက်အရွေးခံသွားမည်ဟု ယနေ့တွင် ပြောကြားခဲ့ပြီး ပလာတီနီမှာ သင့်တော်သူမဟုတ်ဟု ဆိုသည်။

“အဓိပ္ပါယ်ရှိတဲ့ ပြုပြင်ပြောင်းလဲမှုတွေ လုပ်ဆောင်ဖို့ မစ္စတာ ပလာတီနီအတွက် တော်တော်ခက်ခဲပါလိမ့်မယ်။ သူဟာ လက်ရှိဖီဖာတည်ဆောက်ပုံကို ထောက်ခံအားပေးသူပါ။ ပြီးတော့ သူဟာ လက်ရှိစနစ်ရဲ့ လက်ထွက်လည်း ဖြစ်ပါတယ်။ တကယ်လို့ ကျွန်တော်အရွေးခံရရင် ကျွန်တော့်အလုပ်က ရုံးထိုင်ဇိမ်ခံနေဖို့ မဟုတ်ပါဘူး။ ဒီတည်ဆောက်ပုံကို ပြောင်းလဲဖို့ပါ” ဟု ဂျွန်းက
BBC သို့ပြောကြားခဲ့သည်။

ဂျွန်းမှာ နိုင်ငံရေးသမားနှင့် စီးပွားရေးလုပ်ငန်းရှင်တစ်ဦးလည်း ဖြစ်သည်။

Ref: Goal

ဇူလိုင် ၃၀၊ ၂၀၁၅
M-Media

– လမ္ဘာသို့ နေ့ချင်းပြန် သွားရောက်နိုင်သည့်အထိ စွမ်းဆောင်နိုင်သော တွန်းကန်အားစွမ်းအင်သစ်သုံး အင်ဂျင်စက်တစ်ခု ရှိနေပြီဟု သိပ္ပံပညာရှင်များက အတည်ပြု ပြောကြားလိုက်သည်။

အဆိုပါ အင်ဂျင်စက်ကို လျှပ်စစ်သံလိုက် တွန်းကန်အား အင်ဂျင် EM Drive ဟု အမည်ပေးထားပြီး ၂၀၀၀ ပြည့်နှစ်က ဗြိတိန်သိပ္ပံပညာရှင် ရော်ဂျာ ရှော်ယာက ဖန်တီးနိုင်ခဲ့ဖြစ်သည်။ သို့သော်လည်း ၎င်း၏ ခေတ်ပြိုင်သိပ္ပံပညာရှင်များက ထိုဖန်တီးမှုမှာ သိပ္ပံနည်းကျ မဖြစ်နိုင်ဟု ယူဆခဲ့ကြသည်။

သို့သော်လည်း နောက်ပိုင်းတွင် နာဆာ အဆိုပါဒီဇိုင်းအား ပြန်လည်သုံးသပ်ခဲ့ပြီး ထိုနည်းပညာမှာ ဖြစ်နိုင်သည်ဟု ကောက်ချက်ချခဲ့သည်။

ရှော်ယာ၏ မူပိုင်ဖြစ်သော အဆိုပါ တွေ့ရှိချက်ကို ဒရက်စ်ဒန် နည်းပညာတက္ကသိုလ်မှ မာတင် တဂ်ျမာက ယခုသီတင်းပတ်တွင် ဖော်ထုတ်ခဲ့ပြီး အဆိုပါ EM Drive မှာ ဖိုတွန်ဒုံးကျည်များထက် တွန်းကန်အား အလွန်မြင့်မားကာ အင်္ဂါဂြိုဟ်အား ရက်ပေါင်း ၇၀ နှင့် ပလူတိုဂြိုဟ်အား ၁၈ လတာအကြာတွင်ပင် ရောက်ရှိနိုင်သည်ဟု ပြောကြားခဲ့သည်။ လကမ္ဘာသို့သွားပါက ၄ နာရီသာ
ကြာမြင့်မည်ဖြစ်သည်။

ထို့ပြင် နေမှ အလင်းနှစ် ၄.၃၇ နှစ် အကွာအဝေးတွင်ရှိပြီး ကမ္ဘာနှင့်အနီးဆုံး ကြယ်စင်စုကြီးဖြစ်သော Alpha Cetauri သို့ လက်ရှိယာဉ်များဖြင့် သွားရောက်ပါက နှစ်ပေါင်းထောင်ချီ ကြာမြင့်နိုင်သော်လည်း EM Drive ကို အသုံးပြုပါက နှစ် ၁၀၀ အတွင်း သွားရောက်နိုင်မည်ဖြစ်သည်။

EM Drive မှာ နေစွမ်းအင်ကို ထိန်းချုပ်အသုံးချခြင်းဖြင့် အလုံပိတ်ထားသည့် အုံအတွင်း မိုက်ခရိုဝေ့ဗ်လှိုင်းများကို ထုတ်ပေးစေခြင်း ဖြစ်သည်။ သီအိုရီအရ ဘရိတ်မရှိပါက အဆိုပါ အင်ဂျင်မှာ လောင်စာဆီမလိုဘဲ ထာဝရ မရပ်မတန့် သွားနိုင်မည်ဖြစ်သည်။

“ကျွန်တော်တို့ရဲ့ စမ်းသပ်မှုလုပ်ငန်းဟာ EM Drive ရဲ့ လုပ်ဆောင်မှုကို အတည်ပြုလို့မရသေးသလို၊ ငြင်းပယ်လို့လည်း မရပါဘူး။ ဒါပေမယ့် အခုလက်ရှိမှာ အသုံးပြုခဲ့တဲ့ တိုင်းတာမှုနည်းလမ်းတွေ အတွင်းမှာ ဖြစ်နိုင်ဖွယ်ရာ ဘေးထွက်ဆိုးကျိုးတွေကို လွတ်လွတ်လပ်လပ် ချင့်ချိန်ဖို့ ရည်ရွယ်ပါတယ်။ ဘာပဲဖြစ်ဖြစ် အနာဂတ်ဖြစ်စဉ်တွေကို ထပ်မံလေ့လာဖို့ လုံလောက်စေတဲ့ ဖြစ်နိုင်ဖွယ်
အမှားအယွင်းတွေကို ဖယ်ထုတ်ပြီးတဲ့နောက်မှာ ခန့်မှန်းထားတာနဲ့ နီးစပ်တဲ့ တွန်းကန်အားကိုတော့ ရှာတွေ့ခဲ့ပါတယ်” ဟု တဂ်ျမာက ပြောကြားခဲ့သည်။

ထို့ပြင် အပူနှင့် လျှင်စစ်သံလိုက်အမှုန်တို့၏ နှောက်ယှက်မှုများကို အသေအချာ လေ့လာပြီးနောက် ယခင်မျှော်မှန်းထားသည့် တွန်းကန်အားမျိုး ရရှိနိုင်သည်ဟု မိမိတို့၏ ဆန်းစစ်မှုများအရ သိရကြောင်း၊ ထိုကဲ့သို့ ရရှိလာပါက အာကာသခရီးသွားမှုကို တော်လှန်ပြောင်းလဲနိုင်မည်ဖြစ်ကြောင်း ၎င်းက ထပ်လောင်းပြောကြားခဲ့သည်။

တဂ်ျမာမှာ ၎င်း၏တွေ့ရှိမှုကို ယခုတစ်ပတ်တွင် ကျင်းပပြုလုပ်မည့် 2015 American Institute for Aeronautics and Astronautics’ Propulsion and Energy Forum and Exposition ဖိုရမ်၌ တင်သွင်းသွားမည်ဖြစ်သည်။

ကနီဦးတီထွင်ခဲ့သူ ရှော်ယာမှာလည်း အင်ဂျင်စက်၏ စွမ်းဆောင်ရည်များကို လာမည့်လအနည်းငယ်၌ ဖော်ပြသွားမည်ဟု ပြောကြားခဲ့သည်။ သိပ္ပံပညာရှင်များကမူ အဆိုပါအင်ဂျင်စက်မှာ မည်ကဲ့သို့အလုပ်သည်ဆိုခြင်းနှင့်ပတ်သက်၍ ၀ိရောဓိ ဖြစ်နေကြသည်။

Ref: RT

ဇူလိုင် ၃၀၊ ၂၀၁၅
M-Media

– မန်ယူကွင်းလယ်လူဟောင်း ဒီမာရီယာမှာ ပြီးပြည့်စုံသည့် ကစားသမားတစ်ဦးဖြစ်ပြီး ပီအက်စ်ဂျီအသင်းအား နောက်တစ်ဆင့်သို့ ပို့ဆောင်ပေးနိုင်မည်ဟု ရီယဲလ်အရန်အသင်းနည်းပြ ဇီနဒင်း ဇီဒိန်းက ပြောကြားလိုက်သည်။

ပီအက်စ်ဂျီနည်းပြ လော့ရင့် ဘလန့်စ်က ရီးယဲလ်ကွင်းလယ်လူဟောင်းဖြစ်သူ ဒီမာရီယာအား ခေါ်ယူရန်နိုင်ရန် နီးစပ်နေပြီဟု ယခုတစ်ပတ်အစောပိုင်းက ပြောကြားခဲ့သည်။

ဇီဒိန်းကမူ ဒီမာရီယာအား ခေါ်ယူခြင်းမှာ ပီအက်စ်ဂျီအသင်း၏ ချန်ပီယံလိဂ်အောင်မြင်မှုအတွက် အကူအညီဖြစ်စေလိမ့်မည်ဟု ယုံကြည်နေသည်။

“သူဟာ ခင်ဗျားကို နောက်တစ်ဆင့် ခေါ်ဆောင်သွားနိုင်မယ့် ကစားသမားမျိုးပါ။ ဒါကပဲ ချန်ပီယံလိဂ်မှာ ရှေ့ဆက်ဖို့ သူတို့လိုအပ်နေတဲ့ အရာပါပဲ။ အိန်ဂျယ် ဒီမာရီယာဟာ သူ့ရဲ့ စွမ်းအားနဲ့ ကူညီနိုင်သလို၊ သူတင်ကစားတဲ့အခါမှာလည်း ခြားနားမှုတွေကို ပြုလုပ်နိုင်သူပါ။ ပြီးတော့ ထူးခြားမှုတစ်ခုခုလုပ်ဖို့ စွမ်းရည်ရှိတဲ့သူပါ။ ဒါဟာ လာမယ့်နေ့တွေမှာ ဖြစ်မယ်လို့ ကျွန်တော်ထင်ပါတယ်” ဟု ဇီဒိန်းက BFM TV သို့ ပြောကြားခဲ့သည်။

ထို့ပြင် တစ်နိုင်ငံတည်းသားဖြစ်ပြီး ယူအီးအက်ဖ်အေဥက္ကဌအဖြစ် ဆောင်ရွက်နေသော ပလာတီနီကို ဖီဖာဥက္ကဌအဖြစ် ဇီဒိန်းက ထောက်ခံခဲ့သည်။

“သူ အဆင်ပြေပါလိမ့်မယ်။ ဒါတွေအာလုံးကို တာဝန်ယူဖို့ သူဟာ အသင့်တော်ဆုံး လူတစ်ယောက်ပါပဲ။ ကျွန်တော်သူ့ကို ထောက်ခံသွားမှာပါ။ သူဟာ အလုပ်တွေကောင်းကောင်း လုပ်ခဲ့ပါတယ်။ တကယ်ပါ။ ကျွန်တော်သူ့ကို မဲပေးသွားမှာပါ”

Ref: Goal

– ရန်ကုန်မြို့လည်ခေါင်ရှိ ကားကြပ်သောလမ်းမပေါ်၌ သူ၏ အငှားယာဉ်ကလေးကို မောင်းနှင်လှုပ်ရှားနေစဉ် မျိုးမင်းထိုက်တစ်ယောက် ကွမ်းသီးနှင့် ဆေးရွက်ကြီးတို့ ရောထားသော ကွမ်းယာကို စည်းချက်ကျကျ ၀ါးနေသည်။ သူ၏ သွားများမှာလည်း နီညိုရောင်သန်းနေ၏။

မြန်မာနိုင်ငံ၏ တဟုန်ထိုး တိုးတက်လာသော ကုန်သွယ်ရေးအချက်အချာမြို့၏ မပြတ်တမ်း ကားပိတ်နေသည့်နေရာတွင် သူ၏လုပ်ငန်းကို ခေါက်တုံ့ခေါက်ပြန် လုပ်နေကာ ရှည်လျားသည့်နေ့ကို ကုန်ဆုံးနေရသည်မှာ ကျင့်သားရသည်ထက်ကို ပိုနေသည်။ ထိုသို့ ရုန်းကန်လှုပ်ရှားနေနိုင်သည်မှာ ကွမ်းယာကြောင့်လည်း ပါသည်။

“ကျွန်တော် တက္ကဆီစမောင်းတုန်းက အရမ်းအိပ်ငိုက်တယ်။ ဒါ့ကြောင့် အိပ်မငိုက်ဖို့အတွက် ကျွန်တော် ကွမ်းယာစားတာပါ” ဟု အသက် ၃၂ နှစ်အရွယ်ရှိပြီဖြစ်သည့် ၎င်းက AFP သတင်းဌာနသို့ ပြောကြားခဲ့သည်။

ကွမ်းယာမှာ မြန်မာနိုင်ငံတစ်ဝှမ်းလုံးတွင် အလွန်လူကြိုက်များသော အာရုံကျယ် မြုံ့စရာတစ်ခု ဖြစ်လေသည်။

သို့သော်လည်း ဆေးစွဲသကဲ့သို့ စွဲသွားမှု၊ သွားများတွင် ဂျိုးတက်မှုနှင့် ခံတွင်းကင်ဆာအန္တရာယ် မြင့်မားမှုတို့အပါအ၀င် ကျန်းမာရေးကို ဆိုးရွားစွာ ထိခိုက်စေသော အရာတစ်ခုလည်းဖြစ်သည်။

ဆေးရွက်ကြီး အပိုင်းအစ၊ ကွမ်းသီးစိတ်၊ ထုံးအရည်နှင့် အခြားဆေးများကို ကွမ်းပင်မှရသော လတ်ဆတ်သည့် ကွမ်းရွက်တွင်ထည့်ကာ ထုပ်လိုက်သော ကွမ်းယာကို မြန်မာနိုင်ငံရှိ နေရာတိုင်း၌ တွေ့မြင်ရသည်။

ကွမ်းကြိုက်သူများကတော့ ကွမ်းမှာ နိုးကြားစေသည်၊ စွမ်းအားကိုမြှင့်တင်ပေးသည်၊ အသက်ရှုကောင်းစေသည်ဟု ကောင်းကွက်များပြ၍ အမွှမ်းတင်ကြသည်။

“သွားတွေနာတဲ့အတွက် ကျွန်တော် ကွမ်း စ,စားခဲ့တာပါ။ သိပ်တော့မကြိုက်ပါဘူး။ ဒါပေမယ့် ကျွန်တော် သွားနာတာကို ပျောက် သွားစေခဲ့ပြီး ကျွန်တော်လည်း ကြိုက်လာပါတယ်” ဟု မျိုးမင်းထိုက်က ဆိုသည်။ သူ၏ နှုတ်ခမ်းတွင်တော့ အနီရောင် ကွမ်းချေးများကို မြင်နေရသည်။

“ဒါ မြန်မာတွေရဲ့ ဓလေ့ပါပဲ”

ဆယ်စုနှစ်များစွာ အုပ်ချုပ်ခဲ့သည့် အာဏာရှင်များမှာ ၂၀၁၁ ခုနှစ်တွင် ပြုပြင်ပြောင်းလဲရေးအစိုးရအတွက် လမ်းဖွင့်ပေးခဲ့ပြီး၊ ထိုပြောင်းလဲမှု၏ ရလဒ်အဖြစ် အနောက်နိုင်ငံများက စီးပွားရေး ပိတ်ဆို့မှုများကို ဖြေလျော့ပေးခဲ့ပြီးနောက် ရန်ကုန်မြို့မှာလည်း အခြေအနေပြောင်းလဲသွားသည်။

မြင့်တက်လာသည့် မိုးမျှော်အဆောက်အဦးများပေါ်တွင် ကရိန်းများက တိုးဝှေ့နေရာယူလာကြသည်။ ပြည်သူများကလည်း လွန်ခဲ့သည့် နှစ်အနည်းငယ်က မကိုင်နိုင်သော မိုဘိုင်းဖုန်းမျာကို ဖောဖောသီသီ ကိုင်လာနိုင်ကြသည်။

သို့ရာတွင် အချို့အရာများကတော့ မပြောင်းလဲ။ ထိုအထဲတွင် လမ်းတိုင်းနီးပါးနှင့် နံရံများတွင် တွေ့ရသည့် ကွမ်းတံတွေးကွက်များလည်း ပါဝင်သည်။

ကွမ်းတစ်ထုတ် ၂၀၀ ကျပ်ဖြင့် ရောင်းချနေသော မြို့တစ်ဝှမ်းရှိ ကွမ်းယာဆိုင်ငယ်များတွင် ကွမ်းဝါးသူများက တန်းစီနေကြသည်။ လည်ပင်းတွင် ကြိုးဖြင့် သိုင်းထားသည့် ကွမ်းယာဗန်းဖြင့် လူရှုပ်သည့် လမ်းဆုံလမ်းခွများတွင် ကားသမားများအား လိုက်လံရောင်းချနေသူများလည်း ရှိသည်။

ကွမ်းယာရောင်းသူများအတွက်တော့ နိုင်ငံ့ဓလေ့တစ်ခုကို ဖြည့်တင်းပေးသည့် ထိုအလုပ်က ၎င်းတို့၏ ဘ၀ကို စိုပြေစေသည်။ မျိုးမြင့်ထွန်းတစ်ယောက် နေ့စဉ် မနက် ၃ နာရီထ၍ မြို့တွင်းရှိ ဘူတာရုံတွင် ရထားစီးသူများကို ကွမ်းရောင်းသည်။

တစ်ရက်လျှင် ပုံမှန်ဖောက်သည် ၂၀ အပြင် အခြားအယောက် ၈၀ ခန့်ကို ရောင်းချရပါက ကန်ဒေါ်လာ ၄၀ (လေးသောင်းကျော်) ၀န်းကျင် ၀င်ငွေရသည်ဟု သူက ခန့်မှန်းထားသည်။ ထိုဝင်ငွေမှာ ၂၀၁၂ ခုနှစ်က တစ်ဦးလျှင် တစ်လ ပျမ်းမျှ ဒေါ်လာ ၁၀၀ အောက်သာ ၀င်ငွေရကြသည့် မြန်မာလိုနိုင်ငံမျိုးတွင် အတော်လေး စိုပြေသည့် ၀င်ငွေမျိုးဖြစ်သည်။

“မြန်မာနိုင်ငံက လူအများစုဟာ ကွမ်းစားကြပါတယ်။ ဒါက မြန်မာတွေရဲ့ ဓလေ့တစ်ခုပါ။ အချိန်အတော်ကြာကတည်းက ရှိနေခဲ့တာပါ” ဟု မျိုးမြင့်ထွန်းက ပြောသည်။

သို့သော်လည်း ဆရာဝန်များကတော့ နိုးကြားမှု အတွက်ဆိုသည့် နိုင်ငံလုံးဆိုင်ရာ ထိုအာသီသမှာ စနစ်ကျသော ကျန်းမာရေး စနစ်မျိုး မရှိသည့် မြန်မာနိုင်ငံတွင် ကျန်းမာရေးကို ထိခိုက်စေသည်ဟု သတိပေးခဲ့သည်။

“မြန်မာနိုင်ငံဟာ ကမ္ဘာမှာ ဆေးလိပ်မဟုတ်တဲ့ ဆေးရွက်ကြီးကို သုံးစွဲသူအရေအတွက် အမြင့်ဆုံး နိုင်ငံတွေထဲက တစ်နိုင်ငံပါ။ အထူးသဖြင့် အမျိုးသားတွေ ကြားထဲမှာပေါ့”  ဟု ကမ္ဘာ့ကျန်းမာရေးအဖွဲ့ WHO မှ စပါယ်ရှယ်လစ်တစ်ဦးဖြစ်သူ ဒေါက်တာ ဒီရန်ဒရာ နာရိန်း ဆင်ဟာက AFP သို့ ပြောကြားခဲ့သည်။

သူ၏ သုတေသနပြုမှုတွင် မြန်မာနိုင်ငံမှ အမျိုးသားအရေအတွက်၏ ထက်ဝက်ကျော်နှင့် အမျိုးသမီးများ၏ ၁၆ ရာခိုင်နှုန်းမှာ ဆေးရွက်ကြီး သုံးစွဲကြသည်ကို တွေ့ရှိခဲ့ရသည်။

ဆေးရွက်ကြီးနှင့် ကွမ်းသီး နှစ်ခုစလုံးမှာ ကင်ဆာရောဂါကို ဖြစ်ပွားစေသည့် အရာများ ဖြစ်ကြသည်။ မြန်မာနိုင်ငံ၌ ကင်ဆာရောဂါဖြစ်ပွားသူများ၏ ငါးပုံတစ်ပုံမှာ ခံတွင်းနှင့်သက်ဆိုင်သည့် ကင်ဆာရောဂါ ဖြစ်ပွားကြသူများ ဖြစ်သည်။

ဆေးရွက်ကြီးမပါဘဲ ကွမ်းစားသူများမှာ မစားသူများထက် စအို၊ ပါးစပ်နှင့် လည်ချောင်းကင်ဆာ ဖြစ်ပွားနိုင်သည့် အခြေအနေ ၂၅၀ ရာခိုင်နှုန်း ပိုများသည်ဟု ဆင်ဟာက ဆိုသည်။ ဆေးရွက်ကြီးနှင့် ကွမ်းစားသူများကတော့ ရောဂါဖြစ်နိုင်ချေ ရာခိုင်နှုန်း ၇၇၀ အထိပင် ရှိလေသည်။

သို့သော်လည်း ကွမ်းမစားရေး အသိပညာပေးမှုမှာ ပြန့်နှံ့ခြင်းမရှိဟု ဆရာဝန်များက ဆိုသည်။

“ကွမ်းစားခြင်းရဲ့ ဘေးထွက်ဆိုးကျိုးတွေ၊ ကျန်းမာရေးအပေါ် သက်ရောက်မှုတွေကို မြန်မာနိုင်ငံလူတွေက မသိကြပါဘူး” ဟု ပြည်တွင်း အသိပညာပေးရေးအဖွဲ့ဖြစ်သော ပြည်သူ့ကျန်းမာရေးဖောင်ဒေးရှင်း PHF မှ ဒေါက်တာ သန်းစိန်က သတိပေးခဲ့သည်။

ကျန်းမာရေးအသုံးစားရိတ် နည်းပါးသည့်နိုင်ငံ

WHO ၏ နောက်ဆုံးထုတ်ပြန်သော အချက်အလက်များအရ မြန်မာနိုင်ငံမှာ ကျန်မာရေးအတွက် ဘက်ဂျက်အသုံးပြုမှု အနည်းဆုံး နိုင်ငံဖြစ်သည်ဟု သိရပြီး ၂၀၁၃ ခုနှစ်တွင် GDP ၏ ၀.၅ ရာခိုင်နှုန်းသာ အသုံးပြုခဲ့ကာ တောင် ဆူဒန်နှင့် ဟေတီနိုင်ငံတို့ထက်ပင် ပိုမိုနည်းပါးလေသည်။

သို့သော်လည်း ၂၀၁၄ ခုနှစ်တွင် နိုင်ငံ GDP ၏ ၄.၃ ရာခိုင်နှုန်းကို စစ်အသုံးစားရိတ်အဖြစ် သတ်မှတ်ခဲ့သည်ဟု စတော့ဟုမ်း နိုင်ငံတကာ ငြိမ်းချမ်းရေး သုတေသနအဖွဲ့မှ လေ့လာဆန်းစစ်သူများက ပြောကြားခဲ့သည်။

ခံတွင်းကင်ဆာဖြစ်ခြင်းမှာ ပုံမှန်အားဖြင့် နှေးကွေးပြီး သေဆုံးမှုကို ရှောင်ရှားနိုင်သည့် ရောဂါမျိုးဖြစ်သည်။

အိမ်နီးချင်းနိုင်ငံများကဲ့သို့ပင် မြန်မာနိုင်ငံရှိ စီးကရက်ဘူးများတွင် ကျန်းမာရေးအန္တရာယ်ကို သတိပေးထားသော ကြောက်စရာကောင်းသည့် ဓာတ်ပုံများ ပါဝင်သည်။ သို့သော်လည်း ကွမ်းယာအထုပ်များတွင်တော့ ဘာမှမပါ။

PHF အနေဖြင့် ထိုကျန်းမာရေး ပညာပေးမှုမျိုးကို ပြန့်နှံ့ရန်အတွက် လက်ကမ်းစာရွက်များနှင့် ပိုစတာများကို ရိုက်ထုတ်ထားသည်။ ထို့ပြင် ကွမ်းယာဆိုင်ငယ်များတွင်လည်း သတိပေးချက်များ ကပ်ထားချင်သည်။ ကျန်းမာရေး ၀န်ကြီးဌာနကမူ ထိုအဆိုပြုချက်ကို လေ့လာနေဆဲဟု ပြောကြားခဲ့သည်။

သို့သော်လည်း မြန်မာနိုင်ငံတွင် ကွမ်းစားသည့်ဓလေ့ကို တိုက်ထုတ်ရန်မှာ လွယ်ကူသည့် ကိစ္စမျိုးမဟုတ်။ ကွမ်းစားခြင်းမှာ တောင်အာရှနှင့် အရှေ့တောင် အာရှတို့တွင် ရာစုနှစ်များစွာကြာ ရှိခဲ့သည့် အမြစ်တွယ်နေသော ရိုးရာဓလေ့ဖြစ်သည်။

မည်သို့ပင်ဖြစ်စေ ဒေါက်တာ သန်းစိန်တစ်ယောက် အိမ်နီးချင်းနိုင်ငံများ၏ ဆောင်ရွက်မှုများကို အားကျနေသည်။

“ထိုင်းကိုသွားကြည့်ရင် လူတွေ ကွမ်းစားတာမျိုးကို တွေ့ရတော့မှာ မဟုတ်ပါဘူး။ ကျေးလက်ဒေသတွေမှာတောင်မှ မစားကြတော့ပါဘူး။ မလေးရှားကြည့်ရင်လည်း ဒီလိုပါပဲ။ ဒါဆို ကျွန်တော်တို့လူမျိုးတွေက ဘာ့ကြောင့် ဒီဓလေ့ကို ဆက်ထိန်းထားတာလဲ” ဟု သူက မေးခွန်းထုတ်ခဲ့သည်။

တက္ကဆီ စတီယာတိုင်နောက်တွင် ထိုင်နေသည့် မျိုးမင်းထိုက်ကမူ ၎င်းမှာ ကျန်းမာရေးအန္တရာယ်နှင့် ပတ်သက်၍ သိရှိနေသော်လည်း ၁၂ နှစ်တာ ကွမ်းစားလာခဲ့ပြီးနောက် ဖြတ်ဖို့မရှိတော့ဟု ပြောကြားခဲ့သည်။

“(ကျန်းမာရေးထိခိုက်မှာကို) ကျွန်တော် ကြောက်ပါတယ်။ ဒါပေမယ့် ကွမ်းမရှိရင် မနေနိုင်ဘူးဗျာ”

Ref: AFP

လေးမောင် ဘာသာပြန်သည်။

ဇူလိုင် ၃၀၊ ၂၀၁၅
M-Media

အမေရိကန်မှာ စစ်ဖြစ်အောင် ဖန်တီးနေသည်ဟု တရုတ်ပြော
………………………………
အမေရိကန်နိုင်ငံမှာ တောင်တရုတ်ပင်လယ်အတွင်း ပတ္တရောင်လှည့်ခြင်းများ၊ ပူးပေါင်းစစ်ရေးလေ့ကျင့်မှုများ ပြုလုပ်ခြင်းအားဖြင့် စစ်ဖြစ်စေရန် ပုံသွင်းနေသည်ဟု တရုတ်ကာကွယ်ရေးဝန်ကြီးဌာနက ယနေ့တွင် ပြောကြားလိုက်သည်။ ထို့ပြင် ကာကွယ်ရေးဌာန ပြောရေးဆိုခွင့်ရှိသူ ယန်ယူဂျွန်းက အမေရိကန်မှာ တရုတ်နိုင်ငံနှင့် တောင်တရုတ်ပင်လယ်တွင် ပိုင်နက်ပိုင်ဆိုင်ကြောင်း ကြေညာထားသည့် အခြားသော နိုင်ငံများအကြား သဘောထားကွဲလွဲအောင် သွေးထိုးပေးနေကြောင်း၊ မိမိတို့၏ စစ်ရေးလေ့ကျင့်မှုမှာ ပုံမှန် စစ်ရေးလေ့ကျင့်မှု ဖြစ်ပြီး မည်သည်ကိုမှ မရည်ရွယ်ကြောင်း ထည့်သွင်းပြောကြားခဲ့သည်။

တာလီဘန်အဖွဲ့ ခေါင်းဆောင်သစ်ရွေးချယ်ပြီး
……………………………………
အာဖဂန် တာလီဘန်အဖွဲ့၏ အကြီးတန်းအရာရှိများ တွေ့ဆုံဆွေးနွေးခဲ့ပြီးနောက် အဖွဲ့၏ခေါင်းဆောင်သစ်အဖြစ် အခ်တာရ် မိုဟာမက် မန်ဆူရ်ကို ခန့်အပ်ခဲ့သည်ဟု အဆိုပါအစည်းအဝေးသို့ တက်ရောက်ခဲ့သူ တပ်မှူး ၂ ဦးက ပြောကြားခဲ့သည်။ အိုစမာဘင်လာဒင် သေဆုံးပြီးနောက် ခေါင်းဆောင်အဖြစ် ဆောင်ရွက်နေသူ မွလ္လာအိုမာရ်မှာ လွန်ခဲ့သည့် ၂ နှစ်က သေဆုံးသွားခဲ့သည်ဟု အာဖဂန်အစိုးရက ယမန်နေ့တွင် ကြေညာခဲ့ပြီးနောက် တာလီဘန်က ယခုကဲ့သို့ ခေါင်းဆောင်သစ် ရွေးချယ်ခဲ့ခြင်းဖြစ်သည်။

ယူကရိန်းရှိ လူနေရပ်ကွက်ပေါ်သို့ ဗုံးဆံကျ၊ အရပ်သားများသေဆုံး
………………………………….
ယူကရိန်းနိုင်ငံအရှေ့ပိုင်း သူပုန်များ ထိန်းချုပ်ထားရာ ဒွန်ညက်မြို့ရှိ အရပ်သားများနေထိုင်ရာဒေသ၌ ယနေ့တွင် ဗုံးဆံများ ကျရောက်ခဲ့သောကြောင့် အရပ်သား ၄ ဦးနှင့် စစ်သား ၁ ဦးတို့ သေဆုံးခဲ့သည်။ ယခုကာလမှာ အပစ်ရပ်ရေးကာလဖြစ်ပြီး ယခုကဲ့သို့ ကျည်ကျရောက်မှုအတွက် အစိုးရနှင့် သူပုန်ဘက်က အပြန်အလှန်ပြစ်တင်ခဲ့သည်။

Ref: News Agencies

ဇူလိုင် ၃၁ ၊ ၂၀၁၅
RFA မြန်မာပိုင်းမှ ကူးယူဖော်ပြသည်။

ဘာသာပေါင်းစုံ ချစ်ကြည်ရေး လှုပ်ရှားဆောင်ရွက်နေတဲ့ သင့်မြတ်လိုသူများအဖွဲ့ဝင် ကိုဇော်ဇော်လတ်နဲ့ မပွင့်ဖြူလတ်တို့ကို မတရားအသင်းဆက်သွယ်မှု၊ တရားမ၀င်နယ်ခြား ဖြတ်ကျော်မှုတို့နဲ့ မန္တလေးမြို့ ချမ်းအေးသာစံမြို့နယ်တရားရုံးမှာ ဒီနေ့ ပထမဆုံးအကြိမ် ရုံးထုတ်ပြီး သံဃာတစ်ပါးနဲ့ နောက်ထပ်အဖွဲ့ဝင် ၃ဦးကို ဖမ်းဝရမ်းထုတ်လိုက်ပါတယ်။

မပွင့်ဖြူလတ်ကတော့ သူတို့ကို အခုလိုဖမ်းဆီးပြီး တရားစွဲဆိုထားတာဟာ မတရားဘူးလို့ တရားရုံးထုတ် မှာ ပြောပါတယ်။

“ကျမတို့ရဲ့ အခွင့်အရေးတွေ အများကြီးဆုံးရှုံးပါတယ်၊ ကျမတို့ ပရဟိတနဲ့ ငြိမ်းချမ်းရေးလုပ်နေတဲ့ လူတွေကို မတရားသဖြင့်နဲ့ ညှင်းပမ်းနှိပ်စက်ခြင်း ခံနေရပါတယ်၊ လူတွေကိုသာချုပ်ထားလို့ရမယ် ကျနော်တို့ရဲ့ စိတ်ဓါတ်တွေကို ဘယ်တော့မှချုပ်ထားလို့မရပါဘူး”

ကိုဇော်ဇော်လတ်နဲ့ မပွင့်ဖြူလတ်တို့ဟာ ပြီးခဲ့တဲ့ ၂၀၁၃ ခုနှစ် ဇွန်လက ကေအိုင်အေထိန်းချုပ်နယ်မြေကို သွားရောက်ခဲ့တာကြောင့် မတရားအသင်းဆက်သွယ်မှု ပုဒ်မ ၁၇(၁) နဲ့ တရားစွဲဆိုပြီး ဒီနှစ်ဧပြီလက အိန္ဒိယနိုင်ငံ မီဇိုရမ်ပြည်နယ်ကို သွားရောက်ခဲ့တဲ့အတွက် တရားမ၀င်နယ်ခြားဖြတ်ကျော်မှု ပုဒ်မ ၁၃(၁) တို့နဲ့ တရားစွဲခံရတာဖြစ် ပါတယ်။ ဒါ့အပြင် မီဇိုရမ်ပြည်နယ်သွားစဉ်က လိုက်ပါခဲ့တဲ့ သင့်မြတ်လိုသူများ အရပ်ဘက်အဖွဲ့ဝင် နောက်တစ်ဦးဖြစ် တဲ့ ကိုဇော်ဝင်းဗိုလ်ကို ပုဒ်မ ၁၃(၁) နဲ့ ဒီနေ့ ထပ်မံဖမ်းဆီးလိုက်ပြီး သံဃာ ၁ပါးနဲ့ အဖွဲ့ဝင် ၃ဦးကို ဖမ်းဝရမ်း ထုတ်လိုက်တာဖြစ်ပါတယ်။ လက်ရှိ ဖမ်းဆီးခံထားရသူ ၃ဦးကို အိုးဘိုအကျဉ်းထောင်မှာ ထိန်းသိမ်းထားတယ်လို့ သိရပါတယ်။

သင့်မြတ်လိုသူများ အရပ်ဘက်အဖွဲ့မှာ မန္တလေးမြို့က ဂဠုန်နီဆရာတော်၊ အာရှအလင်းရောင်ဆရာတော် တို့ပါဝင်ပြီး ဘာသာပေါင်းစုံက လူငယ်တွေနဲ့ ဖွဲ့စည်းထားတာဖြစ်ပါတယ်။

ဓါတ်ပုံ-သင့်မြတ်လိုသူများအဖွဲ့ဝင် မပွင့်ဖြူလတ်နဲ့ ကိုဇော်ဇော်လတ် တို့ကို မန္တလေးမြို့ ချမ်းအေးသာစံမြို့နယ် တရားရုံးမှာ ဇူလိုင်လ ၃ဝ ရက်နေ့က ရုံးထုတ်စဉ်
Photo: Hset Paing Toe/RFA

http://www.rfa.org/burmese/news/zawzawlatt-pwintphyulatt-appear-court-07302015112819.html

ဇူလိုင် ၃၁၊ ၂၀၁၅
M-Media

– အစ္စလာမ်၏ ငြိမ်းချမ်းသောသတင်းစကားကို ပြန်လည်ခိုင်မာစေရန်အတွက် အမေရိကန်ရှိ မွတ်စလင်မီဒီယာအဖွဲ့တစ်ခုမှာ IS ၏ လူသစ်စုဆောင်းရေး ကြိုးပမ်းမှုများကို တန်ပြန်တုန့်ပြန်သည့် အွန်လိုင်းလှုပ်ရှားမှုကို ပြုလုပ်နေသည်ဟု သိရသည်။

“ကျွန်တော်တို့ သူတို့ကိုတန်ပြန်ဖို့ ဒီလို အတွေးအခေါ်တွေ နည်းပညာတွေကို သုံးနိုင်မယ်လို့ မျှော်လင့်ပါတယ်” ဟု ဒစ်ဂျစ်တယ် တီထွင်ဖန်တီးသူ ဇက်ခ် ပါဆန်က ပြောကြားခဲ့သည်။

ပါဆန်မှာ Reclamation Studios ကို ပူးတွဲတည်ထောင်သူဖြစ်ပြီး၊ ဗာဂျီးနီးယားပြည်နယ် အီဗန်ဗီလီ အစ္စလာမ့်လူ့အဖွဲ့အစည်း၏ အကြီးအကဲဖြစ်သူ အီမာမ် အိုမာရ် အတီယာနှင့် ပူးပေါင်းကာ IS ၏ အွန်လိုင်းလူသစ်စုဆောင်းရေး ၀ါဒဖြန့်မှုကို တန်ပြန်တုန့်ပြန်သည့် ဗီဒီယိုများထုတ်လုပ်ဖြန့်ချီရန် ဆောင်ရွက်နေသည်။

၎င်းတို့နှစ်ဦး စီစဉ်ထုတ်လုပ်မည့် ဗီဒီယိုများတွင် အစ္စလာမ်နှင့်ပတ်သက်သည့် အမှန်တရားများ ပါဝင်မည်ဖြစ်သည်။ “Does Islam Encourage Violence?” (အစ္စလာမ်ဟာ အကြမ်းဖက်မှုကို အားပေးသလား) ဆိုသည့် ခေါင်းစဉ်ဖြင့် ဖန်တီးထားသည့် ဗီဒီယိုတွင် အတီယာနှင့် ပါဆန်တို့ကြား အမေးအဖြေ၊ အပြန်အလှန်ပြောဆိုမှုဖြင့် အစ္စလာမ်နှင့် အကြမ်းဖက်ဝါဒ လုံးဝ မသက်ဆိုင်ပုံကို
ဖော်ပြထားသည်။

အတီယာကမူ အဆိုပါ ဗီဒီယိုများမှာ အစ္စလာမ်နှင့်ပတ်သက်သည့် အဖျက်သဘောဆောင်သော အမြင်များကို ပပျောက်စေလိမ့်မည်ဟု မျှော်လင့်နေသည်။

ချီကျူးခံရ

၎ မိနစ်တာကြာမြင့်ပြီး အွန်လိုင်း၌ ဖြန့်ချီသည့် အဆိုပါ ဗီဒီယိုများမှာ အစ္စလာမ်အကြောင်း၊ အစ္စလာမ်နှင့် အကြမ်းဖက်မှုအကြား ဆက်သွယ်မှုရှိလားဆိုသည့် လူငယ်များ၏ မေးခွန်းများအတွက် ပစ်မှတ်ထား ဆောင်ရွက်ခြင်းလည်းဖြစ်သည်။

“သူတို့က မေးခွန်းတွေမေးနိုင်တယ်။ ကျွန်တော်တို့က ပြန်ပြီး အကြံပေး ရှင်းပြနိုင်ပါတယ်။ သူတို့မှာရှိတဲ့ ဘယ်လို မေးခွန်းမျိုးအတွက်မဆို ကျွန်တော်တို့မှာ ပေးစရာအဖြေတွေ ရှိနေပါတယ်။ ကျွန်တော်တို့ဟာ လူတွေကိုဖိတ်ခေါ်တယ်။ ကင်မရာရှေ့မှာ ထိုင်စေတယ်။ ပြီးတော့ သူတို့ကို နားထောင်ပြီး သူတို့ရဲ့ မေးခွန်းတွေအတွက် အဖြေပြန်ပေးပါတယ်” ဟု Reclamation Studios ၏ ၀ဘ်ဆိုက်အတွက် အီဂျစ်မှ လုပ်ဆောင်ပေးနေသူ နူရ်ရှမ်က ပြောကြားခဲ့သည်။

ရှမ်၊ အတီယာ၊ ပါဆန်တို့နှင့်အတူ အဆိုပါ စီမံကိန်း၌ ယခုလက်ရှိတွင် အလုပ်လုပ်နေကြသူများမှာ တစ်ဒါဇင်ခန့် ရှိနေပြီဖြစ်သည်။

၎င်းတို့မှာ၏ ရည်ရွယ်ချက်မှာ အစ္စလာမ့်နှင့်ပတ်သက်၍ မြင်နေရသော သတင်းအချက်အလက်အမှားများအား တန်ပြန်တိုက်ဖျက်ရေးအတွက် အွန်လိုင်းဗီဒီယို ၇၀ ထုတ်လုပ်ဖြန့်ချီရန် ဖြစ်သည်။

ထို့ဗီဒီယိုများမှာ လူအများ၏ ချီးကျူးမှုကို ရခဲ့ပြီး အီဗန်ဗီလီတက္ကသိုလ်မှ နိုင်ငံတကာလုံခြုံရေး သုတေသနပညာရှင် ရစ်ချတ် မက်စ်လည်း ထိုချီးကျူးမှုတွင် ပါဝင်ခဲ့သည်။

“IS ရဲ့ သဘောတရားတွေကို ပွင့်ပွင့်လင်းလင်းဆန့်ကျင်တဲ့ ဒီလိုဆောင်ရွက်မှုမျိုး အထူးသဖြင့် အွန်လိုင်းမှာ၊ အွန်လိုင်းက အသက်ဝင်နေတဲ့ လူ့အဖွဲ့အစည်းတွေအတွင်းမှာ ပိုပြီး ပြန့်နှံ့လာတာဟာ အတွေးအခေါ်အားနည်းတဲ့သူတွေအပေါ် IS က အတွေးအခေါ်ပိုင်းဆိုင်ရာ အပိုင်စီးဖို့အတွက် ပိုပြီး ခက်ခဲပါလိမ့်မယ်” ဟု မက်စ်က ပြောကြားခဲ့သည်။

Ref: Onislam

ဇူလိုင် ၃၁၊ ၂၀၁၅
M-Medias

– ချန်ပီယံလိဂ်ပြိုင်ပွဲဝင် အသင်းများအတွက် ပရီးမီးယားလိဂ် ပွဲစဉ်များကို ပြောင်းလဲရေးဆွဲမည်ဆိုသည့် သတင်းအား ပရီးမီးယားလိဂ်ပြိုင်ပွဲကျင်းပရေး တာဝန်ရှိသူ ရစ်ချက် စကူဒါမိုးက ငြင်းဆိုလိုက်သည်။

ဥရောပရှိ အချို့သောလိဂ်များတွင် ချန်ပီယံလိဂ်နှင့် ယူရိုပါလိဂ် ၀င်ရောက်ယှဉ်ပြိုင်မည့် အသင်းများအတွက် ၎င်းတို့၏ ပြည်တွင်းလိဂ်ပွဲစဉ်ကို ပြင်ဆင်ပြောင်းလဲ သတ်မှတ်ပေးသည့် ဆောင်ရွက်မှုများရှိသည်။

ပရီးမီးယားလိဂ်တွင်မူ ထိုကဲ့သို့ ဆောင်ရွက်မှုမရှိဘဲ၊ နောက်ပိုင်းတွင်လည်း ဆောင်ရွက်ပေးသွားမည်မဟုတ်ဟု စကူဒါမိုးက အတည်ပြု ပြောကြားခဲ့သည်။ ပရီးမီးယားလိဂ်ပြိုင်ပွဲ၏ အဆင့်သတ်မှတ်ချက် လျော့ကျလာမှုကြောင့် ချန်ပီယံလိဂ် တိုက်ရိုက်ဝင်ခွင့်ရအသင်းကို
ယူအီးအက်ဖ်အေက ၃ သင်းအထိ လျှော့ချခဲ့သည်။

သို့သော်လည်း စကူဒါမိုးကမူ ပရီးမီးယားလိဂ်အသင်းများ၏ ဥရောပစွမ်းဆောင်ရည် မြင့်တက်ရန်အတွက် ပြည်တွင်းလိဂ်ပွဲများအား ပြင်ဆင်ရေးဆွဲရေးမှာ အကောင်အထည်ဖော်ရန်ခက်ခဲသည်ဟု ဆိုသည်။

“ဟုတ်ပါတယ်။ ဒါက စိုးရိမ်စရာပါ။ လက်တွေ့ကျကျပြောရရင် ကျွန်တော်တို့ အဆင့်လျှော့ချခံရတာဟာ မကောင်းပါဘူး။ ပြီးတော့ ကျွန်တော်တို့ရဲ့ ချန်ပီယံလိဂ်တစ်နေရာဟာ လျော့သွားပါတယ်။ ကျွန်တော်တို့ ဂရုစိုက်ရမှာပါ” ဟု စကူဒါမိုးက ဥရောပပြိုင်ပွဲ
နေရာလျှော့ချခံရမှုနှင့်ပတ်သက်၍ ပြောကြားခဲ့သည်။

ထို့ပြင် ပရီးမီးယားလိဂ်ပွဲစဉ်များ ပြင်ဆင်ရေးနွှဲရေးနဲ့ပတ်သက်၍လည်း “၂၀၁၆-၁၇ ဘောလုံးရာသီကနေစပြီး တစ်ချို့ပွဲတွေကို သောကြာနေ့ညမှာ ကစားမှာပါ။ ဒါပေမယ့် အသင်းတိုင်းအတွက် လုပ်လို့မရတာကြောင့် တစ်ပွဲချင်းစီကိုတော့ ရွှေ့ပေးမှာ မဟုတ်ပါဘူး။
ချန်ပီယံလိဂ်အသင်းတွေက အင်္ဂါနဲ့ ဗုဒ္ဓဟူးနေ့တွေမှာ ကစားပါတယ်။ ဒါ့ကြောင့် အသင်းတစ်သင်းအတွက် အဆင်ပြေစေဖို့ ပွဲတွေကို ရွှေ့လို့ မဖြစ်နိုင်ပါဘူး” ဟု ထပ်လောင်းပြောကြားခဲ့သည်။

ယူရိုပါလိဂ် ၀င်ရောက်ယှဉ်ပြိုင်ရသော အသင်းများအတွက် တစ်ပတ်လျှင် ၂ ပွဲကစားရမှုမှာ ခက်ခဲနိုင်သည်ဟု စကူဒါမိုးက ၀န်ခံခဲ့သည်။

“ယူရိုပါလိဂ်မှာတော့ နည်းနည်းခြားနားတယ်လို့ ကျွန်တော်ထင်ပါတယ်”

Ref: Goal

ဇူလိုင် ၃၁၊ ၂၀၁၅
M-Media

– ပါလက်စတိုင်းပိုင်ဖြစ်ပြီး အစ္စရေးက ကျူးကျော်ပိတ်ဆို့ထားသည့် အနောက်ဘက်ကမ်းရှိ ပါလက်စတိုင်းအိမ်တစ်အိမ်ကို ဂျူးများက မီးရှို့မှုအတွင်း အသက် ၁၈ လ အရွယ် ကလေးငယ်တစ်ဦး သေဆုံးခဲ့သည်ဟု သိရသည်။

နဘ်လုစ်မြို့ တောင်ဘက် ဒူးမားရွာရှိ အဆိုပါအိမ်ကို ပါလက်စတိုင်းပိုင်းနက်အတွင်း အစ္စရေးက ကျူးကျော်တည်ဆောက်ထားသည့် တရားမ၀င်အိမ်ယာများ၌ နေထိုင်သူ ဂျူးများက ယမန်နေ့တွင် မီးရှို့ခဲ့ခြင်းဖြစ်သည်။

သေဆုံးသွားသူ ကလေးငယ်မှာ အလီ စအဒ် ဒါဝါဘက်ရ်ှဆိုသူဖြစ်ပြီး မိဘနှစ်ပါးနှင့် အသက် ၄ နှစ်အရွယ် အကိုဖြစ်သူတို့၏ ခန္ဓာကိုယ် ၇၅ ရာခိုင်နှုန်းမှာ မီးလောင်ကျွမ်းဒဏ်ရာများ ရရှိခဲ့သည်ဟု ရာဖီဒီယာ ဆေးရုံမှ တာဝန်ရှိသူများက ပြောကြားခဲ့သည်။

အစ္စရေးစစ်တပ်ကမူ ကြေညာချက်တစ်စောင်ထုတ်ပြန်ခဲ့ပြီး အဆိုပါတိုက်ခိုက်မှုမှာ အကြမ်းဖက်မှုလုပ်ရပ်ဖြစ်ကာ မိမိတို့အနေဖြင့် ပြည့်ဝသည့် စုံစမ်စစ်ဆေးမှုများကို ပြုလုပ်နေပြီး ကျူးလွန်သူကို တရားဥပဒေရှေ့မှောက်သို့ ခေါ်ဆောင်သွားမည်ဟု ပြောကြားခဲ့သည်။

ပါလက်စတိုင်းသမ္မတ မဟ်မူးဒ်အဘတ်စ်၏ ပြောရေးဆိုခွင့်ရှိသူ နဘီလ် အဘူလ် အာရ်ဒီနီဟ်ကမူ အစ္စရေးအစိုးရမှာ ပါလက်စတိုင်းပိုင်နက်များတွင် တရားမ၀င် အခြေချအိမ်ယာများ ဆောက်လုပ်ခြင်းအား အားပေးမှုနှင့် ထိုအိမ်ယာများတွင်နေထိုင်သူ ဂျူးများအား ကာကွယ်ပေးမှုတို့ကြောင့် ယခုရာဇ၀တ်မှုအတွက် အစ္စရေးအစိုးရတွင် လုံးဝ တာဝန်ရှိသည်ဟု ပြောကြားခဲ့သည်။

ထို့ပြင် ပါလက်စတိုင်းများအပေါ် ကျူးလွန်သည့် ရာဇ၀တ်မှုများအတွက် နိုင်ငံတကာအသိုင်းအ၀ိုင်း၏ တိတ်ဆိတ်နေမှုကိုလည်း ပြစ်တင်ခဲ့ကာ ရာဇ၀တ်မှုများအား နှုတ်ဖြင့်သာ ရှုတ်ချနေမှုများကို လက်မခံနိုင်တော့ကြောင်း၊ အစ္စရေးမှ တိုက်ခိုက်သူများအား တာဝန်ယူစေရန် လက်တွေ့ဆောင်ရွက်ခြင်းနှင့် အစ္စရေး၏ ကျူးကျော်သိမ်းပိုက်မှု အဆုံးသတ်ရေးသာ လိုအပ်ကြောင်း
ထည့်သွင်းပြောကြားခဲ့သည်။

မီးရှို့ဖျက်ဆီးမှုတွင် ဒူးမားရွာအ၀င်အ၀ရှိ ပါလက်စတိုင်းအိမ်နှစ်လုံး လောင်ကျွမ်းခဲ့ပြီး နံရံများတွင်လည်း စော်ကားသည့်မှတ်ချက်များကို ဟီဘရူးဘာသာစကားဖြင့် ရေးသားခဲ့သည်။ မျက်မြင်သက်သေတစ်ဦးကမူ အခင်းဖြစ်ရာနေရာမှ ဂျူးအခြေချေနေထိုင်သူ အနည်းဆုံး ၄ ဦး
ထွက်ပြေးသွားသည်ကို တွေ့ခဲ့ရသည်ဟု ဆိုသည်။

ဒူးမားရွာအနီးတွင် အစ္စရေးက ဆောက်လုပ်ထားသော တရားမ၀င်အိမ်ယာ အနည်းဆုံး ၃ ခု ရှိနေသည်။ အနောက်ဘက်ကမ်းတွင် ၂၀၁၅ ခုနှစ်မှစ၍ အစ္စရေးမှ အခြေချသူများ၏ ပါလက်စတိုင်းများအား တိုက်ခိုက်မှုမှာ အနည်းဆုံး ၁၂၀ ခန့်ရှိသည်ဟု ကုလ၏ မှတ်တမ်းများအရ
သိရသည်။

အစ္စရေးလူ့အခွင့်အရေးအဖွဲ့ဖြစ်သော Yesh Din ကမူ ထိုတိုက်ခိုက်မှုများအတွက် ပါလက်စတိုင်းတို့က အစ္စရေးရဲတပ်ဖွဲ့အား တိုင်ကြားမှုမျာ၏ ၉၂.၆ ရာခိုင်နှုန်းမှာ မည်သည့်အရေးယူမှုမှ မရှိဟု မကြာသေးမီက ထုတ်ပြန်သော အစီရင်ခံစာတွင် ဖော်ပြထားသည်။

Ref: Aljazeera

ဇူလိုင် ၃၁၊ ၂၀၁၅
M-Media

– ဘရာဇီးလ်၏ ဂန္တ၀င်ကစားသမားဟောင်း ဇစ်ကို၏ ဖီဖာဥက္ကဌရွေးကောက်ပွဲ ၀င်ရောက်ယှဉ်ပြိုင်ရန် ဆန္ဒရှိမှုကို ထောက်ခံသွားမည်ဟု ဘရာဇီးလ်ဘောလုံးအဖွဲ့ချုပ် CBF က ကြေညာလိုက်သည်။

ဇစ်ကိုမှာ လာမည့်နှစ်တွင်ပြုလုပ်မည့် ဖီဖာဥက္ကဌရွေးကောက်ပွဲတွင် ၀င်ရောက်ယှဉ်ပြိုင်ရန် ဆန္ဒရှိသည်ဟု မကြာသေးမီက ကြေညာထားသူဖြစ်သည်။ ထို့ကြောင့် ယူအီးအက်ဖ်အေ ဥက္ကဌ ပလာတီနီ၊ ဂျော်ဒန်ဘောလုံးအဖွဲ့ချုပ်ဥက္ကဌ မင်းသား အလီ ဘင် ဟူစိန်နှင့် တောင်ကိုရီးယား ဘောလုံးအဖွဲ့ချုပ်ဥက္ကဌဟောင်း ချန်မွန်ဂျွန်းတို့နှင့် ထိုနေရာအတွက် ယှဉ်ပြိုင်ရမည်ဖြစ်သည်။

ဘရာဇီးလ်ဘောလုံးအဖွဲ့ချုပ်၏ ထောက်ခံမှုကို ရရှိခြင်းမှာ ဇစ်ကိုအတွက် ထူးခြားသည့် အခြေအနေမျိုး ဖြစ်သည်။ သို့သော်လည်း ဖီဖာဥက္ကဌအဖြစ် ၀င်ရောက်ယှဉ်ပြိုင်ရန်အတွက် အခြား ဘောလုံးအဖွဲ့ချုပ် ၄ ခုကလည်း ထောက်ခံရန် လိုအပ်နေပြီး CBF ကမူ စောင့်ကြည့်သွားမည် ဖြစ်သည်။

“ဘရာဇီးလ်နိုင်ငံသားတစ်ယောက်အနေနဲ့ ကျွန်တော့်နိုင်ငံက ဘောလုံးအဖွဲ့ချုပ်ရဲ့ အားပေးမှုမရဘဲနဲ့ မစတင်နိုင်ပါဘူး။ ကျွန်တော်ဟာ လက်ရွေးစင်အသင်းမှာ ၁၀ နှစ်ကြာကစားခဲ့ပြီး ဘရာဇီးလ်အသင်းဂုဏ်တက်အောင် အမြဲတမ်း ကြိုးစားခဲ့ပါတယ်။ ဒါ့ကြောင့် ကျွန်တော့်နိုင်ငံရဲ့ ဒီလိုထောက်ခံမှုမျိုး လိုချင်ခဲ့ပါတယ်” ဟု ဇစ်ကိုက CBF ၀ဘ်ဆိုက်တွင် ဖော်ပြခဲ့သည့် ကြေညာချက်၌ ပြောကြားခဲ့သည်။

ထို့ပြင် ထိုကဲ့သို့ ထောက်ခံမှုရခြင်းဖြင့် လိုအပ်နေသော နောက်ထပ် ဘောလုံးအဖွဲ့ချုပ် ၄ ခုမှ ထောက်ခံချက်ရရှိရေး ကြိုးစားဆောင်ရွက်ရန်နှင့် ဥက္ကဌနေရာအတွက် လူတိုင်း၏ ယုံကြည်မှုရရှိအောင် ကြိုးစားဆောင်ရွက်ရန် တွန်းအားဖြစ်စေခဲ့ကြောင်း ဇစ်ကိုက ထပ်လောင်းပြောကြားခဲ့သည်။

ဇစ်ကိုမှာ ၁၉၇၆ ခုနှစ်မှ ၁၉၈၆ ခုနှစ်များအတွင်း ဘရာဇီးလ်အသင်းအတွက် ၇၁ ပွဲ ကစားပေးခဲ့ပြီး ၄၈ ဂိုး သွင်းယူပေးနိုင်ခဲ့သည်။ ထို့ပြင် ၎င်း၏ ကစားသမားဘ၀ အများစုကို မွေးရပ်မြေ ဖလာမင်ဂိုအသင်း၌ ကုန်ဆုံးခဲ့သည်။

“ကျွန်တော် ပျော်ပါတယ်။ ပြီးတော့ ကျွန်တော့်ကို လက်ခံတဲ့အတွက်လည်း (CBF ဥက္ကဌ မာကိုပိုလို ဒဲလ် နီရို) ကိုလည်း ကျေးဇူးတင်ပါတယ်။ ကျွန်တော် ဖီဖာဥက္ကဌနေရာ ယှဉ်ပြိုင်မယ်လို့ သူ့ကို ပြောခဲ့ပြီး သူ့ရဲ့တုန့်ပြန်မှုအတွက်လည်း ပျော်ရွှင်မိပါတယ်” ဟု ဇစ်ကိုက ထပ်လောင်းပြောကြားခဲ့သည်။

၁၉၉၉ ခုနှစ်မှစ၍ ဇစ်ကိုမှာ နည်းပြလောကထဲသို့ ၀င်ရောက်ခဲ့ပြီး ဖီနာဘာချီ၊ အိုလံပီယာကော့စ်အသင်းများ၊ ဂျပန်နှင့် အီရတ်လက်ရွေးစင်အသင်းများကို နည်းပြခဲ့သည်။ ယခုလက်ရှိတွင် အိန္ဒိယ စူပါလိဂ်ကလပ် အက်ဖ်စီဂိုအာအသင်းအား နည်းပြနေသည်။

Ref: Goal

ဇူလိုင် ၃၁၊ ၂၀၁၅
M-Media

– နှစ်နိုင်ငံ စစ်ရေးနှင့် စီးပွားရေးဆက်ဆံမှုများ တိုးမြှင့်လုပ်ဆောင်ရေးအတွက် ဆော်ဒီအာရေဗျနှင့် အီဂျစ်နိုင်ငံတို့မှာ ကိုင်ရိုသဘောတူညီချက်တစ်ခုကို လက်မှတ်ရေးထိုးခဲ့သည်ဟု သိရသည်။

အီဂျစ်သမ္မတ အဘ်ဒဲလ် ဖာတာ အလ်-စီစီနှင့် ဆော်ဒီကာကွယ်ရေးဝန်ကြီးနှင့် ဒုတိယမြောက် အိမ်ရှေ့မင်းသားဖြစ်သူ မိုဟာမက် ဘင် ဆလ်မန်တို့ ယမန်နေ့က အစည်းအဝေးပြီးနောက် လက်မှတ်ရေးထိုးခဲ့ခြင်းဖြစ်သည်။

ထိုသဘောတူညီချက်တွင် အာရပ်တပ်ပေါင်းစု ဖွဲ့စည်းရေး ဆောင်ရွက်ရန် နှစ်နိုင်ငံခေါင်းဆောင်များက သဘောတူညီခဲ့ကြသည်။ အာရပ်နိုင်ငံများ၏ ကာကွယ်ရေးနှင့် နိုင်ငံခြားရေးဝန်ကြီးများမှာ အဆိုပါတပ်ပေါင်းစု ဖွဲ့စည်းရေးအတွက် သြဂုတ်လ ၂၇ ရက်နေ့တွင် တွေ့ဆုံသွားမည်ဖြစ်သည်။

“ဒေသတွင်းမှာ လုံခြုံရေးနဲ့ တည်ငြိမ်အေးချမ်းမှု တိုးမြှင့်ရေးလုပ်ငန်းတွေ လုပ်ဆောင်ဖို့ လိုအပ်မှုနဲ့ အာရပ်နိုင်ငံတွေရဲ့ အမျိုးသားအကျိုးစီးပွား ကာကွယ်ရေးအတွက် နှစ်ဖက်စလုံးက အလေးထား ဆွေးနွေးခဲ့ကြပါတယ်” ဟု အီဂျစ်သမ္မတရုံးက ပြောကြားခဲ့သည်။

အဆိုပါသဘောတူညီချက်ကို “ကိုင်ရို ကြေညာချက်” ဟု အမည်ပေးခဲ့ပြီး စွမ်းအင်နှင့် ပို့ဆောင်ရေးကဏ္ဍများတွင် ပူးပေါင်းဆောင်ရွက်မှုနှင့် ရင်းနှီးမြှုပ်နှံမှုတို့ တိုးမြှင့်ရန် ကတိပြုခဲ့ကြသည်။

အီဂျစ်သမ္မတ မိုဟာမက်မော်စီ ၂၀၁၃ ခုနှစ်တွင် ဖြုတ်ချခံရပြီးနောက်ပိုင်း အီဂျစ်နှင့် ဆော်ဒီတို့၏ ဆက်ဆံရေးမှာ ပြန်လည် နွေးထွေးလာခဲ့ပြီး အီဂျစ်သို့ ဒေါ်လာ ဘီလီယံနှင့်ချီ၍ အကူအညီများ ဆော်ဒီက ပေးအပ်ခဲ့သည်။

IS အဖွဲ့က ဖေဖော်ဝါရီလတွင် အီဂျစ်နိုင်ငံသား ကော့ပတစ်ခရစ်ယာန်များကို ခေါင်းဖြတ်သတ်ဖြတ်ခဲ့ပြီးနောက် ဒေသတွင်း လက်နက်ကိုင်အုပ်စုများကို ချေမှုန်းရေး အာရပ်တပ်ပေါင်းစုဖွဲ့စည်းရန် အီဂျစ်သမ္မတ စီစီက အပြင်းအထန် တိုက်တွန်းဆော်သြခဲ့သည်။

Ref: Aljazeera

ဇူလိုင် ၃၁၊ ၂၀၁၅
M-Media

– အိန္ဒိယနိုင်ငံ ရှီလောင်းမြို့ရှိ မဒီနာဗလီဝတ်ကျောင်းတော်၏ အစ္စလာမ့်ရေးရာလေ့လာမှု စာကြည့်တိုက်အား ဇူလိုင်လ ၂၇ ရက်နေ့က ကွယ်လွန်သွားခဲ့သည့် အိန္ဒိယသမ္မတဟောင်းနှင့် ထင်ရှားသည့် သိပ္ပံပညာရှင် ဒေါက်တာ အေပီဂျေ အဘ်ဒူလ် ကလာမ်၏ အမည်နာမကို ဂုဏ်ပြုမှည့်ခေါ်သွားမည်ဟု သိရသည်။

ထိုကဲ့သို့ ဂုဏ်ပြုအမည်မှည့်ခေါ်ခြင်းကို ရှီလောင်း မွတ်စလင်သမဂ္ဂမှ အထွေထွေအတွင်းရေးမှူးဖြစ်သူ ဆအီဒွလ္လာဟ် နွန်ဂရမ်က ယမန်နေ့ မဒီနာဗလီဝတ်ကျောင်းတော်တွေင် သေဆုံးသွားသူအတွက် ၀တ်ပြုဆုတောင်းသော ဂျာနာဇာ အထူးဝတ်ပြုမှုအပြီးတွင် ကြေညာခဲ့ခြင်းဖြစ်သည်။ ဒေါက်တာ အဘ်ဒူလ်ကလာမ်မှာ ရှီလောင်းမြို့ရှိ တက္ကသိုလ်တစ်ခုတွင် စာသင်ကြားနေစဉ်အတွင်း ရုတ်တရက် လဲကျကာ ကွယ်လွန်သွားခြင်းဖြစ်သည်။

အဆိုပါအထူးဝတ်ပြုမှုသို့ ရှီလောင်းမြို့ရှိ အစ္စလာမ်ဘာသာဝင် အမြောက်အများ တက်ရောက် ပါဝင်ခဲ့ကြသည်။ ထို့ပြင် ရာမက်စ်ဝါရမ်မြို့တွင်လည်း ထိုကဲ့သို့ အထူးဝတ်ပြုဆုတောင်းမှု ပြုလုပ်ခဲ့ကြသည်။

APJ Abdul Kalam Islamic Library အမည်ဖြင့် အဆိုပါ စာကြည့်တိုက်ဖွင့်ပွဲအခမ်းအနားကို မကြာမီ ပြုလုပ်သွားမည်ဖြစ်သည်။

ဗုဒ္ဓဟူးနေ့နံနက်ပိုင်းက ရှီလောင်းမွတ်စလင်သမဂ္ဂ အဖွဲ့ဝင်များ၊ ပရဟိတအဖွဲ့ဖြစ်သော Meghalaya State Wakf Board မှ အဖွဲ့ဝင်များ၊ Umshyrpi College ကောလိပ်မှ ဆရာ၊ ဆရာမများနှင့် ကျောင်းသား၊ ကျောင်းသူများ၊ Meghalaya တိုက်ကွမ်ဒိုအသင်းမှ အဖွဲ့ဝင်များ စုပေါင်း၍ လာဘန်အီဒ်ဂါကွင်းပြင်တွင် ၀မ်းနည်းခြင်း အထိမ်းအမှတ်အခမ်းအနား ပြုလုပ်ခဲ့ကြသည်။

ထို့ပြင် မဒီနာဗလီဝတ်ကျောင်းတော်နှင့် လိုက်သွမ်ခါရာဟ် အီဒ်ဂါကွင်းပြင်မှ ရှေ့ဆောင်အီမာမ်နှစ်ပါးတို့မှာ ဇူလိုင် ၂၇ ရက်နေ့ညမှ ဇူလိုင် ၂၈ ရက်နေ့ နံနက်ပိုင်းအထိ ညလုံးပေါက် ကုရ်အာန်ကျမ်းတော်မြတ်အား ရွတ်ဖတ်သရဇ္ဈာယ်ကာ ကွယ်လွန်သူ ဒေါက်တာ အဘ်ဒူလ် ကလာမ်အတွက် ဆုတောင်း၍ ကုသိုလ်အကျိုးများ ပေးပို့ခဲ့ကြသည်။

Ref: Northeasttoday

ဇူလိုင် ၃၁၊ ၂၀၁၅
M-Media

– နိုင်ငံအရှေ့မြောက်ပိုင်းတွင် ဘိုကိုဟရမ်များအား နိုက်ဂျီးရီးယားစစ်တပ်၏ ထိုးစစ်ဆင် တိုက်ခိုက်မှုအတွင်း ဖမ်းဆီးခံထားရသည့် အမျိုးသမီးနှင့် မိန်းကလေးများအပါအ၀င် ၇၁ ဦးကို ကယ်တင်နိုင်ခဲ့သည်ဟု သိရသည်။

ယမန်နေ့က ကယ်တင်နိုင်ခဲ့ခြင်းဖြစ်ပြီး စစ်တပ်ပြောရေးဆိုခွင့်ရှိသူ ကာနယ်လ် အိုတီ ဂူဆောင်းကမူ နိုင်ငံအရှေ့မြောက်ပိုင်း အကြီးဆုံးမြို့ဖြစ်သော မိုင်ဒူဂူရီမြို့မှ ကီလိုမီတာ ၄၀ အကွာတွင် ရှိသည့် ရွာများမှ ၁၂ ဦးကို ဗုဒ္ဓဟူးနေ့က ကယ်တင်နိုင်ခဲ့ခြင်းဖြစ်ပြီး ၅၉ ဦးကိုမူ ယမန်နေ့က ကယ်တင်ခဲ့ခြင်းဖြစ်သည်ဟု ဆိုသည်။

“စစ်ဆင်ရေးအတွင်းမှာ အကြမ်းဖက်သမား တော်တော်များများကို သုတ်သင်နိုင်ခဲ့ပါတယ်” ဟု ဂူဆောင်းက ဆိုပြီး အမျိုးသမီး ၂၉ ဦး ကလေးငယ် ၁၂ ဦးနှင့် သက်ကြီးအမျိုးသား ၅ ဦးတို့ ပါဝင်သည်ဟု ထည့်သွင်းပြောကြားခဲ့သည်။

လွတ်မြောက်လာသူများမှ အချို့ကမူ ၎င်းတို့မှာ တစ်နှစ်ခန့် ဖမ်းဆီးခံထားရသော အုပ်စုမှ ဖြစ်သည်ဟု ပြောကြားခဲ့သည်။ ယာဂါနာ ကျာရီဟု အမည်ရသည့် အမျိုးသမီးငယ်တစ်ဦးကမူ ဘိုကိုဟရမ်အဖွဲ့က သတ်ဖြတ်မည်ဟု ခြိမ်းခြောက်နေခြင်းကြောင့် မိမိအနေဖြင့် သေခြင်းတရားကို စောင့်ဆိုင်းနေရခြင်းဖြစ်ကြောင်း AP သတင်းဌာနသို့ ပြောကြားခဲ့သည်။

ဘိုဟိုဟရမ်က သိမ်းပိုက်ထားသည့် ရွာများအားလုံးကို ပြန်လည် ရယူနိုင်ခဲ့သည်ဟု နိုက်ဂျီးရီးယားစစ်တပ်က ကြေညာခဲ့သော မတ်လအတွင်းက ရာပေါင်းများစွာသော အဖမ်းဆီးခံများ လွတ်မြောက်ခဲ့သည်။

သို့သော်လည်း ဘိုကိုဟရမ်မှာ အသေခံဗုံးခွဲမှုများ၊ ဝေးလံခေါင်သီသောဒေသများရှိ ရွာများ၌ တိုက်ခိုက်မှုများ ဆက်တိုက်ပြုလုပ်ခဲ့သည်။ ယခုတစ်ပတ်အစောပိုင်းကလည်း ကလေးငယ် ၂၁ ဦးအပါအ၀င် ဖမ်းဆီးခံ ၃၀ ခန့်ကို လွတ်မြောက်စေခဲ့သည်ဟု နိုက်ဂျီးရီးယားစစ်တပ်က ကြေညာခဲ့သည်။

Ref: Aljazeera

ဇူလိုင် ၃၁၊ ၂၀၁၅
M-Media

– စစ်ကိုင်းတိုင်း ဒေသကြီးအတွင်း ရေဘေးသင့်ပြည်သူများအတွက် အရေးတစ်ကြီးလိုအပ်နေသော အကူအညီများ ပေးပို့နိုင်ရေးအတွက် လှူဒါန်းနိုင်ဖို့ မြန်မာနိုင်ငံလုံးဆိုင်ရာ အိုလမာ အစ္စလာမ်သာသာနာ့ရှင်များအဖွဲ့ (မန္တလေးတိုင်းဒေသကြီး အဖွဲ့ခွဲ) ကနေ ကြေညာချက်တစ်စောင် ထုတ်ပြန်လိုက်ပါတယ်။

ဇူလိုင် ၂၉ ရက်စွဲနဲ့ ထုတ်ပြန်လိုက်တဲ့ အဲဒီ ကြေညာချက်မှာ အလှူငွေများ ၊ အ၀တ်အထည်များ၊ စားသောက်ကုန်ပစ္စည်းများကို သြဂုတ်လ ၃ ရက်နေ့ နောက်ဆုံးထားပြီး ပေးပို့နိုင်ကြောင်း အစ္စလာမ်ဘာသာဝင်များကို တိုက်တွန်းထားပြီး ဆက်သွယ် လှူဒါန်းနိုင်မယ့်
ဖုန်းနံပါတ် ၅ ခုကိုလည်း ထည့်သွင်းပေးထားပါတယ်။

ရရှိလာတဲ့အလှူငွေနဲ့ ပစ္စည်းပစ္စယာတွေကို အိုလမာအဖွဲ့ခွဲရဲ့ ပညာရေးနဲ့ လူမှုရေးအကျိုးဆောင်အဖွဲ့က ကြီးမှူးပြီး သွားရောက်လှူဒါန်းမှာ ဖြစ်ပါတယ်။

အဲဒီကြေညာချက်ကိုတော့ မန္တလေးမြို့ပေါ်နဲ့ ဆင်ခြေဖုံးဒေသတွေက ဗလီဝတ်ကျောင်းတော်တွေရဲ့ ကြေညာသင်ပုန်းမှာ အများပြည်သူများ သိရှိနိုင်ရန်အတွက် ကပ်ထားမှာဖြစ်ပါတယ်။

ဆက်သွယ်လှူဒါန်းနိုင်တဲ့ ဖုန်းနံပါတ်များကတော့ အောက်ပါအတိုင်းဖြစ်ပါတယ်။

– မန္တလေးတိုင်းဒေသကြီး အိုလမာ အစ္စလာမ်သာသနာ့ပညာရှင်များအဖွဲ့ခွဲ ရုံးခန်း (ဖုန်း ၀၂-၂၁၇၄၇၊
၀၂-၃၀၈၇၆)

– အလ်ဟဂ်ျမော်လာနာ ဟာဖစ်ဇ် အစ်ဗရာဟီးမ်ခါန်း (ဖုန်း ၀၉-၂၀၃၁၅၀၀)

– ဟာဂျီဦးမြင့်သိန်း (ရွှေမြိုင်သံဆိုင်) (ဖုန်း ၀၉-၂၁၁၉၇၀၆၊ ၀၉-၉၇၅၃၁၁၃၃၃)

ဇူလိုင် ၃၁၊ ၂၀၁၅
M-Media

– မြန်မာနိုင်ငံအတွင်းရှိ ရေဘေးသင့် ဒေသများအနက် တိုင်းဒေသကြီးနှင့် ပြည်နယ် ၄ ခုတို့အား သဘာဝဘေးအန္တရာယ် ကျရောက်သော ဒေသများအဖြစ် အစိုးရက ကြေညာလိုက်သည်။

အဆိုပါ တိုင်းဒေသကြီးနှင့် ပြည်နယ် ၄ ခုတို့မှာ ချင်းပြည်နယ်၊ စစ်ကိုင်းတိုင်းဒေသကြီး၊ မကွေးတိုင်းဒေသကြီးနှင့် ရခိုင်ပြည်နယ်တို့ ဖြစ်ကြပြီး သဘာဝဘေးအန္တရာယ်ကြောင့် ထိခိုက်ပျက်စီးမှုပမာဏ ကြီးမားကာ မူလအခြေအနေ ပြန်လည်ရောက်ရှိရေး ဆောင်ရွက်ရာတွင် အခက်အခဲရှိမည့် ဒေသများဖြစ်သောကြောင့် သဘာဝဘေးအန္တရာယ်ဆိုင်ရာ စီမံခန့်ခွဲမှု ဥပဒေပုဒ်မ (၁၁) အရ ယခုကဲ့သို့ သဘာဘေးအန္တရာယ်ကျရောက်သော ဒေသများအဖြစ် ကြေညာခြင်းဖြစ်ကြောင်း ဇူလိုင် ၃၁ ရက်နေ့ ရက်စွဲဖြင့် သမ္မတရုံးမှထုတ်ပြန်သော ကြေညာချက်၌ ဖော်ပြထားသည်။

လွန်ခဲ့သည့် သီတင်းပတ်များကတည်းက မိုးသည်းထန်စွာရွာသွန်းမှုကြောင့် မြန်မာနိုင်ငံ၏ ဒေသအများအပြားတွင် ရေကြီးမှု၊ မြေပြိုမှုများ ဖြစ်ပွားခဲ့ခြင်းကြောင့် ပြည်သူများမှာ အတိဒုက္ခများ ရောက်လျက်ရှိနေပြီး ကူညီကယ်ဆယ်ရေးလုပ်ငန်းများကို အလျဉ်အမြန်လုပ်ဆောင်ရန် လိုအပ်နေသည်။

လက်ရှိအချိန်တွင် ပြည်နယ်နှင့်တိုင်းဒေသကြီး ၁၁ ခုတွင် ရေးဘေးအန္တရာယ်ကို ဆိုးရွားစွာကြုံတွေ့နေရကာ သေဆုံး၊ ဒဏ်ရာရသူစာရင်းများ၊ ပျက်ဆီးဆုံးရှုံးမှုစာရင်းများ၊ အိုးအိမ်စွန့်ခွာ ရွှေ့ပြောင်းရသူအရေအတွက်၊ ရေဘေးသင့်နေဒေသများ၊ ပြည်သူများ၏ အရေအတွက်များကို ယခုအချိန်အထိ အစိုးရက တိကျစွာ ထုတ်ပြန်နိုင်ခြင်း မရှိသေးပေ။

သြဂုတ် ၁၊ ၂၀၁၅
M-Media

– အစ္စရေးက သိမ်းပိုက်ပိတ်ဆို့ထားသည့် ပါလက်စတိုင်းပိုင် အနောက်ဘက်ကမ်းတွင် တရားမ၀င် အခြေချနေထိုင်သူဂျူးများက ပါလက်စတိုင်းနေအိမ်ကို မီးရှို့တိုက်ခိုက်မှုအတွင်း ၁၈ လအရွယ် ကလေးငယ် သေဆုံးမှုအတွက် နိုင်ငံတကာ ရာဇ၀တ်ခုံရုံး ICC သို့ တိုင်ကြားသွားမည်ဟု ပါလက်စတိုင်းအစိုးရက ပြောကြားလိုက်သည်။

ထို့ပြင် ထိုအဖြစ်အပျက်အတွက် အစ္စရေးအစိုးရတွင် လုံးဝ တာဝန်ရှိသည်ဟု ပါလက်စတိုင်း လွတ်မြောက်ရေးအဖွဲ့ PLO က ဆိုသည်။

ယမန်နေ့မနက်က ဖြစ်ပွားခဲ့သော အဆိုပါတိုက်ခိုက်မှုကို အစ္စရေးခေါင်းဆောင်များအပါအ၀င် တစ်ကမ္ဘာလုံးက ရှုတ်ချခဲ့ကြသည်။ အစ္စရေးဝန်ကြီးချုပ် နေတန်ယာဟုကမူ ပါလက်စတိုင်းသမ္မတ မဟ်မူဒ်အဘတ်စ်သို့ ဖုန်းခေါ်ဆိုခဲ့ပြီး အကြမ်းဖက်ဝါဒကို အတူတကွ တိုက်ခိုက်ရမည်ဟု ပြောကြားခဲ့သည်။

အဘတ်စ်ကမူ ထိုကိစ္စအတွက် နိုင်ငံတကာ ရာဇ၀တ်ခုံရုံးသို့ တိုင်ကြားရန် နိုင်ငံခြားရေးဝန်ကြီးအား အမိန့်ပေးခဲ့သည်။

“ကျွန်တော်တို့ တရားမျှတမှုအစစ်အမှန်ကို လိုချင်ပါတယ်။ ဒါပေမယ့် အစ္စရေးက ပေးပါ့မလားဆိုတာကို ကျွန်တော်တို့ သံသယ ရှိပါတယ်” ဟု နာဘလုစ်မြို့ မြောက်ပိုင်းအနီး ဒူးမားရွာတွင် ဖြစ်ပွားခဲ့သည့် အဆိုပါအဖြစ်အပျက်နှင့်ပတ်သက်၍ အဘတ်စ်က ပြောကြားခဲ့သည်။

ထို့ပြင် ပါလက်စတိုင်းပိုင်နက်များ၌ တရားမ၀င်အခြေချအိမ်ယာများ ဆောက်လုပ်ခြင်းကို အစ္စရေးအစိုးရက အားပေးနေသမျှ ကာလပတ်လုံး ထိုကဲ့သို့ တိုက်ခိုက်မှုများကို လူရမ်းကားများက ဆက်လက်လုပ်ဆောင်နေဦးမည်ဖြစ်ကြောင်း၊ ထိုကိစ္စမှာ မိမိတို့အားလုံးအတွက် စစ်ရာဇ၀တ်မှုနှင့် ဖြစ်ရပ်ဆိုးကြီးဖြစ်ကြောင်း အဘတ်စ်က စောစောပိုင်းတွင် ပြောကြားခဲ့သည်။

အမေရိကန်အစိုးရကလည်း ထိုတိုက်ခိုက်မှုမှာ ဆိုးရွားသည့် အကြမ်းဖက်တိုက်ခိုက်မှုဖြစ်ကြောင်း ရှုတ်ချခဲ့ပြီး၊ လူသတ်သမားများအား ဖမ်းဆီးရန် အစ္စရေးကို တိုက်တွန်းခဲ့ကာ နှစ်ဖက် တင်းမာမှုများကိုလည်း ရှောင်ရှားရန် ဆော်သြခဲ့သည်။

ဂျူးများ၏ မီးရှို့မှုအတွင်း သေဆုံးသွားသူ အသက် ၁၈ လအရွယ် ကလေးငယ်မှာ အလီ စအဒ် ဒါဝါဘက်ရ်ှဆိုသူဖြစ်ပြီး ယမန်နေ့ နေ့လည်ပိုင်းက မိသားစုများမှ မြှုပ်နှံသင်္ဂြိုဟ်ခဲ့သည်။ မိဘနှစ်ပါးနှင့် အသက် ၄ နှစ်အရွယ် အကိုဖြစ်သူတို့မှာလည်း မီးလောင်မှုဒဏ်ရာကို ဆိုးရွားစွာ ခံနေရကာ အစ္စရေးဆေးရုံတစ်ရုံတွင် ဆေးကုသမှု ခံယူလျက်ရှိနေသည်။

ထိုအဖြစ်အပျက်ကြောင့် ယမန်နေ့က ပါလက်စတိုင်းများမှာ အနောက်ဘက်ကမ်းတွင် ဆန္ဒပြခဲ့ကြပြီး အဆိုပါဆန္ဒပြမှုအတွင်း အစ္စရေးစစ်တပ်က သေနတ်ဖြင့်ပစ်ခတ်ခဲ့ကာ အသက် ၁၄ နှစ်အရွယ် လာအစ် ခါလ်ဒီဆိုသည့် လူငယ်တစ်ဦး ထပ်မံသေဆုံးခဲ့ရသည်။

Ref: Aljazeera

သြဂုတ် ၁၊ ၂၀၁၅
M-Media

– ၎င်းနှင့်တွေ့ဆုံသည့်ပွဲများအတွင်း အနိုင်မရမှုနှင့်ပတ်သက်၍ ချယ်ဆီးနည်းပြ မော်ရင်ဟိုက အာဆင်နယ်နည်းပြ အာဆင်ဝင်းဂါးအား ပျက်ရယ်ပြု ပြောဆိုလိုက်ပြီး၊ တိုနီပူးလစ်မှာ မိမိ ပြိုင်ဘက်ဖြစ်သည်ဟု ဆိုသည်။

အာဆင်ဝင်ဂါးမှာ မော်ရင်ဟိုနှင့် ယခင်တွေ့ဆုံခဲ့သည့် ၁၃ ကြိမ်တွင် နိုင်ပွဲမရရှိခဲ့ဘဲ မနက်ဖြန်တွင်လည်း ၎င်းတို့ ၂ သင်းမှာ ကွန်မြူနီဒိုင်းအဖြစ် ယှဉ်ပြိုင်ကစားရမည်ဖြစ်သည်။

သို့သော်လည်း မော်ရင်ဟိုကမူ ၀င်းဂါး၏ ထိုမှတ်တမ်းအား ပြက်ရယ်ပြုလိုက်ပြီး အာဆင်နယ်၏ အနိုင်မရခဲ့မှုကို အဆုံးသတ်ရန် အဖြေလည်း ရှာတွေ့လိမ့်မည်ဟု ခနဲ့ခဲ့သည်။ ထို့ပြင် တိုနီပူးလစ်ကသာ မိမိအား အန္တရာယ်အပေးနိုင်ဆုံးဟုလည်း ဆိုသည်။

“တိုနီပူးလစ်ကို ၂ ကြိမ်ရှုံးခဲ့တယ်လို့ ကျွန်တော်ထင်ပါတယ်။ ခရစ္စတယ်ပဲလေ့စ်နဲ့တစ်ကြိမ် ၀က်စ်ဘရွန်းနဲ့ တစ်ကြိမ်ပါ” ဟု မော်ရင်ဟိုက ပြောကြားခဲ့သည်။

အာဆင်ဝင်းဂါးအား ထိုကဲ့သို့ ခနဲ့ခဲ့သော်လည်း အာဆင်နယ်မှာ ယခုနှစ်တွင် ချန်ပီယံဆုအတွက် စိန်ခေါ်သူဖြစ်သည်ဟုလည်း မော်ရင်ဟိုက ၀န်ခံခဲ့ကာ မနက်ဖြန်တွင်ကစားမည့် ကွန်မြူနတီဒိုင်းမှာ ချစ်ကျည်ရေးပွဲထက် ပိုလိမ့်မည်ဟု ထည့်သွင်းပြောကြားခဲ့သည်။

“အာဆင်နယ်ဟာ ချန်ပီယံဆုဖလားအတွက် စိန်ခေါ်သူလို့ ကျွန်တော် အမြဲတမ်း တွေးထားခဲ့ပါတယ်။ ကျွန်တော် လွန်ခဲ့တဲ့ ၂ နှစ်က အင်္ဂလန်ကို ဒုတိယံမိ ပြန်ရောက်လာတဲ့အခါ သူတို့မှာ ကောင်းမွန်တဲ့ လူစာရင်း ရှိလာပါတယ်”

Ref: Goal

သြဂုတ် ၁၊ ၂၀၁၅
M-Media

– လွန်ခဲ့သည့် ၁၀ နှစ်ခန့်က အခိုးခံရပြီး အီတလီနိုင်ငံသို့ မှောင်ခိုလမ်းကြောင်းမှ ရောက်ရှိခဲ့သည့် အီရန်တို့၏ အနုပညာလက်ရာ ၃၀ ခန့်ကို အီတလီက ပြန်လည်ပေးအပ်ခဲ့သည်ဟု သိရသည်။

အဆိုပါ အနုပညာလက်ရာများ ပြန်လည်ရရှိရေးအတွက် အီတလီ အနုပညာဆိုင်ရာ တာဝန်ရှိသူများနှင့် အီရန်က နှစ်များစွာ တရားဥပဒေအရ တိုက်ပွဲဝင်ခဲ့ရပြီး အီတလီနိုင်ငံမြောက်ပိုင်း မီလန်မြို့ တရားရုံးမှ အီရန်အား အနိုင်ပေးခဲ့ခြင်းဖြစ်သည်ဟု အီရန်နိုင်ငံပိုင် သတင်းဌာနဖြစ်သော IRNA က ယမန်နေ့တွင် ကြေညာခဲ့သည်။

အဆိုပါ အနုပညာလက်ရာများတွင် အီရန်နိုင်ငံ၏ အစ္စလာမ့်ခေတ်မတိုင်ခင်နှင့် အစ္စလာမ့်ခေတ်လွန် ပစ္စည်းများ ပါဝင်ပြီး ရောမရှိ အရှေ့တိုင်းအနုပညာဆိုင်ရာ အမျိုးသားပြတိုက်တွင် ပြုလုပ်သည့် အခမ်းအနား၌ အီတလီ အနုပညာဆိုင်ရာ ရဲတပ်ဖွဲ့က အီရန်သံရုံးမှ
ကိုယ်စားလှယ်များသို့ လွှဲပြောင်းပေးအပ်ခဲ့ခြင်း ဖြစ်သည်။

အဆိုပါ အခမ်းအနားသို့ ပြတိုက်၏ စီမံခန့်ခွဲရေးရုံးမှ ပါအိုလာ ပီယာဆန်တီနီနှင့် အီရန် ယဉ်ကျေးမှုအမွေအနှစ်အဖွဲ့၏ ဒုတိယအကြီးအကဲဖြစ်သူ မိုဟာမက် ဟာဆန် တာလီဘီယန်တို့လည်း တက်ရောက်ခဲ့ကြသည်။

ယဉ်ကျေးမှုပစ္စည်းများ ကာကွယ်စောင့်ရှောက်ခြင်းဆိုင်ရာ နိုင်ငံတကာ သဘောတူညီချက်အဖြစ် ၁၉၉၅ ခုနှစ်တွင် ရောမ၌ လက်မှတ်ရေးထိုးခဲ့ကြသော ကုလ၏ “ခိုးယူခံရသော သို့မဟုတ် တရားမ၀င်တင်ပို့ရောင်းချသော ယဉ်ကျေးမှုပစ္စည်းများဆိုင်ရာ သဘောတူညီချက်” ကြောင့် ၎င်းတို့၏ အနုပညာလက်ရာပစ္စည်းများကို အီရန်နိုင်ငံက ယခုကဲ့သို့ ပြန်လည် ရရှိခဲ့ခြင်းဖြစ်သည်ဟု
တာလီဘီယန်က ယမန်နေ့တွင် ပြောကြားခဲ့သည်။

အဆိုပါ အနုပညာလက်ရာများအား အီရန်အမျိုးသားပြတိုက်သို့ လွှဲပြောင်းပို့ဆောင်ပေးရေး လုပ်ငန်းစဉ်ကို စက်တင်ဘာလ၌ ရောမရှိ အီရန်သံရုံးတွင် ကျင်းပပြုလုပ်ရန် စီစဉ်ထားသော တရားဝင်အခမ်းအနားတွင် စတင်မည်ဖြစ်သည်။

အီရန်သံရုံးအတွက် ဆောင်ရွက်ပေးခဲ့သည့် ရှေ့နေဖြစ်သူ ဒူအီလီယို ကော်တက်ဆာကမူ အဆိုပါ အနုပညာလက်ရာများကို ၂၀၀၇ ခုနှစ်က အီတလီမြောက်ပိုင်း မွန်ဇာမြို့တွင် ရဲတပ်ဖွဲ့က ဖမ်းဆီးနိုင်ခဲ့ခြင်းဖြစ်သည်ဟု ဆိုသည်။

Ref: PressTV